उद् घेद् अभि श्रुतामघं वृषभं नर्यापसम् । अस्तारम् एषि सूर्य ॥
ud ghed abhi śrutāmaghaṃ vṛṣabhaṃ naryāpasam | astāram eṣi sūrya ||
Sanskrit only: no published translation is held for this verse.
Library·Ṛgveda Saṃhitā·8·8.93
Ṛgveda Saṃhitā 8.93
नव यो नवतिम् पुरो बिभेद बाह्वोजसा । अहिं च वृत्रहावधीत् ॥
nava yo navatim puro bibheda bāhvojasā | ahiṃ ca vṛtrahāvadhīt ||
Sanskrit only: no published translation is held for this verse.
स न इन्द्रः शिवः सखाश्वावद् गोमद् यवमत् । उरुधारेव दोहते ॥
sa na indraḥ śivaḥ sakhāśvāvad gomad yavamat | urudhāreva dohate ||
Sanskrit only: no published translation is held for this verse.
यद् अद्य कच् च वृत्रहन्न् उदगा अभि सूर्य । सर्वं तद् इन्द्र ते वशे ॥
yad adya kac ca vṛtrahann udagā abhi sūrya | sarvaṃ tad indra te vaśe ||
Sanskrit only: no published translation is held for this verse.
यद् वा प्रवृद्ध सत्पते न मरा इति मन्यसे । उतो तत् सत्यम् इत् तव ॥
yad vā pravṛddha satpate na marā iti manyase | uto tat satyam it tava ||
Sanskrit only: no published translation is held for this verse.
ये सोमासः परावति ये अर्वावति सुन्विरे । सर्वांस् तां इन्द्र गच्छसि ॥
ye somāsaḥ parāvati ye arvāvati sunvire | sarvāṃs tāṃ indra gacchasi ||
Sanskrit only: no published translation is held for this verse.
तम् इन्द्रं वाजयामसि महे वृत्राय हन्तवे । स वृषा वृषभो भुवत् ॥
tam indraṃ vājayāmasi mahe vṛtrāya hantave | sa vṛṣā vṛṣabho bhuvat ||
Sanskrit only: no published translation is held for this verse.
इन्द्रः स दामने कृत ओजिष्ठः स मदे हितः । द्युम्नी श्लोकी स सोम्यः ॥
indraḥ sa dāmane kṛta ojiṣṭhaḥ sa made hitaḥ | dyumnī ślokī sa somyaḥ ||
Sanskrit only: no published translation is held for this verse.
गिरा वज्रो न सम्भृतः सबलो अनपच्युतः । ववक्ष ऋष्वो अस्तृतः ॥
girā vajro na sambhṛtaḥ sabalo anapacyutaḥ | vavakṣa ṛṣvo astṛtaḥ ||
Sanskrit only: no published translation is held for this verse.
दुर्गे चिन् नः सुगं कृधि गृणान इन्द्र गिर्वणः । त्वं च मघवन् वशः ॥
durge cin naḥ sugaṃ kṛdhi gṛṇāna indra girvaṇaḥ | tvaṃ ca maghavan vaśaḥ ||
Sanskrit only: no published translation is held for this verse.
यस्य ते नू चिद् आदिशं न मिनन्ति स्वराज्यम् । न देवो नाध्रिगुर् जनः ॥
yasya te nū cid ādiśaṃ na minanti svarājyam | na devo nādhrigur janaḥ ||
Sanskrit only: no published translation is held for this verse.
अधा ते अप्रतिष्कुतं देवी शुष्मं सपर्यतः । उभे सुशिप्र रोदसी ॥
adhā te apratiṣkutaṃ devī śuṣmaṃ saparyataḥ | ubhe suśipra rodasī ||
Sanskrit only: no published translation is held for this verse.
त्वम् एतद् अधारयः कृष्णासु रोहिणीषु च । परुष्णीषु रुशत् पयः ॥
tvam etad adhārayaḥ kṛṣṇāsu rohiṇīṣu ca | paruṣṇīṣu ruśat payaḥ ||
Sanskrit only: no published translation is held for this verse.
वि यद् अहेर् अध त्विषो विश्वे देवासो अक्रमुः । विदन् मृगस्य तां अमः ॥
vi yad aher adha tviṣo viśve devāso akramuḥ | vidan mṛgasya tāṃ amaḥ ||
Sanskrit only: no published translation is held for this verse.
आद् उ मे निवरो भुवद् वृत्रहादिष्ट पौंस्यम् । अजातशत्रुर् अस्तृतः ॥
ād u me nivaro bhuvad vṛtrahādiṣṭa pauṃsyam | ajātaśatrur astṛtaḥ ||
Sanskrit only: no published translation is held for this verse.
श्रुतं वो वृत्रहन्तमम् प्र शर्धं चर्षणीनाम् । आ शुषे राधसे महे ॥
śrutaṃ vo vṛtrahantamam pra śardhaṃ carṣaṇīnām | ā śuṣe rādhase mahe ||
Sanskrit only: no published translation is held for this verse.
अया धिया च गव्यया पुरुणामन् पुरुष्टुत । यत् सोमे-सोम आभवः ॥
ayā dhiyā ca gavyayā puruṇāman puruṣṭuta | yat some-soma ābhavaḥ ||
Sanskrit only: no published translation is held for this verse.
