Vālmīki Rāmāyaṇa (critical edition) 5.1

भूयश् चोर्ध्वगतिं प्राप्य गिरिं तम् अवलोकयन् वायुसूनुर् निरालम्बे जगाम विमले ऽम्बरे

bhūyaś cordhvagatiṃ prāpya giriṃ tam avalokayan vāyusūnur nirālambe jagāma vimale 'mbare

Sanskrit only: no published translation is held for this verse.

तद् द्वितीयं हनुमतो दृष्ट्वा कर्म सुदुष्करम् प्रशशंसुः सुराः सर्वे सिद्धाश् च परमर्षयः

tad dvitīyaṃ hanumato dṛṣṭvā karma suduṣkaram praśaśaṃsuḥ surāḥ sarve siddhāś ca paramarṣayaḥ

Sanskrit only: no published translation is held for this verse.

देवताश् चाभवन् हृष्टास् तत्रस्थास् तस्य कर्मणा काञ्चनस्य सुनाभस्य सहस्राक्षश् च वासवः

devatāś cābhavan hṛṣṭās tatrasthās tasya karmaṇā kāñcanasya sunābhasya sahasrākṣaś ca vāsavaḥ

Sanskrit only: no published translation is held for this verse.

उवाच वचनं धीमान् परितोषात् सगद्गदम् सुनाभं पर्वतश्रेष्ठं स्वयम् एव शचीपतिः

uvāca vacanaṃ dhīmān paritoṣāt sagadgadam sunābhaṃ parvataśreṣṭhaṃ svayam eva śacīpatiḥ

Sanskrit only: no published translation is held for this verse.

हिरण्यनाभशैलेन्द्रपरितुष्टो ऽस्मि ते भृशम् अभयं ते प्रयच्छामि तिष्ठ सौम्य यथासुखम्

hiraṇyanābhaśailendraparituṣṭo 'smi te bhṛśam abhayaṃ te prayacchāmi tiṣṭha saumya yathāsukham

Sanskrit only: no published translation is held for this verse.

साह्यं कृतं ते सुमहद् विक्रान्तस्य हनूमतः क्रमतो योजनशतं निर्भयस्य भये सति

sāhyaṃ kṛtaṃ te sumahad vikrāntasya hanūmataḥ kramato yojanaśataṃ nirbhayasya bhaye sati

Sanskrit only: no published translation is held for this verse.

रामस्यैष हि दौत्येन याति दाशरथेर् हरिः सत्क्रियां कुर्वता शक्या तोषितो ऽस्मि दृढं त्वया

rāmasyaiṣa hi dautyena yāti dāśarather hariḥ satkriyāṃ kurvatā śakyā toṣito 'smi dṛḍhaṃ tvayā

Sanskrit only: no published translation is held for this verse.

ततः प्रहर्षम् अलभद् विपुलं पर्वतोत्तमः देवतानां पतिं दृष्ट्वा परितुष्टं शतक्रतुम्

tataḥ praharṣam alabhad vipulaṃ parvatottamaḥ devatānāṃ patiṃ dṛṣṭvā parituṣṭaṃ śatakratum

Sanskrit only: no published translation is held for this verse.

स वै दत्तवरः शैलो बभूवावस्थितस् तदा हनूमांश् च मुहूर्तेन व्यतिचक्राम सागरम्

sa vai dattavaraḥ śailo babhūvāvasthitas tadā hanūmāṃś ca muhūrtena vyaticakrāma sāgaram

Sanskrit only: no published translation is held for this verse.

ततो देवाः सगन्धर्वाः सिद्धाश् च परमर्षयः अब्रुवन् सूर्यसंकाशां सुरसां नागमातरम्

tato devāḥ sagandharvāḥ siddhāś ca paramarṣayaḥ abruvan sūryasaṃkāśāṃ surasāṃ nāgamātaram

Sanskrit only: no published translation is held for this verse.

अयं वातात्मजः श्रीमान् प्लवते सागरोपरि हनूमान् नाम तस्य त्वं मुहूर्तं विघ्नम् आचर

ayaṃ vātātmajaḥ śrīmān plavate sāgaropari hanūmān nāma tasya tvaṃ muhūrtaṃ vighnam ācara

Sanskrit only: no published translation is held for this verse.

