Vālmīki Rāmāyaṇa (critical edition) 1.24

अथ तस्याप्रमेयस्य मुनेर् वचनम् उत्तमम् श्रुत्वा पुरुषशार्दूलः प्रत्युवाच शुभां गिरम्

atha tasyāprameyasya muner vacanam uttamam śrutvā puruṣaśārdūlaḥ pratyuvāca śubhāṃ giram

Sanskrit only: no published translation is held for this verse.

अल्पवीर्या यदा यक्षाः श्रूयन्ते मुनिपुंगव कथं नागसहस्रस्य धारयत्य् अबला बलम्

alpavīryā yadā yakṣāḥ śrūyante munipuṃgava kathaṃ nāgasahasrasya dhārayaty abalā balam

Sanskrit only: no published translation is held for this verse.

विश्वामित्रो ऽब्रवीद् वाक्यं शृणु येन बलोत्तरा वरदानकृतं वीर्यं धारयत्य् अबला बलम्

viśvāmitro 'bravīd vākyaṃ śṛṇu yena balottarā varadānakṛtaṃ vīryaṃ dhārayaty abalā balam

Sanskrit only: no published translation is held for this verse.

पूर्वम् आसीन् महायक्षः सुकेतुर् नाम वीर्यवान् अनपत्यः शुभाचारः स च तेपे महत् तपः

pūrvam āsīn mahāyakṣaḥ suketur nāma vīryavān anapatyaḥ śubhācāraḥ sa ca tepe mahat tapaḥ

Sanskrit only: no published translation is held for this verse.

पितामहस् तु सुप्रीतस् तस्य यक्षपतेस् तदा कन्यारत्नं ददौ राम ताटकां नाम नामतः

pitāmahas tu suprītas tasya yakṣapates tadā kanyāratnaṃ dadau rāma tāṭakāṃ nāma nāmataḥ

Sanskrit only: no published translation is held for this verse.

ददौ नागसहस्रस्य बलं चास्याः पितामहः न त्व् एव पुत्रं यक्षाय ददौ ब्रह्मा महायशाः

dadau nāgasahasrasya balaṃ cāsyāḥ pitāmahaḥ na tv eva putraṃ yakṣāya dadau brahmā mahāyaśāḥ

Sanskrit only: no published translation is held for this verse.

तां तु जातां विवर्धन्तीं रूपयौवनशालिनीम् जम्भपुत्राय सुन्दाय ददौ भार्यां यशस्विनीम्

tāṃ tu jātāṃ vivardhantīṃ rūpayauvanaśālinīm jambhaputrāya sundāya dadau bhāryāṃ yaśasvinīm

Sanskrit only: no published translation is held for this verse.

कस्य चित् त्व् अथ कालल्स्य यक्षी पुत्रं व्यजायत मारीचं नाम दुर्धर्षं यः शापाद् राक्षसो ऽभवत्

kasya cit tv atha kālalsya yakṣī putraṃ vyajāyata mārīcaṃ nāma durdharṣaṃ yaḥ śāpād rākṣaso 'bhavat

Sanskrit only: no published translation is held for this verse.

सुन्दे तु निहते राम अगस्त्यम् ऋषिसत्तमम् ताटका सह पुत्रेण प्रधर्षयितुम् इच्छति

sunde tu nihate rāma agastyam ṛṣisattamam tāṭakā saha putreṇa pradharṣayitum icchati

Sanskrit only: no published translation is held for this verse.

राक्षसत्वं भजस्वेति मारीचं व्याजहार सः अगस्त्यः परमक्रुद्धस् ताटकाम् अपि शप्तवान्

rākṣasatvaṃ bhajasveti mārīcaṃ vyājahāra saḥ agastyaḥ paramakruddhas tāṭakām api śaptavān

Sanskrit only: no published translation is held for this verse.

पुरुषादी महायक्षी विरूपा विकृतानना इदं रूपम् अपहाय दारुणं रूपम् अस्तु ते

puruṣādī mahāyakṣī virūpā vikṛtānanā idaṃ rūpam apahāya dāruṇaṃ rūpam astu te

Sanskrit only: no published translation is held for this verse.

सैषा शापकृतामर्षा ताटका क्रोधमूर्छिता देशम् उत्सादयत्य् एनम् अगस्त्यचरितं शुभम्

saiṣā śāpakṛtāmarṣā tāṭakā krodhamūrchitā deśam utsādayaty enam agastyacaritaṃ śubham

Sanskrit only: no published translation is held for this verse.

एनां राघव दुर्वृत्तां यक्षीं परमदारुणाम् गोब्राह्मणहितार्थाय जहि दुष्टपराक्रमाम्

enāṃ rāghava durvṛttāṃ yakṣīṃ paramadāruṇām gobrāhmaṇahitārthāya jahi duṣṭaparākramām

Sanskrit only: no published translation is held for this verse.

न ह्य् एनां शापसंसृष्टां कश् चिद् उत्सहते पुमान् निहन्तुं त्रिषु लोकेषु त्वाम् ऋते रघुनन्दन

na hy enāṃ śāpasaṃsṛṣṭāṃ kaś cid utsahate pumān nihantuṃ triṣu lokeṣu tvām ṛte raghunandana

Sanskrit only: no published translation is held for this verse.

न हि ते स्त्रीवधकृते घृणा कार्या नरोत्तम चातुर्वर्ण्यहितार्थाय कर्तव्यं राजसूनुना

na hi te strīvadhakṛte ghṛṇā kāryā narottama cāturvarṇyahitārthāya kartavyaṃ rājasūnunā

Sanskrit only: no published translation is held for this verse.

राज्यभारनियुक्तानाम् एष धर्मः सनातनः अधर्म्यां जहि काकुत्स्ह धर्मो ह्य् अस्या न विद्यते

rājyabhāraniyuktānām eṣa dharmaḥ sanātanaḥ adharmyāṃ jahi kākutsha dharmo hy asyā na vidyate

Sanskrit only: no published translation is held for this verse.

श्रूयते हि पुरा शक्रो विरोचनसुतां नृप पृथिवीं हन्तुम् इच्छन्तीं मन्थराम् अभ्यसूदयत्

śrūyate hi purā śakro virocanasutāṃ nṛpa pṛthivīṃ hantum icchantīṃ mantharām abhyasūdayat

Sanskrit only: no published translation is held for this verse.

विष्णुना च पुरा राम भृगुपत्नी दृढव्रता अनिन्द्रं लोकम् इच्छन्ती काव्यमाता निषूदिता

viṣṇunā ca purā rāma bhṛgupatnī dṛḍhavratā anindraṃ lokam icchantī kāvyamātā niṣūditā

Sanskrit only: no published translation is held for this verse.

एतैश् चान्यैश् च बहुभी राजपुत्रमहात्मभिः अधर्मनिरता नार्यो हताः पुरुषसत्तमैः

etaiś cānyaiś ca bahubhī rājaputramahātmabhiḥ adharmaniratā nāryo hatāḥ puruṣasattamaiḥ

Sanskrit only: no published translation is held for this verse.