Vālmīki Rāmāyaṇa (critical edition) 1.26

अथ तां रजनीम् उष्य विश्वामिरो महायशाः प्रहस्य राघवं वाक्यम् उवाच मधुराक्षरम्

atha tāṃ rajanīm uṣya viśvāmiro mahāyaśāḥ prahasya rāghavaṃ vākyam uvāca madhurākṣaram

Sanskrit only: no published translation is held for this verse.

पतितुष्टो ऽस्मि भद्रं ते राजपुत्र महायशः प्रीत्या परमया युक्तो ददाम्य् अस्त्राणि सर्वशः

patituṣṭo 'smi bhadraṃ te rājaputra mahāyaśaḥ prītyā paramayā yukto dadāmy astrāṇi sarvaśaḥ

Sanskrit only: no published translation is held for this verse.

देवासुरगणान् वापि सगन्धर्वोरगान् अपि यैर् अमित्रान् प्रसह्याजौ वशीकृत्य जयिष्यसि

devāsuragaṇān vāpi sagandharvoragān api yair amitrān prasahyājau vaśīkṛtya jayiṣyasi

Sanskrit only: no published translation is held for this verse.

तानि दिव्यानि भद्रं ते ददाम्य् अस्त्राणि सर्वशः दण्डचक्रं महद् दिव्यं तव दास्यामि राघव

tāni divyāni bhadraṃ te dadāmy astrāṇi sarvaśaḥ daṇḍacakraṃ mahad divyaṃ tava dāsyāmi rāghava

Sanskrit only: no published translation is held for this verse.

धर्मचक्रं ततो वीर कालचक्रं तथैव च विष्णुचक्रं तथात्युग्रम् ऐन्द्रं चक्रं तथैव च

dharmacakraṃ tato vīra kālacakraṃ tathaiva ca viṣṇucakraṃ tathātyugram aindraṃ cakraṃ tathaiva ca

Sanskrit only: no published translation is held for this verse.

वज्रम् अस्त्रं नरश्रेष्ठ शैवं शूलवरं तथा अस्त्रं ब्रह्मशिरश् चैव ऐषीकम् अपि राघव

vajram astraṃ naraśreṣṭha śaivaṃ śūlavaraṃ tathā astraṃ brahmaśiraś caiva aiṣīkam api rāghava

Sanskrit only: no published translation is held for this verse.

ददामि ते महाबाहो ब्राह्मम् अस्त्रम् अनुत्तमम् गदे द्वे चैव काकुत्स्थ मोदकी शिखरी उभे

dadāmi te mahābāho brāhmam astram anuttamam gade dve caiva kākutstha modakī śikharī ubhe

Sanskrit only: no published translation is held for this verse.

प्रदीप्ते नरशार्दूल प्रयच्छामि नृपात्मज धर्मपाशम् अहं राम कालपाशं तथैव च

pradīpte naraśārdūla prayacchāmi nṛpātmaja dharmapāśam ahaṃ rāma kālapāśaṃ tathaiva ca

Sanskrit only: no published translation is held for this verse.

वारुणं पाशम् अस्त्रं च ददान्य् अहम् अनुत्तमम् अशनी द्वे प्रयच्छामि शुष्कार्द्रे रघुनन्दन

vāruṇaṃ pāśam astraṃ ca dadāny aham anuttamam aśanī dve prayacchāmi śuṣkārdre raghunandana

Sanskrit only: no published translation is held for this verse.

ददामि चास्त्रं पैनाकम् अस्त्रं नारायणं तथा आग्नेयम् अस्त्र दयितं शिखरं नाम नामतः

dadāmi cāstraṃ painākam astraṃ nārāyaṇaṃ tathā āgneyam astra dayitaṃ śikharaṃ nāma nāmataḥ

Sanskrit only: no published translation is held for this verse.

वायव्यं प्रथमं नाम ददामि तव राघव अस्त्रं हयशिरो नाम क्रौञ्चम् अस्त्रं तथैव च

vāyavyaṃ prathamaṃ nāma dadāmi tava rāghava astraṃ hayaśiro nāma krauñcam astraṃ tathaiva ca

Sanskrit only: no published translation is held for this verse.

शक्ति द्वयं च काकुत्स्थ ददामि तव चानघ कङ्कालं मुसलं घोरं कापालम् अथ कङ्कणम्

śakti dvayaṃ ca kākutstha dadāmi tava cānagha kaṅkālaṃ musalaṃ ghoraṃ kāpālam atha kaṅkaṇam

Sanskrit only: no published translation is held for this verse.

