Vālmīki Rāmāyaṇa (critical edition) 6.35

स तस्य गतिम् अन्विच्छन् राजपुत्रः प्रतापवान् दिदेशातिबलो रामो दशवानरयूथपान्

sa tasya gatim anvicchan rājaputraḥ pratāpavān dideśātibalo rāmo daśavānarayūthapān

Sanskrit only: no published translation is held for this verse.

द्वौ सुषेणस्य दायादौ नीलं च प्लवगर्षभम् अङ्गदं वालिपुत्रं च शरभं च तरस्विनम्

dvau suṣeṇasya dāyādau nīlaṃ ca plavagarṣabham aṅgadaṃ vāliputraṃ ca śarabhaṃ ca tarasvinam

Sanskrit only: no published translation is held for this verse.

विनतं जाम्बवन्तं च सानुप्रस्थं महाबलम् ऋषभं चर्षभस्कन्धम् आदिदेश परंतपः

vinataṃ jāmbavantaṃ ca sānuprasthaṃ mahābalam ṛṣabhaṃ carṣabhaskandham ādideśa paraṃtapaḥ

Sanskrit only: no published translation is held for this verse.

ते संप्रहृष्टा हरयो भीमान् उद्यम्य पादपान् आकाशं विविशुः सर्वे मार्गामाणा दिशो दश

te saṃprahṛṣṭā harayo bhīmān udyamya pādapān ākāśaṃ viviśuḥ sarve mārgāmāṇā diśo daśa

Sanskrit only: no published translation is held for this verse.

तेषां वेगवतां वेगम् इषुभिर् वेगवत्तरैः अस्त्रवित् परमास्त्रेण वारयाम् आस रावणिः

teṣāṃ vegavatāṃ vegam iṣubhir vegavattaraiḥ astravit paramāstreṇa vārayām āsa rāvaṇiḥ

Sanskrit only: no published translation is held for this verse.

तं भीमवेगा हरयो नाराचैः क्षतविक्षताः अन्धकारे न ददृशुर् मेघैः सूर्यम् इवावृतम्

taṃ bhīmavegā harayo nārācaiḥ kṣatavikṣatāḥ andhakāre na dadṛśur meghaiḥ sūryam ivāvṛtam

Sanskrit only: no published translation is held for this verse.

रामलक्ष्मणयोर् एव सर्वमर्मभिदः शरान् भृशम् आवेशयाम् आस रावणिः समितिंजयः

rāmalakṣmaṇayor eva sarvamarmabhidaḥ śarān bhṛśam āveśayām āsa rāvaṇiḥ samitiṃjayaḥ

Sanskrit only: no published translation is held for this verse.

निरन्तरशरीरौ तु भ्रातरौ रामलक्ष्मणौ क्रुद्धेनेन्द्रजोता वीरौ पन्नगैः शरतां गतैः

nirantaraśarīrau tu bhrātarau rāmalakṣmaṇau kruddhenendrajotā vīrau pannagaiḥ śaratāṃ gataiḥ

Sanskrit only: no published translation is held for this verse.

तयोः क्षतजमार्गेण सुस्राव रुधिरं बहु ताव् उभौ च प्रकाशेते पुष्पिताव् इव किंशुकौ

tayoḥ kṣatajamārgeṇa susrāva rudhiraṃ bahu tāv ubhau ca prakāśete puṣpitāv iva kiṃśukau

Sanskrit only: no published translation is held for this verse.

ततः पर्यन्तरक्ताक्षो भिन्नाञ्जनचयोपमः रावणिर् भ्रातरौ वाक्यम् अन्तर्धानगतो ऽब्रवीत्

tataḥ paryantaraktākṣo bhinnāñjanacayopamaḥ rāvaṇir bhrātarau vākyam antardhānagato 'bravīt

Sanskrit only: no published translation is held for this verse.

युध्यमानम् अनालक्ष्यं शक्रो ऽपि त्रिदशेश्वरः द्रष्टुम् आसादितुं वापि न शक्तः किं पुनर् युवाम्

yudhyamānam anālakṣyaṃ śakro 'pi tridaśeśvaraḥ draṣṭum āsādituṃ vāpi na śaktaḥ kiṃ punar yuvām

Sanskrit only: no published translation is held for this verse.

प्रावृताव् इषुजालेन राघवौ कङ्कपत्रिणा एष रोषपरीतात्मा नयामि यमसादनम्

prāvṛtāv iṣujālena rāghavau kaṅkapatriṇā eṣa roṣaparītātmā nayāmi yamasādanam

Sanskrit only: no published translation is held for this verse.

एवम् उक्त्वा तु धर्मज्ञौ भ्रातरौ रामलक्ष्मणौ निर्बिभेद शितैर् बाणैः प्रजहर्ष ननाद च

evam uktvā tu dharmajñau bhrātarau rāmalakṣmaṇau nirbibheda śitair bāṇaiḥ prajaharṣa nanāda ca

Sanskrit only: no published translation is held for this verse.

