Naragari: Rajanighantu 24

सौराष्ट्र्यां रुचिदे चैव संधानं च प्रचक्षते । पलाशिके शटी लाक्षा कितवश् चोरके शठे

saurāṣṭryāṃ rucide caiva saṃdhānaṃ ca pracakṣate / palāśike śaṭī lākṣā kitavaś corake śaṭhe

Sanskrit only: no published translation is held for this verse.

बलाका बर्हिणश्चैव मेघानन्दः प्रकीर्तितः । आकाशेऽभ्रके गगनं जलूका मत्कुणास्रपोः

balākā barhiṇaścaiva meghānandaḥ prakīrtitaḥ / ākāśe'bhrake gaganaṃ jalūkā matkuṇāsrapoḥ

Sanskrit only: no published translation is held for this verse.

नासानक्षत्रयोर् नाडी कोलायां शुण्डिके कणा । ज्वरघ्नश् छिन्नवास्तूके ललना चारसर्जयोः

nāsānakṣatrayor nāḍī kolāyāṃ śuṇḍike kaṇā / jvaraghnaś chinnavāstūke lalanā cārasarjayoḥ

Sanskrit only: no published translation is held for this verse.

मञ्जिष्ठायां गुडूच्यां तु कुमारी नागपूर्विका । मुद्गरे सप्तपर्णे स्यात् सप्तच्छदम् उदाहृतम्

mañjiṣṭhāyāṃ guḍūcyāṃ tu kumārī nāgapūrvikā / mudgare saptaparṇe syāt saptacchadam udāhṛtam

Sanskrit only: no published translation is held for this verse.

कृत्रिमकं विडे काचे पाक्यं च यवजे विडे । सर्पान्तरे पटोले च कुलकः समुदाहृतः

kṛtrimakaṃ viḍe kāce pākyaṃ ca yavaje viḍe / sarpāntare paṭole ca kulakaḥ samudāhṛtaḥ

Sanskrit only: no published translation is held for this verse.

जन्तुकायां तु वास्तुके विज्ञेया चक्रवर्तिनी । मधुरा जीवके प्रोक्ता मेदायां च तथा स्मृता

jantukāyāṃ tu vāstuke vijñeyā cakravartinī / madhurā jīvake proktā medāyāṃ ca tathā smṛtā

Sanskrit only: no published translation is held for this verse.

कर्कन्धूश्चेति सम्प्रोक्तो बदरे पूतिमारुते । वासन्ती कोकिलायां तु दन्त्यापुष्पं प्रचक्षते

karkandhūśceti samprokto badare pūtimārute / vāsantī kokilāyāṃ tu dantyāpuṣpaṃ pracakṣate

Sanskrit only: no published translation is held for this verse.

चन्द्राब्जे चोत्पलं कुष्ठे कृकरश्चव्यवातयोः । चपला मद्यमागध्योर् धरण्यां खदिरे क्षमा

candrābje cotpalaṃ kuṣṭhe kṛkaraścavyavātayoḥ / capalā madyamāgadhyor dharaṇyāṃ khadire kṣamā

Sanskrit only: no published translation is held for this verse.

सिन्धुपुष्पं कदम्बे च बकुले चाथ लोमशा । काकोल्यां च वचायां च सूक्ष्मैला चेन्द्रवारुणी

sindhupuṣpaṃ kadambe ca bakule cātha lomaśā / kākolyāṃ ca vacāyāṃ ca sūkṣmailā cendravāruṇī

Sanskrit only: no published translation is held for this verse.

ऐन्द्र्यां गोदावरी चैव गौतम्यां रोचना तथा । कुसुम्भेऽरण्यजे चैव कौसुम्भं कुसुमाञ्जने

aindryāṃ godāvarī caiva gautamyāṃ rocanā tathā / kusumbhe'raṇyaje caiva kausumbhaṃ kusumāñjane

Sanskrit only: no published translation is held for this verse.

