Vālmīki Rāmāyaṇa (critical edition) 3.34

मारीच श्रूयतां तात वचनं मम भाषतः । आर्तो ऽस्मि मम चार्तस्य भवान् हि परमा गतिः

mārīca śrūyatāṃ tāta vacanaṃ mama bhāṣataḥ / ārto 'smi mama cārtasya bhavān hi paramā gatiḥ

Sanskrit only: no published translation is held for this verse.

जानीषे त्वं जनस्थानं भ्राता यत्र खरो मम । दूषणश् च महाबाहुः स्वसा शूर्पणखा च मे

jānīṣe tvaṃ janasthānaṃ bhrātā yatra kharo mama / dūṣaṇaś ca mahābāhuḥ svasā śūrpaṇakhā ca me

Sanskrit only: no published translation is held for this verse.

त्रिशिराश् च महातेजा राक्षसः पिशिताशनः । अन्ये च बहवः शूरा लब्धलक्षा निशाचराः

triśirāś ca mahātejā rākṣasaḥ piśitāśanaḥ / anye ca bahavaḥ śūrā labdhalakṣā niśācarāḥ

Sanskrit only: no published translation is held for this verse.

वसन्ति मन्नियोगेन अधिवासं च राक्षसः । बाधमाना महारण्ये मुनीन् ये धर्मचारिणः

vasanti manniyogena adhivāsaṃ ca rākṣasaḥ / bādhamānā mahāraṇye munīn ye dharmacāriṇaḥ

Sanskrit only: no published translation is held for this verse.

चतुर्दश सहस्राणि रक्षसां भीमकर्मणाम् । शूराणां लब्धलक्षाणां खरचित्तानुवर्तिनाम्

caturdaśa sahasrāṇi rakṣasāṃ bhīmakarmaṇām / śūrāṇāṃ labdhalakṣāṇāṃ kharacittānuvartinām

Sanskrit only: no published translation is held for this verse.

ते त्व् इदानीं जनस्थाने वसमाना महाबलाः । संगताः परम् आयत्ता रामेण सह संयुगे

te tv idānīṃ janasthāne vasamānā mahābalāḥ / saṃgatāḥ param āyattā rāmeṇa saha saṃyuge

Sanskrit only: no published translation is held for this verse.

तेन संजातरोषेण रामेण रणमूर्धनि । अनुक्त्वा परुषं किंचिच् छरैर् व्यापारितं धनुः

tena saṃjātaroṣeṇa rāmeṇa raṇamūrdhani / anuktvā paruṣaṃ kiṃcic charair vyāpāritaṃ dhanuḥ

Sanskrit only: no published translation is held for this verse.

चतुर्दश सहस्राणि रक्षसां भीमकर्मणाम् । निहतानि शरैस् तीक्ष्णैर् मानुषेण पदातिना

caturdaśa sahasrāṇi rakṣasāṃ bhīmakarmaṇām / nihatāni śarais tīkṣṇair mānuṣeṇa padātinā

Sanskrit only: no published translation is held for this verse.

खरश् च निहतः संख्ये दूषणश् च निपातितः । हत्वा त्रिशिरसं चापि निर्भया दण्डकाः कृताः

kharaś ca nihataḥ saṃkhye dūṣaṇaś ca nipātitaḥ / hatvā triśirasaṃ cāpi nirbhayā daṇḍakāḥ kṛtāḥ

Sanskrit only: no published translation is held for this verse.

पित्रा निरस्तः क्रुद्धेन सभार्यः क्षीणजीवितः । स हन्ता तस्य सैन्यस्य रामः क्षत्रियपांसनः

pitrā nirastaḥ kruddhena sabhāryaḥ kṣīṇajīvitaḥ / sa hantā tasya sainyasya rāmaḥ kṣatriyapāṃsanaḥ

Sanskrit only: no published translation is held for this verse.

अशीलः कर्कशस् तीक्ष्णो मूर्खो लुब्धो ऽजितेन्द्रियः । त्यक्तधर्मस् त्व् अधर्मात्मा भूतानाम् अहिते रतः

aśīlaḥ karkaśas tīkṣṇo mūrkho lubdho 'jitendriyaḥ / tyaktadharmas tv adharmātmā bhūtānām ahite rataḥ

Sanskrit only: no published translation is held for this verse.

