Naragari: Rajanighantu 3

ताली तमाली ताम्रा च ताम्रवल्ली तमालिका । सूक्ष्मवल्ली सुलोमा च शोधनी तालिका नव

tālī tamālī tāmrā ca tāmravallī tamālikā / sūkṣmavallī sulomā ca śodhanī tālikā nava

Sanskrit only: no published translation is held for this verse.

ताम्रवल्ली कषाया स्यात् कफदोषविनाशनी । मुखकण्ठोत्थदोषघ्नी श्लेष्मशुद्धिकरी परा

tāmravallī kaṣāyā syāt kaphadoṣavināśanī / mukhakaṇṭhotthadoṣaghnī śleṣmaśuddhikarī parā

Sanskrit only: no published translation is held for this verse.

काण्डीरः काण्डकटुको नासासंवेदनः पटुः । उग्रकाण्डस् तोयवल्ली कारवल्ली सुकाण्डकः

kāṇḍīraḥ kāṇḍakaṭuko nāsāsaṃvedanaḥ paṭuḥ / ugrakāṇḍas toyavallī kāravallī sukāṇḍakaḥ

Sanskrit only: no published translation is held for this verse.

काण्डीरः कटुतिक्तोष्णः सरो दुष्टव्रणार्तिनुत् । लूतागुल्मोदरप्लीहशूलमन्दाग्निनाशनः

kāṇḍīraḥ kaṭutiktoṣṇaḥ saro duṣṭavraṇārtinut / lūtāgulmodaraplīhaśūlamandāgnināśanaḥ

Sanskrit only: no published translation is held for this verse.

जन्तुका जन्तुकारी च जननी चक्रवर्तिनी । तिर्यक्फला निशान्धा च बहुपत्त्रा सुपत्त्रिका

jantukā jantukārī ca jananī cakravartinī / tiryakphalā niśāndhā ca bahupattrā supattrikā

Sanskrit only: no published translation is held for this verse.

राजकृष्णा जनेष्टा च कपिकच्छुफलोपमा । रञ्जनी सूक्ष्मवल्ली च भ्रमरी कृष्णवल्लिका

rājakṛṣṇā janeṣṭā ca kapikacchuphalopamā / rañjanī sūkṣmavallī ca bhramarī kṛṣṇavallikā

Sanskrit only: no published translation is held for this verse.

विज्जुल्लिका वृक्षरुहा ग्रन्थिपर्णी सुवल्लिका । तरुवल्ली दीर्घफला एकविंशतिसंज्ञका

vijjullikā vṛkṣaruhā granthiparṇī suvallikā / taruvallī dīrghaphalā ekaviṃśatisaṃjñakā

Sanskrit only: no published translation is held for this verse.

जन्तुका शिशिरा तिक्ता रक्तपित्तकफापहा । दाहतृष्णावमिघ्नी च रुचिकृद् दीपनी परा

jantukā śiśirā tiktā raktapittakaphāpahā / dāhatṛṣṇāvamighnī ca rucikṛd dīpanī parā

Sanskrit only: no published translation is held for this verse.

अत्यम्लपर्णी तीक्ष्णा च कण्डुला वल्लिसूरणा । वल्ली करवडादिश् च वनस्थारण्यवासिनी

atyamlaparṇī tīkṣṇā ca kaṇḍulā vallisūraṇā / vallī karavaḍādiś ca vanasthāraṇyavāsinī

Sanskrit only: no published translation is held for this verse.

अत्यम्लपर्णी तीक्ष्णाम्ला प्लीहशूलविनाशनी । वातहृद् दीपनी रुच्या गुल्मश्लेष्मामयापहा

atyamlaparṇī tīkṣṇāmlā plīhaśūlavināśanī / vātahṛd dīpanī rucyā gulmaśleṣmāmayāpahā

Sanskrit only: no published translation is held for this verse.

शङ्खपुष्पी सुपुष्पी च शङ्खाह्वा कम्बुमालिनी । सितपुष्पी कम्बुपुष्पी मेध्या वनविलासिनी

śaṅkhapuṣpī supuṣpī ca śaṅkhāhvā kambumālinī / sitapuṣpī kambupuṣpī medhyā vanavilāsinī

Sanskrit only: no published translation is held for this verse.

