Vālmīki Rāmāyaṇa (critical edition) 6.69

श्रुत्वा तं भीमनिर्ह्रादं शक्राशनिसमस्वनम् वीक्षमाणा दिशः सर्वा दुद्रुवुर् वानरर्षभाः

śrutvā taṃ bhīmanirhrādaṃ śakrāśanisamasvanam vīkṣamāṇā diśaḥ sarvā dudruvur vānararṣabhāḥ

Sanskrit only: no published translation is held for this verse.

तान् उवाच ततः सर्वान् हनूमान् मारुतात्मजः विषण्णवदनान् दीनांस् त्रस्तान् विद्रवतः पृथक्

tān uvāca tataḥ sarvān hanūmān mārutātmajaḥ viṣaṇṇavadanān dīnāṃs trastān vidravataḥ pṛthak

Sanskrit only: no published translation is held for this verse.

कस्माद् विषण्णवदना विद्रवध्वं प्लवंगमाः त्यक्तयुद्धसमुत्साहाः शूरत्वं क्व नु वो गतम्

kasmād viṣaṇṇavadanā vidravadhvaṃ plavaṃgamāḥ tyaktayuddhasamutsāhāḥ śūratvaṃ kva nu vo gatam

Sanskrit only: no published translation is held for this verse.

पृष्ठतो ऽनुव्रजध्वं माम् अग्रतो यान्तम् आहवे शूरैर् अभिजनोपेतैर् अयुक्तं हि निवर्तितुम्

pṛṣṭhato 'nuvrajadhvaṃ mām agrato yāntam āhave śūrair abhijanopetair ayuktaṃ hi nivartitum

Sanskrit only: no published translation is held for this verse.

एवम् उक्ताः सुसंक्रुद्धा वायुपुत्रेण धीमता शैलशृङ्गान् द्रुमांश् चैव जगृहुर् हृष्टमानसाः

evam uktāḥ susaṃkruddhā vāyuputreṇa dhīmatā śailaśṛṅgān drumāṃś caiva jagṛhur hṛṣṭamānasāḥ

Sanskrit only: no published translation is held for this verse.

अभिपेतुश् च गर्जन्तो राक्षसान् वानरर्षभाः परिवार्य हनूमन्तम् अन्वयुश् च महाहवे

abhipetuś ca garjanto rākṣasān vānararṣabhāḥ parivārya hanūmantam anvayuś ca mahāhave

Sanskrit only: no published translation is held for this verse.

स तैर् वानरमुख्यैस् तु हनूमान् सर्वतो वृतः हुताशन इवार्चिष्मान् अदहच् छत्रुवाहिनीम्

sa tair vānaramukhyais tu hanūmān sarvato vṛtaḥ hutāśana ivārciṣmān adahac chatruvāhinīm

Sanskrit only: no published translation is held for this verse.

स राक्षसानां कदनं चकार सुमहाकपिः वृतो वानरसैन्येन कालान्तकयमोपमः

sa rākṣasānāṃ kadanaṃ cakāra sumahākapiḥ vṛto vānarasainyena kālāntakayamopamaḥ

Sanskrit only: no published translation is held for this verse.

स तु शोकेन चाविष्टः क्रोधेन च महाकपिः हनूमान् रावणि रथे महतीं पातयच् छिलाम्

sa tu śokena cāviṣṭaḥ krodhena ca mahākapiḥ hanūmān rāvaṇi rathe mahatīṃ pātayac chilām

Sanskrit only: no published translation is held for this verse.

ताम् आपतन्तीं दृष्ट्वैव रथः सारथिना तदा विधेयाश्व समायुक्तः सुदूरम् अपवाहितः

tām āpatantīṃ dṛṣṭvaiva rathaḥ sārathinā tadā vidheyāśva samāyuktaḥ sudūram apavāhitaḥ

Sanskrit only: no published translation is held for this verse.

तम् इन्द्रजितम् अप्राप्य रथथं सहसारथिम् विवेश धरणीं भित्त्वा सा शिलाव्यर्थम् उद्यता

tam indrajitam aprāpya rathathaṃ sahasārathim viveśa dharaṇīṃ bhittvā sā śilāvyartham udyatā

Sanskrit only: no published translation is held for this verse.

पतितायां शिलायां तु रक्षसां व्यथिता चमूः तम् अभ्यधावञ् शतशो नदन्तः काननौकसः

patitāyāṃ śilāyāṃ tu rakṣasāṃ vyathitā camūḥ tam abhyadhāvañ śataśo nadantaḥ kānanaukasaḥ

Sanskrit only: no published translation is held for this verse.

ते द्रुमांश् च महाकाया गिरिशृङ्गाणि चोद्यताः चिक्षिपुर् द्विषतां मध्ये वानरा भीमविक्रमाः

te drumāṃś ca mahākāyā giriśṛṅgāṇi codyatāḥ cikṣipur dviṣatāṃ madhye vānarā bhīmavikramāḥ

Sanskrit only: no published translation is held for this verse.

