Kalidasa: Raghuvamsa 18

स नैषधस्यार्थपतेः सुतायाम् उत्पादयाम् आस निषिद्धशत्रुः । अनूनसारं निषधान् नगेन्द्रात् पुत्रं यम् आहुर् निषधाख्यम् एव

sa naiṣadhasyārthapateḥ sutāyām utpādayām āsa niṣiddhaśatruḥ / anūnasāraṃ niṣadhān nagendrāt putraṃ yam āhur niṣadhākhyam eva

Sanskrit only: no published translation is held for this verse.

तेनोरुवीर्येण पिता प्रजायै कल्पिष्यमाणेन ननन्द यूना । सुवृष्तियोगाद् इव जीवलोकः सस्येन संपत्तिफलात्मकेन

tenoruvīryeṇa pitā prajāyai kalpiṣyamāṇena nananda yūnā / suvṛṣtiyogād iva jīvalokaḥ sasyena saṃpattiphalātmakena

Sanskrit only: no published translation is held for this verse.

शब्दादि निर्विश्य सुखं चिराय तस्मिन् प्रतिष्ठापितराजशब्दः । कौमुद्वतेयः कुमुदावदातैर् द्याम् अर्जितां कर्मभिर् आरुरोह

śabdādi nirviśya sukhaṃ cirāya tasmin pratiṣṭhāpitarājaśabdaḥ / kaumudvateyaḥ kumudāvadātair dyām arjitāṃ karmabhir āruroha

Sanskrit only: no published translation is held for this verse.

पौत्रः कुशस्यापि कुशेशयाक्षः ससागरां सागरधीरचेताः । एकातपोअत्रां भुवम् एकवीरः पुरार्गलादीर्घभुजो बुभोज

pautraḥ kuśasyāpi kuśeśayākṣaḥ sasāgarāṃ sāgaradhīracetāḥ / ekātapoatrāṃ bhuvam ekavīraḥ purārgalādīrghabhujo bubhoja

Sanskrit only: no published translation is held for this verse.

तस्यानलौजास् तनयस् तदन्ते वंशश्रियं प्राप नलाभिधानः । यो नड्वलानीव गजः परेषां बलान्य् अमृद्नान् नलिनाभवक्त्रः

tasyānalaujās tanayas tadante vaṃśaśriyaṃ prāpa nalābhidhānaḥ / yo naḍvalānīva gajaḥ pareṣāṃ balāny amṛdnān nalinābhavaktraḥ

Sanskrit only: no published translation is held for this verse.

नभश्चरैर् गीतयश्यामतनुं तनूजम् नभस्तलश्यामतनुं तनूजम् । ख्यातं नभःशब्दमयेन नाम्ना कान्तं नभोमासम् इव प्रजानाम्

nabhaścarair gītayaśyāmatanuṃ tanūjam nabhastalaśyāmatanuṃ tanūjam / khyātaṃ nabhaḥśabdamayena nāmnā kāntaṃ nabhomāsam iva prajānām

Sanskrit only: no published translation is held for this verse.

तस्मै विष्र्ज्योत्तरकोसलानां धर्मोत्तरस् तत् प्रभवे प्रभुत्वम् । मृगैर् अजर्यं जरस्पोदैष्टम् अदेहबन्धाय पुनर् बबन्ध

tasmai viṣrjyottarakosalānāṃ dharmottaras tat prabhave prabhutvam / mṛgair ajaryaṃ jaraspodaiṣṭam adehabandhāya punar babandha

Sanskrit only: no published translation is held for this verse.

तेन द्विपानाम् इव पुण्डरीको राज्ञाम् अजय्यो ऽजनि पुण्डरीकः । शान्ते पितर्य् आहृतपुण्डरीका यं पुण्डरीकाक्षम् इवाश्रिता श्रीः

tena dvipānām iva puṇḍarīko rājñām ajayyo 'jani puṇḍarīkaḥ / śānte pitary āhṛtapuṇḍarīkā yaṃ puṇḍarīkākṣam ivāśritā śrīḥ

Sanskrit only: no published translation is held for this verse.

