Naragari: Rajanighantu 22

यान्यौषधानि मिलितानि परस्परेण संज्ञान्तरैर् व्यवहृतानि च योगकृद्भिः । तेषां स्वरूपकथनाय विमिश्रकाख्यं वर्गं महागुणमुदारम् उदीरयामः

yānyauṣadhāni militāni paraspareṇa saṃjñāntarair vyavahṛtāni ca yogakṛdbhiḥ / teṣāṃ svarūpakathanāya vimiśrakākhyaṃ vargaṃ mahāguṇamudāram udīrayāmaḥ

Sanskrit only: no published translation is held for this verse.

पिप्पली मरिचं शुण्ठी त्रयमेतद्विमिश्रितम् । त्रिकटु त्र्यूषणं त्र्यूषं कटुत्रयकटुत्रिकम्

pippalī maricaṃ śuṇṭhī trayametadvimiśritam / trikaṭu tryūṣaṇaṃ tryūṣaṃ kaṭutrayakaṭutrikam

Sanskrit only: no published translation is held for this verse.

हरीतकी चामलकं विभीतकमिति त्रयम् । त्रिफला त्रिफली चैव फलत्रयफलत्रिके

harītakī cāmalakaṃ vibhītakamiti trayam / triphalā triphalī caiva phalatrayaphalatrike

Sanskrit only: no published translation is held for this verse.

द्राक्षाकाश्मर्यखर्जूरीफलानि मिलितानि तु । मधुरत्रिफला ज्ञेया मधुरादिफलत्रयम्

drākṣākāśmaryakharjūrīphalāni militāni tu / madhuratriphalā jñeyā madhurādiphalatrayam

Sanskrit only: no published translation is held for this verse.

जातीफलं पूगफलं लवंगकलिकाफलम् । सुगन्धित्रिफला प्रोक्ता सुरभित्रिफला च सा

jātīphalaṃ pūgaphalaṃ lavaṃgakalikāphalam / sugandhitriphalā proktā surabhitriphalā ca sā

Sanskrit only: no published translation is held for this verse.

चन्दनं कुङ्कुमं वारि त्रयमेतद् वरार्धकम् । त्रिभागकुङ्कुमोपेतं तदुक्तं चाद्यपुष्पकम्

candanaṃ kuṅkumaṃ vāri trayametad varārdhakam / tribhāgakuṅkumopetaṃ taduktaṃ cādyapuṣpakam

Sanskrit only: no published translation is held for this verse.

सैन्धवं च विडं चैव रुचकं चेति मिश्रितम् । लवणत्रयम् आख्यातं तच्च त्रिलवणं तथा

saindhavaṃ ca viḍaṃ caiva rucakaṃ ceti miśritam / lavaṇatrayam ākhyātaṃ tacca trilavaṇaṃ tathā

Sanskrit only: no published translation is held for this verse.

सर्जिक्षारं यवक्षारं टङ्कक्षारमेव च । क्षारत्रयं समाख्यातं त्रिक्षारं च प्रकीर्तितम्

sarjikṣāraṃ yavakṣāraṃ ṭaṅkakṣārameva ca / kṣāratrayaṃ samākhyātaṃ trikṣāraṃ ca prakīrtitam

Sanskrit only: no published translation is held for this verse.

हरीतकी नागरं च गुडश्चेति त्रयं समम् । समत्रितयमित्युक्तं त्रिसमं च समत्रयम्

harītakī nāgaraṃ ca guḍaśceti trayaṃ samam / samatritayamityuktaṃ trisamaṃ ca samatrayam

Sanskrit only: no published translation is held for this verse.

सितामाक्षिकसर्पींषि मिलितानि यदा तदा । मधुरत्रयमाख्यातं त्रिमधु स्यान्मधुत्रयम्

sitāmākṣikasarpīṃṣi militāni yadā tadā / madhuratrayamākhyātaṃ trimadhu syānmadhutrayam

Sanskrit only: no published translation is held for this verse.

गुडोत्पन्ना हिमोत्पन्ना मधुजातेति मिश्रितम् । त्रिशर्करा च त्रिसिता सितात्रयसितात्रिके

guḍotpannā himotpannā madhujāteti miśritam / triśarkarā ca trisitā sitātrayasitātrike

Sanskrit only: no published translation is held for this verse.