शटी गन्धनिशायां च चोरके चाथ कर्कटी । देवदाल्यां त्रपुस्यां च शताह्वायां शतावरी

śaṭī gandhaniśāyāṃ ca corake cātha karkaṭī / devadālyāṃ trapusyāṃ ca śatāhvāyāṃ śatāvarī

Sanskrit only: no published translation is held for this verse.

मिशिस्तु तुत्थनीलिन्यां सूक्ष्मैलायां तथा स्मृता । वितुन्नकं तु भूधात्र्यां ख्याता कुस्तुम्बरी तथा

miśistu tutthanīlinyāṃ sūkṣmailāyāṃ tathā smṛtā / vitunnakaṃ tu bhūdhātryāṃ khyātā kustumbarī tathā

Sanskrit only: no published translation is held for this verse.

बर्हिर् दर्भे मयूरे च प्लक्षमर्कटयोः प्लवः । आखुपर्णी सुतश्रेण्यां प्रत्यक्श्रेण्यां तथा स्मृता

barhir darbhe mayūre ca plakṣamarkaṭayoḥ plavaḥ / ākhuparṇī sutaśreṇyāṃ pratyakśreṇyāṃ tathā smṛtā

Sanskrit only: no published translation is held for this verse.

वस्त्रे तमालपत्त्रे च अंशुकः समुदाहृतः । दर्भे च कुशिके वज्रं कङ्गुधान्ये प्रियङ्गुके

vastre tamālapattre ca aṃśukaḥ samudāhṛtaḥ / darbhe ca kuśike vajraṃ kaṅgudhānye priyaṅguke

Sanskrit only: no published translation is held for this verse.

कङ्गुरङ्गारवल्ली तु फञ्जी हस्तिकरञ्जयोः । वक्रपुष्पमगस्त्ये च पलाशे च श्वपुच्छकम्

kaṅguraṅgāravallī tu phañjī hastikarañjayoḥ / vakrapuṣpamagastye ca palāśe ca śvapucchakam

Sanskrit only: no published translation is held for this verse.

माषपर्ण्यां शुनः पुच्छे चिल्ली स्याच्छाकलोध्रयोः । अथवा चेन्द्रवारुण्यां शक्राह्वेन्द्रयवं तथा

māṣaparṇyāṃ śunaḥ pucche cillī syācchākalodhrayoḥ / athavā cendravāruṇyāṃ śakrāhvendrayavaṃ tathā

Sanskrit only: no published translation is held for this verse.

काकभाण्डी काकतुण्ड्यां ख्याता हस्तिकरञ्जके । दीर्घाङ्कुश्यां पलाशे च याज्ञिकोऽथ विदारिका

kākabhāṇḍī kākatuṇḍyāṃ khyātā hastikarañjake / dīrghāṅkuśyāṃ palāśe ca yājñiko'tha vidārikā

Sanskrit only: no published translation is held for this verse.

काश्मर्यां च शृगाल्यां च टेण्टी च मृगधूर्तके । भल्लूकोऽथ रुदन्त्यां च गोक्षुरे चणपत्त्रकः । कटुकागजपिप्पल्योः ख्याता च शकुलादनी

kāśmaryāṃ ca śṛgālyāṃ ca ṭeṇṭī ca mṛgadhūrtake / bhallūko'tha rudantyāṃ ca gokṣure caṇapattrakaḥ / kaṭukāgajapippalyoḥ khyātā ca śakulādanī

Sanskrit only: no published translation is held for this verse.

मन्थानके समाख्यातो राजवृक्षस्तृणाधिपे । मदने कुटिले चैव तगरं चाथ रक्तिका

manthānake samākhyāto rājavṛkṣastṛṇādhipe / madane kuṭile caiva tagaraṃ cātha raktikā

Sanskrit only: no published translation is held for this verse.

