असृग्रम् इन्दवः पथा धर्मन्न् ऋतस्य सुश्रियः । विदाना अस्य योजनम् ॥
asṛgram indavaḥ pathā dharmann ṛtasya suśriyaḥ | vidānā asya yojanam ||
Sanskrit only: no published translation is held for this verse.
Library·Ṛgveda Saṃhitā·9·9.7
Ṛgveda Saṃhitā 9.7
प्र धारा मध्वो अग्रियो महीर् अपो वि गाहते । हविर् हविष्षु वन्द्यः ॥
pra dhārā madhvo agriyo mahīr apo vi gāhate | havir haviṣṣu vandyaḥ ||
Sanskrit only: no published translation is held for this verse.
प्र युजो वाचो अग्रियो वृषाव चक्रदद् वने । सद्माभि सत्यो अध्वरः ॥
pra yujo vāco agriyo vṛṣāva cakradad vane | sadmābhi satyo adhvaraḥ ||
Sanskrit only: no published translation is held for this verse.
परि यत् काव्या कविर् नृम्णा वसानो अर्षति । स्वर् वाजी सिषासति ॥
pari yat kāvyā kavir nṛmṇā vasāno arṣati | svar vājī siṣāsati ||
Sanskrit only: no published translation is held for this verse.
पवमानो अभि स्पृधो विशो राजेव सीदति । यद् ईम् ऋण्वन्ति वेधसः ॥
pavamāno abhi spṛdho viśo rājeva sīdati | yad īm ṛṇvanti vedhasaḥ ||
Sanskrit only: no published translation is held for this verse.
अव्यो वारे परि प्रियो हरिर् वनेषु सीदति । रेभो वनुष्यते मती ॥
avyo vāre pari priyo harir vaneṣu sīdati | rebho vanuṣyate matī ||
Sanskrit only: no published translation is held for this verse.
स वायुम् इन्द्रम् अश्विना साकम् मदेन गच्छति । रणा यो अस्य धर्मभिः ॥
sa vāyum indram aśvinā sākam madena gacchati | raṇā yo asya dharmabhiḥ ||
Sanskrit only: no published translation is held for this verse.
आ मित्रावरुणा भगम् मध्वः पवन्त ऊर्मयः । विदाना अस्य शक्मभिः ॥
ā mitrāvaruṇā bhagam madhvaḥ pavanta ūrmayaḥ | vidānā asya śakmabhiḥ ||
Sanskrit only: no published translation is held for this verse.
अस्मभ्यं रोदसी रयिम् मध्वो वाजस्य सातये । श्रवो वसूनि सं जितम् ॥
asmabhyaṃ rodasī rayim madhvo vājasya sātaye | śravo vasūni saṃ jitam ||
Sanskrit only: no published translation is held for this verse.