Vālmīki Rāmāyaṇa (critical edition) 4.43

विशेषेण तु सुग्रीवो हनुमत्यर्थम् उक्तवान् स हि तस्मिन् हरिश्रेष्ठे निश्चितार्थो ऽर्थसाधने

viśeṣeṇa tu sugrīvo hanumatyartham uktavān sa hi tasmin hariśreṣṭhe niścitārtho 'rthasādhane

Sanskrit only: no published translation is held for this verse.

न भूमौ नान्तरिक्षे वा नाम्बरे नामरालये नाप्सु वा गतिसंगं ते पश्यामि हरिपुंगव

na bhūmau nāntarikṣe vā nāmbare nāmarālaye nāpsu vā gatisaṃgaṃ te paśyāmi haripuṃgava

Sanskrit only: no published translation is held for this verse.

सासुराः सहगन्धर्वाः सनागनरदेवताः विदिताः सर्वलोकास् ते ससागरधराधराः

sāsurāḥ sahagandharvāḥ sanāganaradevatāḥ viditāḥ sarvalokās te sasāgaradharādharāḥ

Sanskrit only: no published translation is held for this verse.

गतिर् वेगश् च तेजश् च लाघवं च महाकपे पितुस् ते सदृशं वीर मारुतस्य महौजसः

gatir vegaś ca tejaś ca lāghavaṃ ca mahākape pitus te sadṛśaṃ vīra mārutasya mahaujasaḥ

Sanskrit only: no published translation is held for this verse.

तेजसा वापि ते भूतं समं भुवि न विद्यते तद् यथा लभ्यते सीता तत्त्वम् एवोपपादय

tejasā vāpi te bhūtaṃ samaṃ bhuvi na vidyate tad yathā labhyate sītā tattvam evopapādaya

Sanskrit only: no published translation is held for this verse.

त्वय्य् एव हनुमन्न् अस्ति बलं बुद्धिः पराक्रमः देशकालानुवृत्तश् च नयश् च नयपण्डित

tvayy eva hanumann asti balaṃ buddhiḥ parākramaḥ deśakālānuvṛttaś ca nayaś ca nayapaṇḍita

Sanskrit only: no published translation is held for this verse.

ततः कार्यसमासंगम् अवगम्य हनूमति विदित्वा हनुमन्तं च चिन्तयाम् आस राघवः

tataḥ kāryasamāsaṃgam avagamya hanūmati viditvā hanumantaṃ ca cintayām āsa rāghavaḥ

Sanskrit only: no published translation is held for this verse.

सर्वथा निश्चितार्थो ऽयं हनूमति हरीश्वरः निश्चितार्थतरश् चापि हनूमान् कार्यसाधने

sarvathā niścitārtho 'yaṃ hanūmati harīśvaraḥ niścitārthataraś cāpi hanūmān kāryasādhane

Sanskrit only: no published translation is held for this verse.

तद् एवं प्रस्थितस्यास्य परिज्ञातस्य कर्मभिः भर्त्रा परिगृहीतस्य ध्रुवः कार्यफलोदयः

tad evaṃ prasthitasyāsya parijñātasya karmabhiḥ bhartrā parigṛhītasya dhruvaḥ kāryaphalodayaḥ

Sanskrit only: no published translation is held for this verse.

तं समीक्ष्य महातेजा व्यवसायोत्तरं हरिम् कृतार्थ इव संवृत्तः प्रहृष्टेन्द्रियमानसः

taṃ samīkṣya mahātejā vyavasāyottaraṃ harim kṛtārtha iva saṃvṛttaḥ prahṛṣṭendriyamānasaḥ

Sanskrit only: no published translation is held for this verse.

ददौ तस्य ततः प्रीतः स्वनामाङ्कोपशोभितम् अङ्गुलीयम् अभिज्ञानं राजपुत्र्याः परंतपः

dadau tasya tataḥ prītaḥ svanāmāṅkopaśobhitam aṅgulīyam abhijñānaṃ rājaputryāḥ paraṃtapaḥ

Sanskrit only: no published translation is held for this verse.

अनेन त्वां हरिश्रेष्ठ चिह्नेन जनकात्मजा मत्सकाशाद् अनुप्राप्तम् अनुद्विग्नानुपश्यति

anena tvāṃ hariśreṣṭha cihnena janakātmajā matsakāśād anuprāptam anudvignānupaśyati

Sanskrit only: no published translation is held for this verse.

व्यवसायश् च ते वीर सत्त्वयुक्तश् च विक्रमः सुग्रीवस्य च संदेशः सिद्धिं कथयतीव मे

vyavasāyaś ca te vīra sattvayuktaś ca vikramaḥ sugrīvasya ca saṃdeśaḥ siddhiṃ kathayatīva me

Sanskrit only: no published translation is held for this verse.

स तद् गृह्य हरिश्रेष्ठः स्थाप्य मूर्ध्नि कृताञ्जलिः वन्दित्वा चरणौ चैव प्रस्थितः प्लवगोत्तमः

sa tad gṛhya hariśreṣṭhaḥ sthāpya mūrdhni kṛtāñjaliḥ vanditvā caraṇau caiva prasthitaḥ plavagottamaḥ

Sanskrit only: no published translation is held for this verse.

स तत् प्रकर्षन् हरिणां बलं महद्; बभूव वीरः पवनात्मजः कपि गताम्बुदे व्योम्नि विशुद्धमण्डलः; शशीव नक्षत्रगणोपशोभितः

sa tat prakarṣan hariṇāṃ balaṃ mahad; babhūva vīraḥ pavanātmajaḥ kapi gatāmbude vyomni viśuddhamaṇḍalaḥ; śaśīva nakṣatragaṇopaśobhitaḥ

Sanskrit only: no published translation is held for this verse.

अतिबलबलम् आश्रितस् तवाहं; हरिवरविक्रमविक्रमैर् अनल्पैः पवनसुत यथाभिगम्यते सा; जनकसुता हनुमंस् तथा कुरुष्व

atibalabalam āśritas tavāhaṃ; harivaravikramavikramair analpaiḥ pavanasuta yathābhigamyate sā; janakasutā hanumaṃs tathā kuruṣva

Sanskrit only: no published translation is held for this verse.