आ नो विश्वासु हव्य इन्द्रः समत्सु भूषतु । उप ब्रह्माणि सवनानि वृत्रहा परमज्या ऋचीषमः ॥
ā no viśvāsu havya indraḥ samatsu bhūṣatu | upa brahmāṇi savanāni vṛtrahā paramajyā ṛcīṣamaḥ ||
Sanskrit only: no published translation is held for this verse.
Library·Ṛgveda Saṃhitā·8·8.90
Ṛgveda Saṃhitā 8.90
त्वं दाता प्रथमो राधसाम् अस्य् असि सत्य ईशानकृत् । तुविद्युम्नस्य युज्या वृणीमहे पुत्रस्य शवसो महः ॥
tvaṃ dātā prathamo rādhasām asy asi satya īśānakṛt | tuvidyumnasya yujyā vṛṇīmahe putrasya śavaso mahaḥ ||
Sanskrit only: no published translation is held for this verse.
ब्रह्मा त इन्द्र गिर्वणः क्रियन्ते अनतिद्भुता । इमा जुषस्व हर्यश्व योजनेन्द्र या ते अमन्महि ॥
brahmā ta indra girvaṇaḥ kriyante anatidbhutā | imā juṣasva haryaśva yojanendra yā te amanmahi ||
Sanskrit only: no published translation is held for this verse.
त्वं हि सत्यो मघवन्न् अनानतो वृत्रा भूरि न्यृञ्जसे । स त्वं शविष्ठ वज्रहस्त दाशुषे ऽर्वाञ्चं रयिम् आ कृधि ॥
tvaṃ hi satyo maghavann anānato vṛtrā bhūri nyṛñjase | sa tvaṃ śaviṣṭha vajrahasta dāśuṣe 'rvāñcaṃ rayim ā kṛdhi ||
Sanskrit only: no published translation is held for this verse.
त्वम् इन्द्र यशा अस्य् ऋजीषी शवसस् पते । त्वं वृत्राणि हंस्य् अप्रतीन्य् एक इद् अनुत्ता चर्षणीधृता ॥
tvam indra yaśā asy ṛjīṣī śavasas pate | tvaṃ vṛtrāṇi haṃsy apratīny eka id anuttā carṣaṇīdhṛtā ||
Sanskrit only: no published translation is held for this verse.
तम् उ त्वा नूनम् असुर प्रचेतसं राधो भागम् इवेमहे । महीव कृत्तिः शरणा त इन्द्र प्र ते सुम्ना नो अश्नवन् ॥
tam u tvā nūnam asura pracetasaṃ rādho bhāgam ivemahe | mahīva kṛttiḥ śaraṇā ta indra pra te sumnā no aśnavan ||
Sanskrit only: no published translation is held for this verse.