Vālmīki Rāmāyaṇa (critical edition) 7.27

कैलासं लङ्घयित्वाथ दशग्रीवः सराक्षसः आससाद महातेजा इन्द्रलोकं निशाचरः

kailāsaṃ laṅghayitvātha daśagrīvaḥ sarākṣasaḥ āsasāda mahātejā indralokaṃ niśācaraḥ

Sanskrit only: no published translation is held for this verse.

तस्य राक्षससैन्यस्य समन्ताद् उपयास्यतः देवलोकं ययौ शब्दो भिद्यमानार्णवोपमः

tasya rākṣasasainyasya samantād upayāsyataḥ devalokaṃ yayau śabdo bhidyamānārṇavopamaḥ

Sanskrit only: no published translation is held for this verse.

श्रुत्वा तु रावणं प्राप्तम् इन्द्रः संचलितासनः अब्रवीत् तत्र तान् देवान् सर्वान् एव समागतान्

śrutvā tu rāvaṇaṃ prāptam indraḥ saṃcalitāsanaḥ abravīt tatra tān devān sarvān eva samāgatān

Sanskrit only: no published translation is held for this verse.

आदित्यान् सवसून् रुद्रान् विश्वान् साध्यान् मरुद्गणान् सज्जीभवत युद्धार्थं रावणस्य दुरात्मनः

ādityān savasūn rudrān viśvān sādhyān marudgaṇān sajjībhavata yuddhārthaṃ rāvaṇasya durātmanaḥ

Sanskrit only: no published translation is held for this verse.

एवम् उक्तास् तु शक्रेण देवाः शक्रसमा युधि संनह्यन्त महासत्त्वा युद्धश्रद्धासमन्विताः

evam uktās tu śakreṇa devāḥ śakrasamā yudhi saṃnahyanta mahāsattvā yuddhaśraddhāsamanvitāḥ

Sanskrit only: no published translation is held for this verse.

स तु दीनः परित्रस्तो महेन्द्रो रावणं प्रति विष्णोः समीपम् आगत्य वाक्यम् एतद् उवाच ह

sa tu dīnaḥ paritrasto mahendro rāvaṇaṃ prati viṣṇoḥ samīpam āgatya vākyam etad uvāca ha

Sanskrit only: no published translation is held for this verse.

विष्णो कथं करिष्यामो महावीर्यपराक्रम असौ हि बलवान् रक्षो युद्धार्थम् अभिवर्तते

viṣṇo kathaṃ kariṣyāmo mahāvīryaparākrama asau hi balavān rakṣo yuddhārtham abhivartate

Sanskrit only: no published translation is held for this verse.

वरप्रदानाद् बलवान् न खल्व् अन्येन हेतुना तच् च सत्यं हि कर्तव्यं वाक्यं देव प्रजापतेः

varapradānād balavān na khalv anyena hetunā tac ca satyaṃ hi kartavyaṃ vākyaṃ deva prajāpateḥ

Sanskrit only: no published translation is held for this verse.

तद् यथा नमुचिर् वृत्रो बलिर् नरकशम्बरौ त्वन् मतं समवष्टभ्य यथा दग्धास् तथा कुरु

tad yathā namucir vṛtro balir narakaśambarau tvan mataṃ samavaṣṭabhya yathā dagdhās tathā kuru

Sanskrit only: no published translation is held for this verse.

न ह्य् अन्यो देव देवानाम् आपत्सु सुमहाबल गतिः परायणं वास्ति त्वाम् ऋते पुरुषोत्तम

na hy anyo deva devānām āpatsu sumahābala gatiḥ parāyaṇaṃ vāsti tvām ṛte puruṣottama

Sanskrit only: no published translation is held for this verse.

त्वं हि नारायणः श्रीमान् पद्मनाभः सनातनः त्वयाहं स्थापितश् चैव देवराज्ये सनातने

tvaṃ hi nārāyaṇaḥ śrīmān padmanābhaḥ sanātanaḥ tvayāhaṃ sthāpitaś caiva devarājye sanātane

Sanskrit only: no published translation is held for this verse.