गुञ्जायां राजिकायां च पिशुनं चापि कुङ्कुमे । तगरेऽथ यवाह्वायां यवक्षारं यवासिका

guñjāyāṃ rājikāyāṃ ca piśunaṃ cāpi kuṅkume / tagare'tha yavāhvāyāṃ yavakṣāraṃ yavāsikā

Sanskrit only: no published translation is held for this verse.

अङ्कुरौदनयोः कूरो दन्तीमधुकपुष्पयोः । मधुपुष्पं च शोफघ्नी शालिपर्णीपुनर्नवे । बालपत्त्रो यवासे च खदिरे चाथ बालके

aṅkuraudanayoḥ kūro dantīmadhukapuṣpayoḥ / madhupuṣpaṃ ca śophaghnī śāliparṇīpunarnave / bālapattro yavāse ca khadire cātha bālake

Sanskrit only: no published translation is held for this verse.

उदीच्यमुत्तरे देशे कपिः कीशतुरुष्कयोः । लाङ्गलीदर्भयोः सीरी प्रग्रहे जलवेतसे । व्याधिघातो लवंगं च श्रीगन्धे दिव्यचन्दने

udīcyamuttare deśe kapiḥ kīśaturuṣkayoḥ / lāṅgalīdarbhayoḥ sīrī pragrahe jalavetase / vyādhighāto lavaṃgaṃ ca śrīgandhe divyacandane

Sanskrit only: no published translation is held for this verse.

स्वादुकण्टकम् आचख्युर् गोक्षुरे च विकङ्कते । वंशबीजे यवफलो वत्सके धान्यमार्कवे

svādukaṇṭakam ācakhyur gokṣure ca vikaṅkate / vaṃśabīje yavaphalo vatsake dhānyamārkave

Sanskrit only: no published translation is held for this verse.

देवप्रियः अगस्त्यः स्याद् वचा श्वेतादिपिच्छरी । गोलोम्यां गृञ्जनं प्रोक्तं लशुने वृत्तमूलके

devapriyaḥ agastyaḥ syād vacā śvetādipiccharī / golomyāṃ gṛñjanaṃ proktaṃ laśune vṛttamūlake

Sanskrit only: no published translation is held for this verse.

कुङ्कुमे रामठे बाह्लिर् बलायामोदनी भवेत् । महासमङ्गा चैश्वर्यां जटामांस्यां जटा स्मृता

kuṅkume rāmaṭhe bāhlir balāyāmodanī bhavet / mahāsamaṅgā caiśvaryāṃ jaṭāmāṃsyāṃ jaṭā smṛtā

Sanskrit only: no published translation is held for this verse.

कस्तूरी मृगनाभौ च धुस्तूरे परिकीर्तिता । हंसपाद्यां मुसल्यां च ख्याता गोधापदी बुधैः

kastūrī mṛganābhau ca dhustūre parikīrtitā / haṃsapādyāṃ musalyāṃ ca khyātā godhāpadī budhaiḥ

Sanskrit only: no published translation is held for this verse.

तपस्वी हिङ्गुपत्त्र्यां च प्रकीर्ये रौप्यमुक्तयोः । तारं स्यान्माषपर्ण्यां तु लिङ्ग्यां चाहुः स्वयम्भुवम्

tapasvī hiṅgupattryāṃ ca prakīrye raupyamuktayoḥ / tāraṃ syānmāṣaparṇyāṃ tu liṅgyāṃ cāhuḥ svayambhuvam

Sanskrit only: no published translation is held for this verse.

सहस्रवेधी कस्तूर्यां रामठेऽथाब्जकेसरे । पुंनागे तुङ्गम् आचख्युस् त्रिवृद्धान्यविशेषयोः

sahasravedhī kastūryāṃ rāmaṭhe'thābjakesare / puṃnāge tuṅgam ācakhyus trivṛddhānyaviśeṣayoḥ

Sanskrit only: no published translation is held for this verse.

