Vālmīki Rāmāyaṇa (critical edition) 3.36

कदाचिद् अप्य् अहं वीर्यात् पर्यटन् पृथिवीम् इमाम् । बलं नागसहस्रस्य धारयन् पर्वतोपमः

kadācid apy ahaṃ vīryāt paryaṭan pṛthivīm imām / balaṃ nāgasahasrasya dhārayan parvatopamaḥ

Sanskrit only: no published translation is held for this verse.

नीलजीमूतसंकाशस् तप्तकाञ्चनकुण्डलः । भयं लोकस्य जनयन् किरीटी परिघायुधः । व्यचरं दण्डकारण्यम् ऋषिमांसानि भक्षयन्

nīlajīmūtasaṃkāśas taptakāñcanakuṇḍalaḥ / bhayaṃ lokasya janayan kirīṭī parighāyudhaḥ / vyacaraṃ daṇḍakāraṇyam ṛṣimāṃsāni bhakṣayan

Sanskrit only: no published translation is held for this verse.

विश्वामित्रो ऽथ धर्मात्मा मद्वित्रस्तो महामुनिः । स्वयं गत्वा दशरथं नरेन्द्रम् इदम् अब्रवीत्

viśvāmitro 'tha dharmātmā madvitrasto mahāmuniḥ / svayaṃ gatvā daśarathaṃ narendram idam abravīt

Sanskrit only: no published translation is held for this verse.

अयं रक्षतु मां रामः पर्वकाले समाहितः । मारीचान् मे भयं घोरं समुत्पन्नं नरेश्वर

ayaṃ rakṣatu māṃ rāmaḥ parvakāle samāhitaḥ / mārīcān me bhayaṃ ghoraṃ samutpannaṃ nareśvara

Sanskrit only: no published translation is held for this verse.

इत्य् एवम् उक्तो धर्मात्मा राजा दशरथस् तदा । प्रत्युवाच महाभागं विश्वामित्रं महामुनिम्

ity evam ukto dharmātmā rājā daśarathas tadā / pratyuvāca mahābhāgaṃ viśvāmitraṃ mahāmunim

Sanskrit only: no published translation is held for this verse.

ऊनषोडशवर्षो ऽयम् अकृतास्त्रश् च राघवः । कामं तु मम यत् सैन्यं मया सह गमिष्यति । वधिष्यामि मुनिश्रेष्ठ शत्रुं तव यथेप्सितम्

ūnaṣoḍaśavarṣo 'yam akṛtāstraś ca rāghavaḥ / kāmaṃ tu mama yat sainyaṃ mayā saha gamiṣyati / vadhiṣyāmi muniśreṣṭha śatruṃ tava yathepsitam

Sanskrit only: no published translation is held for this verse.

इत्य् एवम् उक्तः स मुनी राजानं पुनर् अब्रवीत् । रामान् नान्यद् बलं लोके पर्याप्तं तस्य रक्षसः

ity evam uktaḥ sa munī rājānaṃ punar abravīt / rāmān nānyad balaṃ loke paryāptaṃ tasya rakṣasaḥ

Sanskrit only: no published translation is held for this verse.

बालो ऽप्य् एष महातेजाः समर्थस् तस्य निग्रहे । गमिष्ये रामम् आदाय स्वस्ति ते ऽस्तु परंतप

bālo 'py eṣa mahātejāḥ samarthas tasya nigrahe / gamiṣye rāmam ādāya svasti te 'stu paraṃtapa

Sanskrit only: no published translation is held for this verse.

इत्य् एवम् उक्त्वा स मुनिस् तम् आदाय नृपात्मजम् । जगाम परमप्रीतो विश्वामित्रः स्वम् आश्रमम्

ity evam uktvā sa munis tam ādāya nṛpātmajam / jagāma paramaprīto viśvāmitraḥ svam āśramam

Sanskrit only: no published translation is held for this verse.