कालाञ्जनसमायुक्ते पुष्पाञ्जनरसाञ्जने । अञ्जनत्रितयं प्राहुस्त्र्यञ्जनं चाञ्जनत्रयम्

kālāñjanasamāyukte puṣpāñjanarasāñjane / añjanatritayaṃ prāhustryañjanaṃ cāñjanatrayam

Sanskrit only: no published translation is held for this verse.

वातः पित्तं कफश्चेति त्रयमेकत्र संयुतम् । दोषत्रयं त्रिदोषं स्याद्दोषत्रितयमित्यपि

vātaḥ pittaṃ kaphaśceti trayamekatra saṃyutam / doṣatrayaṃ tridoṣaṃ syāddoṣatritayamityapi

Sanskrit only: no published translation is held for this verse.

वातपित्तकफा यत्र समतां यान्ति नित्यशः । त्रिदोषसमम् इत्येतत् समदोषत्रयं तथा

vātapittakaphā yatra samatāṃ yānti nityaśaḥ / tridoṣasamam ityetat samadoṣatrayaṃ tathā

Sanskrit only: no published translation is held for this verse.

बृहती चाग्निदमनी दुःस्पर्शा चेति तु त्रयम् । कण्टकारीत्रयं प्रोक्तं त्रिकण्टं कण्टकत्रयम्

bṛhatī cāgnidamanī duḥsparśā ceti tu trayam / kaṇṭakārītrayaṃ proktaṃ trikaṇṭaṃ kaṇṭakatrayam

Sanskrit only: no published translation is held for this verse.

नागरातिविषा मुस्ता त्रयमेतत्त्रिकार्षिकम्

nāgarātiviṣā mustā trayametattrikārṣikam

Sanskrit only: no published translation is held for this verse.

गुडूच्या मिलितं तच्च चातुर्भद्रकमुच्यते

guḍūcyā militaṃ tacca cāturbhadrakamucyate

Sanskrit only: no published translation is held for this verse.

त्वगेलापत्त्रकैस् तुल्यैस् त्रिसुगन्धि त्रिजातकम् । नागकेशरसंयुक्तं चातुर्जातकम् उच्यते

tvagelāpattrakais tulyais trisugandhi trijātakam / nāgakeśarasaṃyuktaṃ cāturjātakam ucyate

Sanskrit only: no published translation is held for this verse.

एलात्वक्पत्त्रकैस् तुल्यैर् मरिचेन समन्वितैः । कटुपूर्वम् इदं चान्यच्चातुर्जातकमुच्यते

elātvakpattrakais tulyair maricena samanvitaiḥ / kaṭupūrvam idaṃ cānyaccāturjātakamucyate

Sanskrit only: no published translation is held for this verse.

श्रीखण्डागुरुकर्पूरकाश्मीरैस् तु समांशकैः । मृगाङ्कमुकुटार्हो ऽयं मिलितैर् देवकर्दर्मः

śrīkhaṇḍāgurukarpūrakāśmīrais tu samāṃśakaiḥ / mṛgāṅkamukuṭārho 'yaṃ militair devakardarmaḥ

Sanskrit only: no published translation is held for this verse.

कर्पूरागुरुकस्तूरीकक्कोलैर् यक्षधूपकः । एकीकृतमिदं सर्वं यक्षकर्दम इष्यते

karpūrāgurukastūrīkakkolair yakṣadhūpakaḥ / ekīkṛtamidaṃ sarvaṃ yakṣakardama iṣyate

Sanskrit only: no published translation is held for this verse.

कुङ्कुमागुरुकुरङ्गनाभिकाचन्द्रचन्दनसमांशसम्भृतम् । त्र्यक्षपूजनपरैकगोचरं यक्षकर्दमम् इमं प्रचक्षते

kuṅkumāgurukuraṅganābhikācandracandanasamāṃśasambhṛtam / tryakṣapūjanaparaikagocaraṃ yakṣakardamam imaṃ pracakṣate

Sanskrit only: no published translation is held for this verse.

कर्पूरकक्कोललवंगपुष्पगुवाकजातीफलपञ्चकेन । समांशभागेन च योजितेन मनोहरं पञ्चसुगन्धिकं स्यात्

karpūrakakkolalavaṃgapuṣpaguvākajātīphalapañcakena / samāṃśabhāgena ca yojitena manoharaṃ pañcasugandhikaṃ syāt

Sanskrit only: no published translation is held for this verse.

