Naragari: Rajanighantu 29

भद्रायां तु बला नीली दन्ती काश्मरी सारिवा । श्वेताद्रिकर्णी गौरी च सप्त प्रोक्ता भिषग्वरैः

bhadrāyāṃ tu balā nīlī dantī kāśmarī sārivā / śvetādrikarṇī gaurī ca sapta proktā bhiṣagvaraiḥ

Sanskrit only: no published translation is held for this verse.

मञ्जिष्ठा कटुका पथ्या काश्मरी चन्द्रवल्लभा । वन्दाको रजनी चैव रोहिण्यां सप्त च स्मृताः

mañjiṣṭhā kaṭukā pathyā kāśmarī candravallabhā / vandāko rajanī caiva rohiṇyāṃ sapta ca smṛtāḥ

Sanskrit only: no published translation is held for this verse.

धात्री बहुफलायां स्याच्छर्दिनी काकमाचिका । काम्भोजी च शशाण्डूली कटुहुञ्ची च वालुकी

dhātrī bahuphalāyāṃ syācchardinī kākamācikā / kāmbhojī ca śaśāṇḍūlī kaṭuhuñcī ca vālukī

Sanskrit only: no published translation is held for this verse.

मण्डूकी ब्रह्मजा शङ्खपुष्पी ज्योतिष्मती मुनिः । विष्णुक्रान्ता वचा श्वेता मेध्यायां सप्त संमताः

maṇḍūkī brahmajā śaṅkhapuṣpī jyotiṣmatī muniḥ / viṣṇukrāntā vacā śvetā medhyāyāṃ sapta saṃmatāḥ

Sanskrit only: no published translation is held for this verse.

आखुकर्णी सुतश्रेणी इन्द्राह्वा च कलिङ्गकः । गण्डदूर्वा गवाक्षी च चित्रायाम् ऋक्षम् एकतः

ākhukarṇī sutaśreṇī indrāhvā ca kaliṅgakaḥ / gaṇḍadūrvā gavākṣī ca citrāyām ṛkṣam ekataḥ

Sanskrit only: no published translation is held for this verse.

रास्ना पाठा प्रियङ्गुश् च सितक्षुद्रा हरीतकी । श्रेयस्यां चेति सम्प्रोक्ता अम्बष्ठा गजपिप्पली

rāsnā pāṭhā priyaṅguś ca sitakṣudrā harītakī / śreyasyāṃ ceti samproktā ambaṣṭhā gajapippalī

Sanskrit only: no published translation is held for this verse.