Naragari: Rajanighantu 27

अजमोदाजगन्धा च शिखण्डी कोकिलाक्षकः । अपामार्गस्तु पञ्चैते मयूर इति शब्दिताः

ajamodājagandhā ca śikhaṇḍī kokilākṣakaḥ / apāmārgastu pañcaite mayūra iti śabditāḥ

Sanskrit only: no published translation is held for this verse.

कदली शाल्मली मोचा नीली शोभाञ्जनं तथा । पञ्चस्वेतेषु मोचाख्यां प्रयुञ्जन्ति भिषग्वराः

kadalī śālmalī mocā nīlī śobhāñjanaṃ tathā / pañcasveteṣu mocākhyāṃ prayuñjanti bhiṣagvarāḥ

Sanskrit only: no published translation is held for this verse.

सुरभिः शल्लकी वोकं कदम्बश्चम्पकः सुरा । ययो दर्भो हरिद्रा च पवित्रे हिज्जलस् तिलः

surabhiḥ śallakī vokaṃ kadambaścampakaḥ surā / yayo darbho haridrā ca pavitre hijjalas tilaḥ

Sanskrit only: no published translation is held for this verse.

यमानी जीरकश्चैव मोदाब्जा रक्तचित्रकः । निम्बुश्चेति च पञ्चैवं दीप्यकाः समुदाहृताः

yamānī jīrakaścaiva modābjā raktacitrakaḥ / nimbuśceti ca pañcaivaṃ dīpyakāḥ samudāhṛtāḥ

Sanskrit only: no published translation is held for this verse.

कपिकच्छूः कोविदारः पन्नगः कृतमालकः । तथा छिन्नरुहा चेति कुण्डलीपञ्चकं स्मृतम्

kapikacchūḥ kovidāraḥ pannagaḥ kṛtamālakaḥ / tathā chinnaruhā ceti kuṇḍalīpañcakaṃ smṛtam

Sanskrit only: no published translation is held for this verse.

शलाटुर् अग्निमन्थश् च क्षुद्राग्निमथनं तथा । काश्मीरी शिंशपा चैव श्रीपर्णी पञ्चधा स्मृता

śalāṭur agnimanthaś ca kṣudrāgnimathanaṃ tathā / kāśmīrī śiṃśapā caiva śrīparṇī pañcadhā smṛtā

Sanskrit only: no published translation is held for this verse.

महासमङ्गा वन्दाका जतुका चामृतस्रवा । महामेदा च पञ्चैता ज्ञेया वृक्षरुहा बुधैः

mahāsamaṅgā vandākā jatukā cāmṛtasravā / mahāmedā ca pañcaitā jñeyā vṛkṣaruhā budhaiḥ

Sanskrit only: no published translation is held for this verse.

गोविशेषे मृगादन्यां शिंशपारेणुकाह्वयोः । रीत्यन्तरे च विबुधैः कपिला पञ्चसु स्मृता

goviśeṣe mṛgādanyāṃ śiṃśapāreṇukāhvayoḥ / rītyantare ca vibudhaiḥ kapilā pañcasu smṛtā

Sanskrit only: no published translation is held for this verse.

कायस्थायां च काकोल्यौ पथ्यैला बहुमञ्जरी । व्यालस्तु चित्रकव्याघ्रसिंहदुष्टद्विपादिषु

kāyasthāyāṃ ca kākolyau pathyailā bahumañjarī / vyālastu citrakavyāghrasiṃhaduṣṭadvipādiṣu

Sanskrit only: no published translation is held for this verse.

वृन्ताके चान्यवारुण्यां क्षुद्रायां चिर्भिटाह्वये । लिङ्गिन्यां चेति पञ्चसु ज्ञेया चित्रफला बुधैः

vṛntāke cānyavāruṇyāṃ kṣudrāyāṃ cirbhiṭāhvaye / liṅginyāṃ ceti pañcasu jñeyā citraphalā budhaiḥ

Sanskrit only: no published translation is held for this verse.

बर्बरो हिङ्गुले बाले भारङ्ग्यां हरिचन्दने । असिते चार्जके चैव कथितः शास्त्रकोविदैः

barbaro hiṅgule bāle bhāraṅgyāṃ haricandane / asite cārjake caiva kathitaḥ śāstrakovidaiḥ

Sanskrit only: no published translation is held for this verse.

यमान्याम् अजमोदायां वचायां दीप्यके तथा । अरक्तलशुने चैव ह्य् उग्रगन्धा तु पञ्चसु

yamānyām ajamodāyāṃ vacāyāṃ dīpyake tathā / araktalaśune caiva hy ugragandhā tu pañcasu

Sanskrit only: no published translation is held for this verse.

महाबलायां सम्प्रोक्ता सहदेवी तु नीलिनी । वत्सादनी देवसहा पिप्पली पञ्चसु स्मृता

mahābalāyāṃ samproktā sahadevī tu nīlinī / vatsādanī devasahā pippalī pañcasu smṛtā

Sanskrit only: no published translation is held for this verse.

ज्योतिष्मत्यां काकतुण्ड्यां काकमाच्यां तथैव च । वायसी काकजङ्घायां काक्यां चैव तु पञ्चधा

jyotiṣmatyāṃ kākatuṇḍyāṃ kākamācyāṃ tathaiva ca / vāyasī kākajaṅghāyāṃ kākyāṃ caiva tu pañcadhā

Sanskrit only: no published translation is held for this verse.

लिङ्गिनी स्वर्णजीवन्ती रौद्री स्यान्नाकुली तथा । बन्ध्याकर्कोटकी चैव ईश्वर्यां सम्प्रचक्षते

liṅginī svarṇajīvantī raudrī syānnākulī tathā / bandhyākarkoṭakī caiva īśvaryāṃ sampracakṣate

Sanskrit only: no published translation is held for this verse.

वसन्तदूत्यां गणिकारिकाम्रवासन्तिकापाटलकोकिलाश् च । वत्सादनी वाकुचिका गुडूची सौमा समण्डूकिकसोमवल्ल्याम्

vasantadūtyāṃ gaṇikārikāmravāsantikāpāṭalakokilāś ca / vatsādanī vākucikā guḍūcī saumā samaṇḍūkikasomavallyām

Sanskrit only: no published translation is held for this verse.

चक्री नखान्तरे कोके दद्रुघ्ने तिनिशे खरे । सिन्धुजे तिलके धात्र्यां पारदे टङ्कणे शिवम्

cakrī nakhāntare koke dadrughne tiniśe khare / sindhuje tilake dhātryāṃ pārade ṭaṅkaṇe śivam

Sanskrit only: no published translation is held for this verse.

जाती सुरीरी कटुतुम्बिनी च छुछुन्दरी रेणुरसाजपुत्री । स्वर्णेऽप्यथो गुग्गुलुकेसराखुशठेषु धीराः कनकं वदन्ति

jātī surīrī kaṭutumbinī ca chuchundarī reṇurasājaputrī / svarṇe'pyatho guggulukesarākhuśaṭheṣu dhīrāḥ kanakaṃ vadanti

Sanskrit only: no published translation is held for this verse.