येन वैरं विनारण्ये सत्त्वम् आश्रित्य केवलम् । कर्णनासापहारेण भगिनी मे विरूपिता

yena vairaṃ vināraṇye sattvam āśritya kevalam / karṇanāsāpahāreṇa bhaginī me virūpitā

Sanskrit only: no published translation is held for this verse.

तस्य भार्यां जनस्थानात् सीतां सुरसुतोपमाम् । आनयिष्यामि विक्रम्य सहायस् तत्र मे भव

tasya bhāryāṃ janasthānāt sītāṃ surasutopamām / ānayiṣyāmi vikramya sahāyas tatra me bhava

Sanskrit only: no published translation is held for this verse.

त्वया ह्य् अहं सहायेन पार्श्वस्थेन महाबल । भ्रातृभिश् च सुरान् युद्धे समग्रान् नाभिचिन्तये

tvayā hy ahaṃ sahāyena pārśvasthena mahābala / bhrātṛbhiś ca surān yuddhe samagrān nābhicintaye

Sanskrit only: no published translation is held for this verse.

तत् सहायो भव त्वं मे समर्थो ह्य् असि राक्षस । वीर्ये युद्धे च दर्पे च न ह्य् अस्ति सदृशस् तव

tat sahāyo bhava tvaṃ me samartho hy asi rākṣasa / vīrye yuddhe ca darpe ca na hy asti sadṛśas tava

Sanskrit only: no published translation is held for this verse.

एतदर्थम् अहं प्राप्तस् त्वत्समीपं निशाचर । शृणु तत् कर्म साहाय्ये यत् कार्यं वचनान् मम

etadartham ahaṃ prāptas tvatsamīpaṃ niśācara / śṛṇu tat karma sāhāyye yat kāryaṃ vacanān mama

Sanskrit only: no published translation is held for this verse.

सौवर्णस् त्वं मृगो भूत्वा चित्रो रजतबिन्दुभिः । आश्रमे तस्य रामस्य सीतायाः प्रमुखे चर

sauvarṇas tvaṃ mṛgo bhūtvā citro rajatabindubhiḥ / āśrame tasya rāmasya sītāyāḥ pramukhe cara

Sanskrit only: no published translation is held for this verse.

त्वां तु निःसंशयं सीता दृष्ट्वा तु मृगरूपिणम् । गृह्यताम् इति भर्तारं लक्ष्मणं चाभिधास्यति

tvāṃ tu niḥsaṃśayaṃ sītā dṛṣṭvā tu mṛgarūpiṇam / gṛhyatām iti bhartāraṃ lakṣmaṇaṃ cābhidhāsyati

Sanskrit only: no published translation is held for this verse.

ततस् तयोर् अपाये तु शून्ये सीतां यथासुखम् । निराबाधो हरिष्यामि राहुश् चन्द्रप्रभाम् इव

tatas tayor apāye tu śūnye sītāṃ yathāsukham / nirābādho hariṣyāmi rāhuś candraprabhām iva

Sanskrit only: no published translation is held for this verse.

ततः पश्चात् सुखं रामे भार्याहरणकर्शिते । विश्रब्धः प्रहरिष्यामि कृतार्थेनान्तरात्मना

tataḥ paścāt sukhaṃ rāme bhāryāharaṇakarśite / viśrabdhaḥ prahariṣyāmi kṛtārthenāntarātmanā

Sanskrit only: no published translation is held for this verse.

तस्य रामकथां श्रुत्वा मारीचस्य महात्मनः । शुष्कं समभवद् वक्त्रं परित्रस्तो बभूव च

tasya rāmakathāṃ śrutvā mārīcasya mahātmanaḥ / śuṣkaṃ samabhavad vaktraṃ paritrasto babhūva ca

Sanskrit only: no published translation is held for this verse.

स रावणं त्रस्तविषण्णचेता महावने रामपराक्रमज्ञः । कृताञ्जलिस् तत्त्वम् उवाच वाक्यं हितं च तस्मै हितम् आत्मनश् च

sa rāvaṇaṃ trastaviṣaṇṇacetā mahāvane rāmaparākramajñaḥ / kṛtāñjalis tattvam uvāca vākyaṃ hitaṃ ca tasmai hitam ātmanaś ca

Sanskrit only: no published translation is held for this verse.