स क्षेमधन्वानम् अमोघधन्वा पुत्रं प्रजाक्षेमविधानदक्षम् । क्ष्मां लम्भयित्वा क्षमयोपपन्नं वने तपः क्षान्ततरश् चचार

sa kṣemadhanvānam amoghadhanvā putraṃ prajākṣemavidhānadakṣam / kṣmāṃ lambhayitvā kṣamayopapannaṃ vane tapaḥ kṣāntataraś cacāra

Sanskrit only: no published translation is held for this verse.

अनीकिनीनां समरे ऽग्रयायी तस्यापि देवप्रतिमः सुतो ऽभूत् । व्यश्रूयतानीकपदावसानं देवादि नाम त्रिदिवे ऽपि यस्य

anīkinīnāṃ samare 'grayāyī tasyāpi devapratimaḥ suto 'bhūt / vyaśrūyatānīkapadāvasānaṃ devādi nāma tridive 'pi yasya

Sanskrit only: no published translation is held for this verse.

पिता समाराधनतत्परेण पुत्रेण पुत्री स यथैव तेन । पुत्रस् तथैवाधिकवत्सलेन स तेन पित्रा पितृमान् बभूव

pitā samārādhanatatpareṇa putreṇa putrī sa yathaiva tena / putras tathaivādhikavatsalena sa tena pitrā pitṛmān babhūva

Sanskrit only: no published translation is held for this verse.

पूर्वस् तयोर् आत्मसमे चिरोढाम् आत्मोद्भवे वर्णचतुष्टयस्य । धुरं निधायैकनिधिर् गुणानाम् जगाम यज्वा यजमानलोकम्

pūrvas tayor ātmasame ciroḍhām ātmodbhave varṇacatuṣṭayasya / dhuraṃ nidhāyaikanidhir guṇānām jagāma yajvā yajamānalokam

Sanskrit only: no published translation is held for this verse.

वशी सुतस् तस्य वशंवदत्वात् स्वेषाम् इवासीद् द्विषताम् अपीष्टः । सकृद् (?) विविग्नान् अपि हि प्रयुक्तं माधुर्यम् ईष्टे हरिणान् ग्रहीतुम्

vaśī sutas tasya vaśaṃvadatvāt sveṣām ivāsīd dviṣatām apīṣṭaḥ / sakṛd (?) vivignān api hi prayuktaṃ mādhuryam īṣṭe hariṇān grahītum

Sanskrit only: no published translation is held for this verse.

अहीनगुर् नाम स गां समग्राम् अहीनबाहुद्रविणः शशास । यो हीन संसर्गपराङ्मुखत्वाद् माधुर्यम् ईष्टे हरिणान् ग्रहीतुम्

ahīnagur nāma sa gāṃ samagrām ahīnabāhudraviṇaḥ śaśāsa / yo hīna saṃsargaparāṅmukhatvād mādhuryam īṣṭe hariṇān grahītum

Sanskrit only: no published translation is held for this verse.

गुरोः स चानन्तरम् अन्तर्ज्ञः पुंसां पुमान् आद्य इवावतीर्णः । उपक्रमैर् अस्खलितैश् चतुर्भिश् चतुर्दिगीशश् चतुरो बभूव

guroḥ sa cānantaram antarjñaḥ puṃsāṃ pumān ādya ivāvatīrṇaḥ / upakramair askhalitaiś caturbhiś caturdigīśaś caturo babhūva

Sanskrit only: no published translation is held for this verse.

