Vālmīki Rāmāyaṇa (critical edition) 6.65

निकुम्भं च हतं श्रुत्वा कुम्भं च विनिपातितम् रावणः परमामर्षी प्रजज्वालानलो यथा

nikumbhaṃ ca hataṃ śrutvā kumbhaṃ ca vinipātitam rāvaṇaḥ paramāmarṣī prajajvālānalo yathā

Sanskrit only: no published translation is held for this verse.

नैरृतः क्रोधशोकाभ्यां द्वाभ्यां तु परिमूर्छितः खरपुत्रं विशालाक्षं मकराक्षम् अचोदयत्

nairṛtaḥ krodhaśokābhyāṃ dvābhyāṃ tu parimūrchitaḥ kharaputraṃ viśālākṣaṃ makarākṣam acodayat

Sanskrit only: no published translation is held for this verse.

गच्छ पुत्र मयाज्ञप्तो बलेनाभिसमन्वितः राघवं लक्ष्मणं चैव जहि तौ सवनौकसौ

gaccha putra mayājñapto balenābhisamanvitaḥ rāghavaṃ lakṣmaṇaṃ caiva jahi tau savanaukasau

Sanskrit only: no published translation is held for this verse.

रावणस्य वचः श्रुत्वा शूरो मानी खरात्मजः बाढम् इत्य् अब्रवीद् धृष्टो मकराक्षो निशाचरः

rāvaṇasya vacaḥ śrutvā śūro mānī kharātmajaḥ bāḍham ity abravīd dhṛṣṭo makarākṣo niśācaraḥ

Sanskrit only: no published translation is held for this verse.

सो ऽभिवाद्य दशग्रीवं कृत्वा चापि प्रदक्षिणम् निर्जगाम गृहाच् छुभ्राद् रावणस्याज्ञया बली

so 'bhivādya daśagrīvaṃ kṛtvā cāpi pradakṣiṇam nirjagāma gṛhāc chubhrād rāvaṇasyājñayā balī

Sanskrit only: no published translation is held for this verse.

समीपस्थं बलाध्यक्षं खरपुत्रो ऽब्रवीद् इदम् रथम् आनीयतां शीघ्रं सैन्यं चानीयतां त्वरात्

samīpasthaṃ balādhyakṣaṃ kharaputro 'bravīd idam ratham ānīyatāṃ śīghraṃ sainyaṃ cānīyatāṃ tvarāt

Sanskrit only: no published translation is held for this verse.

तस्य तद्वचनं श्रुत्वा बलाध्यक्षो निशाचरः स्यन्दनं च बलं चैव समीपं प्रत्यपादयत्

tasya tadvacanaṃ śrutvā balādhyakṣo niśācaraḥ syandanaṃ ca balaṃ caiva samīpaṃ pratyapādayat

Sanskrit only: no published translation is held for this verse.

प्रदक्षिणं रथं कृत्वा आरुरोह निशाचरः सूतं संचोदयाम् आस शीघ्रं मे रथम् आवह

pradakṣiṇaṃ rathaṃ kṛtvā āruroha niśācaraḥ sūtaṃ saṃcodayām āsa śīghraṃ me ratham āvaha

Sanskrit only: no published translation is held for this verse.

अथ तान् राक्षसान् सर्वान् मकराक्षो ऽब्रवीद् इदम् यूयं सर्वे प्रयुध्यध्वं पुरस्तान् मम राक्षसाः

atha tān rākṣasān sarvān makarākṣo 'bravīd idam yūyaṃ sarve prayudhyadhvaṃ purastān mama rākṣasāḥ

Sanskrit only: no published translation is held for this verse.

अहं राक्षसराजेन रावणेन महात्मना आज्ञप्तः समरे हन्तुं ताव् उभौ रामलक्ष्मणौ

ahaṃ rākṣasarājena rāvaṇena mahātmanā ājñaptaḥ samare hantuṃ tāv ubhau rāmalakṣmaṇau

Sanskrit only: no published translation is held for this verse.

