Vālmīki Rāmāyaṇa (critical edition) 1.27

प्रतिगृह्य ततो ऽस्त्राणि प्रहृष्टवदनः शुचिः गच्छन्न् एव च काकुत्स्थो विश्वामित्रम् अथाब्रवीत्

pratigṛhya tato 'strāṇi prahṛṣṭavadanaḥ śuciḥ gacchann eva ca kākutstho viśvāmitram athābravīt

Sanskrit only: no published translation is held for this verse.

गृहीतास्त्रो ऽस्मि भगवन् दुराधर्षः सुरैर् अपि अस्त्राणां त्व् अहम् इच्छामि संहारं मुनिपुंगव

gṛhītāstro 'smi bhagavan durādharṣaḥ surair api astrāṇāṃ tv aham icchāmi saṃhāraṃ munipuṃgava

Sanskrit only: no published translation is held for this verse.

एवं ब्रुवति काकुत्स्थे विश्वामित्रो महामुनिः संहारं व्याजहाराथ धृतिमान् सुव्रतः शुचिः

evaṃ bruvati kākutsthe viśvāmitro mahāmuniḥ saṃhāraṃ vyājahārātha dhṛtimān suvrataḥ śuciḥ

Sanskrit only: no published translation is held for this verse.

सत्यवन्तं सत्यकीर्तिं धृष्टं रभसम् एव च प्रतिहारतरं नाम पराङ्मुखम् अवाङ्मुखम्

satyavantaṃ satyakīrtiṃ dhṛṣṭaṃ rabhasam eva ca pratihārataraṃ nāma parāṅmukham avāṅmukham

Sanskrit only: no published translation is held for this verse.

लक्षाक्षविषमौ चैव दृढनाभसुनाभकौ दशाक्षशतवक्त्रौ च दशशीर्षशतोदरौ

lakṣākṣaviṣamau caiva dṛḍhanābhasunābhakau daśākṣaśatavaktrau ca daśaśīrṣaśatodarau

Sanskrit only: no published translation is held for this verse.

पद्मनाभमहानाभौ दुन्दुनाभसुनाभकौ ज्योतिषं कृशनं चैव नैराश्य विमलाव् उभौ

padmanābhamahānābhau dundunābhasunābhakau jyotiṣaṃ kṛśanaṃ caiva nairāśya vimalāv ubhau

Sanskrit only: no published translation is held for this verse.

यौगन्धरहरिद्रौ च दैत्यप्रमथनौ तथा पित्र्यं सौमनसं चैव विधूतमकराव् उभौ

yaugandharaharidrau ca daityapramathanau tathā pitryaṃ saumanasaṃ caiva vidhūtamakarāv ubhau

Sanskrit only: no published translation is held for this verse.

करवीरकरं चैव धनधान्यौ च राघव कामरूपं कामरुचिं मोहम् आवरणं तथा

karavīrakaraṃ caiva dhanadhānyau ca rāghava kāmarūpaṃ kāmaruciṃ moham āvaraṇaṃ tathā

Sanskrit only: no published translation is held for this verse.

जृम्भकं सर्वनाभं च सन्तानवरणौ तथा भृशाश्वतनयान् राम भास्वरान् कामरूपिणः

jṛmbhakaṃ sarvanābhaṃ ca santānavaraṇau tathā bhṛśāśvatanayān rāma bhāsvarān kāmarūpiṇaḥ

Sanskrit only: no published translation is held for this verse.

प्रतीच्छ मम भद्रं ते पात्रभूतो ऽसि राघव दिव्यभास्वरदेहाश् च मूर्तिमन्तः सुखप्रदाः

pratīccha mama bhadraṃ te pātrabhūto 'si rāghava divyabhāsvaradehāś ca mūrtimantaḥ sukhapradāḥ

Sanskrit only: no published translation is held for this verse.

रामं प्राञ्जलयो भूत्वाब्रुवन् मधुरभाषिणः इमे स्म नरशार्दूल शाधि किं करवाम ते

rāmaṃ prāñjalayo bhūtvābruvan madhurabhāṣiṇaḥ ime sma naraśārdūla śādhi kiṃ karavāma te

Sanskrit only: no published translation is held for this verse.

गम्यताम् इति तान् आह यथेष्टं रघुनन्दनः मानसाः कार्यकालेषु साहाय्यं मे करिष्यथ

gamyatām iti tān āha yatheṣṭaṃ raghunandanaḥ mānasāḥ kāryakāleṣu sāhāyyaṃ me kariṣyatha

Sanskrit only: no published translation is held for this verse.

अथ ते रामम् आमन्त्र्य कृत्वा चापि प्रदक्षिणम् एवम् अस्त्व् इति काकुत्स्थम् उक्त्वा जग्मुर् यथागतम्

atha te rāmam āmantrya kṛtvā cāpi pradakṣiṇam evam astv iti kākutstham uktvā jagmur yathāgatam

Sanskrit only: no published translation is held for this verse.

स च तान् राघवो ज्ञात्वा विश्वामित्रं महामुनिम् गच्छन्न् एवाथ मधुरं श्लक्ष्णं वचनम् अब्रवीत्

sa ca tān rāghavo jñātvā viśvāmitraṃ mahāmunim gacchann evātha madhuraṃ ślakṣṇaṃ vacanam abravīt

Sanskrit only: no published translation is held for this verse.

किं न्व् एतन् मेघसंकाशं पर्वतस्याविदूरतः वृक्षषण्डम् इतो भाति परं कौतूहलं हि मे

kiṃ nv etan meghasaṃkāśaṃ parvatasyāvidūrataḥ vṛkṣaṣaṇḍam ito bhāti paraṃ kautūhalaṃ hi me

Sanskrit only: no published translation is held for this verse.

दर्शनीयं मृगाकीर्णं मनोहरम् अतीव च नानाप्रकारैः शकुनैर् वल्गुभाषैर् अलंकृतम्

darśanīyaṃ mṛgākīrṇaṃ manoharam atīva ca nānāprakāraiḥ śakunair valgubhāṣair alaṃkṛtam

Sanskrit only: no published translation is held for this verse.

निःसृताः स्म मुनिश्रेष्ठ कान्ताराद् रोमहर्षणात् अनया त्व् अवगच्छामि देशस्य सुखवत्तया

niḥsṛtāḥ sma muniśreṣṭha kāntārād romaharṣaṇāt anayā tv avagacchāmi deśasya sukhavattayā

Sanskrit only: no published translation is held for this verse.

सर्वं मे शंस भगवन् कस्याश्रमपदं त्व् इदम् संप्राप्ता यत्र ते पापा ब्रह्मघ्ना दुष्टचारिणः

sarvaṃ me śaṃsa bhagavan kasyāśramapadaṃ tv idam saṃprāptā yatra te pāpā brahmaghnā duṣṭacāriṇaḥ

Sanskrit only: no published translation is held for this verse.