Vālmīki Rāmāyaṇa (critical edition) 5.30

ततः शाखान्तरे लीनं दृष्ट्वा चलितमानसा सा ददर्श कपिं तत्र प्रश्रितं प्रियवादिनम्

tataḥ śākhāntare līnaṃ dṛṣṭvā calitamānasā sā dadarśa kapiṃ tatra praśritaṃ priyavādinam

Sanskrit only: no published translation is held for this verse.

सा तु दृष्ट्वा हरिश्रेष्ठं विनीतवद् उपस्थितम् मैथिली चिन्तयाम् आस स्वप्नो ऽयम् इति भामिनी

sā tu dṛṣṭvā hariśreṣṭhaṃ vinītavad upasthitam maithilī cintayām āsa svapno 'yam iti bhāminī

Sanskrit only: no published translation is held for this verse.

सा तं समीक्ष्यैव भृशं विसंज्ञा; गतासुकल्पेव बभूव सीता चिरेण संज्ञां प्रतिलभ्य चैव; विचिन्तयाम् आस विशालनेत्रा

sā taṃ samīkṣyaiva bhṛśaṃ visaṃjñā; gatāsukalpeva babhūva sītā cireṇa saṃjñāṃ pratilabhya caiva; vicintayām āsa viśālanetrā

Sanskrit only: no published translation is held for this verse.

स्वप्नो मयायं विकृतो ऽद्य दृष्टः; शाखामृगः शास्त्रगणैर् निषिद्धः स्वस्त्य् अस्तु रामाय सलक्ष्मणाय; तथा पितुर् मे जनकस्य राज्ञः

svapno mayāyaṃ vikṛto 'dya dṛṣṭaḥ; śākhāmṛgaḥ śāstragaṇair niṣiddhaḥ svasty astu rāmāya salakṣmaṇāya; tathā pitur me janakasya rājñaḥ

Sanskrit only: no published translation is held for this verse.

स्वप्नो ऽपि नायं न हि मे ऽस्ति निद्रा; शोकेन दुःखेन च पीडितायाः सुखं हि मे नास्ति यतो ऽस्मि हीना; तेनेन्दुपूर्णप्रतिमाननेन

svapno 'pi nāyaṃ na hi me 'sti nidrā; śokena duḥkhena ca pīḍitāyāḥ sukhaṃ hi me nāsti yato 'smi hīnā; tenendupūrṇapratimānanena

Sanskrit only: no published translation is held for this verse.

अहं हि तस्याद्य मनो भवेन; संपीडिता तद् गतसर्वभावा विचिन्तयन्ती सततं तम् एव; तथैव पश्यामि तथा शृणोमि

ahaṃ hi tasyādya mano bhavena; saṃpīḍitā tad gatasarvabhāvā vicintayantī satataṃ tam eva; tathaiva paśyāmi tathā śṛṇomi

Sanskrit only: no published translation is held for this verse.

मनोरथः स्याद् इति चिन्तयामि; तथापि बुद्ध्या च वितर्कयामि किं कारणं तस्य हि नास्ति रूपं; सुव्यक्तरूपश् च वदत्य् अयं माम्

manorathaḥ syād iti cintayāmi; tathāpi buddhyā ca vitarkayāmi kiṃ kāraṇaṃ tasya hi nāsti rūpaṃ; suvyaktarūpaś ca vadaty ayaṃ mām

Sanskrit only: no published translation is held for this verse.

नमो ऽस्तु वाचस्पतये सवज्रिणे; स्वयम्भुवे चैव हुताशनाय अनेन चोक्तं यद् इदं ममाग्रतो; वनौकसा तच् च तथास्तु नान्यथा

namo 'stu vācaspataye savajriṇe; svayambhuve caiva hutāśanāya anena coktaṃ yad idaṃ mamāgrato; vanaukasā tac ca tathāstu nānyathā

Sanskrit only: no published translation is held for this verse.