तद् आख्याहि यथातत्त्वं देवदेव मम स्वयम् असिचक्रसहायस् त्वं युध्यसे संयुगे रिपुम्

tad ākhyāhi yathātattvaṃ devadeva mama svayam asicakrasahāyas tvaṃ yudhyase saṃyuge ripum

Sanskrit only: no published translation is held for this verse.

एवम् उक्तः स शक्रेण देवो नारायणः प्रभुः अब्रवीन् न परित्रासः कार्यस् ते श्रूयतां च मे

evam uktaḥ sa śakreṇa devo nārāyaṇaḥ prabhuḥ abravīn na paritrāsaḥ kāryas te śrūyatāṃ ca me

Sanskrit only: no published translation is held for this verse.

न तावद् एष दुर्वृत्तः शक्यो दैवतदानवैः हन्तुं युधि समासाद्य वरदानेन दुर्जयः

na tāvad eṣa durvṛttaḥ śakyo daivatadānavaiḥ hantuṃ yudhi samāsādya varadānena durjayaḥ

Sanskrit only: no published translation is held for this verse.

सर्वथा तु महत् कर्म करिष्यति बलोत्कटः रक्षः पुत्रसहायो ऽसौ दृष्टम् एतन् निसर्गतः

sarvathā tu mahat karma kariṣyati balotkaṭaḥ rakṣaḥ putrasahāyo 'sau dṛṣṭam etan nisargataḥ

Sanskrit only: no published translation is held for this verse.

ब्रवीषि यत् तु मां शक्र संयुगे योत्स्यसीति ह नैवाहं प्रतियोत्स्ये तं रावणं राक्षसाधिपम्

bravīṣi yat tu māṃ śakra saṃyuge yotsyasīti ha naivāhaṃ pratiyotsye taṃ rāvaṇaṃ rākṣasādhipam

Sanskrit only: no published translation is held for this verse.

अनिहत्य रिपुं विष्णुर् न हि प्रतिनिवर्तते दुर्लभश् चैष कामो ऽद्य वरम् आसाद्य राक्षसे

anihatya ripuṃ viṣṇur na hi pratinivartate durlabhaś caiṣa kāmo 'dya varam āsādya rākṣase

Sanskrit only: no published translation is held for this verse.

प्रतिजानामि देवेन्द्र त्वत्समीपं शतक्रतो राक्षसस्याहम् एवास्य भविता मृत्युकारणम्

pratijānāmi devendra tvatsamīpaṃ śatakrato rākṣasasyāham evāsya bhavitā mṛtyukāraṇam

Sanskrit only: no published translation is held for this verse.

अहम् एनं वधिष्यामि रावणं ससुतं युधि देवतास् तोषयिष्यामि ज्ञात्वा कालम् उपस्थितम्

aham enaṃ vadhiṣyāmi rāvaṇaṃ sasutaṃ yudhi devatās toṣayiṣyāmi jñātvā kālam upasthitam

Sanskrit only: no published translation is held for this verse.

एतस्मिन्न् अन्तरे नादः शुश्रुवे रजनीक्षये तस्य रावणसैन्यस्य प्रयुद्धस्य समन्ततः

etasminn antare nādaḥ śuśruve rajanīkṣaye tasya rāvaṇasainyasya prayuddhasya samantataḥ

Sanskrit only: no published translation is held for this verse.

अथ युद्धं समभवद् देवराक्षसयोस् तदा घोरं तुमुलनिर्ह्रादं नानाप्रहरणायुधम्

atha yuddhaṃ samabhavad devarākṣasayos tadā ghoraṃ tumulanirhrādaṃ nānāpraharaṇāyudham

Sanskrit only: no published translation is held for this verse.