तस्मिन् प्रयाते परलोकयात्रां जेतर्य् अरीणां तनयं तदीयम् । उच्चैःशिरस्त्वाज् जितपारियात्रं लक्ष्मीः सिषेवे किल पारियात्रम्

tasmin prayāte paralokayātrāṃ jetary arīṇāṃ tanayaṃ tadīyam / uccaiḥśirastvāj jitapāriyātraṃ lakṣmīḥ siṣeve kila pāriyātram

Sanskrit only: no published translation is held for this verse.

तस्याभवत् सूनुर् उदारशीलः शिलः शिलापट्टविशालवक्षाः । जितारिपक्षो ऽपि शिलीमुखैर् यः शालीनताम् अव्रजद् ईड्यमानः

tasyābhavat sūnur udāraśīlaḥ śilaḥ śilāpaṭṭaviśālavakṣāḥ / jitāripakṣo 'pi śilīmukhair yaḥ śālīnatām avrajad īḍyamānaḥ

Sanskrit only: no published translation is held for this verse.

तम् आत्मसंपन्नम् अनिन्दितात्मा कृत्वा युवानं युवराजम् एव । सुखानि सो ऽभुङ्क्त सुखोपरोधि वृत्तं हि राज्ञाम् उपरुद्धवृत्तम्

tam ātmasaṃpannam aninditātmā kṛtvā yuvānaṃ yuvarājam eva / sukhāni so 'bhuṅkta sukhoparodhi vṛttaṃ hi rājñām uparuddhavṛttam

Sanskrit only: no published translation is held for this verse.

तं रागबन्धिष्व् अवितृप्तम् एव भोगेषु सौभाग्यविशेषभोग्यम् । विलासिनीनाम् अरतिक्षमापि जरा वृथा मत्सरिणी जहार

taṃ rāgabandhiṣv avitṛptam eva bhogeṣu saubhāgyaviśeṣabhogyam / vilāsinīnām aratikṣamāpi jarā vṛthā matsariṇī jahāra

Sanskrit only: no published translation is held for this verse.

उन्नाभ इत्य् उदग्तस्नामधेयस् तस्यायथार्थोन्नतनाभ्हिरन्ध्रः । सुतो ऽभवत् पङ्कजनाभकल्पः कृत्स्नस्य नाभिर् नृपमण्डलस्य

unnābha ity udagtasnāmadheyas tasyāyathārthonnatanābhhirandhraḥ / suto 'bhavat paṅkajanābhakalpaḥ kṛtsnasya nābhir nṛpamaṇḍalasya

Sanskrit only: no published translation is held for this verse.

ततः परं वज्रधरप्रभावस् तदात्मजः संयति वज्रघोषः । बभूव वज्राकरभुषणायाः पतिः पृथिव्याः किल वज्रनाभः

tataḥ paraṃ vajradharaprabhāvas tadātmajaḥ saṃyati vajraghoṣaḥ / babhūva vajrākarabhuṣaṇāyāḥ patiḥ pṛthivyāḥ kila vajranābhaḥ

Sanskrit only: no published translation is held for this verse.

तस्मिन् गते द्यां सुकृतोपलब्धां तत्संभवं शङ्खणम् अर्णवान्ता । उत्खातशत्रुं वसुधोपतस्थे रत्नोपहारैर् उदितैः खनिभ्यः

tasmin gate dyāṃ sukṛtopalabdhāṃ tatsaṃbhavaṃ śaṅkhaṇam arṇavāntā / utkhātaśatruṃ vasudhopatasthe ratnopahārair uditaiḥ khanibhyaḥ

Sanskrit only: no published translation is held for this verse.

तस्यावसाने हरिदश्वधामा पित्र्यं प्रपेदे पदम् अश्विरूपः । वेलातटेषूषितसैनिकाश्वं पुराविदो यं ध्युषिताश्वम् आहुः

tasyāvasāne haridaśvadhāmā pitryaṃ prapede padam aśvirūpaḥ / velātaṭeṣūṣitasainikāśvaṃ purāvido yaṃ dhyuṣitāśvam āhuḥ

Sanskrit only: no published translation is held for this verse.

