Naragari: Rajanighantu 6

शतावर्यौ हिमे वृष्ये मधुरे पित्तजित्परे । कफवातहरे तिक्ते महाश्रेष्ठे रसायने

śatāvaryau hime vṛṣye madhure pittajitpare / kaphavātahare tikte mahāśreṣṭhe rasāyane

Sanskrit only: no published translation is held for this verse.

शतावरीद्वयं वृष्यं मधुरं पित्तजिद्धिमम् । महती कफवातघ्नी तिक्ता श्रेष्ठा रसायने । कफपित्तहरास् तिक्तास् तस्या एवाङ्कुराः स्मृताः

śatāvarīdvayaṃ vṛṣyaṃ madhuraṃ pittajiddhimam / mahatī kaphavātaghnī tiktā śreṣṭhā rasāyane / kaphapittaharās tiktās tasyā evāṅkurāḥ smṛtāḥ

Sanskrit only: no published translation is held for this verse.

एलवालुकम् आलूकं वालुकं हरिवालुकम् । एल्वालुकं कपित्थं च दुर्वर्णं प्रसरं दृढम्

elavālukam ālūkaṃ vālukaṃ harivālukam / elvālukaṃ kapitthaṃ ca durvarṇaṃ prasaraṃ dṛḍham

Sanskrit only: no published translation is held for this verse.

एलागन्धिकम् एलाह्वं गुप्तगन्धि सुगन्धिकम् । एलाफलं च विज्ञेयं द्विःसप्ताह्वयम् उच्यते

elāgandhikam elāhvaṃ guptagandhi sugandhikam / elāphalaṃ ca vijñeyaṃ dviḥsaptāhvayam ucyate

Sanskrit only: no published translation is held for this verse.

एलवालुकम् अत्युग्रं कषायं कफवातनुत् । मूर्छार्तिज्वरदाहांश् च नाशयेद् रोचनं परम्

elavālukam atyugraṃ kaṣāyaṃ kaphavātanut / mūrchārtijvaradāhāṃś ca nāśayed rocanaṃ param

Sanskrit only: no published translation is held for this verse.

तैरिणी तेरणस् तेरः कुनीली नामतश् चतुः । तेरणः शिशिरस् तिक्तो व्रणघ्नो ऽरुणरङ्गदः

tairiṇī teraṇas teraḥ kunīlī nāmataś catuḥ / teraṇaḥ śiśiras tikto vraṇaghno 'ruṇaraṅgadaḥ

Sanskrit only: no published translation is held for this verse.

कलिकारी लाङ्गलिनी हलिनी गर्भपातिनी । दीप्तिर् विशल्याग्निमुखी हली नक्तेन्दुपुष्पिका

kalikārī lāṅgalinī halinī garbhapātinī / dīptir viśalyāgnimukhī halī naktendupuṣpikā

Sanskrit only: no published translation is held for this verse.

विद्युज्ज्वालाग्निजिह्वा च व्रणहृत् पुष्पसौरभा । स्वर्णपुष्पा वह्निशिखा स्याद् एषा षोडशाह्वया

vidyujjvālāgnijihvā ca vraṇahṛt puṣpasaurabhā / svarṇapuṣpā vahniśikhā syād eṣā ṣoḍaśāhvayā

Sanskrit only: no published translation is held for this verse.

कलिकारी कटूष्णा च कफवातनिकृन्तनी । गर्भान्तःशल्यनिष्कासकारिणी सारिणी परा

kalikārī kaṭūṣṇā ca kaphavātanikṛntanī / garbhāntaḥśalyaniṣkāsakāriṇī sāriṇī parā

Sanskrit only: no published translation is held for this verse.

जयन्ती तु बलामोटा हरिता च जया तथा । विजया सूक्ष्ममूला च विक्रान्ता चापराजिता

jayantī tu balāmoṭā haritā ca jayā tathā / vijayā sūkṣmamūlā ca vikrāntā cāparājitā

Sanskrit only: no published translation is held for this verse.

ज्ञेया जयन्ती गलगण्डहारी तिक्ता कटूष्णानिलनाशनी च । भूतापहा कण्ठविशोधनी च कृष्णा तु सा तत्र रसायनी स्यात्

jñeyā jayantī galagaṇḍahārī tiktā kaṭūṣṇānilanāśanī ca / bhūtāpahā kaṇṭhaviśodhanī ca kṛṣṇā tu sā tatra rasāyanī syāt

Sanskrit only: no published translation is held for this verse.