बोधिन्मना इद् अस्तु नो वृत्रहा भूर्यासुतिः । शृणोतु शक्र आशिषम् ॥
bodhinmanā id astu no vṛtrahā bhūryāsutiḥ | śṛṇotu śakra āśiṣam ||
Sanskrit only: no published translation is held for this verse.
कया त्वं न ऊत्याभि प्र मन्दसे वृषन् । कया स्तोतृभ्य आ भर ॥
kayā tvaṃ na ūtyābhi pra mandase vṛṣan | kayā stotṛbhya ā bhara ||
Sanskrit only: no published translation is held for this verse.
कस्य वृषा सुते सचा नियुत्वान् वृषभो रणत् । वृत्रहा सोमपीतये ॥
kasya vṛṣā sute sacā niyutvān vṛṣabho raṇat | vṛtrahā somapītaye ||
Sanskrit only: no published translation is held for this verse.
अभी षु णस् त्वं रयिम् मन्दसानः सहस्रिणम् । प्रयन्ता बोधि दाशुषे ॥
abhī ṣu ṇas tvaṃ rayim mandasānaḥ sahasriṇam | prayantā bodhi dāśuṣe ||
Sanskrit only: no published translation is held for this verse.
पत्नीवन्तः सुता इम उशन्तो यन्ति वीतये । अपां जग्मिर् निचुम्पुणः ॥
patnīvantaḥ sutā ima uśanto yanti vītaye | apāṃ jagmir nicumpuṇaḥ ||
Sanskrit only: no published translation is held for this verse.
इष्टा होत्रा असृक्षतेन्द्रं वृधासो अध्वरे । अच्छावभृथम् ओजसा ॥
iṣṭā hotrā asṛkṣatendraṃ vṛdhāso adhvare | acchāvabhṛtham ojasā ||
Sanskrit only: no published translation is held for this verse.
इह त्या सधमाद्या हरी हिरण्यकेश्या । वोळ्हाम् अभि प्रयो हितम् ॥
iha tyā sadhamādyā harī hiraṇyakeśyā | voḷhām abhi prayo hitam ||
Sanskrit only: no published translation is held for this verse.
तुभ्यं सोमाः सुता इमे स्तीर्णम् बर्हिर् विभावसो । स्तोतृभ्य इन्द्रम् आ वह ॥
tubhyaṃ somāḥ sutā ime stīrṇam barhir vibhāvaso | stotṛbhya indram ā vaha ||
Sanskrit only: no published translation is held for this verse.
आ ते दक्षं वि रोचना दधद् रत्ना वि दाशुषे । स्तोतृभ्य इन्द्रम् अर्चत ॥
ā te dakṣaṃ vi rocanā dadhad ratnā vi dāśuṣe | stotṛbhya indram arcata ||
Sanskrit only: no published translation is held for this verse.
आ ते दधामीन्द्रियम् उक्था विश्वा शतक्रतो । स्तोतृभ्य इन्द्र मृळय ॥
ā te dadhāmīndriyam ukthā viśvā śatakrato | stotṛbhya indra mṛḷaya ||
Sanskrit only: no published translation is held for this verse.
भद्रम्-भद्रं न आ भरेषम् ऊर्जं शतक्रतो । यद् इन्द्र मृळयासि नः ॥
bhadram-bhadraṃ na ā bhareṣam ūrjaṃ śatakrato | yad indra mṛḷayāsi naḥ ||
Sanskrit only: no published translation is held for this verse.
स नो विश्वान्य् आ भर सुवितानि शतक्रतो । यद् इन्द्र मृळयासि नः ॥
sa no viśvāny ā bhara suvitāni śatakrato | yad indra mṛḷayāsi naḥ ||
Sanskrit only: no published translation is held for this verse.
त्वाम् इद् वृत्रहन्तम सुतावन्तो हवामहे । यद् इन्द्र मृळयासि नः ॥
tvām id vṛtrahantama sutāvanto havāmahe | yad indra mṛḷayāsi naḥ ||
Sanskrit only: no published translation is held for this verse.
उप नो हरिभिः सुतं याहि मदानाम् पते । उप नो हरिभिः सुतम् ॥
upa no haribhiḥ sutaṃ yāhi madānām pate | upa no haribhiḥ sutam ||
Sanskrit only: no published translation is held for this verse.
द्विता यो वृत्रहन्तमो विद इन्द्रः शतक्रतुः । उप नो हरिभिः सुतम् ॥
dvitā yo vṛtrahantamo vida indraḥ śatakratuḥ | upa no haribhiḥ sutam ||
Sanskrit only: no published translation is held for this verse.
त्वं हि वृत्रहन्न् एषाम् पाता सोमानाम् असि । उप नो हरिभिः सुतम् ॥
tvaṃ hi vṛtrahann eṣām pātā somānām asi | upa no haribhiḥ sutam ||
Sanskrit only: no published translation is held for this verse.
इन्द्र इषे ददातु न ऋभुक्षणम् ऋभुं रयिम् । वाजी ददातु वाजिनम् ॥
indra iṣe dadātu na ṛbhukṣaṇam ṛbhuṃ rayim | vājī dadātu vājinam ||
Sanskrit only: no published translation is held for this verse.