अद्य रामं वधिष्यामि लक्ष्मणं च निशाचराः शाखामृगं च सुग्रीवं वानरांश् च शरोत्तमैः

adya rāmaṃ vadhiṣyāmi lakṣmaṇaṃ ca niśācarāḥ śākhāmṛgaṃ ca sugrīvaṃ vānarāṃś ca śarottamaiḥ

Sanskrit only: no published translation is held for this verse.

अद्य शूलनिपातैश् च वानराणां महाचमूम् प्रदहिष्यामि संप्राप्तां शुष्केन्धनम् इवानलः

adya śūlanipātaiś ca vānarāṇāṃ mahācamūm pradahiṣyāmi saṃprāptāṃ śuṣkendhanam ivānalaḥ

Sanskrit only: no published translation is held for this verse.

मकराक्षस्य तच् छ्रुत्वा वचनं ते निशाचराः सर्वे नानायुधोपेता बलवन्तः समाहिताः

makarākṣasya tac chrutvā vacanaṃ te niśācarāḥ sarve nānāyudhopetā balavantaḥ samāhitāḥ

Sanskrit only: no published translation is held for this verse.

ते कामरूपिणः शूरा दंष्ट्रिणः पिङ्गलेक्षणाः मातंगा इव नर्दन्तो ध्वस्तकेशा भयानकाः

te kāmarūpiṇaḥ śūrā daṃṣṭriṇaḥ piṅgalekṣaṇāḥ mātaṃgā iva nardanto dhvastakeśā bhayānakāḥ

Sanskrit only: no published translation is held for this verse.

परिवार्य महाकाया महाकायं खरात्मजम् अभिजग्मुस् तदा हृष्टाश् चालयन्तो वसुंधराम्

parivārya mahākāyā mahākāyaṃ kharātmajam abhijagmus tadā hṛṣṭāś cālayanto vasuṃdharām

Sanskrit only: no published translation is held for this verse.

शङ्खभेरीसहस्राणाम् आहतानां समन्ततः क्ष्वेडितास्फोटितानां च ततः शब्दो महान् अभूत्

śaṅkhabherīsahasrāṇām āhatānāṃ samantataḥ kṣveḍitāsphoṭitānāṃ ca tataḥ śabdo mahān abhūt

Sanskrit only: no published translation is held for this verse.

प्रभ्रष्टो ऽथ करात् तस्य प्रतोदः सारथेस् तदा पपात सहसा चैव ध्वजस् तस्य च रक्षसः

prabhraṣṭo 'tha karāt tasya pratodaḥ sārathes tadā papāta sahasā caiva dhvajas tasya ca rakṣasaḥ

Sanskrit only: no published translation is held for this verse.

तस्य ते रथसंयुक्ता हया विक्रमवर्जिताः चरणैर् आकुलैर् गत्वा दीनाः सास्रमुखा ययुः

tasya te rathasaṃyuktā hayā vikramavarjitāḥ caraṇair ākulair gatvā dīnāḥ sāsramukhā yayuḥ

Sanskrit only: no published translation is held for this verse.

प्रवाति पवनस् तस्य सपांसुः खरदारुणः निर्याणे तस्य रौद्रस्य मकराक्षस्य दुर्मतेः

pravāti pavanas tasya sapāṃsuḥ kharadāruṇaḥ niryāṇe tasya raudrasya makarākṣasya durmateḥ

Sanskrit only: no published translation is held for this verse.

तानि दृष्ट्वा निमित्तानि राक्षसा वीर्यवत्तमाः अचिन्त्यनिर्गताः सर्वे यत्र तौ रामलक्ष्मणौ

tāni dṛṣṭvā nimittāni rākṣasā vīryavattamāḥ acintyanirgatāḥ sarve yatra tau rāmalakṣmaṇau

Sanskrit only: no published translation is held for this verse.

घनगजमहिषाङ्गतुल्यवर्णाः; समरमुखेष्व् असकृद् गदासिभिन्नाः अहम् अहम् इति युद्धकौशलास् ते; रजनिचराः परिबभ्रमुर् नदन्तः

ghanagajamahiṣāṅgatulyavarṇāḥ; samaramukheṣv asakṛd gadāsibhinnāḥ aham aham iti yuddhakauśalās te; rajanicarāḥ paribabhramur nadantaḥ

Sanskrit only: no published translation is held for this verse.