पिप्पलीपिप्पलीमूलचव्यचित्रकनागरैः । सर्वैरेकत्र मिलितैः पञ्चकोलकमुच्यते

pippalīpippalīmūlacavyacitrakanāgaraiḥ / sarvairekatra militaiḥ pañcakolakamucyate

Sanskrit only: no published translation is held for this verse.

न्यग्रोधोदुम्बराश्वत्थप्लक्षवेतसवल्कलैः । सर्वैरेकत्र मिलितैः पञ्चवेतसमुच्यते

nyagrodhodumbarāśvatthaplakṣavetasavalkalaiḥ / sarvairekatra militaiḥ pañcavetasamucyate

Sanskrit only: no published translation is held for this verse.

शालिपर्णी पृश्निपर्णी बृहती कण्टकारिका । तथा गोक्षुरकश्चेति लघ्विदं पञ्चमूलकम्

śāliparṇī pṛśniparṇī bṛhatī kaṇṭakārikā / tathā gokṣurakaśceti laghvidaṃ pañcamūlakam

Sanskrit only: no published translation is held for this verse.

बिल्वोऽग्निमन्थः श्योनाकः काश्मर्यः पाटला तथा । सर्वैस्तु मिलितैरेतैः स्यान्महापञ्चमूलकम्

bilvo'gnimanthaḥ śyonākaḥ kāśmaryaḥ pāṭalā tathā / sarvaistu militairetaiḥ syānmahāpañcamūlakam

Sanskrit only: no published translation is held for this verse.

पञ्चमूलकयोर् एतद्द्वयं च मिलितं यदा । तदा भिषग्भिराख्यातं गुणाढ्यं दशमूलकम्

pañcamūlakayor etaddvayaṃ ca militaṃ yadā / tadā bhiṣagbhirākhyātaṃ guṇāḍhyaṃ daśamūlakam

Sanskrit only: no published translation is held for this verse.

बलापुनर्नवैरण्डसूप्यपर्णीद्वयेन च । एकत्र योजितेनैतन्मध्यमं पञ्चमूलकम्

balāpunarnavairaṇḍasūpyaparṇīdvayena ca / ekatra yojitenaitanmadhyamaṃ pañcamūlakam

Sanskrit only: no published translation is held for this verse.

गुडूची गोक्षुरश्चैव मूषली मुण्डिका तथा । शतावरीति पञ्चानां योगः पञ्चामृताभिधः

guḍūcī gokṣuraścaiva mūṣalī muṇḍikā tathā / śatāvarīti pañcānāṃ yogaḥ pañcāmṛtābhidhaḥ

Sanskrit only: no published translation is held for this verse.

गव्यमाज्यं दधि क्षीरं माक्षिकं शर्करान्वितम् । एकत्र मिलितं ज्ञेयं दिव्यं पञ्चामृतं परम्

gavyamājyaṃ dadhi kṣīraṃ mākṣikaṃ śarkarānvitam / ekatra militaṃ jñeyaṃ divyaṃ pañcāmṛtaṃ param

Sanskrit only: no published translation is held for this verse.

गोमूत्रं गोमयं क्षीरं गव्यमाज्यं दधीति च । युक्तमेतद्यथायोगं पञ्चगव्यमुदाहृतम्

gomūtraṃ gomayaṃ kṣīraṃ gavyamājyaṃ dadhīti ca / yuktametadyathāyogaṃ pañcagavyamudāhṛtam

Sanskrit only: no published translation is held for this verse.

निम्बस्य पत्त्रत्वक्पुष्पफलमूलैर् विमिश्रितैः । पञ्चनिम्बं समाख्यातं तत् तिक्तं निम्बपञ्चकम्

nimbasya pattratvakpuṣpaphalamūlair vimiśritaiḥ / pañcanimbaṃ samākhyātaṃ tat tiktaṃ nimbapañcakam

Sanskrit only: no published translation is held for this verse.

कोलदाडिमवृक्षाम्लं चुल्लकी साम्लवेतसा । फलं पञ्चाम्लमुद्दिष्टमम्लपञ्चफलं स्मृतम्

koladāḍimavṛkṣāmlaṃ cullakī sāmlavetasā / phalaṃ pañcāmlamuddiṣṭamamlapañcaphalaṃ smṛtam

Sanskrit only: no published translation is held for this verse.