मसूरोऽप्यथ विश्वायां शुण्ठी प्रतिविषा तथा । श्रीगन्धं गन्धपाषाणे गन्धसारे ऽथ पिच्छिले

masūro'pyatha viśvāyāṃ śuṇṭhī prativiṣā tathā / śrīgandhaṃ gandhapāṣāṇe gandhasāre 'tha picchile

Sanskrit only: no published translation is held for this verse.

शाल्मलीशिंशपे वासाबृहत्यौ हिंस्रिकाभिधे । मर्कटस्त्वजमोदायां वनौकसि च विश्रुतः

śālmalīśiṃśape vāsābṛhatyau hiṃsrikābhidhe / markaṭastvajamodāyāṃ vanaukasi ca viśrutaḥ

Sanskrit only: no published translation is held for this verse.

स्याल्लाङ्गली गुडूच्यां तु विशल्यामथ तेजिनी । तेजोवत्यां तु मूर्वायां चाङ्गेरीलोणशाकयोः

syāllāṅgalī guḍūcyāṃ tu viśalyāmatha tejinī / tejovatyāṃ tu mūrvāyāṃ cāṅgerīloṇaśākayoḥ

Sanskrit only: no published translation is held for this verse.

लोणिका चापि पिण्याकं तिलकिट्टतुरुष्कयोः । बृहत्यां चैव वृन्ताके वार्त्ताकी च सदाफलम्

loṇikā cāpi piṇyākaṃ tilakiṭṭaturuṣkayoḥ / bṛhatyāṃ caiva vṛntāke vārttākī ca sadāphalam

Sanskrit only: no published translation is held for this verse.

उदुम्बरे बिल्ववृक्षे लज्जाखदिरवृक्षयोः । खदिरे चाथ सामुद्रं लवणे चाब्धिफेनके

udumbare bilvavṛkṣe lajjākhadiravṛkṣayoḥ / khadire cātha sāmudraṃ lavaṇe cābdhiphenake

Sanskrit only: no published translation is held for this verse.

ग्रन्थिलो गोक्षुरे बिल्वे कटुका मीनपित्तयोः । मत्स्यपित्ताथ रजनी हरिद्रानीलिकाख्ययोः

granthilo gokṣure bilve kaṭukā mīnapittayoḥ / matsyapittātha rajanī haridrānīlikākhyayoḥ

Sanskrit only: no published translation is held for this verse.

मिश्रेयके मुरल्यां च वातपत्त्रो ऽथ मुस्तके । अब्दोऽभ्रके श्वेतपद्मे पुष्करं पुष्करे मतम्

miśreyake muralyāṃ ca vātapattro 'tha mustake / abdo'bhrake śvetapadme puṣkaraṃ puṣkare matam

Sanskrit only: no published translation is held for this verse.

तुण्डिकेर्यां च कार्पासे तुण्डिका च प्रशस्यते । धुस्तूरे च विडे धूर्तः श्रीवेष्टे सूचिपत्त्रके

tuṇḍikeryāṃ ca kārpāse tuṇḍikā ca praśasyate / dhustūre ca viḍe dhūrtaḥ śrīveṣṭe sūcipattrake

Sanskrit only: no published translation is held for this verse.

वृक्षधूपो हिमांशौ स्यात्कर्पूरे च प्रकीर्तितः । जातीफलं तु शैलूषे श्रीफले च सितावरी

vṛkṣadhūpo himāṃśau syātkarpūre ca prakīrtitaḥ / jātīphalaṃ tu śailūṣe śrīphale ca sitāvarī

Sanskrit only: no published translation is held for this verse.

सूचिपत्त्रे तु वाकुच्यां शर्करागण्डदूर्वयोः । मत्स्यण्डिका तु द्राक्षायां चराब्दे तापसप्रिया

sūcipattre tu vākucyāṃ śarkarāgaṇḍadūrvayoḥ / matsyaṇḍikā tu drākṣāyāṃ carābde tāpasapriyā

Sanskrit only: no published translation is held for this verse.