राक्षसं रूपम् आस्थाय सुघोरं पर्वतोपमम् दंष्ट्राकरालं पिङ्गाक्षं वक्त्रं कृत्वा नभःस्पृशम्

rākṣasaṃ rūpam āsthāya sughoraṃ parvatopamam daṃṣṭrākarālaṃ piṅgākṣaṃ vaktraṃ kṛtvā nabhaḥspṛśam

Sanskrit only: no published translation is held for this verse.

बलम् इच्छामहे ज्ञातुं भूयश् चास्य पराक्रमम् त्वां विजेष्यत्य् उपायेन विषदं वा गमिष्यति

balam icchāmahe jñātuṃ bhūyaś cāsya parākramam tvāṃ vijeṣyaty upāyena viṣadaṃ vā gamiṣyati

Sanskrit only: no published translation is held for this verse.

एवम् उक्ता तु सा देवी दैवतैर् अभिसत्कृता समुद्रमध्ये सुरसा बिभ्रती राक्षसं वपुः

evam uktā tu sā devī daivatair abhisatkṛtā samudramadhye surasā bibhratī rākṣasaṃ vapuḥ

Sanskrit only: no published translation is held for this verse.

विकृतं च विरूपं च सर्वस्य च भयावहम् प्लवमानं हनूमन्तम् आवृत्येदम् उवाच ह

vikṛtaṃ ca virūpaṃ ca sarvasya ca bhayāvaham plavamānaṃ hanūmantam āvṛtyedam uvāca ha

Sanskrit only: no published translation is held for this verse.

मम भक्षः प्रदिष्टस् त्वम् ईश्वरैर् वानरर्षभ अहं त्वां भक्षयिष्यामि प्रविशेदं ममाननम्

mama bhakṣaḥ pradiṣṭas tvam īśvarair vānararṣabha ahaṃ tvāṃ bhakṣayiṣyāmi praviśedaṃ mamānanam

Sanskrit only: no published translation is held for this verse.

एवम् उक्तः सुरसया प्राञ्जलिर् वानरर्षभः प्रहृष्टवदनः श्रीमान् इदं वचनम् अब्रवीत्

evam uktaḥ surasayā prāñjalir vānararṣabhaḥ prahṛṣṭavadanaḥ śrīmān idaṃ vacanam abravīt

Sanskrit only: no published translation is held for this verse.

रामो दाशरथिर् नाम प्रविष्टो दण्डकावनम् लक्ष्मणेन सह भ्रात्रा वैदेह्या चापि भार्यया

rāmo dāśarathir nāma praviṣṭo daṇḍakāvanam lakṣmaṇena saha bhrātrā vaidehyā cāpi bhāryayā

Sanskrit only: no published translation is held for this verse.

अस्य कार्यविषक्तस्य बद्धवैरस्य राक्षसैः तस्य सीता हृता भार्या रावणेन यशस्विनी

asya kāryaviṣaktasya baddhavairasya rākṣasaiḥ tasya sītā hṛtā bhāryā rāvaṇena yaśasvinī

Sanskrit only: no published translation is held for this verse.

तस्याः सकाशं दूतो ऽहं गमिष्ये रामशासनात् कर्तुम् अर्हसि रामस्य साह्यं विषयवासिनि

tasyāḥ sakāśaṃ dūto 'haṃ gamiṣye rāmaśāsanāt kartum arhasi rāmasya sāhyaṃ viṣayavāsini

Sanskrit only: no published translation is held for this verse.

अथ वा मैथिलीं दृष्ट्वा रामं चाक्लिष्टकारिणम् आगमिष्यामि ते वक्त्रं सत्यं प्रतिशृणोमि ते

atha vā maithilīṃ dṛṣṭvā rāmaṃ cākliṣṭakāriṇam āgamiṣyāmi te vaktraṃ satyaṃ pratiśṛṇomi te

Sanskrit only: no published translation is held for this verse.

एवम् उक्ता हनुमता सुरसा कामरूपिणी अब्रवीन् नातिवर्तेन् मां कश् चिद् एष वरो मम

evam uktā hanumatā surasā kāmarūpiṇī abravīn nātivarten māṃ kaś cid eṣa varo mama

Sanskrit only: no published translation is held for this verse.

एवम् उक्तः सुरसया क्रुद्धो वानरपुंगवः अब्रवीत् कुरु वै वक्त्रं येन मां विषहिष्यसे

evam uktaḥ surasayā kruddho vānarapuṃgavaḥ abravīt kuru vai vaktraṃ yena māṃ viṣahiṣyase

Sanskrit only: no published translation is held for this verse.