तं तदा दण्डकारण्ये यज्ञम् उद्दिश्य दीक्षितम् । बभूवावस्थितो रामश् चित्रं विस्फारयन् धनुः

taṃ tadā daṇḍakāraṇye yajñam uddiśya dīkṣitam / babhūvāvasthito rāmaś citraṃ visphārayan dhanuḥ

Sanskrit only: no published translation is held for this verse.

अजातव्यञ्जनः श्रीमान् बालः श्यामः शुभेक्षणः । एकवस्त्रधरो धन्वी शिखी कनकमालया

ajātavyañjanaḥ śrīmān bālaḥ śyāmaḥ śubhekṣaṇaḥ / ekavastradharo dhanvī śikhī kanakamālayā

Sanskrit only: no published translation is held for this verse.

शोभयन् दण्डकारण्यं दीप्तेन स्वेन तेजसा । अदृश्यत तदा रामो बालचन्द्र इवोदितः

śobhayan daṇḍakāraṇyaṃ dīptena svena tejasā / adṛśyata tadā rāmo bālacandra ivoditaḥ

Sanskrit only: no published translation is held for this verse.

ततो ऽहं मेघसंकाशस् तप्तकाञ्चनकुण्डलः । बली दत्तवरो दर्पाद् आजगाम तदाश्रमम्

tato 'haṃ meghasaṃkāśas taptakāñcanakuṇḍalaḥ / balī dattavaro darpād ājagāma tadāśramam

Sanskrit only: no published translation is held for this verse.

तेन दृष्टः प्रविष्टो ऽहं सहसैवोद्यतायुधः । मां तु दृष्ट्वा धनुः सज्यम् असम्भ्रान्तश् चकार ह

tena dṛṣṭaḥ praviṣṭo 'haṃ sahasaivodyatāyudhaḥ / māṃ tu dṛṣṭvā dhanuḥ sajyam asambhrāntaś cakāra ha

Sanskrit only: no published translation is held for this verse.

अवजानन्न् अहं मोहाद् बालो ऽयम् इति राघवम् । विश्वामित्रस्य तां वेदिम् अध्यधावं कृतत्वरः

avajānann ahaṃ mohād bālo 'yam iti rāghavam / viśvāmitrasya tāṃ vedim adhyadhāvaṃ kṛtatvaraḥ

Sanskrit only: no published translation is held for this verse.

तेन मुक्तस् ततो बाणः शितः शत्रुनिबर्हणः । तेनाहं ताडितः क्षिप्तः समुद्रे शतयोजने

tena muktas tato bāṇaḥ śitaḥ śatrunibarhaṇaḥ / tenāhaṃ tāḍitaḥ kṣiptaḥ samudre śatayojane

Sanskrit only: no published translation is held for this verse.

रामस्य शरवेगेन निरस्तो भ्रान्तचेतनः । पातितो ऽहं तदा तेन गम्भीरे सागराम्भसि । प्राप्य संज्ञां चिरात् तात लङ्कां प्रति गतः पुरीम्

rāmasya śaravegena nirasto bhrāntacetanaḥ / pātito 'haṃ tadā tena gambhīre sāgarāmbhasi / prāpya saṃjñāṃ cirāt tāta laṅkāṃ prati gataḥ purīm

Sanskrit only: no published translation is held for this verse.

एवम् अस्मि तदा मुक्तः सहायास् ते निपातिताः । अकृतास्त्रेण रामेण बालेनाक्लिष्टकर्मणा

evam asmi tadā muktaḥ sahāyās te nipātitāḥ / akṛtāstreṇa rāmeṇa bālenākliṣṭakarmaṇā

Sanskrit only: no published translation is held for this verse.

तन् मया वार्यमाणस् त्वं यदि रामेण विग्रहम् । करिष्यस्य् आपदं घोरां क्षिप्रं प्राप्य नशिष्यसि

tan mayā vāryamāṇas tvaṃ yadi rāmeṇa vigraham / kariṣyasy āpadaṃ ghorāṃ kṣipraṃ prāpya naśiṣyasi

Sanskrit only: no published translation is held for this verse.

