Naragari: Rajanighantu 15

शीतं हरीतकीतैलं कषायं मधुरं कटु । सर्वव्याधिहरं पथ्यं नानात्वग्दोषनाशनम्

śītaṃ harītakītailaṃ kaṣāyaṃ madhuraṃ kaṭu / sarvavyādhiharaṃ pathyaṃ nānātvagdoṣanāśanam

Sanskrit only: no published translation is held for this verse.

तीक्ष्णं तु राजिकातैलं ज्ञेयं वातादिदोषनुत् । शिशिरं कटु पुंस्त्वघ्नं केश्यं त्वग्दोषनाशनम्

tīkṣṇaṃ tu rājikātailaṃ jñeyaṃ vātādidoṣanut / śiśiraṃ kaṭu puṃstvaghnaṃ keśyaṃ tvagdoṣanāśanam

Sanskrit only: no published translation is held for this verse.

सरं कोशाम्रजं तैलं क्रिमिकुष्ठव्रणापहम् । तिक्ताम्लमधुरं बल्यं पथ्यं रोचनपाचनम्

saraṃ kośāmrajaṃ tailaṃ krimikuṣṭhavraṇāpaham / tiktāmlamadhuraṃ balyaṃ pathyaṃ rocanapācanam

Sanskrit only: no published translation is held for this verse.

यच्च चिञ्चीभवं तैलं कटु पाके विलेखनम् । कफवातहरं रुच्यं कषायं नातिशीतलम्

yacca ciñcībhavaṃ tailaṃ kaṭu pāke vilekhanam / kaphavātaharaṃ rucyaṃ kaṣāyaṃ nātiśītalam

Sanskrit only: no published translation is held for this verse.

कर्पूरतैलहिमतैलसितांशुतैलशीताभ्रतैलतुहिनांशुसुधांशुतैलम् । कर्पूरतैलं कटुकोष्णकफामहारि वातामयघ्नरददार्ढ्यदपित्तहारि

karpūratailahimatailasitāṃśutailaśītābhratailatuhināṃśusudhāṃśutailam / karpūratailaṃ kaṭukoṣṇakaphāmahāri vātāmayaghnaradadārḍhyadapittahāri

Sanskrit only: no published translation is held for this verse.

त्रपुसैर्वारुकचारककुष्माण्डप्रभृतिबीजजं च यत्तैलम् । तन्मधुरं गुरु शिशिरं केश्यं कफपित्तनाशि कान्तिकरम्

trapusairvārukacārakakuṣmāṇḍaprabhṛtibījajaṃ ca yattailam / tanmadhuraṃ guru śiśiraṃ keśyaṃ kaphapittanāśi kāntikaram

Sanskrit only: no published translation is held for this verse.

तैलं न सेवयेद्धीमान् यस्य कस्य च यद्भवेत् । विषसाम्यगुणत्वाच्च योगे तन्न प्रयोजयेत्

tailaṃ na sevayeddhīmān yasya kasya ca yadbhavet / viṣasāmyaguṇatvācca yoge tanna prayojayet

Sanskrit only: no published translation is held for this verse.

विषस्य तैलस्य न किंचिद् अन्तरं मृतस्य सुप्तस्य न किंचिद् अन्तरम् । तृणस्य दासस्य न किंचिद् अन्तरं मूर्खस्य काष्ठस्य न किंचिद् अन्तरम्

viṣasya tailasya na kiṃcid antaraṃ mṛtasya suptasya na kiṃcid antaram / tṛṇasya dāsasya na kiṃcid antaraṃ mūrkhasya kāṣṭhasya na kiṃcid antaram

Sanskrit only: no published translation is held for this verse.

इत्थं गवादिकपयःप्रभृतिप्रपञ्चप्रस्ताववर्णिततिलादिकतैलजातम् । वर्गं निसर्गललितोज्ज्वलशब्दसर्गं बुद्ध्वा भिषक्पतिर् अशङ्कतया भिषज्येत्

itthaṃ gavādikapayaḥprabhṛtiprapañcaprastāvavarṇitatilādikatailajātam / vargaṃ nisargalalitojjvalaśabdasargaṃ buddhvā bhiṣakpatir aśaṅkatayā bhiṣajyet

Sanskrit only: no published translation is held for this verse.

पातारम् आत्मनः किल यान्ति प्रत्युपचिकीर्षया यानि । तेषाम् एव निवासः परिकथितः पेयवर्ग इति कृतिभिः

pātāram ātmanaḥ kila yānti pratyupacikīrṣayā yāni / teṣām eva nivāsaḥ parikathitaḥ peyavarga iti kṛtibhiḥ

Sanskrit only: no published translation is held for this verse.

पायं पायं मधुरविमलां शीतलां यस्य कीर्तिस्रोतोधारां जहति सुजना दुर्जनासंगदौस्थ्यम् । वर्गस्तस्य व्रजति नृहरेर् नामनिर्माणनाम्नश् चूडारत्ने खलु तिथिमितः क्षीरकादिः समाप्तिम्

pāyaṃ pāyaṃ madhuravimalāṃ śītalāṃ yasya kīrtisrotodhārāṃ jahati sujanā durjanāsaṃgadausthyam / vargastasya vrajati nṛharer nāmanirmāṇanāmnaś cūḍāratne khalu tithimitaḥ kṣīrakādiḥ samāptim

Sanskrit only: no published translation is held for this verse.