Vālmīki Rāmāyaṇa (critical edition) 5.15

ततः कुमुदषण्डाभो निर्मलं निर्मलः स्वयम् प्रजगाम नभश् चन्द्रो हंसो नीलम् इवोदकम्

tataḥ kumudaṣaṇḍābho nirmalaṃ nirmalaḥ svayam prajagāma nabhaś candro haṃso nīlam ivodakam

Sanskrit only: no published translation is held for this verse.

साचिव्यम् इव कुर्वन् स प्रभया निर्मलप्रभः चन्द्रमा रश्मिभिः शीतैः सिषेवे पवनात्मजम्

sācivyam iva kurvan sa prabhayā nirmalaprabhaḥ candramā raśmibhiḥ śītaiḥ siṣeve pavanātmajam

Sanskrit only: no published translation is held for this verse.

स ददर्श ततः सीतां पूर्णचन्द्रनिभाननाम् शोकभारैर् इव न्यस्तां भारैर् नावम् इवाम्भसि

sa dadarśa tataḥ sītāṃ pūrṇacandranibhānanām śokabhārair iva nyastāṃ bhārair nāvam ivāmbhasi

Sanskrit only: no published translation is held for this verse.

दिदृक्षमाणो वैदेहीं हनूमान् मारुतात्मजः स ददर्शाविदूरस्था राक्षसीर् घोरदर्शनाः

didṛkṣamāṇo vaidehīṃ hanūmān mārutātmajaḥ sa dadarśāvidūrasthā rākṣasīr ghoradarśanāḥ

Sanskrit only: no published translation is held for this verse.

एकाक्षीम् एककर्णां च कर्णप्रावरणां तथा अकर्णां शङ्कुकर्णां च मस्तकोच्छ्वासनासिकाम्

ekākṣīm ekakarṇāṃ ca karṇaprāvaraṇāṃ tathā akarṇāṃ śaṅkukarṇāṃ ca mastakocchvāsanāsikām

Sanskrit only: no published translation is held for this verse.

अतिकायोत्तमाङ्गीं च तनुदीर्घशिरोधराम् ध्वस्तकेशीं तथाकेशीं केशकम्बलधारिणीम्

atikāyottamāṅgīṃ ca tanudīrghaśirodharām dhvastakeśīṃ tathākeśīṃ keśakambaladhāriṇīm

Sanskrit only: no published translation is held for this verse.

लम्बकर्णललाटां च लम्बोदरपयोधराम् लम्बौष्ठीं चिबुकौष्ठीं च लम्बास्यां लम्बजानुकाम्

lambakarṇalalāṭāṃ ca lambodarapayodharām lambauṣṭhīṃ cibukauṣṭhīṃ ca lambāsyāṃ lambajānukām

Sanskrit only: no published translation is held for this verse.

ह्रस्वां दीर्घां च कुब्जां च विकटां वामनां तथा करालां भुग्नवस्त्रां च पिङ्गाक्षीं विकृताननाम्

hrasvāṃ dīrghāṃ ca kubjāṃ ca vikaṭāṃ vāmanāṃ tathā karālāṃ bhugnavastrāṃ ca piṅgākṣīṃ vikṛtānanām

Sanskrit only: no published translation is held for this verse.

विकृताः पिङ्गलाः कालीः क्रोधनाः कलहप्रियाः कालायसमहाशूलकूटमुद्गरधारिणीः

vikṛtāḥ piṅgalāḥ kālīḥ krodhanāḥ kalahapriyāḥ kālāyasamahāśūlakūṭamudgaradhāriṇīḥ

Sanskrit only: no published translation is held for this verse.

वराहमृगशार्दूलमहिषाजशिवा मुखाः गजोष्ट्रहयपादाश् च निखातशिरसो ऽपराः

varāhamṛgaśārdūlamahiṣājaśivā mukhāḥ gajoṣṭrahayapādāś ca nikhātaśiraso 'parāḥ

Sanskrit only: no published translation is held for this verse.

एकहस्तैकपादाश् च खरकर्ण्यश्वकर्णिकाः गोकर्णीर् हस्तिकर्णीश् च हरिकर्णीस् तथापराः

ekahastaikapādāś ca kharakarṇyaśvakarṇikāḥ gokarṇīr hastikarṇīś ca harikarṇīs tathāparāḥ

Sanskrit only: no published translation is held for this verse.