जम्बीरनारङ्गसहाम्लवेतसैः सतिन्तिडीकैश् च सबीजपूरकैः । समांशभागेन तु मेलितैरिदं द्वितीयमुक्तं च फलाम्लपञ्चकम्

jambīranāraṅgasahāmlavetasaiḥ satintiḍīkaiś ca sabījapūrakaiḥ / samāṃśabhāgena tu melitairidaṃ dvitīyamuktaṃ ca phalāmlapañcakam

Sanskrit only: no published translation is held for this verse.

चाङ्गेरी लिकुचाम्लवेतसयुतं जम्बीरकं पूरकं नारङ्गं फलषाडवस्त्विति तु पिण्डाम्लं च बीजाम्लकम् । अम्बष्ठासहितं द्विर् एतदुदितं पञ्चाम्लकं तद्द्वयं विज्ञेयं करमर्दनिम्बुकयुतं स्यादम्लवर्गाह्वयम्

cāṅgerī likucāmlavetasayutaṃ jambīrakaṃ pūrakaṃ nāraṅgaṃ phalaṣāḍavastviti tu piṇḍāmlaṃ ca bījāmlakam / ambaṣṭhāsahitaṃ dvir etaduditaṃ pañcāmlakaṃ taddvayaṃ vijñeyaṃ karamardanimbukayutaṃ syādamlavargāhvayam

Sanskrit only: no published translation is held for this verse.

तैलकन्दः सुधाकन्दः क्रोडकन्दो रुदन्तिका । सर्पनेत्रयुताः पञ्च सिद्धौषधिकसंज्ञकाः

tailakandaḥ sudhākandaḥ kroḍakando rudantikā / sarpanetrayutāḥ pañca siddhauṣadhikasaṃjñakāḥ

Sanskrit only: no published translation is held for this verse.

शैरीषं कुसुमं मूलं फलं पत्त्रं त्वगित्ययम् । कीटारिः कथितो योगः पञ्चशैरीषकाभिधः

śairīṣaṃ kusumaṃ mūlaṃ phalaṃ pattraṃ tvagityayam / kīṭāriḥ kathito yogaḥ pañcaśairīṣakābhidhaḥ

Sanskrit only: no published translation is held for this verse.

त्वक्पत्त्रकुसुमं मूलं फलमेकस्य शाखिनः । एकत्र मिलितं तच्चेत् पञ्चाङ्गमिति संज्ञितम्

tvakpattrakusumaṃ mūlaṃ phalamekasya śākhinaḥ / ekatra militaṃ taccet pañcāṅgamiti saṃjñitam

Sanskrit only: no published translation is held for this verse.

विदारिगन्धा बृहती पृश्निपर्णी निदिग्धिका । श्वदंष्ट्रा चेति सम्प्रोक्तो योगः पञ्चगणाभिधः

vidārigandhā bṛhatī pṛśniparṇī nidigdhikā / śvadaṃṣṭrā ceti samprokto yogaḥ pañcagaṇābhidhaḥ

Sanskrit only: no published translation is held for this verse.

अत्यम्लपर्णीकाण्डीरमालाकन्दद्विशूरणैः । प्रोक्तो भवति योगोऽयं पञ्चशूरणसंज्ञकः

atyamlaparṇīkāṇḍīramālākandadviśūraṇaiḥ / prokto bhavati yogo'yaṃ pañcaśūraṇasaṃjñakaḥ

Sanskrit only: no published translation is held for this verse.

शृङ्गिकः कालकूटश्च मुस्तको वत्सनाभकः । सक्तुकश्चेति योगोऽयं महापञ्चविषाभिधः

śṛṅgikaḥ kālakūṭaśca mustako vatsanābhakaḥ / saktukaśceti yogo'yaṃ mahāpañcaviṣābhidhaḥ

Sanskrit only: no published translation is held for this verse.

स्नुह्यर्ककरवीराणि लाङ्गली विषमुष्टिका । एतान्युपविषाण्याहुः पञ्च पाण्डित्यशालिनः

snuhyarkakaravīrāṇi lāṅgalī viṣamuṣṭikā / etānyupaviṣāṇyāhuḥ pañca pāṇḍityaśālinaḥ

Sanskrit only: no published translation is held for this verse.