आराध्य विश्वेश्वरम् ईश्वरेण तेन क्षितेर् विश्वसहो ऽधिजज्ञे । पातुं सहो विश्वसखः समग्रां विश्वंभराम् आत्मजमूर्तिर् आत्मा

ārādhya viśveśvaram īśvareṇa tena kṣiter viśvasaho 'dhijajñe / pātuṃ saho viśvasakhaḥ samagrāṃ viśvaṃbharām ātmajamūrtir ātmā

Sanskrit only: no published translation is held for this verse.

अंशे हिरण्याक्शरिपोः स जाते हिरण्यनाभे तनये नयज्ञः । द्विषाम् असह्यः सुतरां तरूणां हिरण्यरेता सानिलो ऽभूत्

aṃśe hiraṇyākśaripoḥ sa jāte hiraṇyanābhe tanaye nayajñaḥ / dviṣām asahyaḥ sutarāṃ tarūṇāṃ hiraṇyaretā sānilo 'bhūt

Sanskrit only: no published translation is held for this verse.

पिता पित्ःणाम् अनृणस् तम् अन्ते वयस्य् अनन्तानि सुखानि लिप्सुः । राजानम् आजानुविलम्बिबाहुं कृत्वा कृती वल्कलवान् बभूव

pitā pitḥṇām anṛṇas tam ante vayasy anantāni sukhāni lipsuḥ / rājānam ājānuvilambibāhuṃ kṛtvā kṛtī valkalavān babhūva

Sanskrit only: no published translation is held for this verse.

कौसल्य इत्य् उत्तरकोसलानां पत्युः पतंगान्वयभूषणस्य । तस्यौरसः सोमसुतः सुतो ऽभून् नेत्रोत्सवः सोम इव द्वितीयः

kausalya ity uttarakosalānāṃ patyuḥ pataṃgānvayabhūṣaṇasya / tasyaurasaḥ somasutaḥ suto 'bhūn netrotsavaḥ soma iva dvitīyaḥ

Sanskrit only: no published translation is held for this verse.

कौसल्य इत्य् उत्तरकोसलानां स ब्रह्मभूयं गतिम् आजगाम । ब्रह्मिष्ठम् आधाय निजे ऽधिकारे ब्रह्मिष्ठम् एव स्वतनुप्रसूतम्

kausalya ity uttarakosalānāṃ sa brahmabhūyaṃ gatim ājagāma / brahmiṣṭham ādhāya nije 'dhikāre brahmiṣṭham eva svatanuprasūtam

Sanskrit only: no published translation is held for this verse.

यशोभिर् आब्रह्मसभं प्रकाशः सम्यग् महीं शासति शासनाङ्काम् । प्रजाश् चिरं सुप्रजसि प्रजेशे ननन्दुर् आनन्दजलाविलाक्ष्यः

yaśobhir ābrahmasabhaṃ prakāśaḥ samyag mahīṃ śāsati śāsanāṅkām / prajāś ciraṃ suprajasi prajeśe nanandur ānandajalāvilākṣyaḥ

Sanskrit only: no published translation is held for this verse.

पात्रीकृतात्मा गुरुसेवनेन स्पृष्टाकृतिः पत्त्ररथेन्द्रकेतोः । तं पुत्रिणां पुष्करपत्त्रनेत्रः पुत्रः समारोपयद् अग्रसंख्याम्

pātrīkṛtātmā gurusevanena spṛṣṭākṛtiḥ pattrarathendraketoḥ / taṃ putriṇāṃ puṣkarapattranetraḥ putraḥ samāropayad agrasaṃkhyām

Sanskrit only: no published translation is held for this verse.

वंशस्थितिं वंशकरेण तेन संभाव्य भावी स सखा मघोनः । उपस्पृषन् स्पर्शनिवृत्तलौल्यस् त्रिपुष्करेषु त्रिदशत्वम् आप

vaṃśasthitiṃ vaṃśakareṇa tena saṃbhāvya bhāvī sa sakhā maghonaḥ / upaspṛṣan sparśanivṛttalaulyas tripuṣkareṣu tridaśatvam āpa

Sanskrit only: no published translation is held for this verse.