इत्य् उक्त्वा सुरसां क्रुद्धो दशयोजनम् आयतः दशयोजनविस्तारो बभूव हनुमांस् तदा

ity uktvā surasāṃ kruddho daśayojanam āyataḥ daśayojanavistāro babhūva hanumāṃs tadā

Sanskrit only: no published translation is held for this verse.

तं दृष्ट्वा मेघसंकाशं दशयोजनम् आयतम् चकार सुरसाप्य् आस्यं विंशद्योजनम् आयतम्

taṃ dṛṣṭvā meghasaṃkāśaṃ daśayojanam āyatam cakāra surasāpy āsyaṃ viṃśadyojanam āyatam

Sanskrit only: no published translation is held for this verse.

हनुमांस् तु ततः क्रुद्धस् त्रिंशद्योजनम् आयतः चकार सुरसा वक्त्रं चत्वारिंशत् तथोच्छ्रितम्

hanumāṃs tu tataḥ kruddhas triṃśadyojanam āyataḥ cakāra surasā vaktraṃ catvāriṃśat tathocchritam

Sanskrit only: no published translation is held for this verse.

बभूव हनुमान् वीरः पञ्चाशद्योजनोच्छ्रितः चकार सुरसा वक्त्रं षष्टियोजनम् आयतम्

babhūva hanumān vīraḥ pañcāśadyojanocchritaḥ cakāra surasā vaktraṃ ṣaṣṭiyojanam āyatam

Sanskrit only: no published translation is held for this verse.

तथैव हनुमान् वीरः सप्ततिं योजनोच्छ्रितः चकार सुरसा वक्त्रम् अशीतिं योजनायतम्

tathaiva hanumān vīraḥ saptatiṃ yojanocchritaḥ cakāra surasā vaktram aśītiṃ yojanāyatam

Sanskrit only: no published translation is held for this verse.

हनूमान् अचल प्रख्यो नवतिं योजनोच्छ्रितः चकार सुरसा वक्त्रं शतयोजनम् आयतम्

hanūmān acala prakhyo navatiṃ yojanocchritaḥ cakāra surasā vaktraṃ śatayojanam āyatam

Sanskrit only: no published translation is held for this verse.

तद् दृष्ट्वा व्यादितं त्व् आस्यं वायुपुत्रः स बुद्धिमान् दीर्घजिह्वं सुरसया सुघोरं नरकोपमम्

tad dṛṣṭvā vyāditaṃ tv āsyaṃ vāyuputraḥ sa buddhimān dīrghajihvaṃ surasayā sughoraṃ narakopamam

Sanskrit only: no published translation is held for this verse.

स संक्षिप्यात्मनः कायं जीमूत इव मारुतिः तस्मिन् मुहूर्ते हनुमान् बभूवाङ्गुष्ठमात्रकः

sa saṃkṣipyātmanaḥ kāyaṃ jīmūta iva mārutiḥ tasmin muhūrte hanumān babhūvāṅguṣṭhamātrakaḥ

Sanskrit only: no published translation is held for this verse.

सो ऽभिपत्याशु तद् वक्त्रं निष्पत्य च महाजवः अन्तरिक्षे स्थितः श्रीमान् इदं वचनम् अब्रवीत्

so 'bhipatyāśu tad vaktraṃ niṣpatya ca mahājavaḥ antarikṣe sthitaḥ śrīmān idaṃ vacanam abravīt

Sanskrit only: no published translation is held for this verse.

प्रविष्टो ऽस्मि हि ते वक्त्रं दाक्षायणि नमो ऽस्तु ते गमिष्ये यत्र वैदेही सत्यं चास्तु वचस् तव

praviṣṭo 'smi hi te vaktraṃ dākṣāyaṇi namo 'stu te gamiṣye yatra vaidehī satyaṃ cāstu vacas tava

Sanskrit only: no published translation is held for this verse.

तं दृष्ट्वा वदनान् मुक्तं चन्द्रं राहुमुखाद् इव अब्रवीत् सुरसा देवी स्वेन रूपेण वानरम्

taṃ dṛṣṭvā vadanān muktaṃ candraṃ rāhumukhād iva abravīt surasā devī svena rūpeṇa vānaram

Sanskrit only: no published translation is held for this verse.