गवाम् अजानां मेषीणां महिषीणां च मिश्रितम् । मूत्रेण गर्दभीनां यत्तन्मूत्रं मूत्रपञ्चकम्

gavām ajānāṃ meṣīṇāṃ mahiṣīṇāṃ ca miśritam / mūtreṇa gardabhīnāṃ yattanmūtraṃ mūtrapañcakam

Sanskrit only: no published translation is held for this verse.

सुवर्णं रजतं ताम्रं त्रयमेतत्त्रिलोहकम्

suvarṇaṃ rajataṃ tāmraṃ trayametattrilohakam

Sanskrit only: no published translation is held for this verse.

वङ्गनागसमायुक्तं तत्प्राहुः पञ्चलोहकम्

vaṅganāgasamāyuktaṃ tatprāhuḥ pañcalohakam

Sanskrit only: no published translation is held for this verse.

सुवर्णं रजतं ताम्रं त्रपु कृष्णायसं समम् । ग्रहाङ्गमिति बोद्धव्यं द्वितीयं पञ्चलोहकम्

suvarṇaṃ rajataṃ tāmraṃ trapu kṛṣṇāyasaṃ samam / grahāṅgamiti boddhavyaṃ dvitīyaṃ pañcalohakam

Sanskrit only: no published translation is held for this verse.

यवमुष्ककसर्जानां पलाशतिलयोस्तथा । क्षारैस्तु पञ्चभिः प्रोक्तः पञ्चक्षाराभिधो गणः

yavamuṣkakasarjānāṃ palāśatilayostathā / kṣāraistu pañcabhiḥ proktaḥ pañcakṣārābhidho gaṇaḥ

Sanskrit only: no published translation is held for this verse.

काचसैन्धवसामुद्रविडसौवर्चलैः समैः

kācasaindhavasāmudraviḍasauvarcalaiḥ samaiḥ

Sanskrit only: no published translation is held for this verse.

स्यात्पञ्चलवणं तच्च मृत्स्नोपेतं षडाह्वयम्

syātpañcalavaṇaṃ tacca mṛtsnopetaṃ ṣaḍāhvayam

Sanskrit only: no published translation is held for this verse.

धवापामार्गकुटजलाङ्गलीतिलमुष्कजैः । क्षारैरेतैस्तु मिलितैः क्षारषट्कमुदाहृतम्

dhavāpāmārgakuṭajalāṅgalītilamuṣkajaiḥ / kṣārairetaistu militaiḥ kṣāraṣaṭkamudāhṛtam

Sanskrit only: no published translation is held for this verse.

रसासृङ्मांसमेदोऽस्थिमज्जाशुक्रसमाह्वयैः । शरीरस्थैर्यदैर् एतैः सप्तधातुमयो गणः

rasāsṛṅmāṃsamedo'sthimajjāśukrasamāhvayaiḥ / śarīrasthairyadair etaiḥ saptadhātumayo gaṇaḥ

Sanskrit only: no published translation is held for this verse.

दरदः पारदं सस्यो वैक्रान्तं कान्तमभ्रकम् । माक्षिकं विमलं चेति स्युर् एतेऽष्टौ महारसाः

daradaḥ pāradaṃ sasyo vaikrāntaṃ kāntamabhrakam / mākṣikaṃ vimalaṃ ceti syur ete'ṣṭau mahārasāḥ

Sanskrit only: no published translation is held for this verse.

खेचराञ्जनकङ्गुष्ठगन्धालगैरिकक्षितीः । शैलेयाञ्जनसम्मिश्राः शंसन्त्युपरसान् बुधाः

khecarāñjanakaṅguṣṭhagandhālagairikakṣitīḥ / śaileyāñjanasammiśrāḥ śaṃsantyuparasān budhāḥ

Sanskrit only: no published translation is held for this verse.

कम्पिल्लगौरीचपलाकपर्दसशैलसिन्दूरकवह्निजारान् । पाषाणिनो वोदरशृङ्गयुक्तानित्यष्ट सामान्यरसानि चाहुः

kampillagaurīcapalākapardasaśailasindūrakavahnijārān / pāṣāṇino vodaraśṛṅgayuktānityaṣṭa sāmānyarasāni cāhuḥ

Sanskrit only: no published translation is held for this verse.

