Library·Ṛgveda Saṃhitā·9·9.98
अभि नो वाजसातमं रयिम् अर्ष पुरुस्पृहम् । इन्दो सहस्रभर्णसं तुविद्युम्नं विभ्वासहम् ॥
abhi no vājasātamaṃ rayim arṣa puruspṛham | indo sahasrabharṇasaṃ tuvidyumnaṃ vibhvāsaham ||
Stream on us riches that are sought by many, best at winning strength Riches, O Indu, thousand fold, glorious, conquering the great.
Translated by Ralph T. H. Griffith (1896)
परि ष्य सुवानो अव्ययं रथे न वर्माव्यत । इन्दुर् अभि द्रुणा हितो हियानो धाराभिर् अक्षाः ॥
pari ṣya suvāno avyayaṃ rathe na varmāvyata | indur abhi druṇā hito hiyāno dhārābhir akṣāḥ ||
Effused, he hath, as on a car, invested him in fleecy mail: Onward hath Indu flowed in streams, impelled, surrounded by the wood.
Translated by Ralph T. H. Griffith (1896)
परि ष्य सुवानो अक्षा इन्दुर् अव्ये मदच्युतः । धारा य ऊर्ध्वो अध्वरे भ्राजा नैति गव्ययुः ॥
pari ṣya suvāno akṣā indur avye madacyutaḥ | dhārā ya ūrdhvo adhvare bhrājā naiti gavyayuḥ ||
Effused, this Indu hath flowed on, distilling rapture, to the fleece: He goes erect, as seeking kine in stream, with light, to sacrifice.
Translated by Ralph T. H. Griffith (1896)
स हि त्वं देव शश्वते वसु मर्ताय दाशुषे । इन्दो सहस्रिणं रयिं शतात्मानं विवाससि ॥
sa hi tvaṃ deva śaśvate vasu martāya dāśuṣe | indo sahasriṇaṃ rayiṃ śatātmānaṃ vivāsasi ||
For thou thyself, O Indu, God, to every mortal worshipper Attractest riches thousand fold, made manifest in hundred forms.
Translated by Ralph T. H. Griffith (1896)
वयं ते अस्य वृत्रहन् वसो वस्वः पुरुस्पृहः । नि नेदिष्ठतमा इषः स्याम सुम्नस्याध्रिगो ॥
vayaṃ te asya vṛtrahan vaso vasvaḥ puruspṛhaḥ | ni nediṣṭhatamā iṣaḥ syāma sumnasyādhrigo ||
Good Vrtra-slayer, may we be still nearest to this wealth of thine Which many crave, nearest to food and happiness, Resistless One!
Translated by Ralph T. H. Griffith (1896)
द्विर् यम् पञ्च स्वयशसं स्वसारो अद्रिसंहतम् । प्रियम् इन्द्रस्य काम्यम् प्रस्नापयन्त्य् ऊर्मिणम् ॥
dvir yam pañca svayaśasaṃ svasāro adrisaṃhatam | priyam indrasya kāmyam prasnāpayanty ūrmiṇam ||
Whom, bright with native splendour, crushed between the pair of pressing stones The wavy Friend whom Indra loves-the twice-five sisters dip and bathe,
Translated by Ralph T. H. Griffith (1896)
परि त्यं हर्यतं हरिम् बभ्रुम् पुनन्ति वारेण । यो देवान् विश्वां इत् परि मदेन सह गच्छति ॥
pari tyaṃ haryataṃ harim babhrum punanti vāreṇa | yo devān viśvāṃ it pari madena saha gacchati ||
Him with the fleece they purify, brown, golden-hued, beloved of all, Who with exhilarating juice goes forth to all the Deities.
Translated by Ralph T. H. Griffith (1896)
अस्य वो ह्य् अवसा पान्तो दक्षसाधनम् । यः सूरिषु श्रवो बृहद् दधे स्वर् ण हर्यतः ॥
asya vo hy avasā pānto dakṣasādhanam | yaḥ sūriṣu śravo bṛhad dadhe svar ṇa haryataḥ ||
Through longing for this sap of yours ye drink what brings ability, Even him who, dear as heaven's own light, gives to our princes high renown.
Translated by Ralph T. H. Griffith (1896)
स वां यज्ञेषु मानवी इन्दुर् जनिष्ट रोदसी । देवो देवी गिरिष्ठा अस्रेधन् तं तुविष्वणि ॥
sa vāṃ yajñeṣu mānavī indur janiṣṭa rodasī | devo devī giriṣṭhā asredhan taṃ tuviṣvaṇi ||
Indu at holy rites produced you, Heaven and Earth, the Friends of men, Hill-haunting God the Goddesses. They bruised him where the roar was loud.
Translated by Ralph T. H. Griffith (1896)
इन्द्राय सोम पातवे वृत्रघ्ने परि षिच्यसे । नरे च दक्षिणावते देवाय सदनासदे ॥
indrāya soma pātave vṛtraghne pari ṣicyase | nare ca dakṣiṇāvate devāya sadanāsade ||
For Vrtra-slaying Indra, thou, Soma, art poured that he may drink, Poured for the guerdon-giving man, poured for the God who sitteth there.
Translated by Ralph T. H. Griffith (1896)
ते प्रत्नासो व्युष्टिषु सोमाः पवित्रे अक्षरन् । अपप्रोथन्तः सनुतर् हुरश्चितः प्रातस् तां अप्रचेतसः ॥
te pratnāso vyuṣṭiṣu somāḥ pavitre akṣaran | apaprothantaḥ sanutar huraścitaḥ prātas tāṃ apracetasaḥ ||
These ancient Somas, at the break of day, have flowed into the sieve, Snorting away at early morn these foolish evil-hearted ones.
Translated by Ralph T. H. Griffith (1896)
तं सखायः पुरोरुचं यूयं वयं च सूरयः । अश्याम वाजगन्ध्यं सनेम वाजपस्त्यम् ॥
taṃ sakhāyaḥ purorucaṃ yūyaṃ vayaṃ ca sūrayaḥ | aśyāma vājagandhyaṃ sanema vājapastyam ||
Friends, may the princes, ye and we, obtain this Most Resplendent One. Gain him who hath the smell of strength, win him whose home is very strength.
Translated by Ralph T. H. Griffith (1896)