Vālmīki Rāmāyaṇa (critical edition) 4.46

दर्शनार्थं तु वैदेह्याः सर्वतः कपियूथपाः व्यादिष्टाः कपिराजेन यथोक्तं जग्मुर् अञ्जसा

darśanārthaṃ tu vaidehyāḥ sarvataḥ kapiyūthapāḥ vyādiṣṭāḥ kapirājena yathoktaṃ jagmur añjasā

Sanskrit only: no published translation is held for this verse.

सरांसि सरितः कक्षान् आकाशं नगराणि च नदीदुर्गांस् तथा शैलान् विचिन्वन्ति समन्ततः

sarāṃsi saritaḥ kakṣān ākāśaṃ nagarāṇi ca nadīdurgāṃs tathā śailān vicinvanti samantataḥ

Sanskrit only: no published translation is held for this verse.

सुग्रीवेण समाख्यातान् सर्वे वानरयूथपाः प्रदेशान् प्रविचिन्वन्ति सशैलवनकाननान्

sugrīveṇa samākhyātān sarve vānarayūthapāḥ pradeśān pravicinvanti saśailavanakānanān

Sanskrit only: no published translation is held for this verse.

विचिन्त्य दिवसं सर्वे सीताधिगमने धृताः समायान्ति स्म मेदिन्यां निशाकालेशु वानराः

vicintya divasaṃ sarve sītādhigamane dhṛtāḥ samāyānti sma medinyāṃ niśākāleśu vānarāḥ

Sanskrit only: no published translation is held for this verse.

सर्वर्तुकांश् च देशेषु वानराः सफलान् द्रुमान् आसाद्य रजनीं शय्यां चक्रुः सर्वेष्व् अहःसु ते

sarvartukāṃś ca deśeṣu vānarāḥ saphalān drumān āsādya rajanīṃ śayyāṃ cakruḥ sarveṣv ahaḥsu te

Sanskrit only: no published translation is held for this verse.

तद् अहः प्रथमं कृत्वा मासे प्रस्रवणं गताः कपिराजेन संगम्य निराशाः कपियूथपाः

tad ahaḥ prathamaṃ kṛtvā māse prasravaṇaṃ gatāḥ kapirājena saṃgamya nirāśāḥ kapiyūthapāḥ

Sanskrit only: no published translation is held for this verse.

विचित्य तु दिशं पूर्वां यथोक्तां सचिवैः सह अदृष्ट्वा विनतः सीताम् आजगाम महाबलः

vicitya tu diśaṃ pūrvāṃ yathoktāṃ sacivaiḥ saha adṛṣṭvā vinataḥ sītām ājagāma mahābalaḥ

Sanskrit only: no published translation is held for this verse.

उत्तरां तु दिशं सर्वां विचित्य स महाकपिः आगतः सह सैन्येन वीरः शतबलिस् तदा

uttarāṃ tu diśaṃ sarvāṃ vicitya sa mahākapiḥ āgataḥ saha sainyena vīraḥ śatabalis tadā

Sanskrit only: no published translation is held for this verse.

सुषेणः पश्चिमाम् आशां विचित्य सह वानरैः समेत्य मासे संपूर्णे सुग्रीवम् उपचक्रमे

suṣeṇaḥ paścimām āśāṃ vicitya saha vānaraiḥ sametya māse saṃpūrṇe sugrīvam upacakrame

Sanskrit only: no published translation is held for this verse.

तं प्रस्रवणपृष्ठस्थं समासाद्याभिवाद्य च आसीनं सह रामेण सुग्रीवम् इदम् अब्रुवन्

taṃ prasravaṇapṛṣṭhasthaṃ samāsādyābhivādya ca āsīnaṃ saha rāmeṇa sugrīvam idam abruvan

Sanskrit only: no published translation is held for this verse.

विचिताः पर्वताः सर्वे वनानि नगराणि च निम्नगाः सागरान्ताश् च सर्वे जनपदास् तथा

vicitāḥ parvatāḥ sarve vanāni nagarāṇi ca nimnagāḥ sāgarāntāś ca sarve janapadās tathā

Sanskrit only: no published translation is held for this verse.

गुहाश् च विचिताः सर्वा यास् त्वया परिकीर्तिताः विचिताश् च महागुल्मा लताविततसंतताः

guhāś ca vicitāḥ sarvā yās tvayā parikīrtitāḥ vicitāś ca mahāgulmā latāvitatasaṃtatāḥ

Sanskrit only: no published translation is held for this verse.

गहनेषु च देशेषु दुर्गेषु विषमेषु च सत्त्वान्य् अतिप्रमाणानि विचितानि हतानि च ये चैव गहना देशा विचितास् ते पुनः पुनः

gahaneṣu ca deśeṣu durgeṣu viṣameṣu ca sattvāny atipramāṇāni vicitāni hatāni ca ye caiva gahanā deśā vicitās te punaḥ punaḥ

Sanskrit only: no published translation is held for this verse.

उदारसत्त्वाभिजनो महात्मा; स मैथिलीं द्रक्ष्यति वानरेन्द्रः दिशं तु याम् एव गता तु सीता; ताम् आस्थितो वायुसुतो हनूमान्

udārasattvābhijano mahātmā; sa maithilīṃ drakṣyati vānarendraḥ diśaṃ tu yām eva gatā tu sītā; tām āsthito vāyusuto hanūmān

Sanskrit only: no published translation is held for this verse.