चिरिण्टी शङ्खकुसुमा भूलग्ना शङ्खमालिनी । इत्य् एषा शङ्खपुष्पी स्याद् उक्ता द्वादशनामभिः

ciriṇṭī śaṅkhakusumā bhūlagnā śaṅkhamālinī / ity eṣā śaṅkhapuṣpī syād uktā dvādaśanāmabhiḥ

Sanskrit only: no published translation is held for this verse.

शङ्खपुष्पी हिमा तिक्ता मेधाकृत् स्वरकारिणी । ग्रहभूतादिदोषघ्नी वशीकरणसिद्धिदा

śaṅkhapuṣpī himā tiktā medhākṛt svarakāriṇī / grahabhūtādidoṣaghnī vaśīkaraṇasiddhidā

Sanskrit only: no published translation is held for this verse.

वर्तकी तिन्दुकिनी विभाण्डी विषाणिका रङ्गलता मनोज्ञा । सा रक्तपुष्पी महादिजाली सा पीतकीलापि च चर्मरङ्गा

vartakī tindukinī vibhāṇḍī viṣāṇikā raṅgalatā manojñā / sā raktapuṣpī mahādijālī sā pītakīlāpi ca carmaraṅgā

Sanskrit only: no published translation is held for this verse.

वामावर्ता च संयुक्ता भूसंख्या शशिसंयुता । आवर्तकी कषायाम्ला शीतला पित्तहारिणी

vāmāvartā ca saṃyuktā bhūsaṃkhyā śaśisaṃyutā / āvartakī kaṣāyāmlā śītalā pittahāriṇī

Sanskrit only: no published translation is held for this verse.

कर्णस्फोटा श्रुतिस्फोटा त्रिपुटा कृष्णतण्डुला । चित्रपर्णी स्फोटलता चन्द्रिका चार्धचन्द्रिका

karṇasphoṭā śrutisphoṭā tripuṭā kṛṣṇataṇḍulā / citraparṇī sphoṭalatā candrikā cārdhacandrikā

Sanskrit only: no published translation is held for this verse.

कर्णस्फोटा कटुस् तिक्ता हिमा सर्वविषापहा । ग्रहभूतादिदोषघ्नी सर्वव्याधिविनाशिनी

karṇasphoṭā kaṭus tiktā himā sarvaviṣāpahā / grahabhūtādidoṣaghnī sarvavyādhivināśinī

Sanskrit only: no published translation is held for this verse.

कट्वी कटुकवल्ली च सुकाष्ठा काष्ठवल्लिका । सुवल्ली च महावल्ली पशुमोहनिका कटुः

kaṭvī kaṭukavallī ca sukāṣṭhā kāṣṭhavallikā / suvallī ca mahāvallī paśumohanikā kaṭuḥ

Sanskrit only: no published translation is held for this verse.

कट्वी तु कटुका शीता कफश्वासार्तिनाशनी । नानाज्वरहरा रुच्या राजयक्ष्मनिवारिणी

kaṭvī tu kaṭukā śītā kaphaśvāsārtināśanī / nānājvaraharā rucyā rājayakṣmanivāriṇī

Sanskrit only: no published translation is held for this verse.

ज्ञेयामृतस्रवा वृत्तारुहाख्या तोयवल्लिका । घनवल्ली सितलता नामभिः शरसम्मिता

jñeyāmṛtasravā vṛttāruhākhyā toyavallikā / ghanavallī sitalatā nāmabhiḥ śarasammitā

Sanskrit only: no published translation is held for this verse.

उक्तामृतस्रवा पथ्या ईषत् तिक्ता रसायनी । विषघ्नी व्रणकुष्ठादीन् कामलां श्वयथुं जयेत्

uktāmṛtasravā pathyā īṣat tiktā rasāyanī / viṣaghnī vraṇakuṣṭhādīn kāmalāṃ śvayathuṃ jayet

Sanskrit only: no published translation is held for this verse.