एतस्मिन्न् अन्तरे शूरा राक्षसा घोरदर्शनाः युद्धार्थम् अभ्यधावन्त सचिवा रावणाज्ञया

etasminn antare śūrā rākṣasā ghoradarśanāḥ yuddhārtham abhyadhāvanta sacivā rāvaṇājñayā

Sanskrit only: no published translation is held for this verse.

मारीचश् च प्रहस्तश् च महापार्श्वमहोदरौ अकम्पनो निकुम्भश् च शुकः सारण एव च

mārīcaś ca prahastaś ca mahāpārśvamahodarau akampano nikumbhaś ca śukaḥ sāraṇa eva ca

Sanskrit only: no published translation is held for this verse.

संह्रादिर् धूमकेतुश् च महादंष्ट्रो महामुखः जम्बुमाली महामाली विरूपाक्षश् च राक्षसः

saṃhrādir dhūmaketuś ca mahādaṃṣṭro mahāmukhaḥ jambumālī mahāmālī virūpākṣaś ca rākṣasaḥ

Sanskrit only: no published translation is held for this verse.

एतैः सर्वैर् महावीर्यैर् वृतो राक्षसपुंगवः रावणस्यार्यकः सैन्यं सुमाली प्रविवेश ह

etaiḥ sarvair mahāvīryair vṛto rākṣasapuṃgavaḥ rāvaṇasyāryakaḥ sainyaṃ sumālī praviveśa ha

Sanskrit only: no published translation is held for this verse.

स हि देवगणान् सर्वान् नानाप्रहरणैः शितैः विध्वंसयति संक्रुद्धः सह तैः क्षणदाचरैः

sa hi devagaṇān sarvān nānāpraharaṇaiḥ śitaiḥ vidhvaṃsayati saṃkruddhaḥ saha taiḥ kṣaṇadācaraiḥ

Sanskrit only: no published translation is held for this verse.

एतस्मिन्न् अन्तरे शूरो वसूनाम् अष्टमो वसुः सावित्र इति विख्यातः प्रविवेश महारणम्

etasminn antare śūro vasūnām aṣṭamo vasuḥ sāvitra iti vikhyātaḥ praviveśa mahāraṇam

Sanskrit only: no published translation is held for this verse.

ततो युद्धं समभवत् सुराणां राक्षसैः सह क्रुद्धानां रक्षसां कीर्तिं समरेष्व् अनिवर्तिनाम्

tato yuddhaṃ samabhavat surāṇāṃ rākṣasaiḥ saha kruddhānāṃ rakṣasāṃ kīrtiṃ samareṣv anivartinām

Sanskrit only: no published translation is held for this verse.

ततस् ते राक्षसाः शूरा देवांस् तान् समरे स्थितान् नानाप्रहरणैर् घोरैर् जघ्नुः शतसहस्रशः

tatas te rākṣasāḥ śūrā devāṃs tān samare sthitān nānāpraharaṇair ghorair jaghnuḥ śatasahasraśaḥ

Sanskrit only: no published translation is held for this verse.

सुरास् तु राक्षसान् घोरान् महावीर्यान् स्वतेजसा समरे विविधैः शस्त्रैर् अनयन् यमसादनम्

surās tu rākṣasān ghorān mahāvīryān svatejasā samare vividhaiḥ śastrair anayan yamasādanam

Sanskrit only: no published translation is held for this verse.

एतस्मिन्न् अन्तरे शूरः सुमाली नाम राक्षसः नानाप्रहरणैः क्रुद्धो रणम् एवाभ्यवर्तत

etasminn antare śūraḥ sumālī nāma rākṣasaḥ nānāpraharaṇaiḥ kruddho raṇam evābhyavartata

Sanskrit only: no published translation is held for this verse.

देवानां तद् बलं सर्वं नानाप्रहरणैः शितैः विध्वंसयति संक्रुद्धो वायुर् जलधरान् इव

devānāṃ tad balaṃ sarvaṃ nānāpraharaṇaiḥ śitaiḥ vidhvaṃsayati saṃkruddho vāyur jaladharān iva

Sanskrit only: no published translation is held for this verse.

