Library·Ṛgveda Saṃhitā·9·9.103
प्र पुनानाय वेधसे सोमाय वच उद्यतम् । भृतिं न भरा मतिभिर् जुजोषते ॥
pra punānāya vedhase somāya vaca udyatam | bhṛtiṃ na bharā matibhir jujoṣate ||
To Soma who is purified as ordering Priest the song is raised: Bring meed, as 'twere, to one who makes thee glad with hymns.
Translated by Ralph T. H. Griffith (1896)
परि वाराण्य् अव्यया गोभिर् अञ्जानो अर्षति । त्री षधस्था पुनानः कृणुते हरिः ॥
pari vārāṇy avyayā gobhir añjāno arṣati | trī ṣadhasthā punānaḥ kṛṇute hariḥ ||
Blended with milk and curds he flows on through the long wool of the sheep. The Gold-hued, purified, makes him three seats for rest.
Translated by Ralph T. H. Griffith (1896)
परि कोशम् मधुश्चुतम् अव्यये वारे अर्षति । अभि वाणीर् ऋषीणां सप्त नूषत ॥
pari kośam madhuścutam avyaye vāre arṣati | abhi vāṇīr ṛṣīṇāṃ sapta nūṣata ||
On through the long wool of the sheep to the meath-dropping vat he flows: The Rsis' sevenfold quire hath sung aloud to him.
Translated by Ralph T. H. Griffith (1896)
परि णेता मतीनां विश्वदेवो अदाभ्यः । सोमः पुनानश् चम्वोर् विशद् धरिः ॥
pari ṇetā matīnāṃ viśvadevo adābhyaḥ | somaḥ punānaś camvor viśad dhariḥ ||
Shared by all Gods, Infallible, the Leader of our holy hymns, Golden-hued Soma, being cleansed, hath reached the bowls.
Translated by Ralph T. H. Griffith (1896)
परि दैवीर् अनु स्वधा इन्द्रेण याहि सरथम् । पुनानो वाघद् वाघद्भिर् अमर्त्यः ॥
pari daivīr anu svadhā indreṇa yāhi saratham | punāno vāghad vāghadbhir amartyaḥ ||
After thy Godlike qualities, associate with Indra, go, As a Priest purified by priests, Immortal One.
Translated by Ralph T. H. Griffith (1896)
परि सप्तिर् न वाजयुर् देवो देवेभ्यः सुतः । व्यानशिः पवमानो वि धावति ॥
pari saptir na vājayur devo devebhyaḥ sutaḥ | vyānaśiḥ pavamāno vi dhāvati ||
Like a car-horse who shows his strength, a God effused for Deities. The penetrating Pavamana flows along.
Translated by Ralph T. H. Griffith (1896)