आ मे हवं नासत्याश्विना गच्छतं युवम् । मध्वः सोमस्य पीतये ॥
ā me havaṃ nāsatyāśvinā gacchataṃ yuvam | madhvaḥ somasya pītaye ||
Sanskrit only: no published translation is held for this verse.
Library·Ṛgveda Saṃhitā·8·8.85
Ṛgveda Saṃhitā 8.85
इमम् मे स्तोमम् अश्विनेमम् मे शृणुतं हवम् । मध्वः सोमस्य पीतये ॥
imam me stomam aśvinemam me śṛṇutaṃ havam | madhvaḥ somasya pītaye ||
Sanskrit only: no published translation is held for this verse.
अयं वां कृष्णो अश्विना हवते वाजिनीवसू । मध्वः सोमस्य पीतये ॥
ayaṃ vāṃ kṛṣṇo aśvinā havate vājinīvasū | madhvaḥ somasya pītaye ||
Sanskrit only: no published translation is held for this verse.
शृणुतं जरितुर् हवं कृष्णस्य स्तुवतो नरा । मध्वः सोमस्य पीतये ॥
śṛṇutaṃ jaritur havaṃ kṛṣṇasya stuvato narā | madhvaḥ somasya pītaye ||
Sanskrit only: no published translation is held for this verse.
छर्दिर् यन्तम् अदाभ्यं विप्राय स्तुवते नरा । मध्वः सोमस्य पीतये ॥
chardir yantam adābhyaṃ viprāya stuvate narā | madhvaḥ somasya pītaye ||
Sanskrit only: no published translation is held for this verse.
गच्छतं दाशुषो गृहम् इत्था स्तुवतो अश्विना । मध्वः सोमस्य पीतये ॥
gacchataṃ dāśuṣo gṛham itthā stuvato aśvinā | madhvaḥ somasya pītaye ||
Sanskrit only: no published translation is held for this verse.
युञ्जाथां रासभं रथे वीड्वङ्गे वृषण्वसू । मध्वः सोमस्य पीतये ॥
yuñjāthāṃ rāsabhaṃ rathe vīḍvaṅge vṛṣaṇvasū | madhvaḥ somasya pītaye ||
Sanskrit only: no published translation is held for this verse.
त्रिवन्धुरेण त्रिवृता रथेना यातम् अश्विना । मध्वः सोमस्य पीतये ॥
trivandhureṇa trivṛtā rathenā yātam aśvinā | madhvaḥ somasya pītaye ||
Sanskrit only: no published translation is held for this verse.
नू मे गिरो नासत्याश्विना प्रावतं युवम् । मध्वः सोमस्य पीतये ॥
nū me giro nāsatyāśvinā prāvataṃ yuvam | madhvaḥ somasya pītaye ||
Sanskrit only: no published translation is held for this verse.