काकमाची ध्वाङ्क्षमाची वायसाह्वा च वायसी । सर्वतिक्ता बहुफला कट्फला च रसायनी

kākamācī dhvāṅkṣamācī vāyasāhvā ca vāyasī / sarvatiktā bahuphalā kaṭphalā ca rasāyanī

Sanskrit only: no published translation is held for this verse.

गुच्छफला काकमाता स्वादुपाका च सुन्दरी । वरा चन्द्राविणी चैव मत्स्याक्षी कुष्ठनाशनी । तिक्तिका बहुतिक्ता च नाम्नाम् अष्टादश स्मृताः

gucchaphalā kākamātā svādupākā ca sundarī / varā candrāviṇī caiva matsyākṣī kuṣṭhanāśanī / tiktikā bahutiktā ca nāmnām aṣṭādaśa smṛtāḥ

Sanskrit only: no published translation is held for this verse.

काकमाची कटुस् तिक्ता रसोष्णा कफनाशनी । शूलार्शःशोफदोषघ्नी कुष्ठकण्डूतिहारिणी

kākamācī kaṭus tiktā rasoṣṇā kaphanāśanī / śūlārśaḥśophadoṣaghnī kuṣṭhakaṇḍūtihāriṇī

Sanskrit only: no published translation is held for this verse.

श्रुतश्रेणी द्रवन्ती च न्यग्रोधी मूषिकाह्वया । चित्रा मूषकमारी च प्रत्यक्श्रेणी च शम्बरी

śrutaśreṇī dravantī ca nyagrodhī mūṣikāhvayā / citrā mūṣakamārī ca pratyakśreṇī ca śambarī

Sanskrit only: no published translation is held for this verse.

श्रुतश्रेणी च चक्षुष्या कटुर् आखुविषापहा । व्रणदोषहरा चैव नेत्रामयनिकृन्तनी

śrutaśreṇī ca cakṣuṣyā kaṭur ākhuviṣāpahā / vraṇadoṣaharā caiva netrāmayanikṛntanī

Sanskrit only: no published translation is held for this verse.

मार्कवो भृङ्गराजश् च भृङ्गाह्वः केशरञ्जनः । पितृप्रियो रङ्गकश् च केश्यः कुन्तलवर्धनः

mārkavo bhṛṅgarājaś ca bhṛṅgāhvaḥ keśarañjanaḥ / pitṛpriyo raṅgakaś ca keśyaḥ kuntalavardhanaḥ

Sanskrit only: no published translation is held for this verse.

पीतो ऽन्यः स्वर्णभृङ्गारो हरिवासो हरिप्रियः । देवप्रियो वन्दनीयः पवनश् च षडाह्वयः

pīto 'nyaḥ svarṇabhṛṅgāro harivāso haripriyaḥ / devapriyo vandanīyaḥ pavanaś ca ṣaḍāhvayaḥ

Sanskrit only: no published translation is held for this verse.

नीलस् तु भृङ्गराजो ऽन्यो महानीलस् तु नीलकः । महाभृङ्गो नीलपुष्पः श्यामलश् च षडाह्वयः

nīlas tu bhṛṅgarājo 'nyo mahānīlas tu nīlakaḥ / mahābhṛṅgo nīlapuṣpaḥ śyāmalaś ca ṣaḍāhvayaḥ

Sanskrit only: no published translation is held for this verse.

भृङ्गराजास् तु चक्षुष्यास् तिक्तोष्णाः केशरञ्जनाः । कफशोफविषघ्नाश् च तत्र नीलो रसायनः

bhṛṅgarājās tu cakṣuṣyās tiktoṣṇāḥ keśarañjanāḥ / kaphaśophaviṣaghnāś ca tatra nīlo rasāyanaḥ

Sanskrit only: no published translation is held for this verse.

काकजङ्घा ध्वाङ्क्षजङ्घा काकाह्वा साथ वायसी । पारावतपदी दासी नदीकान्ता सुलोमशा

kākajaṅghā dhvāṅkṣajaṅghā kākāhvā sātha vāyasī / pārāvatapadī dāsī nadīkāntā sulomaśā

Sanskrit only: no published translation is held for this verse.

काकजङ्घा तु तिक्तोष्णा क्रिमिव्रणकफापहा । बाधिर्याजीर्णजित् जीर्णविषमज्वरहारिणी

kākajaṅghā tu tiktoṣṇā krimivraṇakaphāpahā / bādhiryājīrṇajit jīrṇaviṣamajvarahāriṇī

Sanskrit only: no published translation is held for this verse.

