पान्तम् आ वो अन्धस इन्द्रम् अभि प्र गायत । विश्वासाहं शतक्रतुम् मंहिष्ठं चर्षणीनाम् ॥
pāntam ā vo andhasa indram abhi pra gāyata | viśvāsāhaṃ śatakratum maṃhiṣṭhaṃ carṣaṇīnām ||
Sanskrit only: no published translation is held for this verse.
Library·Ṛgveda Saṃhitā·8·8.92
Ṛgveda Saṃhitā 8.92
पुरुहूतम् पुरुष्टुतं गाथान्यं सनश्रुतम् । इन्द्र इति ब्रवीतन ॥
puruhūtam puruṣṭutaṃ gāthānyaṃ sanaśrutam | indra iti bravītana ||
Sanskrit only: no published translation is held for this verse.
इन्द्र इन् नो महानां दाता वाजानां नृतुः । महां अभिज्ञ्व् आ यमत् ॥
indra in no mahānāṃ dātā vājānāṃ nṛtuḥ | mahāṃ abhijñv ā yamat ||
Sanskrit only: no published translation is held for this verse.
अपाद् उ शिप्र्य् अन्धसः सुदक्षस्य प्रहोषिणः । इन्दोर् इन्द्रो यवाशिरः ॥
apād u śipry andhasaḥ sudakṣasya prahoṣiṇaḥ | indor indro yavāśiraḥ ||
Sanskrit only: no published translation is held for this verse.
तम् व् अभि प्रार्चतेन्द्रं सोमस्य पीतये । तद् इद् ध्य् अस्य वर्धनम् ॥
tam v abhi prārcatendraṃ somasya pītaye | tad id dhy asya vardhanam ||
Sanskrit only: no published translation is held for this verse.
अस्य पीत्वा मदानां देवो देवस्यौजसा । विश्वाभि भुवना भुवत् ॥
asya pītvā madānāṃ devo devasyaujasā | viśvābhi bhuvanā bhuvat ||
Sanskrit only: no published translation is held for this verse.
त्यम् उ वः सत्रासाहं विश्वासु गीर्ष्व् आयतम् । आ च्यावयस्य् ऊतये ॥
tyam u vaḥ satrāsāhaṃ viśvāsu gīrṣv āyatam | ā cyāvayasy ūtaye ||
Sanskrit only: no published translation is held for this verse.
युध्मं सन्तम् अनर्वाणं सोमपाम् अनपच्युतम् । नरम् अवार्यक्रतुम् ॥
yudhmaṃ santam anarvāṇaṃ somapām anapacyutam | naram avāryakratum ||
Sanskrit only: no published translation is held for this verse.
शिक्षा ण इन्द्र राय आ पुरु विद्वां ऋचीषम । अवा नः पार्ये धने ॥
śikṣā ṇa indra rāya ā puru vidvāṃ ṛcīṣama | avā naḥ pārye dhane ||
Sanskrit only: no published translation is held for this verse.
अतश् चिद् इन्द्र ण उपा याहि शतवाजया । इषा सहस्रवाजया ॥
ataś cid indra ṇa upā yāhi śatavājayā | iṣā sahasravājayā ||
Sanskrit only: no published translation is held for this verse.
अयाम धीवतो धियो ऽर्वद्भिः शक्र गोदरे । जयेम पृत्सु वज्रिवः ॥
ayāma dhīvato dhiyo 'rvadbhiḥ śakra godare | jayema pṛtsu vajrivaḥ ||
Sanskrit only: no published translation is held for this verse.
वयम् उ त्वा शतक्रतो गावो न यवसेष्व् आ । उक्थेषु रणयामसि ॥
vayam u tvā śatakrato gāvo na yavaseṣv ā | uktheṣu raṇayāmasi ||
Sanskrit only: no published translation is held for this verse.
विश्वा हि मर्त्यत्वनानुकामा शतक्रतो । अगन्म वज्रिन्न् आशसः ॥
viśvā hi martyatvanānukāmā śatakrato | aganma vajrinn āśasaḥ ||
Sanskrit only: no published translation is held for this verse.
त्वे सु पुत्र शवसो ऽवृत्रन् कामकातयः । न त्वाम् इन्द्राति रिच्यते ॥
tve su putra śavaso 'vṛtran kāmakātayaḥ | na tvām indrāti ricyate ||
Sanskrit only: no published translation is held for this verse.
स नो वृषन् सनिष्ठया सं घोरया द्रवित्न्वा । धियाविड्ढि पुरन्ध्या ॥
sa no vṛṣan saniṣṭhayā saṃ ghorayā dravitnvā | dhiyāviḍḍhi purandhyā ||
Sanskrit only: no published translation is held for this verse.
यस् ते नूनं शतक्रतव् इन्द्र द्युम्नितमो मदः । तेन नूनम् मदे मदेः ॥
yas te nūnaṃ śatakratav indra dyumnitamo madaḥ | tena nūnam made madeḥ ||
Sanskrit only: no published translation is held for this verse.