वानरैर् तैर् महावीर्यैर् घोररूपा निशाचराः वीर्याद् अभिहता वृक्षैर् व्यवेष्टन्त रणक्षितौ

vānarair tair mahāvīryair ghorarūpā niśācarāḥ vīryād abhihatā vṛkṣair vyaveṣṭanta raṇakṣitau

Sanskrit only: no published translation is held for this verse.

स्वसैन्यम् अभिवीक्ष्याथ वानरार्दितम् इन्द्रजित् प्रगृहीतायुधः क्रुद्धः परान् अभिमुखो ययौ

svasainyam abhivīkṣyātha vānarārditam indrajit pragṛhītāyudhaḥ kruddhaḥ parān abhimukho yayau

Sanskrit only: no published translation is held for this verse.

स शरौघान् अवसृजन् स्वसैन्येनाभिसंवृतः जघान कपिशार्दूलान् सुबहून् दृष्टविक्रमः

sa śaraughān avasṛjan svasainyenābhisaṃvṛtaḥ jaghāna kapiśārdūlān subahūn dṛṣṭavikramaḥ

Sanskrit only: no published translation is held for this verse.

शूलैर् अशनिभिः खड्गैः पट्टसैः कूटमुद्गरैः ते चाप्य् अनुचरांस् तस्य वानरा जघ्नुर् आहवे

śūlair aśanibhiḥ khaḍgaiḥ paṭṭasaiḥ kūṭamudgaraiḥ te cāpy anucarāṃs tasya vānarā jaghnur āhave

Sanskrit only: no published translation is held for this verse.

सस्कन्धविटपैः सालैः शिलाभिश् च महाबलैः हनूमान् कदनं चक्रे रक्षसां भीमकर्मणाम्

saskandhaviṭapaiḥ sālaiḥ śilābhiś ca mahābalaiḥ hanūmān kadanaṃ cakre rakṣasāṃ bhīmakarmaṇām

Sanskrit only: no published translation is held for this verse.

स निवार्य परानीकम् अब्रवीत् तान् वनौकसः हनूमान् संनिवर्तध्वं न नः साध्यम् इदं बलम्

sa nivārya parānīkam abravīt tān vanaukasaḥ hanūmān saṃnivartadhvaṃ na naḥ sādhyam idaṃ balam

Sanskrit only: no published translation is held for this verse.

त्यक्त्वा प्राणान् विचेष्टन्तो राम प्रियचिकीर्षवः यन्निमित्तं हि युध्यामो हता सा जनकात्मजा

tyaktvā prāṇān viceṣṭanto rāma priyacikīrṣavaḥ yannimittaṃ hi yudhyāmo hatā sā janakātmajā

Sanskrit only: no published translation is held for this verse.

इमम् अर्थं हि विज्ञाप्य रामं सुग्रीवम् एव च तौ यत् प्रतिविधास्येते तत् करिष्यामहे वयम्

imam arthaṃ hi vijñāpya rāmaṃ sugrīvam eva ca tau yat pratividhāsyete tat kariṣyāmahe vayam

Sanskrit only: no published translation is held for this verse.

इत्य् उक्त्वा वानरश्रेष्ठो वारयन् सर्ववानरान् शनैः शनैर् असंत्रस्तः सबलः स न्यवर्तत

ity uktvā vānaraśreṣṭho vārayan sarvavānarān śanaiḥ śanair asaṃtrastaḥ sabalaḥ sa nyavartata

Sanskrit only: no published translation is held for this verse.

स तु प्रेक्ष्य हनूमन्तं व्रजन्तं यत्र राघवः निकुम्भिलाम् अधिष्ठाय पावकं जुहुवे न्द्रजित्

sa tu prekṣya hanūmantaṃ vrajantaṃ yatra rāghavaḥ nikumbhilām adhiṣṭhāya pāvakaṃ juhuve ndrajit

Sanskrit only: no published translation is held for this verse.

यज्ञभूम्यां तु विधिवत् पावकस् तेन रक्षसा हूयमानः प्रजज्वाल होमशोणितभुक् तदा

yajñabhūmyāṃ tu vidhivat pāvakas tena rakṣasā hūyamānaḥ prajajvāla homaśoṇitabhuk tadā

Sanskrit only: no published translation is held for this verse.

सो ऽर्चिः पिनद्धो ददृशे होमशोणिततर्पितः संध्यागत इवादित्यः स तीव्राग्निः समुत्थितः

so 'rciḥ pinaddho dadṛśe homaśoṇitatarpitaḥ saṃdhyāgata ivādityaḥ sa tīvrāgniḥ samutthitaḥ

Sanskrit only: no published translation is held for this verse.

अथेन्द्रजिद् राक्षसभूतये तु; जुहाव हव्यं विधिना विधानवत् दृष्ट्वा व्यतिष्ठन्त च राक्षसास् ते; महासमूहेषु नयानयज्ञाः

athendrajid rākṣasabhūtaye tu; juhāva havyaṃ vidhinā vidhānavat dṛṣṭvā vyatiṣṭhanta ca rākṣasās te; mahāsamūheṣu nayānayajñāḥ

Sanskrit only: no published translation is held for this verse.