पुत्रदात्री तु वातारिर् भ्रमरी श्वेतपुष्पिका । वृत्तपत्त्रातिगन्धालुर् वैशिजाता सुवल्लरी

putradātrī tu vātārir bhramarī śvetapuṣpikā / vṛttapattrātigandhālur vaiśijātā suvallarī

Sanskrit only: no published translation is held for this verse.

पुत्रदात्री तु वातघ्नी कटुर् उष्णा कफापहा । सुरभिः सर्वदा पथ्या वन्ध्यादोषविनाशनी

putradātrī tu vātaghnī kaṭur uṣṇā kaphāpahā / surabhiḥ sarvadā pathyā vandhyādoṣavināśanī

Sanskrit only: no published translation is held for this verse.

पलाशी पत्त्रवल्ली पर्णवल्ली पलाशिका । खुरपर्णी सुपर्णी च दीर्घवल्ली विषादनी

palāśī pattravallī parṇavallī palāśikā / khuraparṇī suparṇī ca dīrghavallī viṣādanī

Sanskrit only: no published translation is held for this verse.

अम्लपत्त्री दीर्घपत्त्री रसाम्ला चाम्लका च सा । अम्लातकी काञ्जिका च स्याच् चतुर्दशधाभिधा

amlapattrī dīrghapattrī rasāmlā cāmlakā ca sā / amlātakī kāñjikā ca syāc caturdaśadhābhidhā

Sanskrit only: no published translation is held for this verse.

पलाशी लघुरम्या च मुखदोषविनाशनी । अरोचकहरा पथ्या पित्तकोपकरी च सा

palāśī laghuramyā ca mukhadoṣavināśanī / arocakaharā pathyā pittakopakarī ca sā

Sanskrit only: no published translation is held for this verse.

इति बहुविधवल्लीस्तोमनामाभिधानप्रगुणगुणयथावद्वर्णनापूर्णम् एनम् । सुललितपदसर्गं वर्गनाम्ना च वैद्यः सदसि बहुविलासं व्यासवद् व्यातनोतु

iti bahuvidhavallīstomanāmābhidhānapraguṇaguṇayathāvadvarṇanāpūrṇam enam / sulalitapadasargaṃ varganāmnā ca vaidyaḥ sadasi bahuvilāsaṃ vyāsavad vyātanotu

Sanskrit only: no published translation is held for this verse.

दीप्ता दीधितयस् तथान्धतमसध्वंसाय भानोर् इव व्यातन्वन्ति निजं रुजां विजयते वीर्यं विरुद्धौ च याः । तासाम् एव विलासभूमिर् असमो वर्गः श्रुतो वीरुधां वीरुद्वर्ग इति प्रतीतमहिमा नैसर्गिकैर् यो गुणैः

dīptā dīdhitayas tathāndhatamasadhvaṃsāya bhānor iva vyātanvanti nijaṃ rujāṃ vijayate vīryaṃ viruddhau ca yāḥ / tāsām eva vilāsabhūmir asamo vargaḥ śruto vīrudhāṃ vīrudvarga iti pratītamahimā naisargikair yo guṇaiḥ

Sanskrit only: no published translation is held for this verse.

प्राप्ता यस्य परिग्रहं त्रिविधसद्वीरैकचूडामणेस् तीव्राण्य् ओषधयः स्रवन्ति सहसा वीर्याण्य् अजर्याद् इव । तस्यायं नृहरेः कृतौ स्थितिम् अगाद् वर्गो गुडूच्यादिकस् तार्तीयीकतयाभिधानरचनाचूडामणौ कीर्तितः

prāptā yasya parigrahaṃ trividhasadvīraikacūḍāmaṇes tīvrāṇy oṣadhayaḥ sravanti sahasā vīryāṇy ajaryād iva / tasyāyaṃ nṛhareḥ kṛtau sthitim agād vargo guḍūcyādikas tārtīyīkatayābhidhānaracanācūḍāmaṇau kīrtitaḥ

Sanskrit only: no published translation is held for this verse.