तस्य प्रभानिर्जितपुष्प-रागं पौष्यं तिथौ पुष्यम् असूत पत्नी । यस्मिन्न् अपुष्यन्न् उदिते समग्रां पुष्टिं जनाः पुष्य इव द्वितीये

tasya prabhānirjitapuṣpa-rāgaṃ pauṣyaṃ tithau puṣyam asūta patnī / yasminn apuṣyann udite samagrāṃ puṣṭiṃ janāḥ puṣya iva dvitīye

Sanskrit only: no published translation is held for this verse.

महीं महेच्छः परिकीर्य सूनौ मनीषिणे जैमिनये ऽर्पितात्मा । तस्मात् सयोगाद् अधिगम्य योगम् अजन्मने ऽकल्पत जन्मभीरुः

mahīṃ mahecchaḥ parikīrya sūnau manīṣiṇe jaiminaye 'rpitātmā / tasmāt sayogād adhigamya yogam ajanmane 'kalpata janmabhīruḥ

Sanskrit only: no published translation is held for this verse.

ततः परं तत्प्रभवः प्रपेदे ध्रुवोपमेयो ध्रुवसंधिर् उर्वीम् । यस्मिन्न् अभूज् ज्यायसि सत्यसंधे संधिर् ध्रुवः संनमताम् अरीणाम्

tataḥ paraṃ tatprabhavaḥ prapede dhruvopameyo dhruvasaṃdhir urvīm / yasminn abhūj jyāyasi satyasaṃdhe saṃdhir dhruvaḥ saṃnamatām arīṇām

Sanskrit only: no published translation is held for this verse.

सुते शिशाव् एव सुदर्शनाख्ये दर्शात्ययेन्दुप्रियदर्शने सः । मृगायताक्षो मृगयाविहारी सिंहाद् अवापद् विपदं नृसिंहः

sute śiśāv eva sudarśanākhye darśātyayendupriyadarśane saḥ / mṛgāyatākṣo mṛgayāvihārī siṃhād avāpad vipadaṃ nṛsiṃhaḥ

Sanskrit only: no published translation is held for this verse.

स्वर्गामिनस् तस्य तम् ऐकमत्याद् अमात्यवर्गः कुलतन्तुम् एकम् । अनाथदीनाः प्रकृतीर् अवेक्ष्य साकेतनाथं विधिवच् चकार

svargāminas tasya tam aikamatyād amātyavargaḥ kulatantum ekam / anāthadīnāḥ prakṛtīr avekṣya sāketanāthaṃ vidhivac cakāra

Sanskrit only: no published translation is held for this verse.

ववेन्दुना तन् नभसोपमेयं शावैकसिंहेन च काननेन । रघोः कुलं कुड्मलपङ्कजेन तोयेन चाप्रौष्हनरेन्द्रम् आसीत्

vavendunā tan nabhasopameyaṃ śāvaikasiṃhena ca kānanena / raghoḥ kulaṃ kuḍmalapaṅkajena toyena cāprauṣhanarendram āsīt

Sanskrit only: no published translation is held for this verse.

लोकेन भावी पितुर् एव तुल्यः संभावितो मौलिपरिग्रहात् सः । दृष्टो हि वृण्वन् कलभप्रमाणो ऽप्य् आशाः पुरोवातम् अवाप्य मेघः

lokena bhāvī pitur eva tulyaḥ saṃbhāvito mauliparigrahāt saḥ / dṛṣṭo hi vṛṇvan kalabhapramāṇo 'py āśāḥ purovātam avāpya meghaḥ

Sanskrit only: no published translation is held for this verse.