फञ्जी तु वोकडी चैव अजान्त्र्यां तु प्रचक्षते । अर्कावर्ते रवौ सूर्यः पेयं क्षीरे जले स्मृतम्

phañjī tu vokaḍī caiva ajāntryāṃ tu pracakṣate / arkāvarte ravau sūryaḥ peyaṃ kṣīre jale smṛtam

Sanskrit only: no published translation is held for this verse.

कर्पूरे चुक्रके चन्द्रः क्षौद्रे ताप्ये च माक्षिकम् । मञ्जिष्ठा तगरे भण्डी तूच्चटा गुञ्जमुस्तयोः

karpūre cukrake candraḥ kṣaudre tāpye ca mākṣikam / mañjiṣṭhā tagare bhaṇḍī tūccaṭā guñjamustayoḥ

Sanskrit only: no published translation is held for this verse.

सुवर्चलं मातुलिङ्गे रुचके च सुवर्चला । अर्कावर्ते तु मण्डूक्यां ह्रीवेरपिचुमर्दयोः

suvarcalaṃ mātuliṅge rucake ca suvarcalā / arkāvarte tu maṇḍūkyāṃ hrīverapicumardayoḥ

Sanskrit only: no published translation is held for this verse.

निम्बोऽथ सप्तलायां तु सप्तला नवमल्लिका । लाङ्गल्यां गजपिप्पल्यां ख्याता वह्निशिखा तथा

nimbo'tha saptalāyāṃ tu saptalā navamallikā / lāṅgalyāṃ gajapippalyāṃ khyātā vahniśikhā tathā

Sanskrit only: no published translation is held for this verse.

ज्योतिष्मत्यां काकजङ्घा पारावतपदी तथा । दुरालभा यवासे च यासे च क्षुरको मतः

jyotiṣmatyāṃ kākajaṅghā pārāvatapadī tathā / durālabhā yavāse ca yāse ca kṣurako mataḥ

Sanskrit only: no published translation is held for this verse.

गोक्षुरे कोकिलाक्षे च क्षुरे गोकण्टके क्षुरः । पुष्करं च पलाशे च क्षीरश्रेष्ठः प्रकीर्तितः

gokṣure kokilākṣe ca kṣure gokaṇṭake kṣuraḥ / puṣkaraṃ ca palāśe ca kṣīraśreṣṭhaḥ prakīrtitaḥ

Sanskrit only: no published translation is held for this verse.

सोमो धान्याभ्रके सोमे प्रिया मद्येऽङ्गनान्तरे । मुनिद्रुर् घण्टुके ऽगस्त्ये ऽथामृणालमुशीरके

somo dhānyābhrake some priyā madye'ṅganāntare / munidrur ghaṇṭuke 'gastye 'thāmṛṇālamuśīrake

Sanskrit only: no published translation is held for this verse.

लामज्जके ब्रह्मवृक्षो रक्तागस्त्ये पलाशके । वटे प्लक्षे च शृङ्गी स्यात् कान्तारो वनवंशयोः

lāmajjake brahmavṛkṣo raktāgastye palāśake / vaṭe plakṣe ca śṛṅgī syāt kāntāro vanavaṃśayoḥ

Sanskrit only: no published translation is held for this verse.

भूतृणे धान्यके छत्त्रं मूलके शिग्रुमूलके । मूलकं च यमानी तु दीपिकाबस्तमोदयोः

bhūtṛṇe dhānyake chattraṃ mūlake śigrumūlake / mūlakaṃ ca yamānī tu dīpikābastamodayoḥ

Sanskrit only: no published translation is held for this verse.

एलवालुककर्कट्योर् वालुकं क्षीरभूरुहम् । ताम्रं चोदुम्बरे चाथ भूर्जेन्द्रा श्रवणी तथा

elavālukakarkaṭyor vālukaṃ kṣīrabhūruham / tāmraṃ codumbare cātha bhūrjendrā śravaṇī tathā

Sanskrit only: no published translation is held for this verse.