भिन्नाञ्जनचयश्यामो विस्फार्य विपुलं धनुः भूयो भूयः शरान् घोरान् विससर्ज महामृधे

bhinnāñjanacayaśyāmo visphārya vipulaṃ dhanuḥ bhūyo bhūyaḥ śarān ghorān visasarja mahāmṛdhe

Sanskrit only: no published translation is held for this verse.

ततो मर्मसु मर्मज्ञो मज्जयन् निशिताञ् शरान् रामलक्ष्मणयोर् वीरो ननाद च मुहुर् मुहुः

tato marmasu marmajño majjayan niśitāñ śarān rāmalakṣmaṇayor vīro nanāda ca muhur muhuḥ

Sanskrit only: no published translation is held for this verse.

बद्धौ तु शरबन्धेन ताव् उभौ रणमूर्धनि निमेषान्तरमात्रेण न शेकतुर् उदीक्षितुम्

baddhau tu śarabandhena tāv ubhau raṇamūrdhani nimeṣāntaramātreṇa na śekatur udīkṣitum

Sanskrit only: no published translation is held for this verse.

ततो विभिन्नसर्वाङ्गौ शरशल्याचिताव् उभौ ध्वजाव् इव महेन्द्रस्य रज्जुमुक्तौ प्रकम्पितौ

tato vibhinnasarvāṅgau śaraśalyācitāv ubhau dhvajāv iva mahendrasya rajjumuktau prakampitau

Sanskrit only: no published translation is held for this verse.

तौ संप्रचलितौ वीरौ मर्मभेदेन कर्शितौ निपेततुर् महेष्वासौ जगत्यां जगतीपती

tau saṃpracalitau vīrau marmabhedena karśitau nipetatur maheṣvāsau jagatyāṃ jagatīpatī

Sanskrit only: no published translation is held for this verse.

तौ वीरशयने वीरौ शयानौ रुधिरोक्षितौ शरवेष्टितसर्वाङ्गाव् आर्तौ परमपीडितौ

tau vīraśayane vīrau śayānau rudhirokṣitau śaraveṣṭitasarvāṅgāv ārtau paramapīḍitau

Sanskrit only: no published translation is held for this verse.

न ह्य् अविद्धं तयोर् गात्रं बभूवाङ्गुलम् अन्तरम् नानिर्भिन्नं न चास्तब्धम् आ कराग्राद् अजिह्मगैः

na hy aviddhaṃ tayor gātraṃ babhūvāṅgulam antaram nānirbhinnaṃ na cāstabdham ā karāgrād ajihmagaiḥ

Sanskrit only: no published translation is held for this verse.

तौ तु क्रूरेण निहतौ रक्षसा कामरूपिणा असृक्सुस्रुवतुस् तीव्रं जलं प्रस्रवणाव् इव

tau tu krūreṇa nihatau rakṣasā kāmarūpiṇā asṛksusruvatus tīvraṃ jalaṃ prasravaṇāv iva

Sanskrit only: no published translation is held for this verse.

पपात प्रथमं रामो विद्धो मर्मसु मार्गणैः क्रोधाद् इन्द्रजिता येन पुरा शक्रो विनिर्जितः

papāta prathamaṃ rāmo viddho marmasu mārgaṇaiḥ krodhād indrajitā yena purā śakro vinirjitaḥ

Sanskrit only: no published translation is held for this verse.

नारचैर् अर्धनाराचैर् भल्लैर् अञ्जलिकैर् अपि विव्याध वत्सदन्तैश् च सिंहदंष्ट्रैः क्षुरैस् तथा

nāracair ardhanārācair bhallair añjalikair api vivyādha vatsadantaiś ca siṃhadaṃṣṭraiḥ kṣurais tathā

Sanskrit only: no published translation is held for this verse.

स वीरशयने शिश्ये विज्यम् आदाय कार्मुकम् भिन्नमुष्टिपरीणाहं त्रिणतं रुक्मभूषितम्

sa vīraśayane śiśye vijyam ādāya kārmukam bhinnamuṣṭiparīṇāhaṃ triṇataṃ rukmabhūṣitam

Sanskrit only: no published translation is held for this verse.

बाणपातान्तरे रामं पतितं पुरुषर्षभम् स तत्र लक्ष्मणो दृष्ट्वा निराशो जीविते ऽभवत्

bāṇapātāntare rāmaṃ patitaṃ puruṣarṣabham sa tatra lakṣmaṇo dṛṣṭvā nirāśo jīvite 'bhavat

Sanskrit only: no published translation is held for this verse.

बद्धौ तु वीरौ पतितौ शयानौ; तौ वानराः संपरिवार्य तस्थुः समागता वायुसुतप्रमुख्या; विषदम् आर्ताः परमं च जग्मुः

baddhau tu vīrau patitau śayānau; tau vānarāḥ saṃparivārya tasthuḥ samāgatā vāyusutapramukhyā; viṣadam ārtāḥ paramaṃ ca jagmuḥ

Sanskrit only: no published translation is held for this verse.