तं राजवीथ्याम् अधिहस्ति यान्तम् आधोरणालम्बितम् अग्र्यवेषम् । षड्वर्षदेशियम् अपि प्रभुत्वात् प्रैक्षन्त पौराः पितृगौरवेण

taṃ rājavīthyām adhihasti yāntam ādhoraṇālambitam agryaveṣam / ṣaḍvarṣadeśiyam api prabhutvāt praikṣanta paurāḥ pitṛgauraveṇa

Sanskrit only: no published translation is held for this verse.

कामं न सो ऽकल्पत पैतृकस्य सिंहासनस्य प्रतिपूरणाय । तेजोमहिम्ना पुनर् आवृतात्मा तद् व्याप चामीकरपिञ्जरेण

kāmaṃ na so 'kalpata paitṛkasya siṃhāsanasya pratipūraṇāya / tejomahimnā punar āvṛtātmā tad vyāpa cāmīkarapiñjareṇa

Sanskrit only: no published translation is held for this verse.

तस्माद् अधः किंचिद् इवावतीर्णाव् असंस्पृशन्तौ तपनीयपीठम् । सालक्तकौ भूपतयः प्रसिद्धैर् ववन्दिरे मौलिभिर् अस्य पादौ

tasmād adhaḥ kiṃcid ivāvatīrṇāv asaṃspṛśantau tapanīyapīṭham / sālaktakau bhūpatayaḥ prasiddhair vavandire maulibhir asya pādau

Sanskrit only: no published translation is held for this verse.

मणौ महानील इति प्रभावाद् अल्पप्रमाणे ऽपि यथा न मिथ्या । शब्दो महाराज इति प्रतीतस् तथैव तस्मिन् युयुजे ऽर्भके ऽपि

maṇau mahānīla iti prabhāvād alpapramāṇe 'pi yathā na mithyā / śabdo mahārāja iti pratītas tathaiva tasmin yuyuje 'rbhake 'pi

Sanskrit only: no published translation is held for this verse.

पर्यन्तसंचारितचामरस्य कपोललोलोभयकाकपक्षत् । तस्याननाद् उच्चरितो विवादश् चक्स्हाल वेलास्व् अपि नार्णवानाम्

paryantasaṃcāritacāmarasya kapolalolobhayakākapakṣat / tasyānanād uccarito vivādaś cakshāla velāsv api nārṇavānām

Sanskrit only: no published translation is held for this verse.

निर्वृत्तजाम्बूनदपट्टशोभे न्यस्तं ललाटे तिलकं दधानः । तेनैव शून्यान्य् अरिसुन्दरीणां मुखानि स स्मेरमुखश् चकार

nirvṛttajāmbūnadapaṭṭaśobhe nyastaṃ lalāṭe tilakaṃ dadhānaḥ / tenaiva śūnyāny arisundarīṇāṃ mukhāni sa smeramukhaś cakāra

Sanskrit only: no published translation is held for this verse.

शिरीषपुष्पाधिकसौकुमार्यः खेदं स यायाद् अपि श्रुतवृद्धयोगात् । नितान्तगुर्वीम् अपि चानुभावाद् धुरं धरित्र्या बिभरां बभूव

śirīṣapuṣpādhikasaukumāryaḥ khedaṃ sa yāyād api śrutavṛddhayogāt / nitāntagurvīm api cānubhāvād dhuraṃ dharitryā bibharāṃ babhūva

Sanskrit only: no published translation is held for this verse.

न्यस्ताक्षराम् अक्षरभूमिकायां कार्त्स्न्येन गृह्णाति लिपिं न यावत् । सर्वाणि तावच् छ्रुतवृद्धयोगात् फलान्य् उपायुङ्क्त स दण्डनीतेः

nyastākṣarām akṣarabhūmikāyāṃ kārtsnyena gṛhṇāti lipiṃ na yāvat / sarvāṇi tāvac chrutavṛddhayogāt phalāny upāyuṅkta sa daṇḍanīteḥ

Sanskrit only: no published translation is held for this verse.

