Library·Vālmīki Rāmāyaṇa (critical edition)·6·6.100
ते रावणवधं दृष्ट्वा देवगन्धर्वदानवाः जग्मुस् तैस् तैर् विमानैः स्वैः कथयन्तः शुभाः कथाः
te rāvaṇavadhaṃ dṛṣṭvā devagandharvadānavāḥ jagmus tais tair vimānaiḥ svaiḥ kathayantaḥ śubhāḥ kathāḥ
Sanskrit only: no published translation is held for this verse.
रावणस्य वधं घोरं राघवस्य पराक्रमम् सुयुद्धं वानराणां च सुग्रीवसय् च मन्त्रितम्
rāvaṇasya vadhaṃ ghoraṃ rāghavasya parākramam suyuddhaṃ vānarāṇāṃ ca sugrīvasay ca mantritam
Sanskrit only: no published translation is held for this verse.
अनुरागं च वीर्यं च सौमित्रेर् लक्ष्मणस्य च कथयन्तो महाभागा जग्मुर् हृष्टा यथागतम्
anurāgaṃ ca vīryaṃ ca saumitrer lakṣmaṇasya ca kathayanto mahābhāgā jagmur hṛṣṭā yathāgatam
Sanskrit only: no published translation is held for this verse.
राघवस् तु रथं दिव्यम् इन्द्रदत्तं शिखिप्रभम् अनुज्ञाय महाभागो मातलिं प्रत्यपूजयत्
rāghavas tu rathaṃ divyam indradattaṃ śikhiprabham anujñāya mahābhāgo mātaliṃ pratyapūjayat
Sanskrit only: no published translation is held for this verse.
राघवेणाभ्यनुज्ञातो मातलिः शक्रसारथिः दिव्यं तं रथम् आस्थाय दिवम् एवारुरोह सः
rāghaveṇābhyanujñāto mātaliḥ śakrasārathiḥ divyaṃ taṃ ratham āsthāya divam evāruroha saḥ
Sanskrit only: no published translation is held for this verse.
तस्मिंस् तु दिवम् आरूढे सुरसारथिसत्तमे राघवः परमप्रीतः सुग्रीवं परिषस्वजे
tasmiṃs tu divam ārūḍhe surasārathisattame rāghavaḥ paramaprītaḥ sugrīvaṃ pariṣasvaje
Sanskrit only: no published translation is held for this verse.
परिष्वज्य च सुग्रीवं लक्ष्मणेनाभिवादितः पूज्यमानो हरिश्रेष्ठैर् आजगाम बलालयम्
pariṣvajya ca sugrīvaṃ lakṣmaṇenābhivāditaḥ pūjyamāno hariśreṣṭhair ājagāma balālayam
Sanskrit only: no published translation is held for this verse.
अब्रवीच् च तदा रामः समीपपरिवर्तिनम् सौमित्रिं सत्त्वसंपन्नं लक्ष्मणं दीप्ततेजसं
abravīc ca tadā rāmaḥ samīpaparivartinam saumitriṃ sattvasaṃpannaṃ lakṣmaṇaṃ dīptatejasaṃ
Sanskrit only: no published translation is held for this verse.
विभीषणम् इमं सौम्य लङ्कायाम् अभिषेचय अनुरक्तं च भक्तं च मम चैवोपकारिणम्
vibhīṣaṇam imaṃ saumya laṅkāyām abhiṣecaya anuraktaṃ ca bhaktaṃ ca mama caivopakāriṇam
Sanskrit only: no published translation is held for this verse.
एष मे परमः कामो यद् इमं रावणानुजम् लङ्कायां सौम्य पश्येयम् अभिषिक्तं विभीषणम्
eṣa me paramaḥ kāmo yad imaṃ rāvaṇānujam laṅkāyāṃ saumya paśyeyam abhiṣiktaṃ vibhīṣaṇam
Sanskrit only: no published translation is held for this verse.
एवम् उक्तस् तु सौमित्री राघवेण महात्मना तथेत्य् उक्त्वा तु संहृष्टः सौवर्णं घटम् आददे
evam uktas tu saumitrī rāghaveṇa mahātmanā tathety uktvā tu saṃhṛṣṭaḥ sauvarṇaṃ ghaṭam ādade
Sanskrit only: no published translation is held for this verse.