अर्थसिद्ध्यै हरिश्रेष्ठ गच्छ सौम्य यथासुखम् समानय च वैदेहीं राघवेण महात्मना

arthasiddhyai hariśreṣṭha gaccha saumya yathāsukham samānaya ca vaidehīṃ rāghaveṇa mahātmanā

Sanskrit only: no published translation is held for this verse.

तत् तृतीयं हनुमतो दृष्ट्वा कर्म सुदुष्करम् साधु साध्व् इति भूतानि प्रशशंसुस् तदा हरिम्

tat tṛtīyaṃ hanumato dṛṣṭvā karma suduṣkaram sādhu sādhv iti bhūtāni praśaśaṃsus tadā harim

Sanskrit only: no published translation is held for this verse.

स सागरम् अनाधृष्यम् अभ्येत्य वरुणालयम् जगामाकाशम् आविश्य वेगेन गरुणोपमः

sa sāgaram anādhṛṣyam abhyetya varuṇālayam jagāmākāśam āviśya vegena garuṇopamaḥ

Sanskrit only: no published translation is held for this verse.

सेविते वारिधारिभिः पतगैश् च निषेविते चरिते कैशिकाचार्यैर् ऐरावतनिषेविते

sevite vāridhāribhiḥ patagaiś ca niṣevite carite kaiśikācāryair airāvataniṣevite

Sanskrit only: no published translation is held for this verse.

सिंहकुञ्जरशार्दूलपतगोरगवाहनैः विमानैः संपतद्भिश् च विमलैः समलंकृते

siṃhakuñjaraśārdūlapatagoragavāhanaiḥ vimānaiḥ saṃpatadbhiś ca vimalaiḥ samalaṃkṛte

Sanskrit only: no published translation is held for this verse.

वज्राशनिसमाघातैः पावकैर् उपशोभिते कृतपुण्यैर् महाभागैः स्वर्गजिद्भिर् अलंकृते

vajrāśanisamāghātaiḥ pāvakair upaśobhite kṛtapuṇyair mahābhāgaiḥ svargajidbhir alaṃkṛte

Sanskrit only: no published translation is held for this verse.

बहता हव्यम् अत्यन्तं सेविते चित्रभानुना ग्रहनक्षत्रचन्द्रार्कतारागणविभूषिते

bahatā havyam atyantaṃ sevite citrabhānunā grahanakṣatracandrārkatārāgaṇavibhūṣite

Sanskrit only: no published translation is held for this verse.

महर्षिगणगन्धर्वनागयक्षसमाकुले विविक्ते विमले विश्वे विश्वावसुनिषेविते

maharṣigaṇagandharvanāgayakṣasamākule vivikte vimale viśve viśvāvasuniṣevite

Sanskrit only: no published translation is held for this verse.

देवराजगजाक्रान्ते चन्द्रसूर्यपथे शिवे विताने जीवलोकस्य विततो ब्रह्मनिर्मिते

devarājagajākrānte candrasūryapathe śive vitāne jīvalokasya vitato brahmanirmite

Sanskrit only: no published translation is held for this verse.

बहुशः सेविते वीरैर् विद्याधरगणैर् वरैः कपिना कृष्यमाणानि महाभ्राणि चकाशिरे

bahuśaḥ sevite vīrair vidyādharagaṇair varaiḥ kapinā kṛṣyamāṇāni mahābhrāṇi cakāśire

Sanskrit only: no published translation is held for this verse.

प्रविशन्न् अभ्रजालानि निष्पतंश् च पुनः पुनः प्रावृषीन्दुर् इवाभाति निष्पतन् प्रविशंस् तदा

praviśann abhrajālāni niṣpataṃś ca punaḥ punaḥ prāvṛṣīndur ivābhāti niṣpatan praviśaṃs tadā

Sanskrit only: no published translation is held for this verse.

प्लवमानं तु तं दृष्ट्वा सिंहिका नाम राक्षसी मनसा चिन्तयाम् आस प्रवृद्धा कामरूपिणी

plavamānaṃ tu taṃ dṛṣṭvā siṃhikā nāma rākṣasī manasā cintayām āsa pravṛddhā kāmarūpiṇī

Sanskrit only: no published translation is held for this verse.

अद्य दीर्घस्य कालस्य भविष्याम्य् अहम् आशिता इदं हि मे महत् सत्त्वं चिरस्य वशम् आगतम्

adya dīrghasya kālasya bhaviṣyāmy aham āśitā idaṃ hi me mahat sattvaṃ cirasya vaśam āgatam

Sanskrit only: no published translation is held for this verse.

