Vālmīki Rāmāyaṇa (critical edition) 5.57

एतद् आख्यानं तत् सर्वं हनूमान् मारुतात्मजः भूयः समुपचक्राम वचनं वक्तुम् उत्तरम्

etad ākhyānaṃ tat sarvaṃ hanūmān mārutātmajaḥ bhūyaḥ samupacakrāma vacanaṃ vaktum uttaram

Sanskrit only: no published translation is held for this verse.

सफलो राघवोद्योगः सुग्रीवस्य च संभ्रमः शीलम् आसाद्य सीताया मम च प्लवनं महत्

saphalo rāghavodyogaḥ sugrīvasya ca saṃbhramaḥ śīlam āsādya sītāyā mama ca plavanaṃ mahat

Sanskrit only: no published translation is held for this verse.

आर्यायाः सदृशं शीलं सीतायाः प्लवगर्षभाः तपसा धारयेल् लोकान् क्रुद्धा वा निर्दहेद् अपि

āryāyāḥ sadṛśaṃ śīlaṃ sītāyāḥ plavagarṣabhāḥ tapasā dhārayel lokān kruddhā vā nirdahed api

Sanskrit only: no published translation is held for this verse.

सर्वथातिप्रवृद्धो ऽसौ रावणो राक्षसाधिपः यस्य तां स्पृशतो गात्रं तपसा न विनाशितम्

sarvathātipravṛddho 'sau rāvaṇo rākṣasādhipaḥ yasya tāṃ spṛśato gātraṃ tapasā na vināśitam

Sanskrit only: no published translation is held for this verse.

न तद् अग्निशिखा कुर्यात् संस्पृष्टा पाणिना सती जनकस्यात्मजा कुर्याद् उत्क्रोधकलुषीकृता

na tad agniśikhā kuryāt saṃspṛṣṭā pāṇinā satī janakasyātmajā kuryād utkrodhakaluṣīkṛtā

Sanskrit only: no published translation is held for this verse.

अशोकवनिकामध्ये रावणस्य दुरात्मनः अधस्ताच् छिंशपावृक्षे साध्वी करुणम् आस्थिता

aśokavanikāmadhye rāvaṇasya durātmanaḥ adhastāc chiṃśapāvṛkṣe sādhvī karuṇam āsthitā

Sanskrit only: no published translation is held for this verse.

राक्षसीभिः परिवृता शोकसंतापकर्शिता मेघलेखापरिवृता चन्द्रलेखेव निष्प्रभा

rākṣasībhiḥ parivṛtā śokasaṃtāpakarśitā meghalekhāparivṛtā candralekheva niṣprabhā

Sanskrit only: no published translation is held for this verse.

अचिन्तयन्ती वैदेही रावणं बलदर्पितम् पतिव्रता च सुश्रोणी अवष्टब्धा च जानकी

acintayantī vaidehī rāvaṇaṃ baladarpitam pativratā ca suśroṇī avaṣṭabdhā ca jānakī

Sanskrit only: no published translation is held for this verse.

अनुरक्ता हि वैदेही रामं सर्वात्मना शुभा अनन्यचित्ता रामे च पौलोमीव पुरंदरे

anuraktā hi vaidehī rāmaṃ sarvātmanā śubhā ananyacittā rāme ca paulomīva puraṃdare

Sanskrit only: no published translation is held for this verse.

तद् एकवासःसंवीता रजोध्वस्ता तथैव च शोकसंतापदीनाङ्गी सीता भर्तृहिते रता

tad ekavāsaḥsaṃvītā rajodhvastā tathaiva ca śokasaṃtāpadīnāṅgī sītā bhartṛhite ratā

Sanskrit only: no published translation is held for this verse.

सा मया राक्षसी मध्ये तर्ज्यमाना मुहुर् मुहुः राक्षसीभिर् विरूपाभिर् दृष्टा हि प्रमदा वने

sā mayā rākṣasī madhye tarjyamānā muhur muhuḥ rākṣasībhir virūpābhir dṛṣṭā hi pramadā vane

Sanskrit only: no published translation is held for this verse.

एकवेणीधरा दीना भर्तृचिन्तापरायणा अधःशय्या विवर्णाङ्गी पद्मिनीव हिमागमे

ekaveṇīdharā dīnā bhartṛcintāparāyaṇā adhaḥśayyā vivarṇāṅgī padminīva himāgame

Sanskrit only: no published translation is held for this verse.

रावणाद् विनिवृत्तार्था मर्तव्यकृतनिश्चया कथं चिन् मृगशावाक्षी विश्वासम् उपपादिता

rāvaṇād vinivṛttārthā martavyakṛtaniścayā kathaṃ cin mṛgaśāvākṣī viśvāsam upapāditā

Sanskrit only: no published translation is held for this verse.

ततः संभाषिता चैव सर्वम् अर्थं च दर्शिता रामसुग्रीवसख्यं च श्रुत्वा प्रीतिम् उपागता

tataḥ saṃbhāṣitā caiva sarvam arthaṃ ca darśitā rāmasugrīvasakhyaṃ ca śrutvā prītim upāgatā

Sanskrit only: no published translation is held for this verse.

नियतः समुदाचारो भक्तिर् भर्तरि चोत्तमा

niyataḥ samudācāro bhaktir bhartari cottamā

Sanskrit only: no published translation is held for this verse.

यन् न हन्ति दशग्रीवं स महात्मा दशाननः निमित्तमात्रं रामस् तु वधे तस्य भविष्यति

yan na hanti daśagrīvaṃ sa mahātmā daśānanaḥ nimittamātraṃ rāmas tu vadhe tasya bhaviṣyati

Sanskrit only: no published translation is held for this verse.

एवम् आस्ते महाभागा सीता शोकपरायणा यद् अत्र प्रतिकर्तव्यं तत् सर्वम् उपपाद्यताम्

evam āste mahābhāgā sītā śokaparāyaṇā yad atra pratikartavyaṃ tat sarvam upapādyatām

Sanskrit only: no published translation is held for this verse.