Naragari: Rajanighantu 33

स्यादभ्रमांसी तुलसी हरिद्रा तालं तथा रोचनहेमम् । जनप्रिया योजनवल्लिका स्यात् समल्लिका चन्द्रशशी च गौर्याम्

syādabhramāṃsī tulasī haridrā tālaṃ tathā rocanahemam / janapriyā yojanavallikā syāt samallikā candraśaśī ca gauryām

Sanskrit only: no published translation is held for this verse.

दूर्वा निशा ऋद्धिवचा प्रिया च सा माषपर्णी शिमिरोचना त्वथ । त्रायन्तिका जीवनिका महाबला मङ्गल्यकायाम् इति चन्द्रमाह्वयाः

dūrvā niśā ṛddhivacā priyā ca sā māṣaparṇī śimirocanā tvatha / trāyantikā jīvanikā mahābalā maṅgalyakāyām iti candramāhvayāḥ

Sanskrit only: no published translation is held for this verse.

प्रियङ्गुछिन्ना त्रिवृता कणाह्वया वन्दाकदूर्वा तुलसी च नीलिनी । दुर्गा खगः कस्तुरिकृष्णसारिवा श्यामा महीन्दुः कथिता भिषग्वरैः

priyaṅguchinnā trivṛtā kaṇāhvayā vandākadūrvā tulasī ca nīlinī / durgā khagaḥ kasturikṛṣṇasārivā śyāmā mahīnduḥ kathitā bhiṣagvaraiḥ

Sanskrit only: no published translation is held for this verse.

इत्थं विचिन्त्य विनिवेशिततत्तदेकानेकार्थनामगणसंग्रहपूर्णम् एनम् । वर्गं विचार्य भिषजा बहुभक्तिभाजा ज्ञेया स्वयं प्रकरणानुगुणाः प्रयोगाः

itthaṃ vicintya viniveśitatattadekānekārthanāmagaṇasaṃgrahapūrṇam enam / vargaṃ vicārya bhiṣajā bahubhaktibhājā jñeyā svayaṃ prakaraṇānuguṇāḥ prayogāḥ

Sanskrit only: no published translation is held for this verse.

एको यश्च मनस्विनाम् अचतुरो यश्च द्वयोरश्विनो स्त्र्यक्षाच् चाचतुरो नृपञ्चवदनो नाम्नारिषण्णां जयी । एकार्थादिर् अमुष्य नामरचनाचूडामणौ यस् त्रयोविंशोऽसौ समपूरि सार्धम् अमुना ग्रन्थेन वर्गो महान्

eko yaśca manasvinām acaturo yaśca dvayoraśvino stryakṣāc cācaturo nṛpañcavadano nāmnāriṣaṇṇāṃ jayī / ekārthādir amuṣya nāmaracanācūḍāmaṇau yas trayoviṃśo'sau samapūri sārdham amunā granthena vargo mahān

Sanskrit only: no published translation is held for this verse.