अनासा अतिनासाश् च तिर्यन् नासा विनासिकाः गजसंनिभनासाश् च ललाटोच्छ्वासनासिकाः

anāsā atināsāś ca tiryan nāsā vināsikāḥ gajasaṃnibhanāsāś ca lalāṭocchvāsanāsikāḥ

Sanskrit only: no published translation is held for this verse.

हस्तिपादा महापादा गोपादाः पादचूलिकाः अतिमात्रशिरोग्रीवा अतिमात्रकुचोदरीः

hastipādā mahāpādā gopādāḥ pādacūlikāḥ atimātraśirogrīvā atimātrakucodarīḥ

Sanskrit only: no published translation is held for this verse.

अतिमात्रास्य नेत्राश् च दीर्घजिह्वानखास् तथा अजामुखीर् हस्तिमुखीर् गोमुखीः सूकरीमुखीः

atimātrāsya netrāś ca dīrghajihvānakhās tathā ajāmukhīr hastimukhīr gomukhīḥ sūkarīmukhīḥ

Sanskrit only: no published translation is held for this verse.

हयोष्ट्रखरवक्त्राश् च राक्षसीर् घोरदर्शनाः शूलमुद्गरहस्ताश् च क्रोधनाः कलहप्रियाः

hayoṣṭrakharavaktrāś ca rākṣasīr ghoradarśanāḥ śūlamudgarahastāś ca krodhanāḥ kalahapriyāḥ

Sanskrit only: no published translation is held for this verse.

कराला धूम्रकेशीश् च रक्षसीर् विकृताननाः पिबन्तीः सततं पानं सदा मांससुराप्रियाः

karālā dhūmrakeśīś ca rakṣasīr vikṛtānanāḥ pibantīḥ satataṃ pānaṃ sadā māṃsasurāpriyāḥ

Sanskrit only: no published translation is held for this verse.

मांसशोणितदिग्धाङ्गीर् मांसशोणितभोजनाः ता ददर्श कपिश्रेष्ठो रोमहर्षणदर्शनाः

māṃsaśoṇitadigdhāṅgīr māṃsaśoṇitabhojanāḥ tā dadarśa kapiśreṣṭho romaharṣaṇadarśanāḥ

Sanskrit only: no published translation is held for this verse.

स्कन्धवन्तम् उपासीनाः परिवार्य वनस्पतिम् तस्याधस्ताच् च तां देवीं राजपुत्रीम् अनिन्दिताम्

skandhavantam upāsīnāḥ parivārya vanaspatim tasyādhastāc ca tāṃ devīṃ rājaputrīm aninditām

Sanskrit only: no published translation is held for this verse.

लक्षयाम् आस लक्ष्मीवान् हनूमाञ् जनकात्मजाम् निष्प्रभां शोकसंतप्तां मलसंकुलमूर्धजाम्

lakṣayām āsa lakṣmīvān hanūmāñ janakātmajām niṣprabhāṃ śokasaṃtaptāṃ malasaṃkulamūrdhajām

Sanskrit only: no published translation is held for this verse.

क्षीणपुण्यां च्युतां भूमौ तारां निपतिताम् इव चारित्र्य व्यपदेशाढ्यां भर्तृदर्शनदुर्गताम्

kṣīṇapuṇyāṃ cyutāṃ bhūmau tārāṃ nipatitām iva cāritrya vyapadeśāḍhyāṃ bhartṛdarśanadurgatām

Sanskrit only: no published translation is held for this verse.

भूषणैर् उत्तमैर् हीनां भर्तृवात्सल्यभूषिताम् राक्षसाधिपसंरुद्धां बन्धुभिश् च विनाकृताम्

bhūṣaṇair uttamair hīnāṃ bhartṛvātsalyabhūṣitām rākṣasādhipasaṃruddhāṃ bandhubhiś ca vinākṛtām

Sanskrit only: no published translation is held for this verse.

वियूथां सिंहसंरुद्धां बद्धां गजवधूम् इव चन्द्रलेखां पयोदान्ते शारदाभ्रैर् इवावृताम्

viyūthāṃ siṃhasaṃruddhāṃ baddhāṃ gajavadhūm iva candralekhāṃ payodānte śāradābhrair ivāvṛtām

Sanskrit only: no published translation is held for this verse.

