Naragari: Rajanighantu 26

अम्लिकायां तु चाङ्गेर्यां मोचिका चाम्रचिञ्चके । वयःस्थायां च काकोल्यौ दार्वी च सोमवल्लरी

amlikāyāṃ tu cāṅgeryāṃ mocikā cāmraciñcake / vayaḥsthāyāṃ ca kākolyau dārvī ca somavallarī

Sanskrit only: no published translation is held for this verse.

जन्तुकायां पुत्रदात्र्यां षट्पद्यां भ्रमरी त्वचौ । भ्रमरी चारको वैद्यशास्त्रम् आयुष्मते स्मृतः

jantukāyāṃ putradātryāṃ ṣaṭpadyāṃ bhramarī tvacau / bhramarī cārako vaidyaśāstram āyuṣmate smṛtaḥ

Sanskrit only: no published translation is held for this verse.

अभया चिर्भिटा बन्ध्या कर्कोटी च मृगादनी । पथ्यायां संप्रवक्ष्यन्ते चतस्रश्च भिषग्वरैः

abhayā cirbhiṭā bandhyā karkoṭī ca mṛgādanī / pathyāyāṃ saṃpravakṣyante catasraśca bhiṣagvaraiḥ

Sanskrit only: no published translation is held for this verse.

कुष्ठे कुन्दुरुके निम्बे राजके राजभद्रकः । कटके काचके लोहे तिलके गन्धभेदकः

kuṣṭhe kunduruke nimbe rājake rājabhadrakaḥ / kaṭake kācake lohe tilake gandhabhedakaḥ

Sanskrit only: no published translation is held for this verse.

मीनाख्यायां महाराष्ट्र्यां काकमाच्यां ततः परम् । ब्रह्ममण्डूकिकायां तु मत्स्याक्षी च प्रचक्षते

mīnākhyāyāṃ mahārāṣṭryāṃ kākamācyāṃ tataḥ param / brahmamaṇḍūkikāyāṃ tu matsyākṣī ca pracakṣate

Sanskrit only: no published translation is held for this verse.

नक्तञ्चरः कौशिके स्याद्वल्गुजे दुण्डुभे पुरे । शिफाजगन्धाकारव्यौ मेथिका चाजमोदिका

naktañcaraḥ kauśike syādvalguje duṇḍubhe pure / śiphājagandhākāravyau methikā cājamodikā

Sanskrit only: no published translation is held for this verse.

पञ्चास्ये मर्कटे चाश्वे मण्डूके च हरिः स्मृतः । श्यामालङ्का त्रिपूटायां स्थूलैला वृत्तमल्लिका

pañcāsye markaṭe cāśve maṇḍūke ca hariḥ smṛtaḥ / śyāmālaṅkā tripūṭāyāṃ sthūlailā vṛttamallikā

Sanskrit only: no published translation is held for this verse.

लोहं च लोहजे कांस्ये कृष्णलोहे तथागुरौ । खर्जूर्यां नारिकेले च ताले वंशे दुरारुहा

lohaṃ ca lohaje kāṃsye kṛṣṇalohe tathāgurau / kharjūryāṃ nārikele ca tāle vaṃśe durāruhā

Sanskrit only: no published translation is held for this verse.

शुण्ठीमरिचपिप्पल्यां कणामूले षडूषणम् । अग्निस्त्वरुष्करे जारे निम्बुके चित्रके तथा

śuṇṭhīmaricapippalyāṃ kaṇāmūle ṣaḍūṣaṇam / agnistvaruṣkare jāre nimbuke citrake tathā

Sanskrit only: no published translation is held for this verse.

भूताङ्कुशस्त्वपामार्गे सुकुमारश्च राजिका । त्वचे चाक्षबले चैव प्रोक्तस्तत्र भिषग्वरैः

bhūtāṅkuśastvapāmārge sukumāraśca rājikā / tvace cākṣabale caiva proktastatra bhiṣagvaraiḥ

Sanskrit only: no published translation is held for this verse.

शमी हरिद्रा वृद्धिश्च लक्ष्मी स्यात्पद्मचारिणी । जम्बूकी सोममत्स्याक्षी क्रोडी ब्राह्मी च कीर्त्तिता

śamī haridrā vṛddhiśca lakṣmī syātpadmacāriṇī / jambūkī somamatsyākṣī kroḍī brāhmī ca kīrttitā

Sanskrit only: no published translation is held for this verse.

मार्कवे भ्रामरे भृङ्गस्त्वचे पक्षिविशेषके । रोचनं स्याद्दाडिमके जम्भे निम्बे च पूरके

mārkave bhrāmare bhṛṅgastvace pakṣiviśeṣake / rocanaṃ syāddāḍimake jambhe nimbe ca pūrake

Sanskrit only: no published translation is held for this verse.

सिताब्जे दमने व्याघ्रे रुग्भेदे पुण्डरीककः । जलजं मौक्तिके शङ्खे लोणक्षारे लवंगके

sitābje damane vyāghre rugbhede puṇḍarīkakaḥ / jalajaṃ mauktike śaṅkhe loṇakṣāre lavaṃgake

Sanskrit only: no published translation is held for this verse.

वन्ध्याकर्कोटकी चैव बृहत्यन्या च लक्ष्मणा । सुतदा पुत्रदायां तु चतस्रः परिकीर्तिताः

vandhyākarkoṭakī caiva bṛhatyanyā ca lakṣmaṇā / sutadā putradāyāṃ tu catasraḥ parikīrtitāḥ

Sanskrit only: no published translation is held for this verse.