पञ्चलोहसमायुक्तैः कान्तमुण्डकतीक्ष्णकैः । कल्पितः कथितो धीरैरष्टलोहाभिधो गणः

pañcalohasamāyuktaiḥ kāntamuṇḍakatīkṣṇakaiḥ / kalpitaḥ kathito dhīrairaṣṭalohābhidho gaṇaḥ

Sanskrit only: no published translation is held for this verse.

शिग्रुमूलकपलाशचुक्रिकाचित्रकार्द्रकसनिम्बसम्भवैः । इक्षुशैखरिकमोचकोद्भवैः क्षारपूर्वदशकं प्रकीर्तितम्

śigrumūlakapalāśacukrikācitrakārdrakasanimbasambhavaiḥ / ikṣuśaikharikamocakodbhavaiḥ kṣārapūrvadaśakaṃ prakīrtitam

Sanskrit only: no published translation is held for this verse.

मूत्राणि हस्तिमहिषोष्ट्रगवाजकानां मेषाश्वरासभकमानुषमानुषीणाम् । यत्नेन यत्र मिलितानि दशेति तानि शास्त्रेषु मूत्रदशकाह्वयभाञ्जि भान्ति

mūtrāṇi hastimahiṣoṣṭragavājakānāṃ meṣāśvarāsabhakamānuṣamānuṣīṇām / yatnena yatra militāni daśeti tāni śāstreṣu mūtradaśakāhvayabhāñji bhānti

Sanskrit only: no published translation is held for this verse.

स्याज्जीवकर्षभकयुग्ययुगद्विमेदाकाकोलिकाद्वययुतद्विकसूप्यपर्ण्या । जीव्या मधूकयुतया मधुराह्वयोऽयं योगो महानिह विराजति जीवकादिः

syājjīvakarṣabhakayugyayugadvimedākākolikādvayayutadvikasūpyaparṇyā / jīvyā madhūkayutayā madhurāhvayo'yaṃ yogo mahāniha virājati jīvakādiḥ

Sanskrit only: no published translation is held for this verse.

जीवकर्षभकौ मेदे काकोल्यावृद्धिवृद्धिके । एकत्र मिलितैरेतैरष्टवर्गः प्रकीर्तितः

jīvakarṣabhakau mede kākolyāvṛddhivṛddhike / ekatra militairetairaṣṭavargaḥ prakīrtitaḥ

Sanskrit only: no published translation is held for this verse.

कुष्ठमांसीहरिद्राभिर् वचाशैलेयचन्दनैः । मुराकर्चूरमुस्ताभिः सर्वौषधम् उदाहृतम्

kuṣṭhamāṃsīharidrābhir vacāśaileyacandanaiḥ / murākarcūramustābhiḥ sarvauṣadham udāhṛtam

Sanskrit only: no published translation is held for this verse.

अजाजी मरिचं शुण्ठी ग्रन्थि धान्यं निशाह्वयम् । पिप्पली मरिचं चेति वेशवारगणो मतः

ajājī maricaṃ śuṇṭhī granthi dhānyaṃ niśāhvayam / pippalī maricaṃ ceti veśavāragaṇo mataḥ

Sanskrit only: no published translation is held for this verse.

सर्वौषधिसमायुक्ताः शुष्काश्चामलकत्वचः । यदा तदायं योगः स्यात् सुगन्धामलकाभिधः

sarvauṣadhisamāyuktāḥ śuṣkāścāmalakatvacaḥ / yadā tadāyaṃ yogaḥ syāt sugandhāmalakābhidhaḥ

Sanskrit only: no published translation is held for this verse.

द्राक्षादाडिमखर्जूरकदलीशर्करान्वितम् । लाजाचूर्णं समध्वाज्यं संतर्पणम् उदाहृतम्

drākṣādāḍimakharjūrakadalīśarkarānvitam / lājācūrṇaṃ samadhvājyaṃ saṃtarpaṇam udāhṛtam

Sanskrit only: no published translation is held for this verse.

सक्तुभिः सर्पिषाभ्यक्तैः शीतवारिपरिप्लुतैः । नात्यच्छो नातिसान्द्रश्च मन्थः इत्यभिधीयते

saktubhiḥ sarpiṣābhyaktaiḥ śītavāripariplutaiḥ / nātyaccho nātisāndraśca manthaḥ ityabhidhīyate

Sanskrit only: no published translation is held for this verse.