चुञ्चुश् च विजला चञ्चुः कलभी वीरपत्त्रिका । चुञ्चुरश् चुञ्चुपत्त्रश् च सुशाकः क्षेत्रसम्भवः

cuñcuś ca vijalā cañcuḥ kalabhī vīrapattrikā / cuñcuraś cuñcupattraś ca suśākaḥ kṣetrasambhavaḥ

Sanskrit only: no published translation is held for this verse.

चुञ्चुस् तु मधुरा तीक्ष्णा कषाया मलशोषणी । गुल्मोदरविबन्धार्शोग्रहणीरोगहारिणी

cuñcus tu madhurā tīkṣṇā kaṣāyā malaśoṣaṇī / gulmodaravibandhārśograhaṇīrogahāriṇī

Sanskrit only: no published translation is held for this verse.

बृहच्चुञ्चुर् विषारिः स्यान् महाचुञ्चुः सुचुञ्चुका । स्थूलचुञ्चुर् दीर्घपत्त्री दिव्यगन्धा च सप्तधा

bṛhaccuñcur viṣāriḥ syān mahācuñcuḥ sucuñcukā / sthūlacuñcur dīrghapattrī divyagandhā ca saptadhā

Sanskrit only: no published translation is held for this verse.

महाचुञ्चुः कटूष्णा च कषाया मलरोधनी । गुल्मशूलोदरार्शआर्तिविषघ्नी च रसायनी

mahācuñcuḥ kaṭūṣṇā ca kaṣāyā malarodhanī / gulmaśūlodarārśaārtiviṣaghnī ca rasāyanī

Sanskrit only: no published translation is held for this verse.

क्षुद्रचुञ्चुः सुचुञ्चुः स्याच् चुञ्चुः शुनकचुञ्चुका । त्वक्सारभेदिनी क्षुद्रा कटुका चिरपत्त्रिका

kṣudracuñcuḥ sucuñcuḥ syāc cuñcuḥ śunakacuñcukā / tvaksārabhedinī kṣudrā kaṭukā cirapattrikā

Sanskrit only: no published translation is held for this verse.

क्षुद्रचुञ्चुस् तु मधुरा कटूष्णा च कषायिका । दीपनी शूलगुल्मार्शःशमनी च विबन्धकृत्

kṣudracuñcus tu madhurā kaṭūṣṇā ca kaṣāyikā / dīpanī śūlagulmārśaḥśamanī ca vibandhakṛt

Sanskrit only: no published translation is held for this verse.

चुञ्चुबीजं कटूष्णं च गुल्मशूलोदरार्तिजित् । विषत्वग्दोषकण्डूतिखर्जूकुष्ठविषापहम्

cuñcubījaṃ kaṭūṣṇaṃ ca gulmaśūlodarārtijit / viṣatvagdoṣakaṇḍūtikharjūkuṣṭhaviṣāpaham

Sanskrit only: no published translation is held for this verse.

सिन्दुवारः श्वेतपुष्पः सिन्दुकः सिन्दुवारकः । सूरसाधनको नेता सिद्धकश् चार्थसिद्धकः

sinduvāraḥ śvetapuṣpaḥ sindukaḥ sinduvārakaḥ / sūrasādhanako netā siddhakaś cārthasiddhakaḥ

Sanskrit only: no published translation is held for this verse.

सिन्दुवारः कटुस् तिक्तः कफवातक्षयापहः । कुष्ठकण्डूतिशमनः शूलहृत् काससिद्धिदः

sinduvāraḥ kaṭus tiktaḥ kaphavātakṣayāpahaḥ / kuṣṭhakaṇḍūtiśamanaḥ śūlahṛt kāsasiddhidaḥ

Sanskrit only: no published translation is held for this verse.

सुगन्धान्या शीतसहा निर्गुण्डी नीलसिन्दुकः । सिन्दूकश् चपिका भूतकेशीन्द्राणी च नीलिका

sugandhānyā śītasahā nirguṇḍī nīlasindukaḥ / sindūkaś capikā bhūtakeśīndrāṇī ca nīlikā

Sanskrit only: no published translation is held for this verse.

कटूष्णा नीलनिर्गुण्डी तिक्ता रूक्षा च कासजित् । श्लेष्मशोफसमीरार्तिप्रदराध्मानहारिणी

kaṭūṣṇā nīlanirguṇḍī tiktā rūkṣā ca kāsajit / śleṣmaśophasamīrārtipradarādhmānahāriṇī

Sanskrit only: no published translation is held for this verse.

