Library·Vālmīki Rāmāyaṇa (critical edition)·2·2.111
अनसूया तु धर्मज्ञा श्रुत्वा तां महतीं कथाम् । पर्यष्वजत बाहुभ्यां शिरस्य् आघ्राय मैथिलीम्
anasūyā tu dharmajñā śrutvā tāṃ mahatīṃ kathām / paryaṣvajata bāhubhyāṃ śirasy āghrāya maithilīm
Sanskrit only: no published translation is held for this verse.
व्यक्ताक्षरपदं चित्रं भाषितं मधुरं त्वया । यथा स्वयंवरं वृत्तं तत् सर्वं हि श्रुतं मया
vyaktākṣarapadaṃ citraṃ bhāṣitaṃ madhuraṃ tvayā / yathā svayaṃvaraṃ vṛttaṃ tat sarvaṃ hi śrutaṃ mayā
Sanskrit only: no published translation is held for this verse.
रमे ऽहं कथया ते तु दृढं मधुरभाषिणि । रविर् अस्तं गतः श्रीमान् उपोह्य रजनीं शिवाम्
rame 'haṃ kathayā te tu dṛḍhaṃ madhurabhāṣiṇi / ravir astaṃ gataḥ śrīmān upohya rajanīṃ śivām
Sanskrit only: no published translation is held for this verse.
दिवसं प्रतिकीर्णानाम् आहारार्थं पतत्रिणाम् । संध्याकाले निलीनानां निद्रार्थं श्रूयते ध्वनिः
divasaṃ pratikīrṇānām āhārārthaṃ patatriṇām / saṃdhyākāle nilīnānāṃ nidrārthaṃ śrūyate dhvaniḥ
Sanskrit only: no published translation is held for this verse.
एते चाप्य् अभिषेकार्द्रा मुनयः फलशोधनाः । सहिता उपवर्तन्ते सलिलाप्लुतवल्कलाः
ete cāpy abhiṣekārdrā munayaḥ phalaśodhanāḥ / sahitā upavartante salilāplutavalkalāḥ
Sanskrit only: no published translation is held for this verse.
ऋषीणाम् अग्निहोत्रेषु हुतेषु विधिपुर्वकम् । कपोताङ्गारुणो धूमो दृश्यते पवनोद्धतः
ṛṣīṇām agnihotreṣu huteṣu vidhipurvakam / kapotāṅgāruṇo dhūmo dṛśyate pavanoddhataḥ
Sanskrit only: no published translation is held for this verse.
अल्पपर्णा हि तरवो घनीभूताः समन्ततः । विप्रकृष्टे ऽपि ये देशे न प्रकाशन्ति वै दिशः
alpaparṇā hi taravo ghanībhūtāḥ samantataḥ / viprakṛṣṭe 'pi ye deśe na prakāśanti vai diśaḥ
Sanskrit only: no published translation is held for this verse.
रजनीचरसत्त्वानि प्रचरन्ति समन्ततः । तपोवनमृगा ह्य् एते वेदितीर्थेषु शेरते
rajanīcarasattvāni pracaranti samantataḥ / tapovanamṛgā hy ete veditīrtheṣu śerate
Sanskrit only: no published translation is held for this verse.
सम्प्रवृत्ता निशा सीते नक्षत्रसमलंकृता । ज्योत्स्नाप्रावरणश् चन्द्रो दृश्यते ऽभ्युदितो ऽम्बरे
sampravṛttā niśā sīte nakṣatrasamalaṃkṛtā / jyotsnāprāvaraṇaś candro dṛśyate 'bhyudito 'mbare
Sanskrit only: no published translation is held for this verse.
गम्यताम् अनुजानामि रामस्यानुचरी भव । कथयन्त्या हि मधुरं त्वयाहं परितोषिता
gamyatām anujānāmi rāmasyānucarī bhava / kathayantyā hi madhuraṃ tvayāhaṃ paritoṣitā
Sanskrit only: no published translation is held for this verse.
