Naragari: Rajanighantu 28

बृहद्बला वरी ताली कटुकातिविषा तथा । काकोली चैव षड्वर्गं वीरायां च प्रचक्षते

bṛhadbalā varī tālī kaṭukātiviṣā tathā / kākolī caiva ṣaḍvargaṃ vīrāyāṃ ca pracakṣate

Sanskrit only: no published translation is held for this verse.

सातला क्षीरकाकोली विभाण्डी चाजशृङ्गिका । कुञ्जरो दर्दुरश् चैव षड्विषाणीति कीर्तिता

sātalā kṣīrakākolī vibhāṇḍī cājaśṛṅgikā / kuñjaro darduraś caiva ṣaḍviṣāṇīti kīrtitā

Sanskrit only: no published translation is held for this verse.

नीलदूर्वा निशाह्वश्च रोचना च हरीतकी । बहुपुष्पी भिषग्वर्यैः शिवायां षडमी स्मृताः

nīladūrvā niśāhvaśca rocanā ca harītakī / bahupuṣpī bhiṣagvaryaiḥ śivāyāṃ ṣaḍamī smṛtāḥ

Sanskrit only: no published translation is held for this verse.

निम्बखर्जूरितालीसं मरिचं वृत्तमूलकम् । पलाण्डुश्चेति षडमी निम्बसंज्ञाः प्रकीर्तिताः

nimbakharjūritālīsaṃ maricaṃ vṛttamūlakam / palāṇḍuśceti ṣaḍamī nimbasaṃjñāḥ prakīrtitāḥ

Sanskrit only: no published translation is held for this verse.

मूर्वा स्पृक्का सहदेवा देवद्रोणी च केसरम् । आदित्यभक्ताः षडिति देवीसंज्ञाः प्रकीर्तिताः

mūrvā spṛkkā sahadevā devadroṇī ca kesaram / ādityabhaktāḥ ṣaḍiti devīsaṃjñāḥ prakīrtitāḥ

Sanskrit only: no published translation is held for this verse.

ब्राह्मणः क्षत्रियो वैश्यो दन्तः सर्पः खगस्तथा । द्विजद्विजन्मशब्दाभ्याम् ईरिताः सूरिभिः सदा

brāhmaṇaḥ kṣatriyo vaiśyo dantaḥ sarpaḥ khagastathā / dvijadvijanmaśabdābhyām īritāḥ sūribhiḥ sadā

Sanskrit only: no published translation is held for this verse.

गवादनी चैव दूर्वा गण्डदूर्वा च हस्तिनी । प्रतीची मदिरा चेति वारुण्यां षट् सुसन्मताः

gavādanī caiva dūrvā gaṇḍadūrvā ca hastinī / pratīcī madirā ceti vāruṇyāṃ ṣaṭ susanmatāḥ

Sanskrit only: no published translation is held for this verse.

हपुषा पीतनिर्गुण्डी विष्णुक्रान्ता जयन्तिका । शिताद्रिकर्णीशङ्खिन्यौ षडेता अपराजिताः

hapuṣā pītanirguṇḍī viṣṇukrāntā jayantikā / śitādrikarṇīśaṅkhinyau ṣaḍetā aparājitāḥ

Sanskrit only: no published translation is held for this verse.

कुमारी च वराही च वन्ध्याकर्कोटकी मृदुः । स्थूलैला स्थलपर्णी च षट्कन्याश्च कुमारिकाः

kumārī ca varāhī ca vandhyākarkoṭakī mṛduḥ / sthūlailā sthalaparṇī ca ṣaṭkanyāśca kumārikāḥ

Sanskrit only: no published translation is held for this verse.

बीजद्रुमे गजे चैव सीसके नागकेसरे । विषे च पन्नगे चैव षट्सूक्तो नाग इत्यपि

bījadrume gaje caiva sīsake nāgakesare / viṣe ca pannage caiva ṣaṭsūkto nāga ityapi

Sanskrit only: no published translation is held for this verse.

सूक्ष्मैला च महाराष्ट्री मत्स्याक्षी काकमाचिका । गण्डदूर्वा च गण्डूकी मत्स्यादन्यां षडीरिताः

sūkṣmailā ca mahārāṣṭrī matsyākṣī kākamācikā / gaṇḍadūrvā ca gaṇḍūkī matsyādanyāṃ ṣaḍīritāḥ

Sanskrit only: no published translation is held for this verse.

माणे कलिङ्गे कोशाम्रे शल्ये काके च धूर्तके । मदनश्च समाख्यातः षडमी समुदाहृताः

māṇe kaliṅge kośāmre śalye kāke ca dhūrtake / madanaśca samākhyātaḥ ṣaḍamī samudāhṛtāḥ

Sanskrit only: no published translation is held for this verse.

दोडी गुडूची मेदा च काकोली हरिणी तथा । जीवन्ती चैव षट् प्रोक्ता जीवन्त्यां च भिषग्वरैः

doḍī guḍūcī medā ca kākolī hariṇī tathā / jīvantī caiva ṣaṭ proktā jīvantyāṃ ca bhiṣagvaraiḥ

Sanskrit only: no published translation is held for this verse.

धूम्राटभृङ्ग्योः खलु मांसले च प्लक्षे शिरीषे कुटजे कुलिङ्गः । द्राक्षा च दूर्वा जरणा कणा च कृष्णाभिधा वाकुचिका कटुश्च

dhūmrāṭabhṛṅgyoḥ khalu māṃsale ca plakṣe śirīṣe kuṭaje kuliṅgaḥ / drākṣā ca dūrvā jaraṇā kaṇā ca kṛṣṇābhidhā vākucikā kaṭuśca

Sanskrit only: no published translation is held for this verse.