Vālmīki Rāmāyaṇa (critical edition) 4.59

ततः कृतोदकं स्नातं तं गृध्रं हरियूथपाः उपविष्टा गिरौ दुर्गे परिवार्य समन्ततः

tataḥ kṛtodakaṃ snātaṃ taṃ gṛdhraṃ hariyūthapāḥ upaviṣṭā girau durge parivārya samantataḥ

Sanskrit only: no published translation is held for this verse.

तम् अङ्गदम् उपासीनं तैः सर्वैर् हरिभिर् वृतम् जनितप्रत्ययो हर्षात् संपातिः पुनर् अब्रवीत्

tam aṅgadam upāsīnaṃ taiḥ sarvair haribhir vṛtam janitapratyayo harṣāt saṃpātiḥ punar abravīt

Sanskrit only: no published translation is held for this verse.

कृत्वा निःशब्दम् एकाग्राः शृण्वन्तु हरयो मम तत्त्वं संकीर्तयिष्यामि यथा जानामि मैथिलीम्

kṛtvā niḥśabdam ekāgrāḥ śṛṇvantu harayo mama tattvaṃ saṃkīrtayiṣyāmi yathā jānāmi maithilīm

Sanskrit only: no published translation is held for this verse.

अस्य विन्ध्यस्य शिखरे पतितो ऽस्मि पुरा वने सूर्यातपपरीताङ्गो निर्दग्धः सूर्यरश्मिभिः

asya vindhyasya śikhare patito 'smi purā vane sūryātapaparītāṅgo nirdagdhaḥ sūryaraśmibhiḥ

Sanskrit only: no published translation is held for this verse.

लब्धसंज्ञस् तु षड्रात्राद् विवशो विह्वलन्न् इव वीक्षमाणो दिशः सर्वा नाभिजानामि किं चन

labdhasaṃjñas tu ṣaḍrātrād vivaśo vihvalann iva vīkṣamāṇo diśaḥ sarvā nābhijānāmi kiṃ cana

Sanskrit only: no published translation is held for this verse.

ततस् तु सागराञ् शैलान् नदीः सर्वाः सरांसि च वनान्य् अटविदेशांश् च समीक्ष्य मतिर् आगमत्

tatas tu sāgarāñ śailān nadīḥ sarvāḥ sarāṃsi ca vanāny aṭavideśāṃś ca samīkṣya matir āgamat

Sanskrit only: no published translation is held for this verse.

हृष्टपक्षिगणाकीर्णः कन्दरान्तरकूटवान् दक्षिणस्योदधेस् तीरे विन्ध्यो ऽयम् इति निश्चितः

hṛṣṭapakṣigaṇākīrṇaḥ kandarāntarakūṭavān dakṣiṇasyodadhes tīre vindhyo 'yam iti niścitaḥ

Sanskrit only: no published translation is held for this verse.

आसीच् चात्राश्रमं पुण्यं सुरैर् अपि सुपूजितम् ऋषिर् निशाकरो नाम यस्मिन्न् उग्रतपाभवत्

āsīc cātrāśramaṃ puṇyaṃ surair api supūjitam ṛṣir niśākaro nāma yasminn ugratapābhavat

Sanskrit only: no published translation is held for this verse.

अष्टौ वर्षसहस्राणि तेनास्मिन्न् ऋषिणा विना वसतो मम धर्मज्ञाः स्वर्गते तु निशाकरे

aṣṭau varṣasahasrāṇi tenāsminn ṛṣiṇā vinā vasato mama dharmajñāḥ svargate tu niśākare

Sanskrit only: no published translation is held for this verse.

अवतीर्य च विन्ध्याग्रात् कृच्छ्रेण विषमाच् छनैः तीक्ष्णदर्भां वसुमतीं दुःखेन पुनर् आगतः

avatīrya ca vindhyāgrāt kṛcchreṇa viṣamāc chanaiḥ tīkṣṇadarbhāṃ vasumatīṃ duḥkhena punar āgataḥ

Sanskrit only: no published translation is held for this verse.

तम् ऋषिं द्रष्टु कामो ऽस्मि दुःखेनाभ्यागतो भृशम् जटायुषा मया चैव बहुशो ऽभिगतो हि सः

tam ṛṣiṃ draṣṭu kāmo 'smi duḥkhenābhyāgato bhṛśam jaṭāyuṣā mayā caiva bahuśo 'bhigato hi saḥ

Sanskrit only: no published translation is held for this verse.