क्लिष्टरूपाम् असंस्पर्शाद् अयुक्ताम् इव वल्लकीम् सीतां भर्तृहिते युक्ताम् अयुक्तां रक्षसां वशे

kliṣṭarūpām asaṃsparśād ayuktām iva vallakīm sītāṃ bhartṛhite yuktām ayuktāṃ rakṣasāṃ vaśe

Sanskrit only: no published translation is held for this verse.

अशोकवनिकामध्ये शोकसागरम् आप्लुताम् ताभिः परिवृतां तत्र सग्रहाम् इव रोहिणीम्

aśokavanikāmadhye śokasāgaram āplutām tābhiḥ parivṛtāṃ tatra sagrahām iva rohiṇīm

Sanskrit only: no published translation is held for this verse.

ददर्श हनुमान् देवीं लताम् अकुसुमाम् इव सा मलेन च दिग्धाङ्गी वपुषा चाप्य् अलंकृता

dadarśa hanumān devīṃ latām akusumām iva sā malena ca digdhāṅgī vapuṣā cāpy alaṃkṛtā

Sanskrit only: no published translation is held for this verse.

मृणाली पङ्कदिघ्देव विभाति च न भाति च मलिनेन तु वस्त्रेण परिक्लिष्टेन भामिनीम्

mṛṇālī paṅkadighdeva vibhāti ca na bhāti ca malinena tu vastreṇa parikliṣṭena bhāminīm

Sanskrit only: no published translation is held for this verse.

संवृतां मृगशावाक्षीं ददर्श हनुमान् कपिः तां देवीं दीनवदनाम् अदीनां भर्तृतेजसा

saṃvṛtāṃ mṛgaśāvākṣīṃ dadarśa hanumān kapiḥ tāṃ devīṃ dīnavadanām adīnāṃ bhartṛtejasā

Sanskrit only: no published translation is held for this verse.

रक्षितां स्वेन शीलेन सीताम् असितलोचनाम् तां दृष्ट्वा हनुमान् सीतां मृगशावनिभेक्षणाम्

rakṣitāṃ svena śīlena sītām asitalocanām tāṃ dṛṣṭvā hanumān sītāṃ mṛgaśāvanibhekṣaṇām

Sanskrit only: no published translation is held for this verse.

मृगकन्याम् इव त्रस्तां वीक्षमाणां समन्ततः दहन्तीम् इव निःश्वासैर् वृक्षान् पल्लवधारिणः

mṛgakanyām iva trastāṃ vīkṣamāṇāṃ samantataḥ dahantīm iva niḥśvāsair vṛkṣān pallavadhāriṇaḥ

Sanskrit only: no published translation is held for this verse.

संघातम् इव शोकानां दुःखस्योर्मिम् इवोत्थिताम् तां क्षामां सुविभक्ताङ्गीं विनाभरणशोभिनीम्

saṃghātam iva śokānāṃ duḥkhasyormim ivotthitām tāṃ kṣāmāṃ suvibhaktāṅgīṃ vinābharaṇaśobhinīm

Sanskrit only: no published translation is held for this verse.

प्रहर्षम् अतुलं लेभे मारुतिः प्रेक्ष्य मैथिलीम् हर्षजानि च सो ऽश्रूणि तां दृष्ट्वा मदिरेक्षणाम्

praharṣam atulaṃ lebhe mārutiḥ prekṣya maithilīm harṣajāni ca so 'śrūṇi tāṃ dṛṣṭvā madirekṣaṇām

Sanskrit only: no published translation is held for this verse.

मुमोच हनुमांस् तत्र नमश् चक्रे च राघवम् नमस्कृत्वा च रामाय लक्ष्मणाय च वीर्यवान्

mumoca hanumāṃs tatra namaś cakre ca rāghavam namaskṛtvā ca rāmāya lakṣmaṇāya ca vīryavān

Sanskrit only: no published translation is held for this verse.

सीतादर्शनसंहृष्टो हनूमान् संवृतो ऽभवत्

sītādarśanasaṃhṛṣṭo hanūmān saṃvṛto 'bhavat

Sanskrit only: no published translation is held for this verse.