रीत्यां पुष्पाञ्जने रीतिः सचिवो मन्त्रिधूर्तयोः । चाणका मूलके मिश्रे शालयोऽथार्कसारिवे

rītyāṃ puṣpāñjane rītiḥ sacivo mantridhūrtayoḥ / cāṇakā mūlake miśre śālayo'thārkasārive

Sanskrit only: no published translation is held for this verse.

आस्फोतायां तु पर्जन्यो वृष्टिदारुहरिद्रयोः । लकुचं चुक्रवास्तूके लिकुचेऽथ गुणा मता

āsphotāyāṃ tu parjanyo vṛṣṭidāruharidrayoḥ / lakucaṃ cukravāstūke likuce'tha guṇā matā

Sanskrit only: no published translation is held for this verse.

दूर्वायां मांसरोहिण्यां सातला मांसरोहिणी । उभे चर्मकषायां तु नीवारे पिण्डकर्बुरे

dūrvāyāṃ māṃsarohiṇyāṃ sātalā māṃsarohiṇī / ubhe carmakaṣāyāṃ tu nīvāre piṇḍakarbure

Sanskrit only: no published translation is held for this verse.

मुनिप्रियो वरायां तु गुडूची तु विडङ्गके । रसं तु पारदे बोले रसः पारदचर्मणोः

munipriyo varāyāṃ tu guḍūcī tu viḍaṅgake / rasaṃ tu pārade bole rasaḥ pāradacarmaṇoḥ

Sanskrit only: no published translation is held for this verse.

भल्लूकः शुनके ऋक्षे पद्मिन्यां नलिनी त्व् इभी । किंशुके प्रवरौ ख्यातौ आरूके परिकीर्तिताः

bhallūkaḥ śunake ṛkṣe padminyāṃ nalinī tv ibhī / kiṃśuke pravarau khyātau ārūke parikīrtitāḥ

Sanskrit only: no published translation is held for this verse.

चित्रके मेथिकाबीजे ज्योतिष्कश्चाथ वार्षिके । त्रायमाणान्यपुष्ट्यां च मेथिकाचित्रमूलयोः

citrake methikābīje jyotiṣkaścātha vārṣike / trāyamāṇānyapuṣṭyāṃ ca methikācitramūlayoḥ

Sanskrit only: no published translation is held for this verse.

वल्लरी चाथ कलभो धुस्तूरे च गजार्भके । त्रुटिनीलिकयोर् एला शिखण्डी च मयूरके

vallarī cātha kalabho dhustūre ca gajārbhake / truṭinīlikayor elā śikhaṇḍī ca mayūrake

Sanskrit only: no published translation is held for this verse.

सुवर्णयूथिकायां च कारवे रुचके तथा । तत्प्रोक्तं कृष्णलवणं दाडिमे च कपित्थके

suvarṇayūthikāyāṃ ca kārave rucake tathā / tatproktaṃ kṛṣṇalavaṇaṃ dāḍime ca kapitthake

Sanskrit only: no published translation is held for this verse.

स्मृतं कुचफलं शाकश्रेष्ठः कुष्माण्डके तथा । कलिङ्गे च स्मृतश्चाथ खगो वायौ च पक्षिणि

smṛtaṃ kucaphalaṃ śākaśreṣṭhaḥ kuṣmāṇḍake tathā / kaliṅge ca smṛtaścātha khago vāyau ca pakṣiṇi

Sanskrit only: no published translation is held for this verse.

धनुर्वक्षो धन्वनागे स स्याद्भल्लात इत्यपि । घेटुके खड्गशिम्ब्यां च पृथुशिम्ब्यथ चेतना

dhanurvakṣo dhanvanāge sa syādbhallāta ityapi / gheṭuke khaḍgaśimbyāṃ ca pṛthuśimbyatha cetanā

Sanskrit only: no published translation is held for this verse.