अलंकुरु च तावत् त्वं प्रत्यक्षं मम मैथिलि । प्रीतिं जनय मे वत्स दिव्यालंकारशोभिनी
alaṃkuru ca tāvat tvaṃ pratyakṣaṃ mama maithili / prītiṃ janaya me vatsa divyālaṃkāraśobhinī
Sanskrit only: no published translation is held for this verse.
सा तदा समलंकृत्य सीता सुरसुतोपमा । प्रणम्य शिरसा तस्यै रामं त्व् अभिमुखी ययौ
sā tadā samalaṃkṛtya sītā surasutopamā / praṇamya śirasā tasyai rāmaṃ tv abhimukhī yayau
Sanskrit only: no published translation is held for this verse.
तथा तु भूषितां सीतां ददर्श वदतां वरः । राघवः प्रीतिदानेन तपस्विन्या जहर्ष च
tathā tu bhūṣitāṃ sītāṃ dadarśa vadatāṃ varaḥ / rāghavaḥ prītidānena tapasvinyā jaharṣa ca
Sanskrit only: no published translation is held for this verse.
न्यवेदयत् ततः सर्वं सीता रामाय मैथिली । प्रीतिदानं तपस्विन्या वसनाभरणस्रजाम्
nyavedayat tataḥ sarvaṃ sītā rāmāya maithilī / prītidānaṃ tapasvinyā vasanābharaṇasrajām
Sanskrit only: no published translation is held for this verse.
प्रहृष्टस् त्व् अभवद् रामो लक्ष्मणश् च महारथः । मैथिल्याः सत्क्रियां दृष्ट्वा मानुषेषु सुदुर्लभाम्
prahṛṣṭas tv abhavad rāmo lakṣmaṇaś ca mahārathaḥ / maithilyāḥ satkriyāṃ dṛṣṭvā mānuṣeṣu sudurlabhām
Sanskrit only: no published translation is held for this verse.
ततस् तां शर्वरीं प्रीतः पुण्यां शशिनिभाननः । अर्चितस् तापसैः सिद्धैर् उवास रघुनन्दनः
tatas tāṃ śarvarīṃ prītaḥ puṇyāṃ śaśinibhānanaḥ / arcitas tāpasaiḥ siddhair uvāsa raghunandanaḥ
Sanskrit only: no published translation is held for this verse.
तस्यां रात्र्यां व्यतीतायाम् अभिषिच्य हुताग्निकान् । आपृच्छेतां नरव्याघ्रौ तापसान् वनगोचरान्
tasyāṃ rātryāṃ vyatītāyām abhiṣicya hutāgnikān / āpṛcchetāṃ naravyāghrau tāpasān vanagocarān
Sanskrit only: no published translation is held for this verse.
ताव् ऊचुस् ते वनचरास् तापसा धर्मचारिणः । वनस्य तस्य संचारं राक्षसैः समभिप्लुतम्
tāv ūcus te vanacarās tāpasā dharmacāriṇaḥ / vanasya tasya saṃcāraṃ rākṣasaiḥ samabhiplutam
Sanskrit only: no published translation is held for this verse.
एष पन्था महर्षीणां फलान्य् आहरतां वने । अनेन तु वनं दुर्गं गन्तुं राघव ते क्षमम्
eṣa panthā maharṣīṇāṃ phalāny āharatāṃ vane / anena tu vanaṃ durgaṃ gantuṃ rāghava te kṣamam
Sanskrit only: no published translation is held for this verse.
इतीव तैः प्राञ्जलिभिस् तपस्विभिर् द्विजैः कृतस्वस्त्ययनः परंतपः । वनं सभार्यः प्रविवेश राघवः सलक्ष्मणः सूर्य इवाभ्रमण्डलम्
itīva taiḥ prāñjalibhis tapasvibhir dvijaiḥ kṛtasvastyayanaḥ paraṃtapaḥ / vanaṃ sabhāryaḥ praviveśa rāghavaḥ salakṣmaṇaḥ sūrya ivābhramaṇḍalam
Sanskrit only: no published translation is held for this verse.