शेफालिका तु सुवहा शुक्लाङ्गी शीतमञ्जरी प्रोक्ता । अपराजिता च विजया वातारिर् भूतकेशी च

śephālikā tu suvahā śuklāṅgī śītamañjarī proktā / aparājitā ca vijayā vātārir bhūtakeśī ca

Sanskrit only: no published translation is held for this verse.

शेफालिः कटुतिक्तोष्णा रूक्षा वातक्षयापहा । स्याद् अङ्गसंधिवातघ्नी गुदवातादिदोषनुत्

śephāliḥ kaṭutiktoṣṇā rūkṣā vātakṣayāpahā / syād aṅgasaṃdhivātaghnī gudavātādidoṣanut

Sanskrit only: no published translation is held for this verse.

भेण्डा भिण्डातिका भिण्डो भिण्डकः क्षेत्रसम्भवः । चतुष्पदश् चतुष्पुण्ड्रः सुशाकश् चाम्लपत्त्रकः

bheṇḍā bhiṇḍātikā bhiṇḍo bhiṇḍakaḥ kṣetrasambhavaḥ / catuṣpadaś catuṣpuṇḍraḥ suśākaś cāmlapattrakaḥ

Sanskrit only: no published translation is held for this verse.

करपर्णो वृत्तबीजो भवेद् एकादशाह्वयः । भेण्डा त्व् अम्लरसा सोष्णा ग्राहिका रुचिकारिका

karaparṇo vṛttabījo bhaved ekādaśāhvayaḥ / bheṇḍā tv amlarasā soṣṇā grāhikā rucikārikā

Sanskrit only: no published translation is held for this verse.

पुत्रदा गर्भदात्री च प्रजादापत्यदा च सा । सृष्टिप्रदा प्राणिमाता तापसद्रुमसंनिभा

putradā garbhadātrī ca prajādāpatyadā ca sā / sṛṣṭipradā prāṇimātā tāpasadrumasaṃnibhā

Sanskrit only: no published translation is held for this verse.

पुत्रदा मधुरा शीता नारीपुष्पादिदोषहा । पित्तदाहश्रमहरा गर्भसम्भूतिदायिका

putradā madhurā śītā nārīpuṣpādidoṣahā / pittadāhaśramaharā garbhasambhūtidāyikā

Sanskrit only: no published translation is held for this verse.

तक्राह्वा तक्रभक्षा तु तक्रपर्यायवाचका । पञ्चाङ्गुली सिताभा स्याद् एषा पञ्चाभिधा स्मृता । तक्रा कटुः क्रिमिघ्नी स्याद् व्रणनिर्मूलिनी च सा

takrāhvā takrabhakṣā tu takraparyāyavācakā / pañcāṅgulī sitābhā syād eṣā pañcābhidhā smṛtā / takrā kaṭuḥ krimighnī syād vraṇanirmūlinī ca sā

Sanskrit only: no published translation is held for this verse.

स्वर्णुली हेमपुष्पी स्यात् स्वर्णपुष्पध्वजा तथा । स्वर्णुली कटुका शीता कषाया च व्रणापहा

svarṇulī hemapuṣpī syāt svarṇapuṣpadhvajā tathā / svarṇulī kaṭukā śītā kaṣāyā ca vraṇāpahā

Sanskrit only: no published translation is held for this verse.

खस्खसः सूक्ष्मबीजः स्यात् सुबीजः सूक्ष्मतण्डुलः । खस्खसो मधुरः पाके कान्तिवीर्यबलप्रदः

khaskhasaḥ sūkṣmabījaḥ syāt subījaḥ sūkṣmataṇḍulaḥ / khaskhaso madhuraḥ pāke kāntivīryabalapradaḥ

Sanskrit only: no published translation is held for this verse.

शिमृडी मतिदा प्रोक्ता बल्या पङ्गुत्वहारिणी । द्रवत्पत्त्री च वातघ्नी गुच्छपुष्पी च सप्तधा

śimṛḍī matidā proktā balyā paṅgutvahāriṇī / dravatpattrī ca vātaghnī gucchapuṣpī ca saptadhā

Sanskrit only: no published translation is held for this verse.

शिमृडी कटुर् उष्णा च वातहृत् पृष्ठशूलहा । युक्त्या रसायने योग्या देहदार्ढ्यकरी च सा

śimṛḍī kaṭur uṣṇā ca vātahṛt pṛṣṭhaśūlahā / yuktyā rasāyane yogyā dehadārḍhyakarī ca sā

Sanskrit only: no published translation is held for this verse.