दाडिमं किंशुकं लाक्षा बन्धूकं च निशाह्वयम् । कुसुम्भपुष्पं मञ्जिष्ठा इत्येतै रक्तवर्गकः

dāḍimaṃ kiṃśukaṃ lākṣā bandhūkaṃ ca niśāhvayam / kusumbhapuṣpaṃ mañjiṣṭhā ityetai raktavargakaḥ

Sanskrit only: no published translation is held for this verse.

खटिनीश्वेतसंयुक्ताः शङ्खशुक्तिवराटिकाः । भृष्टाश्मशर्करा चेति शुक्लवर्ग उदाहृतः

khaṭinīśvetasaṃyuktāḥ śaṅkhaśuktivarāṭikāḥ / bhṛṣṭāśmaśarkarā ceti śuklavarga udāhṛtaḥ

Sanskrit only: no published translation is held for this verse.

भार्गीशटीपुष्करवत्सबीजदुरालभाशृङ्गिपटोलतिक्ताः । किरातविश्वेन्द्रकणेन्द्रबीजधान्यानि तिक्तं सुरदारुकं च

bhārgīśaṭīpuṣkaravatsabījadurālabhāśṛṅgipaṭolatiktāḥ / kirātaviśvendrakaṇendrabījadhānyāni tiktaṃ suradārukaṃ ca

Sanskrit only: no published translation is held for this verse.

अष्टादशाङ्गाभिध एष योगः समागमे स्याद्दशमूलकेन । द्विधा च भार्ग्यादिक एक एष ज्ञेयो द्वितीयस्तु किरातकादिः

aṣṭādaśāṅgābhidha eṣa yogaḥ samāgame syāddaśamūlakena / dvidhā ca bhārgyādika eka eṣa jñeyo dvitīyastu kirātakādiḥ

Sanskrit only: no published translation is held for this verse.

द्वात्रिंशत्पलसम्मितं दधि पलान्यष्टौ च खण्डं पलस्यार्धं चेन्मरिचस्य तेन तुलितं युक्तं त्वगेलाह्वयम् । मध्वाज्यं च युतं तदर्धमिलितं संशोधितैर् योजिता भाण्डे स्याद्धिमवासिते शिखरिणी श्रीकण्ठभोग्या गुणैः

dvātriṃśatpalasammitaṃ dadhi palānyaṣṭau ca khaṇḍaṃ palasyārdhaṃ cenmaricasya tena tulitaṃ yuktaṃ tvagelāhvayam / madhvājyaṃ ca yutaṃ tadardhamilitaṃ saṃśodhitair yojitā bhāṇḍe syāddhimavāsite śikhariṇī śrīkaṇṭhabhogyā guṇaiḥ

Sanskrit only: no published translation is held for this verse.

इत्थं नानामिश्रयोगाभिधानादेनं वर्गं मिश्रकाख्यं विदित्वा । वैद्यः कुर्याद् योगम् अत्रत्यसंज्ञाप्रज्ञासंज्ञो बन्धुभिर्येन धीरः

itthaṃ nānāmiśrayogābhidhānādenaṃ vargaṃ miśrakākhyaṃ viditvā / vaidyaḥ kuryād yogam atratyasaṃjñāprajñāsaṃjño bandhubhiryena dhīraḥ

Sanskrit only: no published translation is held for this verse.

शौर्यासङ्गरता रमा स्वयमुमा शश्वच्छिवासङ्गिनी सा वाणी चतुराननप्रणयिनी श्रीसम्मिता यं श्रिता । तस्यागाद् अभिधानशेखरमणौ वर्गो नृसिंहेशितुर् द्वाविंशो ऽवसितिं कृतौ कृतधियां यो मिश्रकाख्यो मतः

śauryāsaṅgaratā ramā svayamumā śaśvacchivāsaṅginī sā vāṇī caturānanapraṇayinī śrīsammitā yaṃ śritā / tasyāgād abhidhānaśekharamaṇau vargo nṛsiṃheśitur dvāviṃśo 'vasitiṃ kṛtau kṛtadhiyāṃ yo miśrakākhyo mataḥ

Sanskrit only: no published translation is held for this verse.