पथ्यारुष्कस्तु निचुले अशोके वञ्जुलः स्मृतः । कपिकच्छ्वां त्व् अपामार्गे मर्कटी चान्यपक्षिणी

pathyāruṣkastu nicule aśoke vañjulaḥ smṛtaḥ / kapikacchvāṃ tv apāmārge markaṭī cānyapakṣiṇī

Sanskrit only: no published translation is held for this verse.

भारद्वाजो भवेद्वन्यकार्पासे चाथ गुग्गुलौ । दहनागुरौ पुरं च प्रोक्ताथ जतुपत्त्रिका

bhāradvājo bhavedvanyakārpāse cātha guggulau / dahanāgurau puraṃ ca proktātha jatupattrikā

Sanskrit only: no published translation is held for this verse.

क्षुद्राश्मभेदे चाङ्गेर्याम् अतसी शालिपर्णिका । एकमूला तु कुम्भी स्यात्पाटलीद्रोणपुष्पयोः

kṣudrāśmabhede cāṅgeryām atasī śāliparṇikā / ekamūlā tu kumbhī syātpāṭalīdroṇapuṣpayoḥ

Sanskrit only: no published translation is held for this verse.

वाराही च हरिक्रान्ता विष्णुक्रान्ताभिधा मता । सारङ्गश्चातके रङ्कौ शङ्खो वारिभवे नखे

vārāhī ca harikrāntā viṣṇukrāntābhidhā matā / sāraṅgaścātake raṅkau śaṅkho vāribhave nakhe

Sanskrit only: no published translation is held for this verse.

मांसलं तु फले प्रोक्तं वृन्ताके तु कलिङ्गके । निष्पत्त्रिकायां वंशाग्रे करीरं संप्रकीर्तितम्

māṃsalaṃ tu phale proktaṃ vṛntāke tu kaliṅgake / niṣpattrikāyāṃ vaṃśāgre karīraṃ saṃprakīrtitam

Sanskrit only: no published translation is held for this verse.

माषपर्ण्यां तु गुञ्जायां काम्भोजी चाथ पूतना । गन्धमांस्यां हरीतक्यां चित्राङ्गं म्लेच्छतालयोः

māṣaparṇyāṃ tu guñjāyāṃ kāmbhojī cātha pūtanā / gandhamāṃsyāṃ harītakyāṃ citrāṅgaṃ mlecchatālayoḥ

Sanskrit only: no published translation is held for this verse.

अङ्कोलके तु मदनं ख्यातं गन्धोत्कटे बुधैः । तिनिशे शिंशपायां तु भस्मगर्भः प्रकीर्तितः

aṅkolake tu madanaṃ khyātaṃ gandhotkaṭe budhaiḥ / tiniśe śiṃśapāyāṃ tu bhasmagarbhaḥ prakīrtitaḥ

Sanskrit only: no published translation is held for this verse.

वाते मरुद्गदे चैव ख्यातो वैद्यैः समीरणः । क्षीरं दुग्धे तवक्षीरे क्षवथुः क्षुतकासयोः

vāte marudgade caiva khyāto vaidyaiḥ samīraṇaḥ / kṣīraṃ dugdhe tavakṣīre kṣavathuḥ kṣutakāsayoḥ

Sanskrit only: no published translation is held for this verse.

सितमन्दारके पुष्पविशेषे कुरवः स्मृतः । सुषवी कटुहुञ्च्यां च विश्रुता स्थूलजीरके

sitamandārake puṣpaviśeṣe kuravaḥ smṛtaḥ / suṣavī kaṭuhuñcyāṃ ca viśrutā sthūlajīrake

Sanskrit only: no published translation is held for this verse.

कण्टकी खदिरे प्रोक्ता वृन्ताके चाथ नीलिका । सिन्दुवारे तु नीलिन्यां पिके चैवाथ कोकिला

kaṇṭakī khadire proktā vṛntāke cātha nīlikā / sinduvāre tu nīlinyāṃ pike caivātha kokilā

Sanskrit only: no published translation is held for this verse.