ज्ञेयो ऽरण्यकुसुम्भः स्यात् कौसुम्भश् चाग्निसम्भवः । कौसुम्भः कटुकः पाके श्लेष्महृद् दीपनश् च सः

jñeyo 'raṇyakusumbhaḥ syāt kausumbhaś cāgnisambhavaḥ / kausumbhaḥ kaṭukaḥ pāke śleṣmahṛd dīpanaś ca saḥ

Sanskrit only: no published translation is held for this verse.

आहुल्यं हलुराख्यं च करं तरवटं तथा । शिम्बीफलं सुपुष्पं स्याद् अर्बरं दन्तकाष्ठकम्

āhulyaṃ halurākhyaṃ ca karaṃ taravaṭaṃ tathā / śimbīphalaṃ supuṣpaṃ syād arbaraṃ dantakāṣṭhakam

Sanskrit only: no published translation is held for this verse.

हेमपुष्पं तथा पीतपुष्पं काञ्चनपुष्पकम् । नृपमङ्गल्यकं चैव शरत्पुष्पं त्रिर् एकधा

hemapuṣpaṃ tathā pītapuṣpaṃ kāñcanapuṣpakam / nṛpamaṅgalyakaṃ caiva śaratpuṣpaṃ trir ekadhā

Sanskrit only: no published translation is held for this verse.

आहुल्यं तिक्तशीतं स्याच् चक्षुष्यं पित्तदोषनुत् । मुखरुक्कुष्ठकण्डूतिजन्तुशूलव्रणापहम्

āhulyaṃ tiktaśītaṃ syāc cakṣuṣyaṃ pittadoṣanut / mukharukkuṣṭhakaṇḍūtijantuśūlavraṇāpaham

Sanskrit only: no published translation is held for this verse.

आहुल्यं कुष्ठकेतुर् मार्कण्डीयं महौषधम् । आहुल्यं तिक्तरसं ज्वरकुष्ठामसिध्मनुत्

āhulyaṃ kuṣṭhaketur mārkaṇḍīyaṃ mahauṣadham / āhulyaṃ tiktarasaṃ jvarakuṣṭhāmasidhmanut

Sanskrit only: no published translation is held for this verse.

कासमर्दो ऽरिमर्दश् च कासारिः कासमर्दकः । कालः कनक इत्य् उक्तो जारणो दीपकश् च सः

kāsamardo 'rimardaś ca kāsāriḥ kāsamardakaḥ / kālaḥ kanaka ity ukto jāraṇo dīpakaś ca saḥ

Sanskrit only: no published translation is held for this verse.

कासमर्दः सतिक्तोष्णो मधुरः कफवातनुत् । अजीर्णकासपित्तघ्नः पाचनः कण्ठशोधनः

kāsamardaḥ satiktoṣṇo madhuraḥ kaphavātanut / ajīrṇakāsapittaghnaḥ pācanaḥ kaṇṭhaśodhanaḥ

Sanskrit only: no published translation is held for this verse.

आदित्यपत्त्रो ऽर्कदलार्कपत्त्रः स्यात् सूक्ष्मपत्त्रस् तपनच्छदश् च । कुष्ठारिर् अर्को विटपः सुपत्त्रो रविप्रियो रश्मिपतिश् च रुद्रः

ādityapattro 'rkadalārkapattraḥ syāt sūkṣmapattras tapanacchadaś ca / kuṣṭhārir arko viṭapaḥ supattro ravipriyo raśmipatiś ca rudraḥ

Sanskrit only: no published translation is held for this verse.

आदित्यपत्त्रः कटुर् उष्णवीर्यः कफापहो वातरुजापहश् च । संदीपनो जाठरगुल्महारी ज्ञेयः स चारोचननाशकश् च

ādityapattraḥ kaṭur uṣṇavīryaḥ kaphāpaho vātarujāpahaś ca / saṃdīpano jāṭharagulmahārī jñeyaḥ sa cārocananāśakaś ca

Sanskrit only: no published translation is held for this verse.

श्वेताम्ली त्व् अम्बिका प्रोक्ता पिष्टौण्डिः पिण्डिका च सा । श्वेताम्ली मधुरा वृष्या पित्तघ्नी बलदायिनी

śvetāmlī tv ambikā proktā piṣṭauṇḍiḥ piṇḍikā ca sā / śvetāmlī madhurā vṛṣyā pittaghnī baladāyinī

Sanskrit only: no published translation is held for this verse.