क्रीडारतिविधिज्ञानां समाजोत्सवशालिनाम् । रक्षसां चैव संतापम् अनर्थं चाहरिष्यसि

krīḍāratividhijñānāṃ samājotsavaśālinām / rakṣasāṃ caiva saṃtāpam anarthaṃ cāhariṣyasi

Sanskrit only: no published translation is held for this verse.

हर्म्यप्रासादसम्बाधां नानारत्नविभूषिताम् । द्रक्ष्यसि त्वं पुरीं लङ्कां विनष्टां मैथिलीकृते

harmyaprāsādasambādhāṃ nānāratnavibhūṣitām / drakṣyasi tvaṃ purīṃ laṅkāṃ vinaṣṭāṃ maithilīkṛte

Sanskrit only: no published translation is held for this verse.

अकुर्वन्तो ऽपि पापानि शुचयः पापसंश्रयात् । परपापैर् विनश्यन्ति मत्स्या नागह्रदे यथा

akurvanto 'pi pāpāni śucayaḥ pāpasaṃśrayāt / parapāpair vinaśyanti matsyā nāgahrade yathā

Sanskrit only: no published translation is held for this verse.

दिव्यचन्दनदिग्धाङ्गान् दिव्याभरणभूषितान् । द्रक्ष्यस्य् अभिहतान् भूमौ तव दोषात् तु राक्षसान्

divyacandanadigdhāṅgān divyābharaṇabhūṣitān / drakṣyasy abhihatān bhūmau tava doṣāt tu rākṣasān

Sanskrit only: no published translation is held for this verse.

हृतदारान् सदारांश् च दश विद्रवतो दिशः । हतशेषान् अशरणान् द्रक्ष्यसि त्वं निशाचरान्

hṛtadārān sadārāṃś ca daśa vidravato diśaḥ / hataśeṣān aśaraṇān drakṣyasi tvaṃ niśācarān

Sanskrit only: no published translation is held for this verse.

शरजालपरिक्षिप्ताम् अग्निज्वालासमावृताम् । प्रदग्धभवनां लङ्कां द्रक्ष्यसि त्वम् असंशयम्

śarajālaparikṣiptām agnijvālāsamāvṛtām / pradagdhabhavanāṃ laṅkāṃ drakṣyasi tvam asaṃśayam

Sanskrit only: no published translation is held for this verse.

प्रमदानां सहस्राणि तव राजन् परिग्रहः । भव स्वदारनिरतः स्वकुलं रक्ष राक्षस

pramadānāṃ sahasrāṇi tava rājan parigrahaḥ / bhava svadāranirataḥ svakulaṃ rakṣa rākṣasa

Sanskrit only: no published translation is held for this verse.

मानं वृद्धिं च राज्यं च जीवितं चेष्टम् आत्मनः । यदीच्छसि चिरं भोक्तुं मा कृथा रामविप्रियम्

mānaṃ vṛddhiṃ ca rājyaṃ ca jīvitaṃ ceṣṭam ātmanaḥ / yadīcchasi ciraṃ bhoktuṃ mā kṛthā rāmavipriyam

Sanskrit only: no published translation is held for this verse.

निवार्यमाणः सुहृदा मया भृशं प्रसह्य सीतां यदि धर्षयिष्यसि । गमिष्यसि क्षीणबलः सबान्धवो यमक्षयं रामशरात्तजीवितः

nivāryamāṇaḥ suhṛdā mayā bhṛśaṃ prasahya sītāṃ yadi dharṣayiṣyasi / gamiṣyasi kṣīṇabalaḥ sabāndhavo yamakṣayaṃ rāmaśarāttajīvitaḥ

Sanskrit only: no published translation is held for this verse.