तस्याश्रमपदाभ्याशे ववुर् वाताः सुगन्धिनः वृक्षो नापुष्पितः कश् चिद् अफलो वा न दृश्यते

tasyāśramapadābhyāśe vavur vātāḥ sugandhinaḥ vṛkṣo nāpuṣpitaḥ kaś cid aphalo vā na dṛśyate

Sanskrit only: no published translation is held for this verse.

उपेत्य चाश्रमं पुण्यं वृक्षमूलम् उपाश्रितः द्रष्टुकामः प्रतीक्षे च भगवन्तं निशाकरम्

upetya cāśramaṃ puṇyaṃ vṛkṣamūlam upāśritaḥ draṣṭukāmaḥ pratīkṣe ca bhagavantaṃ niśākaram

Sanskrit only: no published translation is held for this verse.

अथापश्यम् अदूरस्थम् ऋषिं ज्वलिततेजसं कृताभिषेकं दुर्धर्षम् उपावृत्तम् उदङ्मुखम्

athāpaśyam adūrastham ṛṣiṃ jvalitatejasaṃ kṛtābhiṣekaṃ durdharṣam upāvṛttam udaṅmukham

Sanskrit only: no published translation is held for this verse.

तम् ऋक्षाः सृमरा व्याघ्राः सिंहा नागाः सरीसृपाः परिवार्योपगच्छन्ति दातारं प्राणिनो यथा

tam ṛkṣāḥ sṛmarā vyāghrāḥ siṃhā nāgāḥ sarīsṛpāḥ parivāryopagacchanti dātāraṃ prāṇino yathā

Sanskrit only: no published translation is held for this verse.

ततः प्राप्तम् ऋषिं ज्ञात्वा तानि सत्त्वानि वै ययुः प्रविष्टे राजनि यथा सर्वं सामात्यकं बलम्

tataḥ prāptam ṛṣiṃ jñātvā tāni sattvāni vai yayuḥ praviṣṭe rājani yathā sarvaṃ sāmātyakaṃ balam

Sanskrit only: no published translation is held for this verse.

ऋषिस् तु दृष्ट्वा मां तुष्टः प्रविष्टश् चाश्रमं पुनः मुहूर्तमात्रान् निष्क्रम्य ततः कार्यम् अपृच्छत

ṛṣis tu dṛṣṭvā māṃ tuṣṭaḥ praviṣṭaś cāśramaṃ punaḥ muhūrtamātrān niṣkramya tataḥ kāryam apṛcchata

Sanskrit only: no published translation is held for this verse.

सौम्य वैकल्यतां दृष्ट्वा र्ॐणां ते नावगम्यते अग्निदग्धाव् इमौ पक्षौ त्वक् चैव व्रणिता तव

saumya vaikalyatāṃ dṛṣṭvā roṃṇāṃ te nāvagamyate agnidagdhāv imau pakṣau tvak caiva vraṇitā tava

Sanskrit only: no published translation is held for this verse.

द्वौ गृध्रौ दृष्टपूर्वौ मे मातरिश्वसमौ जवे गृध्राणां चैव राजानौ भ्रातरौ कामरूपिणौ

dvau gṛdhrau dṛṣṭapūrvau me mātariśvasamau jave gṛdhrāṇāṃ caiva rājānau bhrātarau kāmarūpiṇau

Sanskrit only: no published translation is held for this verse.

ज्येष्ठस् त्वं तु च संपातिर् जटायुर् अनुजस् तव मानुषं रूपम् आस्थाय गृह्णीतां चरणौ मम

jyeṣṭhas tvaṃ tu ca saṃpātir jaṭāyur anujas tava mānuṣaṃ rūpam āsthāya gṛhṇītāṃ caraṇau mama

Sanskrit only: no published translation is held for this verse.

किं ते व्याधिसमुत्थानं पक्षयोः पतनं कथम् दण्डो वायं धृतः केन सर्वम् आख्याहि पृच्छतः

kiṃ te vyādhisamutthānaṃ pakṣayoḥ patanaṃ katham daṇḍo vāyaṃ dhṛtaḥ kena sarvam ākhyāhi pṛcchataḥ

Sanskrit only: no published translation is held for this verse.