ते महाबाणवर्षैश् च शूलैः प्रासैश् च दारुणैः पीड्यमानाः सुराः सर्वे न व्यतिष्ठन् समाहिताः

te mahābāṇavarṣaiś ca śūlaiḥ prāsaiś ca dāruṇaiḥ pīḍyamānāḥ surāḥ sarve na vyatiṣṭhan samāhitāḥ

Sanskrit only: no published translation is held for this verse.

ततो विद्राव्यमाणेषु त्रिदशेषु सुमालिना वसूनाम् अष्टमो देवः सावित्रो व्यवतिष्ठत

tato vidrāvyamāṇeṣu tridaśeṣu sumālinā vasūnām aṣṭamo devaḥ sāvitro vyavatiṣṭhata

Sanskrit only: no published translation is held for this verse.

संवृतः स्वैर् अनीकैस् तु प्रहरन्तं निशाचरम् विक्रमेण महातेजा वारयाम् आस संयुगे

saṃvṛtaḥ svair anīkais tu praharantaṃ niśācaram vikrameṇa mahātejā vārayām āsa saṃyuge

Sanskrit only: no published translation is held for this verse.

सुमत्तयोस् तयोर् आसीद् युद्धं लोके सुदारुणम् सुमालिनो वसोश् चैव समरेष्व् अनिवर्तिनोः

sumattayos tayor āsīd yuddhaṃ loke sudāruṇam sumālino vasoś caiva samareṣv anivartinoḥ

Sanskrit only: no published translation is held for this verse.

ततस् तस्य महाबाणैर् वसुना सुमहात्मना महान् स पन्नगरथः क्षणेन विनिपातितः

tatas tasya mahābāṇair vasunā sumahātmanā mahān sa pannagarathaḥ kṣaṇena vinipātitaḥ

Sanskrit only: no published translation is held for this verse.

हत्वा तु संयुगे तस्य रथं बाणशतैः शितैः गदां तस्य वधार्थाय वसुर् जग्राह पाणिना

hatvā tu saṃyuge tasya rathaṃ bāṇaśataiḥ śitaiḥ gadāṃ tasya vadhārthāya vasur jagrāha pāṇinā

Sanskrit only: no published translation is held for this verse.

तां प्रदीप्तां प्रगृह्याशु कालदण्डनिभां शुभाम् तस्य मूर्धनि सावित्रः सुमालेर् विनिपातयत्

tāṃ pradīptāṃ pragṛhyāśu kāladaṇḍanibhāṃ śubhām tasya mūrdhani sāvitraḥ sumāler vinipātayat

Sanskrit only: no published translation is held for this verse.

तस्य मूर्धनि सोल्काभा पतन्ती च तदा बभौ सहस्राक्षसमुत्सृष्टा गिराव् इव महाशनिः

tasya mūrdhani solkābhā patantī ca tadā babhau sahasrākṣasamutsṛṣṭā girāv iva mahāśaniḥ

Sanskrit only: no published translation is held for this verse.

तस्य नैवास्थि कायो वा न मांसं ददृशे तदा गदया भस्मसाद्भूतो रणे तस्मिन् निपातितः

tasya naivāsthi kāyo vā na māṃsaṃ dadṛśe tadā gadayā bhasmasādbhūto raṇe tasmin nipātitaḥ

Sanskrit only: no published translation is held for this verse.

तं दृष्ट्वा निहतं संख्ये राक्षसास् ते समन्ततः दुद्रुवुः सहिताः सर्वे क्रोशमाना महास्वनम्

taṃ dṛṣṭvā nihataṃ saṃkhye rākṣasās te samantataḥ dudruvuḥ sahitāḥ sarve krośamānā mahāsvanam

Sanskrit only: no published translation is held for this verse.