इति संचिन्त्य मनसा छायाम् अस्य समक्षिपत् छायायां संगृहीतायां चिन्तयाम् आस वानरः

iti saṃcintya manasā chāyām asya samakṣipat chāyāyāṃ saṃgṛhītāyāṃ cintayām āsa vānaraḥ

Sanskrit only: no published translation is held for this verse.

समाक्षिप्तो ऽस्मि सहसा पङ्गूकृतपराक्रमः प्रतिलोमेन वातेन महानौर् इव सागरे

samākṣipto 'smi sahasā paṅgūkṛtaparākramaḥ pratilomena vātena mahānaur iva sāgare

Sanskrit only: no published translation is held for this verse.

तिर्यग् ऊर्ध्वम् अधश् चैव वीक्षमाणस् ततः कपिः ददर्श स महासत्त्वम् उत्थितं लवणाम्भसि

tiryag ūrdhvam adhaś caiva vīkṣamāṇas tataḥ kapiḥ dadarśa sa mahāsattvam utthitaṃ lavaṇāmbhasi

Sanskrit only: no published translation is held for this verse.

कपिराज्ञा यद् आख्यातं सत्त्वम् अद्भुतदर्शनम् छायाग्राहि महावीर्यं तद् इदं नात्र संशयः

kapirājñā yad ākhyātaṃ sattvam adbhutadarśanam chāyāgrāhi mahāvīryaṃ tad idaṃ nātra saṃśayaḥ

Sanskrit only: no published translation is held for this verse.

स तां बुद्ध्वार्थतत्त्वेन सिंहिकां मतिमान् कपिः व्यवर्धत महाकायः प्रावृषीव बलाहकः

sa tāṃ buddhvārthatattvena siṃhikāṃ matimān kapiḥ vyavardhata mahākāyaḥ prāvṛṣīva balāhakaḥ

Sanskrit only: no published translation is held for this verse.

तस्य सा कायम् उद्वीक्ष्य वर्धमानं महाकपेः वक्त्रं प्रसारयाम् आस पातालाम्बरसंनिभम्

tasya sā kāyam udvīkṣya vardhamānaṃ mahākapeḥ vaktraṃ prasārayām āsa pātālāmbarasaṃnibham

Sanskrit only: no published translation is held for this verse.

स ददर्श ततस् तस्या विकृतं सुमहन् मुखम् कायमात्रं च मेधावी मर्माणि च महाकपिः

sa dadarśa tatas tasyā vikṛtaṃ sumahan mukham kāyamātraṃ ca medhāvī marmāṇi ca mahākapiḥ

Sanskrit only: no published translation is held for this verse.

स तस्या विवृते वक्त्रे वज्रसंहननः कपिः संक्षिप्य मुहुर् आत्मानं निष्पपात महाबलः

sa tasyā vivṛte vaktre vajrasaṃhananaḥ kapiḥ saṃkṣipya muhur ātmānaṃ niṣpapāta mahābalaḥ

Sanskrit only: no published translation is held for this verse.

आस्ये तस्या निमज्जन्तं ददृशुः सिद्धचारणाः ग्रस्यमानं यथा चन्द्रं पूर्णं पर्वणि राहुणा

āsye tasyā nimajjantaṃ dadṛśuḥ siddhacāraṇāḥ grasyamānaṃ yathā candraṃ pūrṇaṃ parvaṇi rāhuṇā

Sanskrit only: no published translation is held for this verse.

ततस् तस्य नखैस् तीक्ष्णैर् मर्माण्य् उत्कृत्य वानरः उत्पपाताथ वेगेन मनःसंपातविक्रमः

tatas tasya nakhais tīkṣṇair marmāṇy utkṛtya vānaraḥ utpapātātha vegena manaḥsaṃpātavikramaḥ

Sanskrit only: no published translation is held for this verse.

तां हतां वानरेणाशु पतितां वीक्ष्य सिंहिकाम् भूतान्य् आकाशचारीणि तम् ऊचुः प्लवगर्षभम्

tāṃ hatāṃ vānareṇāśu patitāṃ vīkṣya siṃhikām bhūtāny ākāśacārīṇi tam ūcuḥ plavagarṣabham

Sanskrit only: no published translation is held for this verse.

भीमम् अद्य कृतं कर्म महत् सत्त्वं त्वया हतम् साधयार्थम् अभिप्रेतम् अरिष्टं प्लवतां वर

bhīmam adya kṛtaṃ karma mahat sattvaṃ tvayā hatam sādhayārtham abhipretam ariṣṭaṃ plavatāṃ vara

Sanskrit only: no published translation is held for this verse.