घटेन तेन सौमित्रिर् अभ्यषिञ्चद् विभीषणम् लङ्कायां रक्षसां मध्ये राजानं रामशासनात्
ghaṭena tena saumitrir abhyaṣiñcad vibhīṣaṇam laṅkāyāṃ rakṣasāṃ madhye rājānaṃ rāmaśāsanāt
Sanskrit only: no published translation is held for this verse.
अभ्यषिञ्चत् स धर्मात्मा शुद्धात्मानं विभीषणम् तस्यामात्या जहृषिरे भक्ता ये चास्य राक्षसाः
abhyaṣiñcat sa dharmātmā śuddhātmānaṃ vibhīṣaṇam tasyāmātyā jahṛṣire bhaktā ye cāsya rākṣasāḥ
Sanskrit only: no published translation is held for this verse.
दृष्ट्वाभिषिक्तं लङ्कायां राक्षसेन्द्रं विभीषणम् राघवः परमां प्रीतिं जगाम सहलक्ष्मणः
dṛṣṭvābhiṣiktaṃ laṅkāyāṃ rākṣasendraṃ vibhīṣaṇam rāghavaḥ paramāṃ prītiṃ jagāma sahalakṣmaṇaḥ
Sanskrit only: no published translation is held for this verse.
स तद् राज्यं महत् प्राप्य रामदत्तं विभीषणः प्रकृतीः सान्त्वयित्वा च ततो रामम् उपागमत्
sa tad rājyaṃ mahat prāpya rāmadattaṃ vibhīṣaṇaḥ prakṛtīḥ sāntvayitvā ca tato rāmam upāgamat
Sanskrit only: no published translation is held for this verse.
अक्षतान् मोदकांल् लाजान् दिव्याः सुमनसस् तथा आजह्रुर् अथ संहृष्टाः पौरास् तस्मै निशाचराः
akṣatān modakāṃl lājān divyāḥ sumanasas tathā ājahrur atha saṃhṛṣṭāḥ paurās tasmai niśācarāḥ
Sanskrit only: no published translation is held for this verse.
स तान् गृहीत्वा दुर्धर्षो राघवाय न्यवेदयत् मङ्गल्यं मङ्गलं सर्वं लक्ष्मणाय च वीर्यवान्
sa tān gṛhītvā durdharṣo rāghavāya nyavedayat maṅgalyaṃ maṅgalaṃ sarvaṃ lakṣmaṇāya ca vīryavān
Sanskrit only: no published translation is held for this verse.
कृतकार्यं समृद्धार्थं दृष्ट्वा रामो विभीषणम् प्रतिजग्राह तत् सर्वं तस्यैव प्रियकाम्यया
kṛtakāryaṃ samṛddhārthaṃ dṛṣṭvā rāmo vibhīṣaṇam pratijagrāha tat sarvaṃ tasyaiva priyakāmyayā
Sanskrit only: no published translation is held for this verse.
ततः शैलोपमं वीरं प्राञ्जलिं पार्श्वतः स्थितम् अब्रवीद् राघवो वाक्यं हनूमन्तं प्लवंगमम्
tataḥ śailopamaṃ vīraṃ prāñjaliṃ pārśvataḥ sthitam abravīd rāghavo vākyaṃ hanūmantaṃ plavaṃgamam
Sanskrit only: no published translation is held for this verse.
अनुमान्य महाराजम् इमं सौम्य विभीषणम् प्रविश्य रावणगृहं विनयेनोपसृत्य च
anumānya mahārājam imaṃ saumya vibhīṣaṇam praviśya rāvaṇagṛhaṃ vinayenopasṛtya ca
Sanskrit only: no published translation is held for this verse.
वैदेह्या मां कुशलिनं ससुग्रीवं सलक्ष्मणम् आचक्ष्व जयतां श्रेष्ठ रावणं च मया हतम्
vaidehyā māṃ kuśalinaṃ sasugrīvaṃ salakṣmaṇam ācakṣva jayatāṃ śreṣṭha rāvaṇaṃ ca mayā hatam
Sanskrit only: no published translation is held for this verse.
प्रियम् एतद् उदाहृत्य मैथिल्यास् त्वं हरीश्वर प्रतिगृह्य च संदेशम् उपावर्तितुम् अर्हसि
priyam etad udāhṛtya maithilyās tvaṃ harīśvara pratigṛhya ca saṃdeśam upāvartitum arhasi
Sanskrit only: no published translation is held for this verse.