नीलाम्ली नीलपिष्टौण्डी श्यामाम्ली दीर्घशाखिका । नीलाम्ली मधुरा रुच्या कफवातहरा परा

nīlāmlī nīlapiṣṭauṇḍī śyāmāmlī dīrghaśākhikā / nīlāmlī madhurā rucyā kaphavātaharā parā

Sanskrit only: no published translation is held for this verse.

अजगन्धा बस्तगन्धा सुरपुष्पाविगन्धिका । उग्रगन्धा ब्रह्मगर्भा ब्राह्मी पूतिमयूरिका

ajagandhā bastagandhā surapuṣpāvigandhikā / ugragandhā brahmagarbhā brāhmī pūtimayūrikā

Sanskrit only: no published translation is held for this verse.

अजगन्धा कटूष्णा स्याद् वातगुल्मोदरापहा । कर्णव्रणार्तिशूलघ्नी पीता चेद् अञ्जने हिता

ajagandhā kaṭūṣṇā syād vātagulmodarāpahā / karṇavraṇārtiśūlaghnī pītā ced añjane hitā

Sanskrit only: no published translation is held for this verse.

आदित्यभक्ता वरदार्कभक्ता सुवर्चला सूर्यलतार्ककान्ता । मण्डूकपर्णी सुरसम्भवा च सौरिः सुतेजार्कहिता रवीष्टा

ādityabhaktā varadārkabhaktā suvarcalā sūryalatārkakāntā / maṇḍūkaparṇī surasambhavā ca sauriḥ sutejārkahitā ravīṣṭā

Sanskrit only: no published translation is held for this verse.

मण्डूकी सत्यनाम्नी स्याद् देवी मार्तण्डवल्लभा । विक्रान्ता भास्करेष्टा च भवेद् अष्टादशाह्वया

maṇḍūkī satyanāmnī syād devī mārtaṇḍavallabhā / vikrāntā bhāskareṣṭā ca bhaved aṣṭādaśāhvayā

Sanskrit only: no published translation is held for this verse.

आदित्यभक्ता शिशिरा सतिक्ता कटुस् तथोग्रा कफहारिणी च । त्वग्दोषकण्डूव्रणकुष्ठभूतग्रहोग्रशीतज्वरनाशिनी च

ādityabhaktā śiśirā satiktā kaṭus tathogrā kaphahāriṇī ca / tvagdoṣakaṇḍūvraṇakuṣṭhabhūtagrahograśītajvaranāśinī ca

Sanskrit only: no published translation is held for this verse.

विषमुष्टिः केशमुष्टिः सुमुष्टिर् अणुमुष्टिकः । क्षुपडोडिसमायुक्तो मुष्टिः पञ्चाभिधः स्मृतः

viṣamuṣṭiḥ keśamuṣṭiḥ sumuṣṭir aṇumuṣṭikaḥ / kṣupaḍoḍisamāyukto muṣṭiḥ pañcābhidhaḥ smṛtaḥ

Sanskrit only: no published translation is held for this verse.

विषमुष्टिः कटुस् तिक्तो दीपनः कफवातहृत् । कण्ठामयहरो रुच्यो रक्तपित्तार्तिदाहकृत्

viṣamuṣṭiḥ kaṭus tikto dīpanaḥ kaphavātahṛt / kaṇṭhāmayaharo rucyo raktapittārtidāhakṛt

Sanskrit only: no published translation is held for this verse.

अन्या डोडी तु जीवन्ती शाकश्रेष्ठा सुखालुका । बहुपर्णी दीर्घपत्त्रा सूक्ष्मपत्त्रा च जीवनी

anyā ḍoḍī tu jīvantī śākaśreṣṭhā sukhālukā / bahuparṇī dīrghapattrā sūkṣmapattrā ca jīvanī

Sanskrit only: no published translation is held for this verse.

डोडी तु कटुतिक्तोष्णा दीपनी कफवातजित् । कण्ठामयहरा रुच्या रक्तपित्तार्तिदाहनुत्

ḍoḍī tu kaṭutiktoṣṇā dīpanī kaphavātajit / kaṇṭhāmayaharā rucyā raktapittārtidāhanut

Sanskrit only: no published translation is held for this verse.

कालाञ्जनी चाञ्जनी च रेचनी चासिताञ्जनी । नीलाञ्जनी च कृष्णाभा काली कृष्णाञ्जनी च सा

kālāñjanī cāñjanī ca recanī cāsitāñjanī / nīlāñjanī ca kṛṣṇābhā kālī kṛṣṇāñjanī ca sā

Sanskrit only: no published translation is held for this verse.