उशीरं गृञ्जनं चैव मधुपुष्पं च वञ्जुलः । दीर्घपत्त्रे च केतक्यां कन्यायां दीर्घपत्त्रिका

uśīraṃ gṛñjanaṃ caiva madhupuṣpaṃ ca vañjulaḥ / dīrghapattre ca ketakyāṃ kanyāyāṃ dīrghapattrikā

Sanskrit only: no published translation is held for this verse.

वासन्ते रुचके प्लक्षः कलिङ्गे देवसर्षपः । लामज्जके दीर्घमूलं यासे वेल्लन्तरे शठे

vāsante rucake plakṣaḥ kaliṅge devasarṣapaḥ / lāmajjake dīrghamūlaṃ yāse vellantare śaṭhe

Sanskrit only: no published translation is held for this verse.

तथा स्याच्छालिपर्ण्यां च दीर्घमूला स्मृता बुधैः । रामायां त्रायमाणायां कन्याशोकश् च सातला

tathā syācchāliparṇyāṃ ca dīrghamūlā smṛtā budhaiḥ / rāmāyāṃ trāyamāṇāyāṃ kanyāśokaś ca sātalā

Sanskrit only: no published translation is held for this verse.

अमृतं वेदनक्षारे सुधायां च तथा विषे । वराहः शिशुमारे च वाराह्यां शूकरे घने

amṛtaṃ vedanakṣāre sudhāyāṃ ca tathā viṣe / varāhaḥ śiśumāre ca vārāhyāṃ śūkare ghane

Sanskrit only: no published translation is held for this verse.

वाराहे वञ्जुले कासे नादेयी जलवेतसे । शारदो बकुले राष्ट्र्यां सारिवाकृष्णमुद्गयोः

vārāhe vañjule kāse nādeyī jalavetase / śārado bakule rāṣṭryāṃ sārivākṛṣṇamudgayoḥ

Sanskrit only: no published translation is held for this verse.

कुब्जके वार्षिकायां च फलिन्यां योषिति प्रिया । काश्मीरं कुङ्कुमे देशे पौष्करे मृगनाभिजे

kubjake vārṣikāyāṃ ca phalinyāṃ yoṣiti priyā / kāśmīraṃ kuṅkume deśe pauṣkare mṛganābhije

Sanskrit only: no published translation is held for this verse.

केसरो बकुले हेम्नि किञ्जल्के च कसीसके । जम्बीरः स्यान्मरुवके गुच्छे चार्जुनयुग्मके

kesaro bakule hemni kiñjalke ca kasīsake / jambīraḥ syānmaruvake gucche cārjunayugmake

Sanskrit only: no published translation is held for this verse.

वसुके वसुराजार्ककृष्णागुरुपुनर्नवाः । जपानृकन्दान्यक्षुद्रामुचुकुन्देषु लक्ष्मणा

vasuke vasurājārkakṛṣṇāgurupunarnavāḥ / japānṛkandānyakṣudrāmucukundeṣu lakṣmaṇā

Sanskrit only: no published translation is held for this verse.

हर्षणे सारसे कामी चक्रे पारावते तथा । मूषके कुक्कुटे क्रौड्यां वृश्चिके च बहुप्रजः

harṣaṇe sārase kāmī cakre pārāvate tathā / mūṣake kukkuṭe krauḍyāṃ vṛścike ca bahuprajaḥ

Sanskrit only: no published translation is held for this verse.

अजशृङ्गी च मञ्जिष्ठायुक्ता कर्कटशृङ्गिका । प्रतिविषासमायुक्ता शृङ्ग्यां चैव प्रशस्यते

ajaśṛṅgī ca mañjiṣṭhāyuktā karkaṭaśṛṅgikā / prativiṣāsamāyuktā śṛṅgyāṃ caiva praśasyate

Sanskrit only: no published translation is held for this verse.

सुरसे तुलसी ब्राह्मी निर्गुण्डी कणगुग्गुलुः । चीनायां कारबल्यां च वचायां लवणे पटुः

surase tulasī brāhmī nirguṇḍī kaṇagugguluḥ / cīnāyāṃ kārabalyāṃ ca vacāyāṃ lavaṇe paṭuḥ

Sanskrit only: no published translation is held for this verse.

पाटल्यां श्यामकिणिही ताम्रवल्ली तथापरम् । जीवन्तिका ताम्रपुष्पी कथिताः शास्त्रकोविदैः

pāṭalyāṃ śyāmakiṇihī tāmravallī tathāparam / jīvantikā tāmrapuṣpī kathitāḥ śāstrakovidaiḥ

Sanskrit only: no published translation is held for this verse.

हिङ्गुले कुङ्कुमे रक्तमस्रे चोक्तं च पद्मके । दुग्धी गोडुर् भूपलाशे काकोल्यां दुग्धफेनके

hiṅgule kuṅkume raktamasre coktaṃ ca padmake / dugdhī goḍur bhūpalāśe kākolyāṃ dugdhaphenake

Sanskrit only: no published translation is held for this verse.

मुसली स्वर्णुली चैव कण्टकारीन्द्रवारुणौ । आख्याता हेमपुष्प्यां च नानार्थज्ञविशारदैः

musalī svarṇulī caiva kaṇṭakārīndravāruṇau / ākhyātā hemapuṣpyāṃ ca nānārthajñaviśāradaiḥ

Sanskrit only: no published translation is held for this verse.

निशायां चैव नीलिन्यां हरिद्रायाम् अलक्तके । रजनीति समाख्याता आयुर्वेदेषु धीमता

niśāyāṃ caiva nīlinyāṃ haridrāyām alaktake / rajanīti samākhyātā āyurvedeṣu dhīmatā

Sanskrit only: no published translation is held for this verse.