धारयन्त्य् असुरा यानि ददाम्य् एतानि सर्वशः वैद्याधरं महास्त्रं च नन्दनं नाम नामतः

dhārayanty asurā yāni dadāmy etāni sarvaśaḥ vaidyādharaṃ mahāstraṃ ca nandanaṃ nāma nāmataḥ

Sanskrit only: no published translation is held for this verse.

असिरत्नं महाबाहो ददामि नृवरात्मज गान्धर्वम् अस्त्रं दयितं मानवं नाम नामतः

asiratnaṃ mahābāho dadāmi nṛvarātmaja gāndharvam astraṃ dayitaṃ mānavaṃ nāma nāmataḥ

Sanskrit only: no published translation is held for this verse.

प्रस्वापनप्रशमने दद्मि सौरं च राघव दर्पणं शोषणं चैव संतापनविलापने

prasvāpanapraśamane dadmi sauraṃ ca rāghava darpaṇaṃ śoṣaṇaṃ caiva saṃtāpanavilāpane

Sanskrit only: no published translation is held for this verse.

मदनं चैव दुर्धर्षं कन्दर्पदयितं तथा पैशाचम् अस्त्रं दयितं मोहनं नाम नामतः प्रतीच्छ नरशार्दूल राजपुत्र महायशः

madanaṃ caiva durdharṣaṃ kandarpadayitaṃ tathā paiśācam astraṃ dayitaṃ mohanaṃ nāma nāmataḥ pratīccha naraśārdūla rājaputra mahāyaśaḥ

Sanskrit only: no published translation is held for this verse.

तामसं नरशार्दूल सौमनं च महाबलम् संवर्तं चैव दुर्धर्षं मौसलं च नृपात्मज

tāmasaṃ naraśārdūla saumanaṃ ca mahābalam saṃvartaṃ caiva durdharṣaṃ mausalaṃ ca nṛpātmaja

Sanskrit only: no published translation is held for this verse.

सत्यम् अस्त्रं महाबाहो तथा मायाधरं परम् घोरं तेजःप्रभं नाम परतेजोऽपकर्षणम्

satyam astraṃ mahābāho tathā māyādharaṃ param ghoraṃ tejaḥprabhaṃ nāma paratejo'pakarṣaṇam

Sanskrit only: no published translation is held for this verse.

सोमास्त्रं शिशिरं नाम त्वाष्ट्रम् अस्त्रं सुदामनम् दारुणं च भगस्यापि शीतेषुम् अथ मानवम्

somāstraṃ śiśiraṃ nāma tvāṣṭram astraṃ sudāmanam dāruṇaṃ ca bhagasyāpi śīteṣum atha mānavam

Sanskrit only: no published translation is held for this verse.

एतान् नाम महाबाहो कामरूपान् महाबलान् गृहाण परमोदारान् क्षिप्रम् एव नृपात्मज

etān nāma mahābāho kāmarūpān mahābalān gṛhāṇa paramodārān kṣipram eva nṛpātmaja

Sanskrit only: no published translation is held for this verse.

स्थितस् तु प्राङ्मुखो भूत्वा शुचिर् निवरतस् तदा ददौ रामाय सुप्रीतो मन्त्रग्रामम् अनुत्तमम्

sthitas tu prāṅmukho bhūtvā śucir nivaratas tadā dadau rāmāya suprīto mantragrāmam anuttamam

Sanskrit only: no published translation is held for this verse.

जपतस् तु मुनेस् तस्य विश्वामित्रस्य धीमतः उपतस्थुर् महार्हाणि सर्वाण्य् अस्त्राणि राघवम्

japatas tu munes tasya viśvāmitrasya dhīmataḥ upatasthur mahārhāṇi sarvāṇy astrāṇi rāghavam

Sanskrit only: no published translation is held for this verse.

ऊचुश् च मुदिता रामं सर्वे प्राञ्जलयस् तदा इमे स्म परमोदार किंकरास् तव राघव

ūcuś ca muditā rāmaṃ sarve prāñjalayas tadā ime sma paramodāra kiṃkarās tava rāghava

Sanskrit only: no published translation is held for this verse.

प्रतिगृह्य च काकुत्स्थः समालभ्य च पाणिना मनसा मे भविष्यध्वम् इति तान्य् अभ्यचोदयत्

pratigṛhya ca kākutsthaḥ samālabhya ca pāṇinā manasā me bhaviṣyadhvam iti tāny abhyacodayat

Sanskrit only: no published translation is held for this verse.

ततः प्रीतमना रामो विश्वामित्रं महामुनिम् अभिवाद्य महातेजा गमनायोपचक्रमे

tataḥ prītamanā rāmo viśvāmitraṃ mahāmunim abhivādya mahātejā gamanāyopacakrame

Sanskrit only: no published translation is held for this verse.