कालाञ्जनी कटूष्णा स्याद् अम्लामक्रिमिशोधनी । अपानावर्तशमनी जठरामयहारिणी

kālāñjanī kaṭūṣṇā syād amlāmakrimiśodhanī / apānāvartaśamanī jaṭharāmayahāriṇī

Sanskrit only: no published translation is held for this verse.

कार्पासी सारिणी चैव चव्या स्थूला पिचुस् तथा । बदरी बादरश् चैव गुणसूस् तुण्डिकेरिका । मरूद्भवा समुद्रान्ता ज्ञेया एकादशाभिधा

kārpāsī sāriṇī caiva cavyā sthūlā picus tathā / badarī bādaraś caiva guṇasūs tuṇḍikerikā / marūdbhavā samudrāntā jñeyā ekādaśābhidhā

Sanskrit only: no published translation is held for this verse.

कार्पासी मधुरा शीता स्तन्या पित्तकफापहा । तृष्णादाहश्रमभ्रान्तिमूर्छाहृद् बलकारिणी

kārpāsī madhurā śītā stanyā pittakaphāpahā / tṛṣṇādāhaśramabhrāntimūrchāhṛd balakāriṇī

Sanskrit only: no published translation is held for this verse.

वनजारण्यकार्पासी भारद्वाजी वनोद्भवा । भारद्वाजी हिमा रुच्या व्रणशस्त्रक्षतापहा

vanajāraṇyakārpāsī bhāradvājī vanodbhavā / bhāradvājī himā rucyā vraṇaśastrakṣatāpahā

Sanskrit only: no published translation is held for this verse.

कोकिलाक्षः शृगाली च शृङ्खला रकणस् तथा । शृङ्गालघण्टी वज्रास्थिशृङ्खला वज्रकण्टकः

kokilākṣaḥ śṛgālī ca śṛṅkhalā rakaṇas tathā / śṛṅgālaghaṇṭī vajrāsthiśṛṅkhalā vajrakaṇṭakaḥ

Sanskrit only: no published translation is held for this verse.

इक्षुरः क्षुरको वज्रः शृङ्खलिका पिकेक्षणः । पिच्छिला चेक्षुगन्धा च ज्ञेया भुवनसंमिता

ikṣuraḥ kṣurako vajraḥ śṛṅkhalikā pikekṣaṇaḥ / picchilā cekṣugandhā ca jñeyā bhuvanasaṃmitā

Sanskrit only: no published translation is held for this verse.

कोकिलाक्षस् तु मधुरः शीतः पित्तातिसारनुत् । वृष्यः कफहरो बल्यो रुच्यः संतर्पणः परः

kokilākṣas tu madhuraḥ śītaḥ pittātisāranut / vṛṣyaḥ kaphaharo balyo rucyaḥ saṃtarpaṇaḥ paraḥ

Sanskrit only: no published translation is held for this verse.

सातला सप्तला सारी विदुला विमलामला । बहुफेना चर्मकषा फेना दीप्ता विषाणिका । स्वर्णपुष्पी चित्रघना स्यात् त्रयोदशनामका

sātalā saptalā sārī vidulā vimalāmalā / bahuphenā carmakaṣā phenā dīptā viṣāṇikā / svarṇapuṣpī citraghanā syāt trayodaśanāmakā

Sanskrit only: no published translation is held for this verse.

सातला कफपित्तघ्नी लघुतिक्तकषायिका । विसर्पकुष्ठविस्फोटव्रणशोफनिकृन्तनी

sātalā kaphapittaghnī laghutiktakaṣāyikā / visarpakuṣṭhavisphoṭavraṇaśophanikṛntanī

Sanskrit only: no published translation is held for this verse.

स्यात् कामवृद्धिः स्मरवृद्धिसंज्ञो मनोजवृद्धिर् मदनायुधश् च । कन्दर्पजीवश् च जितेन्द्रियाह्वः कामोपजीवो ऽपि च जीवसंज्ञः

syāt kāmavṛddhiḥ smaravṛddhisaṃjño manojavṛddhir madanāyudhaś ca / kandarpajīvaś ca jitendriyāhvaḥ kāmopajīvo 'pi ca jīvasaṃjñaḥ

Sanskrit only: no published translation is held for this verse.

कामवृद्धेस् तु बीजं स्यान् मधुरं बलवर्धनम् । कामवृद्धिकरं रुच्यं बहुलेन्द्रियवृद्धिदम्

kāmavṛddhes tu bījaṃ syān madhuraṃ balavardhanam / kāmavṛddhikaraṃ rucyaṃ bahulendriyavṛddhidam

Sanskrit only: no published translation is held for this verse.