यस्य त्व् एतानि चत्वारि वानरेन्द्र यथा तव धृतिर् दृष्टिर् मतिर् दाक्ष्यं स कर्मसु न सीदति

yasya tv etāni catvāri vānarendra yathā tava dhṛtir dṛṣṭir matir dākṣyaṃ sa karmasu na sīdati

Sanskrit only: no published translation is held for this verse.

स तैः संभावितः पूज्यः प्रतिपन्नप्रयोजनः जगामाकाशम् आविश्य पन्नगाशनवत् कपिः

sa taiḥ saṃbhāvitaḥ pūjyaḥ pratipannaprayojanaḥ jagāmākāśam āviśya pannagāśanavat kapiḥ

Sanskrit only: no published translation is held for this verse.

प्राप्तभूयिष्ठ पारस् तु सर्वतः प्रतिलोकयन् योजनानां शतस्यान्ते वनराजिं ददर्श सः

prāptabhūyiṣṭha pāras tu sarvataḥ pratilokayan yojanānāṃ śatasyānte vanarājiṃ dadarśa saḥ

Sanskrit only: no published translation is held for this verse.

ददर्श च पतन्न् एव विविधद्रुमभूषितम् द्वीपं शाखामृगश्रेष्ठो मलयोपवनानि च

dadarśa ca patann eva vividhadrumabhūṣitam dvīpaṃ śākhāmṛgaśreṣṭho malayopavanāni ca

Sanskrit only: no published translation is held for this verse.

सागरं सागरानूपान् सागरानूपजान् द्रुमान् सागरस्य च पत्नीनां मुखान्य् अपि विलोकयन्

sāgaraṃ sāgarānūpān sāgarānūpajān drumān sāgarasya ca patnīnāṃ mukhāny api vilokayan

Sanskrit only: no published translation is held for this verse.

स महामेघसंकाशं समीक्ष्यात्मानम् आत्मना निरुन्धन्तम् इवाकाशं चकार मतिमान् मतिम्

sa mahāmeghasaṃkāśaṃ samīkṣyātmānam ātmanā nirundhantam ivākāśaṃ cakāra matimān matim

Sanskrit only: no published translation is held for this verse.

कायवृद्धिं प्रवेगं च मम दृष्ट्वैव राक्षसाः मयि कौतूहलं कुर्युर् इति मेने महाकपिः

kāyavṛddhiṃ pravegaṃ ca mama dṛṣṭvaiva rākṣasāḥ mayi kautūhalaṃ kuryur iti mene mahākapiḥ

Sanskrit only: no published translation is held for this verse.

ततः शरीरं संक्षिप्य तन् महीधरसंनिभम् पुनः प्रकृतिम् आपेदे वीतमोह इवात्मवान्

tataḥ śarīraṃ saṃkṣipya tan mahīdharasaṃnibham punaḥ prakṛtim āpede vītamoha ivātmavān

Sanskrit only: no published translation is held for this verse.

स चारुनानाविधरूपधारी; परं समासाद्य समुद्रतीरम् परैर् अशक्यप्रतिपन्नरूपः; समीक्षितात्मा समवेक्षितार्थः

sa cārunānāvidharūpadhārī; paraṃ samāsādya samudratīram parair aśakyapratipannarūpaḥ; samīkṣitātmā samavekṣitārthaḥ

Sanskrit only: no published translation is held for this verse.

ततः स लम्बस्य गिरेः समृद्धे; विचित्रकूटे निपपात कूटे सकेतकोद्दालकनालिकेरे; महाद्रिकूटप्रतिमो महात्मा

tataḥ sa lambasya gireḥ samṛddhe; vicitrakūṭe nipapāta kūṭe saketakoddālakanālikere; mahādrikūṭapratimo mahātmā

Sanskrit only: no published translation is held for this verse.

स सागरं दानवपन्नगायुतं; बलेन विक्रम्य महोर्मिमालिनम् निपत्य तीरे च महोदधेस् तदा; ददर्श लङ्काम् अमरावतीम् इव

sa sāgaraṃ dānavapannagāyutaṃ; balena vikramya mahormimālinam nipatya tīre ca mahodadhes tadā; dadarśa laṅkām amarāvatīm iva

Sanskrit only: no published translation is held for this verse.