Vālmīki Rāmāyaṇa (critical edition) 1.20

तच् छ्रुत्वा वचनं तस्य स्नेहपर्याकुलाक्षरम् समन्युः कौशिको वाक्यं प्रत्युवच महीपतिम्

tac chrutvā vacanaṃ tasya snehaparyākulākṣaram samanyuḥ kauśiko vākyaṃ pratyuvaca mahīpatim

Sanskrit only: no published translation is held for this verse.

पूर्वम् अर्थं प्रतिश्रुत्य प्रतिज्ञां हातुम् इच्छसि रागवाणाम् अयुक्तो ऽयं कुलस्यास्य विपर्ययः

pūrvam arthaṃ pratiśrutya pratijñāṃ hātum icchasi rāgavāṇām ayukto 'yaṃ kulasyāsya viparyayaḥ

Sanskrit only: no published translation is held for this verse.

यद् इदं ते क्षमं राजन् गमिष्यामि यथागतम् मिथ्याप्रतिज्ञः काकुत्स्थ सुखी भव सबान्धवः

yad idaṃ te kṣamaṃ rājan gamiṣyāmi yathāgatam mithyāpratijñaḥ kākutstha sukhī bhava sabāndhavaḥ

Sanskrit only: no published translation is held for this verse.

तस्य रोषपरीतस्य विश्वामित्रस्य धीमतः चचाल वसुधा कृत्स्ना विवेश च भयं सुरान्

tasya roṣaparītasya viśvāmitrasya dhīmataḥ cacāla vasudhā kṛtsnā viveśa ca bhayaṃ surān

Sanskrit only: no published translation is held for this verse.

त्रस्तरूपं तु विज्ञाय जगत् सर्वं महान् ऋषिः नृपतिं सुव्रतो धीरो वसिष्ठो वाक्यम् अब्रवीत्

trastarūpaṃ tu vijñāya jagat sarvaṃ mahān ṛṣiḥ nṛpatiṃ suvrato dhīro vasiṣṭho vākyam abravīt

Sanskrit only: no published translation is held for this verse.

इक्ष्वाकूणां कुले जातः साक्षाद् धर्म इवापरः धृतिमान्सुव्रतः श्रीमान् न धर्मं हातुम् अर्हसि

ikṣvākūṇāṃ kule jātaḥ sākṣād dharma ivāparaḥ dhṛtimānsuvrataḥ śrīmān na dharmaṃ hātum arhasi

Sanskrit only: no published translation is held for this verse.

त्रिषु लोकेषु विख्यातो धर्मात्मा इति राघवः स्वधर्मं प्रतिपद्यस्व नाधर्मं वोढुम् अर्हसि

triṣu lokeṣu vikhyāto dharmātmā iti rāghavaḥ svadharmaṃ pratipadyasva nādharmaṃ voḍhum arhasi

Sanskrit only: no published translation is held for this verse.

संश्रुत्यैवं करिष्यामीत्य् अकुर्वाणस्य राघव इष्टापूर्तवधो भूयात् तस्माद् रामं विसर्जय

saṃśrutyaivaṃ kariṣyāmīty akurvāṇasya rāghava iṣṭāpūrtavadho bhūyāt tasmād rāmaṃ visarjaya

Sanskrit only: no published translation is held for this verse.

कृतास्त्रम् अकृतास्त्रं वा नैनं शक्ष्यन्ति राक्षसाः गुप्तं कुशिकपुत्रेण ज्वलनेनामृतं यथा

kṛtāstram akṛtāstraṃ vā nainaṃ śakṣyanti rākṣasāḥ guptaṃ kuśikaputreṇa jvalanenāmṛtaṃ yathā

Sanskrit only: no published translation is held for this verse.

एष विग्रहवान् धर्म एष वीर्यवतां वरः एष बुद्ध्याधिको लोके तपसश् च परायणम्

eṣa vigrahavān dharma eṣa vīryavatāṃ varaḥ eṣa buddhyādhiko loke tapasaś ca parāyaṇam

Sanskrit only: no published translation is held for this verse.

एषो ऽस्त्रान् विविधान् वेत्ति त्रैलोक्ये सचराचरे नैनम् अन्यः पुमान् वेत्ति न च वेत्स्यन्ति के चन

eṣo 'strān vividhān vetti trailokye sacarācare nainam anyaḥ pumān vetti na ca vetsyanti ke cana

Sanskrit only: no published translation is held for this verse.

न देवा नर्षयः के चिन् नासुरा न च राक्षसाः गन्धर्वयक्षप्रवराः सकिंनरमहोरगाः

na devā narṣayaḥ ke cin nāsurā na ca rākṣasāḥ gandharvayakṣapravarāḥ sakiṃnaramahoragāḥ

Sanskrit only: no published translation is held for this verse.

सर्वास्त्राणि कृशाश्वस्य पुत्राः परमधार्मिकाः कौशिकाय पुरा दत्ता यदा राज्यं प्रशासति

sarvāstrāṇi kṛśāśvasya putrāḥ paramadhārmikāḥ kauśikāya purā dattā yadā rājyaṃ praśāsati

Sanskrit only: no published translation is held for this verse.

ते ऽपि पुत्राः कृशाश्वस्य प्रजापतिसुतासुताः नकरूपा महावीर्या दीप्तिमन्तो जयावहाः

te 'pi putrāḥ kṛśāśvasya prajāpatisutāsutāḥ nakarūpā mahāvīryā dīptimanto jayāvahāḥ

Sanskrit only: no published translation is held for this verse.

जया च सुप्रभा चैव दक्षकन्ये सुमध्यमे ते सुवाते ऽस्त्रशस्त्राणि शतं परम भास्वरम्

jayā ca suprabhā caiva dakṣakanye sumadhyame te suvāte 'straśastrāṇi śataṃ parama bhāsvaram

Sanskrit only: no published translation is held for this verse.

पञ्चाशतं सुतांल् लेभे जया नाम वरान् पुरा वधायासुरसैन्यानाम् अमेयान् कामरूपिणः

pañcāśataṃ sutāṃl lebhe jayā nāma varān purā vadhāyāsurasainyānām ameyān kāmarūpiṇaḥ

Sanskrit only: no published translation is held for this verse.

सुप्रभाजनयच् चापि पुत्रान् पञ्चाशतं पुनः संहारान् नाम दुर्धर्षान् दुराक्रामान् बलीयसः

suprabhājanayac cāpi putrān pañcāśataṃ punaḥ saṃhārān nāma durdharṣān durākrāmān balīyasaḥ

Sanskrit only: no published translation is held for this verse.

तानि चास्त्राणि वेत्त्य् एष यथावत् कुशिकात्मजः अपूर्वाणां च जनने शक्तो भूयश् च धर्मवित्

tāni cāstrāṇi vetty eṣa yathāvat kuśikātmajaḥ apūrvāṇāṃ ca janane śakto bhūyaś ca dharmavit

Sanskrit only: no published translation is held for this verse.

एवं वीर्यो महातेजा विश्वामित्रो महातपाः न रामगमने राजन् संशयं गन्तुम् अर्हसि

evaṃ vīryo mahātejā viśvāmitro mahātapāḥ na rāmagamane rājan saṃśayaṃ gantum arhasi

Sanskrit only: no published translation is held for this verse.