प्रेष्ठं वो अतिथिं स्तुषे मित्रम् इव प्रियम् । अग्निं रथं न वेद्यम् ॥
preṣṭhaṃ vo atithiṃ stuṣe mitram iva priyam | agniṃ rathaṃ na vedyam ||
Sanskrit only: no published translation is held for this verse.
Library·Ṛgveda Saṃhitā·8·8.84
Ṛgveda Saṃhitā 8.84
कविम् इव प्रचेतसं यं देवासो अध द्विता । नि मर्त्येष्व् आदधुः ॥
kavim iva pracetasaṃ yaṃ devāso adha dvitā | ni martyeṣv ādadhuḥ ||
Sanskrit only: no published translation is held for this verse.
त्वं यविष्ठ दाशुषो नॄंः पाहि शृणुधी गिरः । रक्षा तोकम् उत त्मना ॥
tvaṃ yaviṣṭha dāśuṣo nṝṃḥ pāhi śṛṇudhī giraḥ | rakṣā tokam uta tmanā ||
Sanskrit only: no published translation is held for this verse.
कया ते अग्ने अङ्गिर ऊर्जो नपाद् उपस्तुतिम् । वराय देव मन्यवे ॥
kayā te agne aṅgira ūrjo napād upastutim | varāya deva manyave ||
Sanskrit only: no published translation is held for this verse.
दाशेम कस्य मनसा यज्ञस्य सहसो यहो । कद् उ वोच इदं नमः ॥
dāśema kasya manasā yajñasya sahaso yaho | kad u voca idaṃ namaḥ ||
Sanskrit only: no published translation is held for this verse.
अधा त्वं हि नस् करो विश्वा अस्मभ्यं सुक्षितीः । वाजद्रविणसो गिरः ॥
adhā tvaṃ hi nas karo viśvā asmabhyaṃ sukṣitīḥ | vājadraviṇaso giraḥ ||
Sanskrit only: no published translation is held for this verse.
कस्य नूनम् परीणसो धियो जिन्वसि दम्पते । गोषाता यस्य ते गिरः ॥
kasya nūnam parīṇaso dhiyo jinvasi dampate | goṣātā yasya te giraḥ ||
Sanskrit only: no published translation is held for this verse.
तम् मर्जयन्त सुक्रतुम् पुरोयावानम् आजिषु । स्वेषु क्षयेषु वाजिनम् ॥
tam marjayanta sukratum puroyāvānam ājiṣu | sveṣu kṣayeṣu vājinam ||
Sanskrit only: no published translation is held for this verse.
क्षेति क्षेमेभिः साधुभिर् नकिर् यं घ्नन्ति हन्ति यः । अग्ने सुवीर एधते ॥
kṣeti kṣemebhiḥ sādhubhir nakir yaṃ ghnanti hanti yaḥ | agne suvīra edhate ||
Sanskrit only: no published translation is held for this verse.