यस् ते चित्रश्रवस्तमो य इन्द्र वृत्रहन्तमः । य ओजोदातमो मदः ॥
yas te citraśravastamo ya indra vṛtrahantamaḥ | ya ojodātamo madaḥ ||
Sanskrit only: no published translation is held for this verse.
विद्मा हि यस् ते अद्रिवस् त्वादत्तः सत्य सोमपाः । विश्वासु दस्म कृष्टिषु ॥
vidmā hi yas te adrivas tvādattaḥ satya somapāḥ | viśvāsu dasma kṛṣṭiṣu ||
Sanskrit only: no published translation is held for this verse.
इन्द्राय मद्वने सुतम् परि ष्टोभन्तु नो गिरः । अर्कम् अर्चन्तु कारवः ॥
indrāya madvane sutam pari ṣṭobhantu no giraḥ | arkam arcantu kāravaḥ ||
Sanskrit only: no published translation is held for this verse.
यस्मिन् विश्वा अधि श्रियो रणन्ति सप्त संसदः । इन्द्रं सुते हवामहे ॥
yasmin viśvā adhi śriyo raṇanti sapta saṃsadaḥ | indraṃ sute havāmahe ||
Sanskrit only: no published translation is held for this verse.
त्रिकद्रुकेषु चेतनं देवासो यज्ञम् अत्नत । तम् इद् वर्धन्तु नो गिरः ॥
trikadrukeṣu cetanaṃ devāso yajñam atnata | tam id vardhantu no giraḥ ||
Sanskrit only: no published translation is held for this verse.
आ त्वा विशन्त्व् इन्दवः समुद्रम् इव सिन्धवः । न त्वाम् इन्द्राति रिच्यते ॥
ā tvā viśantv indavaḥ samudram iva sindhavaḥ | na tvām indrāti ricyate ||
Sanskrit only: no published translation is held for this verse.
विव्यक्थ महिना वृषन् भक्षं सोमस्य जागृवे । य इन्द्र जठरेषु ते ॥
vivyaktha mahinā vṛṣan bhakṣaṃ somasya jāgṛve | ya indra jaṭhareṣu te ||
Sanskrit only: no published translation is held for this verse.
अरं त इन्द्र कुक्षये सोमो भवतु वृत्रहन् । अरं धामभ्य इन्दवः ॥
araṃ ta indra kukṣaye somo bhavatu vṛtrahan | araṃ dhāmabhya indavaḥ ||
Sanskrit only: no published translation is held for this verse.
अरम् अश्वाय गायति श्रुतकक्षो अरं गवे । अरम् इन्द्रस्य धाम्ने ॥
aram aśvāya gāyati śrutakakṣo araṃ gave | aram indrasya dhāmne ||
Sanskrit only: no published translation is held for this verse.
अरं हि ष्म सुतेषु णः सोमेष्व् इन्द्र भूषसि । अरं ते शक्र दावने ॥
araṃ hi ṣma suteṣu ṇaḥ someṣv indra bhūṣasi | araṃ te śakra dāvane ||
Sanskrit only: no published translation is held for this verse.
पराकात्ताच् चिद् अद्रिवस् त्वां नक्षन्त नो गिरः । अरं गमाम ते वयम् ॥
parākāttāc cid adrivas tvāṃ nakṣanta no giraḥ | araṃ gamāma te vayam ||
Sanskrit only: no published translation is held for this verse.
एवा ह्य् असि वीरयुर् एवा शूर उत स्थिरः । एवा ते राध्यम् मनः ॥
evā hy asi vīrayur evā śūra uta sthiraḥ | evā te rādhyam manaḥ ||
Sanskrit only: no published translation is held for this verse.
एवा रातिस् तुवीमघ विश्वेभिर् धायि धातृभिः । अधा चिद् इन्द्र मे सचा ॥
evā rātis tuvīmagha viśvebhir dhāyi dhātṛbhiḥ | adhā cid indra me sacā ||
Sanskrit only: no published translation is held for this verse.
मो षु ब्रह्मेव तन्द्रयुर् भुवो वाजानाम् पते । मत्स्वा सुतस्य गोमतः ॥
mo ṣu brahmeva tandrayur bhuvo vājānām pate | matsvā sutasya gomataḥ ||
Sanskrit only: no published translation is held for this verse.
मा न इन्द्राभ्य् आदिशः सूरो अक्तुष्व् आ यमन् । त्वा युजा वनेम तत् ॥
mā na indrābhy ādiśaḥ sūro aktuṣv ā yaman | tvā yujā vanema tat ||
Sanskrit only: no published translation is held for this verse.
त्वयेद् इन्द्र युजा वयम् प्रति ब्रुवीमहि स्पृधः । त्वम् अस्माकं तव स्मसि ॥
tvayed indra yujā vayam prati bruvīmahi spṛdhaḥ | tvam asmākaṃ tava smasi ||
Sanskrit only: no published translation is held for this verse.
त्वाम् इद् धि त्वायवो ऽनुनोनुवतश् चरान् । सखाय इन्द्र कारवः ॥
tvām id dhi tvāyavo 'nunonuvataś carān | sakhāya indra kāravaḥ ||
Sanskrit only: no published translation is held for this verse.