Ṛgveda Saṃhitā 8.89

बृहद् इन्द्राय गायत मरुतो वृत्रहन्तमम् । येन ज्योतिर् अजनयन्न् ऋतावृधो देवं देवाय जागृवि ॥

bṛhad indrāya gāyata maruto vṛtrahantamam | yena jyotir ajanayann ṛtāvṛdho devaṃ devāya jāgṛvi ||

Sanskrit only: no published translation is held for this verse.

अपाधमद् अभिशस्तीर् अशस्तिहाथेन्द्रो द्युम्न्य् आभवत् । देवास् त इन्द्र सख्याय येमिरे बृहद्भानो मरुद्गण ॥

apādhamad abhiśastīr aśastihāthendro dyumny ābhavat | devās ta indra sakhyāya yemire bṛhadbhāno marudgaṇa ||

Sanskrit only: no published translation is held for this verse.

प्र व इन्द्राय बृहते मरुतो ब्रह्मार्चत । वृत्रं हनति वृत्रहा शतक्रतुर् वज्रेण शतपर्वणा ॥

pra va indrāya bṛhate maruto brahmārcata | vṛtraṃ hanati vṛtrahā śatakratur vajreṇa śataparvaṇā ||

Sanskrit only: no published translation is held for this verse.

अभि प्र भर धृषता धृषन्मनः श्रवश् चित् ते असद् बृहत् । अर्षन्त्व् आपो जवसा वि मातरो हनो वृत्रं जया स्वः ॥

abhi pra bhara dhṛṣatā dhṛṣanmanaḥ śravaś cit te asad bṛhat | arṣantv āpo javasā vi mātaro hano vṛtraṃ jayā svaḥ ||

Sanskrit only: no published translation is held for this verse.

यज् जायथा अपूर्व्य मघवन् वृत्रहत्याय । तत् पृथिवीम् अप्रथयस् तद् अस्तभ्ना उत द्याम् ॥

yaj jāyathā apūrvya maghavan vṛtrahatyāya | tat pṛthivīm aprathayas tad astabhnā uta dyām ||

Sanskrit only: no published translation is held for this verse.

तत् ते यज्ञो अजायत तद् अर्क उत हस्कृतिः । तद् विश्वम् अभिभूर् असि यज् जातं यच् च जन्त्वम् ॥

tat te yajño ajāyata tad arka uta haskṛtiḥ | tad viśvam abhibhūr asi yaj jātaṃ yac ca jantvam ||

Sanskrit only: no published translation is held for this verse.

आमासु पक्वम् ऐरय आ सूर्यं रोहयो दिवि । घर्मं न सामन् तपता सुवृक्तिभिर् जुष्टं गिर्वणसे बृहत् ॥

āmāsu pakvam airaya ā sūryaṃ rohayo divi | gharmaṃ na sāman tapatā suvṛktibhir juṣṭaṃ girvaṇase bṛhat ||

Sanskrit only: no published translation is held for this verse.