स्याच् चक्रमर्दो ऽण्डगजो गजाख्यो मेषाह्वयश् चैडगजो ऽण्डहस्ती । व्यावर्तकश् चक्रगजश् च चक्री पुंनाडपुंनाटविमर्दकाश् च

syāc cakramardo 'ṇḍagajo gajākhyo meṣāhvayaś caiḍagajo 'ṇḍahastī / vyāvartakaś cakragajaś ca cakrī puṃnāḍapuṃnāṭavimardakāś ca

Sanskrit only: no published translation is held for this verse.

दद्रुघ्नस् तर्वटश् च स्याच् चक्राह्वः शुकनाशनः । दृढबीजः प्रपुन्नाटः खर्जूघ्नश् चोनविंशतिः

dadrughnas tarvaṭaś ca syāc cakrāhvaḥ śukanāśanaḥ / dṛḍhabījaḥ prapunnāṭaḥ kharjūghnaś conaviṃśatiḥ

Sanskrit only: no published translation is held for this verse.

चक्रमर्दः कटुस् तीव्रो मेदोवातकफापहः । व्रणकण्डूतिकुष्ठार्तिदद्रुपामादिदोषनुत्

cakramardaḥ kaṭus tīvro medovātakaphāpahaḥ / vraṇakaṇḍūtikuṣṭhārtidadrupāmādidoṣanut

Sanskrit only: no published translation is held for this verse.

झिञ्झिरीटा कण्टफली पीतपुष्पापि झिञ्झिरा । हुडरोमाश्रयफला वृत्ता चैव षडाह्वया

jhiñjhirīṭā kaṇṭaphalī pītapuṣpāpi jhiñjhirā / huḍaromāśrayaphalā vṛttā caiva ṣaḍāhvayā

Sanskrit only: no published translation is held for this verse.

झिञ्झिरीटा कटुः शीता कषाया चातिसारजित् । वृष्या संतर्पणी बल्या महिषीक्षीरवर्धनी

jhiñjhirīṭā kaṭuḥ śītā kaṣāyā cātisārajit / vṛṣyā saṃtarpaṇī balyā mahiṣīkṣīravardhanī

Sanskrit only: no published translation is held for this verse.

इत्थं पृथुक्षुपकदम्बकनामकाण्डनिर्वर्णनागुणनिरूपणपूर्वम् एतम् । वर्गं वटुः स्फुटम् अधीत्य दधीत सद्यः सौवर्गवैद्यकविचारसुचातुरीं सः

itthaṃ pṛthukṣupakadambakanāmakāṇḍanirvarṇanāguṇanirūpaṇapūrvam etam / vargaṃ vaṭuḥ sphuṭam adhītya dadhīta sadyaḥ sauvargavaidyakavicārasucāturīṃ saḥ

Sanskrit only: no published translation is held for this verse.

येन स्वेन नृणां क्षणेन महता वीर्येण सूर्योपमा व्यत्यस्याङ्गविकारम् उद्धततया दूरं क्षिपन्त्य् आमयान् । स्वस्मिन् नाम्न्य् अपि संस्तवादिवशतस् तेषां विकारोदयव्यत्यासं दधतां नितान्तगहनो वर्गः क्षुपाणाम् अयम्

yena svena nṛṇāṃ kṣaṇena mahatā vīryeṇa sūryopamā vyatyasyāṅgavikāram uddhatatayā dūraṃ kṣipanty āmayān / svasmin nāmny api saṃstavādivaśatas teṣāṃ vikārodayavyatyāsaṃ dadhatāṃ nitāntagahano vargaḥ kṣupāṇām ayam

Sanskrit only: no published translation is held for this verse.

संतापं विदुषां प्रसह्य समितौ स्फीतं प्रतापं द्विषां यस्मिन् विस्मयते ऽवनं च निधनं दृष्ट्वाधुना तेजसा । धुन्वन्त्य् औषधयः स्वयं किल गदान् येनार्पिताः स्पर्धया तुर्यस् तस्य कृतौ स्थितो नरहरेर् वर्गः शताह्वादिकः

saṃtāpaṃ viduṣāṃ prasahya samitau sphītaṃ pratāpaṃ dviṣāṃ yasmin vismayate 'vanaṃ ca nidhanaṃ dṛṣṭvādhunā tejasā / dhunvanty auṣadhayaḥ svayaṃ kila gadān yenārpitāḥ spardhayā turyas tasya kṛtau sthito naraharer vargaḥ śatāhvādikaḥ

Sanskrit only: no published translation is held for this verse.