Ṛgveda Saṃhitā 8.99

त्वाम् इदा ह्यो नरो ऽपीप्यन् वज्रिन् भूर्णयः । स इन्द्र स्तोमवाहसाम् इह श्रुध्य् उप स्वसरम् आ गहि ॥

tvām idā hyo naro 'pīpyan vajrin bhūrṇayaḥ | sa indra stomavāhasām iha śrudhy upa svasaram ā gahi ||

Sanskrit only: no published translation is held for this verse.

मत्स्वा सुशिप्र हरिवस् तद् ईमहे त्वे आ भूषन्ति वेधसः । तव श्रवांस्य् उपमान्य् उक्थ्या सुतेष्व् इन्द्र गिर्वणः ॥

matsvā suśipra harivas tad īmahe tve ā bhūṣanti vedhasaḥ | tava śravāṃsy upamāny ukthyā suteṣv indra girvaṇaḥ ||

Sanskrit only: no published translation is held for this verse.

श्रायन्त इव सूर्यं विश्वेद् इन्द्रस्य भक्षत । वसूनि जाते जनमान ओजसा प्रति भागं न दीधिम ॥

śrāyanta iva sūryaṃ viśved indrasya bhakṣata | vasūni jāte janamāna ojasā prati bhāgaṃ na dīdhima ||

Sanskrit only: no published translation is held for this verse.

अनर्शरातिं वसुदाम् उप स्तुहि भद्रा इन्द्रस्य रातयः । सो अस्य कामं विधतो न रोषति मनो दानाय चोदयन् ॥

anarśarātiṃ vasudām upa stuhi bhadrā indrasya rātayaḥ | so asya kāmaṃ vidhato na roṣati mano dānāya codayan ||

Sanskrit only: no published translation is held for this verse.

त्वम् इन्द्र प्रतूर्तिष्व् अभि विश्वा असि स्पृधः । अशस्तिहा जनिता विश्वतूर् असि त्वं तूर्य तरुष्यतः ॥

tvam indra pratūrtiṣv abhi viśvā asi spṛdhaḥ | aśastihā janitā viśvatūr asi tvaṃ tūrya taruṣyataḥ ||

Sanskrit only: no published translation is held for this verse.

अनु ते शुष्मं तुरयन्तम् ईयतुः क्षोणी शिशुं न मातरा । विश्वास् ते स्पृधः श्नथयन्त मन्यवे वृत्रं यद् इन्द्र तूर्वसि ॥

anu te śuṣmaṃ turayantam īyatuḥ kṣoṇī śiśuṃ na mātarā | viśvās te spṛdhaḥ śnathayanta manyave vṛtraṃ yad indra tūrvasi ||

Sanskrit only: no published translation is held for this verse.

इत ऊती वो अजरम् प्रहेतारम् अप्रहितम् । आशुं जेतारं हेतारं रथीतमम् अतूर्तं तुग्र्यावृधम् ॥

ita ūtī vo ajaram prahetāram aprahitam | āśuṃ jetāraṃ hetāraṃ rathītamam atūrtaṃ tugryāvṛdham ||

Sanskrit only: no published translation is held for this verse.

इष्कर्तारम् अनिष्कृतं सहस्कृतं शतमूतिं शतक्रतुम् । समानम् इन्द्रम् अवसे हवामहे वसवानं वसूजुवम् ॥

iṣkartāram aniṣkṛtaṃ sahaskṛtaṃ śatamūtiṃ śatakratum | samānam indram avase havāmahe vasavānaṃ vasūjuvam ||

Sanskrit only: no published translation is held for this verse.