उरस्य् अपर्याप्तभागा प्रौढीभविष्यन्तम् उदीक्षमाणा । संजातलज्जेव तम् आतपत्रछ्हायाछलेनोपजुगूह लक्ष्मीः

urasy aparyāptabhāgā prauḍhībhaviṣyantam udīkṣamāṇā / saṃjātalajjeva tam ātapatrachhāyāchalenopajugūha lakṣmīḥ

Sanskrit only: no published translation is held for this verse.

अनश्नुवानेन युगोपमानम् अबद्धमौर्वीकिणलाञ्छनेन । अस्पृष्टखड्गत्सरुणापि चासीद् रक्षावती तस्य भुजेन भूमिः

anaśnuvānena yugopamānam abaddhamaurvīkiṇalāñchanena / aspṛṣṭakhaḍgatsaruṇāpi cāsīd rakṣāvatī tasya bhujena bhūmiḥ

Sanskrit only: no published translation is held for this verse.

न केवलं गच्छति तस्य काले ययुः शरीरावयवा विवृद्धिम् । वंश्या गुणाः खल्व् अपि लोककान्ताः प्रारम्भसूक्ष्माः प्रथिमानम् आपुः

na kevalaṃ gacchati tasya kāle yayuḥ śarīrāvayavā vivṛddhim / vaṃśyā guṇāḥ khalv api lokakāntāḥ prārambhasūkṣmāḥ prathimānam āpuḥ

Sanskrit only: no published translation is held for this verse.

स पूर्वजन्मान्तरदृष्टपाराः स्मरन्न् इवाक्लेशकरो गुरूणाम् । तिस्रस् त्रिवर्गाधिगमस्य मूलं जग्राह विद्याः प्रकृतीश् च पित्र्याः

sa pūrvajanmāntaradṛṣṭapārāḥ smarann ivākleśakaro gurūṇām / tisras trivargādhigamasya mūlaṃ jagrāha vidyāḥ prakṛtīś ca pitryāḥ

Sanskrit only: no published translation is held for this verse.

व्यूह्य स्थितः किंचिद् इवोत्तरार्धम् उन्नद्धचूडो ऽञ्चितस्व्यजानुः । आकर्णम् आकृष्टसबानधन्वा व्यरोचत्ऽ आस्ते स विनीयमानः

vyūhya sthitaḥ kiṃcid ivottarārdham unnaddhacūḍo 'ñcitasvyajānuḥ / ākarṇam ākṛṣṭasabānadhanvā vyarocat' āste sa vinīyamānaḥ

Sanskrit only: no published translation is held for this verse.

अथ मधु वनितां नेत्रनिर्वेशनीयं मनसिजतरुपुष्पम् रागबन्धप्रवालम् । अकृतकविधि सर्वाङ्गीणम् आकल्पजातं विलसितपदम् आद्यं यौवनं स प्रपेदे

atha madhu vanitāṃ netranirveśanīyaṃ manasijatarupuṣpam rāgabandhapravālam / akṛtakavidhi sarvāṅgīṇam ākalpajātaṃ vilasitapadam ādyaṃ yauvanaṃ sa prapede

Sanskrit only: no published translation is held for this verse.

प्रतिकृतिरचनाभयो दूतिसंदर्शिताभ्यः समधिकतररूपाः शुद्धसंतानकामैः । अधिविविदुर् अमात्यैर् आहृतास् तस्य यूनः प्रथमपरिगृहीते श्रीभुवौ राजकन्याः

pratikṛtiracanābhayo dūtisaṃdarśitābhyaḥ samadhikatararūpāḥ śuddhasaṃtānakāmaiḥ / adhivividur amātyair āhṛtās tasya yūnaḥ prathamaparigṛhīte śrībhuvau rājakanyāḥ

Sanskrit only: no published translation is held for this verse.