कोकिलाक्षे च गान्धार्यां पत्री स्यात्सा यवासके । चक्राङ्गी चैव रोहिण्यां मञ्जिष्ठायां प्रकीर्तिता

kokilākṣe ca gāndhāryāṃ patrī syātsā yavāsake / cakrāṅgī caiva rohiṇyāṃ mañjiṣṭhāyāṃ prakīrtitā

Sanskrit only: no published translation is held for this verse.

मसूरा त्रिवृतायां च प्रोक्ता धान्यविशेषके । गिरिजं गैरिकं प्रोक्तं शिलाजतु प्रशस्यते

masūrā trivṛtāyāṃ ca proktā dhānyaviśeṣake / girijaṃ gairikaṃ proktaṃ śilājatu praśasyate

Sanskrit only: no published translation is held for this verse.

चन्द्रिका चन्द्रकान्तौ च निर्गुण्ड्यां च प्रकीर्तिता । फञ्जी योजनबल्यां तु भार्ग्यां चैवाथ नीलिका

candrikā candrakāntau ca nirguṇḍyāṃ ca prakīrtitā / phañjī yojanabalyāṃ tu bhārgyāṃ caivātha nīlikā

Sanskrit only: no published translation is held for this verse.

मृगाक्षी श्रीफलीकायां मृगाक्षी धात्रिकाफलम् । ख्यातामृतफले चाथ श्यामेक्षुः कोकिलाक्षकः

mṛgākṣī śrīphalīkāyāṃ mṛgākṣī dhātrikāphalam / khyātāmṛtaphale cātha śyāmekṣuḥ kokilākṣakaḥ

Sanskrit only: no published translation is held for this verse.

इक्षुरके वक्रशल्यां कटुबिम्बी प्रचक्षते । दन्त्यन्तरे विभाण्ड्यां च प्रख्याता कर्तरी बुधैः

ikṣurake vakraśalyāṃ kaṭubimbī pracakṣate / dantyantare vibhāṇḍyāṃ ca prakhyātā kartarī budhaiḥ

Sanskrit only: no published translation is held for this verse.

अभया च समाख्याता हरीतक्यमृणालयोः । जन्तुकायां जनन्यां तु भ्रामरी च भिषग्वरैः

abhayā ca samākhyātā harītakyamṛṇālayoḥ / jantukāyāṃ jananyāṃ tu bhrāmarī ca bhiṣagvaraiḥ

Sanskrit only: no published translation is held for this verse.

गोरसे रोचने गव्यं कार्पास्यां चव्यचव्यके । गोरोचना रोचनायां ख्याता स्याद्वंशरोचना

gorase rocane gavyaṃ kārpāsyāṃ cavyacavyake / gorocanā rocanāyāṃ khyātā syādvaṃśarocanā

Sanskrit only: no published translation is held for this verse.

ज्योतिष्मत्यां पक्षिभेदे पिङ्गला च प्रकीर्तिता । अमृते शालिपर्ण्यां तु सुधा च परिकीर्तिता । रसराजः समाख्यातः पारदे च रसाञ्जने

jyotiṣmatyāṃ pakṣibhede piṅgalā ca prakīrtitā / amṛte śāliparṇyāṃ tu sudhā ca parikīrtitā / rasarājaḥ samākhyātaḥ pārade ca rasāñjane

Sanskrit only: no published translation is held for this verse.

वल्लीकरञ्जे सितपाटलायां कुबेरनेत्राथ जटादिमांस्याम् । मांसी रुदन्त्यां लवणे महीजे कान्तायसाश्मे तु हि रोमकाख्यम्

vallīkarañje sitapāṭalāyāṃ kuberanetrātha jaṭādimāṃsyām / māṃsī rudantyāṃ lavaṇe mahīje kāntāyasāśme tu hi romakākhyam

Sanskrit only: no published translation is held for this verse.