Vālmīki Rāmāyaṇa (critical edition) 7.38

ते प्रयाता महात्मानः पार्थिवाः सर्वतो दिशम् कम्पयन्तो महीं वीराः स्वपुराणि प्रहृष्टवत्

te prayātā mahātmānaḥ pārthivāḥ sarvato diśam kampayanto mahīṃ vīrāḥ svapurāṇi prahṛṣṭavat

Sanskrit only: no published translation is held for this verse.

अक्षौहिणी सहस्रैस् ते समवेतास् त्व् अनेकशः हृष्टाः प्रतिगताः सर्वे राघवार्थे समागताः

akṣauhiṇī sahasrais te samavetās tv anekaśaḥ hṛṣṭāḥ pratigatāḥ sarve rāghavārthe samāgatāḥ

Sanskrit only: no published translation is held for this verse.

ऊचुश् चैव महीपाला बलदर्पसमन्विताः न नाम रावणं युद्धे पश्यामः पुरतः स्थितम्

ūcuś caiva mahīpālā baladarpasamanvitāḥ na nāma rāvaṇaṃ yuddhe paśyāmaḥ purataḥ sthitam

Sanskrit only: no published translation is held for this verse.

भरतेन वयं पश्चात् समानीता निरर्थकम् हता हि राक्षसास् तत्र पार्थिवैः स्युर् न संशयः

bharatena vayaṃ paścāt samānītā nirarthakam hatā hi rākṣasās tatra pārthivaiḥ syur na saṃśayaḥ

Sanskrit only: no published translation is held for this verse.

रामस्य बाहुवीर्येण पालिता लक्ष्मणस्य च सुखं पारे समुद्रस्य युध्येम विगतज्वराः

rāmasya bāhuvīryeṇa pālitā lakṣmaṇasya ca sukhaṃ pāre samudrasya yudhyema vigatajvarāḥ

Sanskrit only: no published translation is held for this verse.

एताश् चान्याश् च राजानः कथास् तत्र सहस्रशः कथयन्तः स्वराष्ट्राणि विविशुस् ते महारथाः

etāś cānyāś ca rājānaḥ kathās tatra sahasraśaḥ kathayantaḥ svarāṣṭrāṇi viviśus te mahārathāḥ

Sanskrit only: no published translation is held for this verse.

यथापुराणि ते गत्वा रत्नानि विविधानि च रामाय प्रियकामार्थम् उपहारान् नृपा ददुः

yathāpurāṇi te gatvā ratnāni vividhāni ca rāmāya priyakāmārtham upahārān nṛpā daduḥ

Sanskrit only: no published translation is held for this verse.

अश्वान् रत्नानि वस्त्राणि हस्तिनश् च मदोत्कटान् चन्दनानि च दिव्यानि दिव्यान्य् आभरणानि च

aśvān ratnāni vastrāṇi hastinaś ca madotkaṭān candanāni ca divyāni divyāny ābharaṇāni ca

Sanskrit only: no published translation is held for this verse.

भरतो लक्ष्मणश् चैव शत्रुघ्नश् च महारथः आदाय तानि रत्नानि अयोध्याम् अगमन् पुनः

bharato lakṣmaṇaś caiva śatrughnaś ca mahārathaḥ ādāya tāni ratnāni ayodhyām agaman punaḥ

Sanskrit only: no published translation is held for this verse.

आगताश् च पुरीं रम्याम् अयोध्यां पुरुषर्षभाः ददुः सर्वाणि रत्नानि राघवाय महात्मने

āgatāś ca purīṃ ramyām ayodhyāṃ puruṣarṣabhāḥ daduḥ sarvāṇi ratnāni rāghavāya mahātmane

Sanskrit only: no published translation is held for this verse.

प्रतिगृह्य च तत् सर्वं प्रीतियुक्तः स राघवः सर्वाणि तानि प्रददौ सुग्रीवाय महात्मने

pratigṛhya ca tat sarvaṃ prītiyuktaḥ sa rāghavaḥ sarvāṇi tāni pradadau sugrīvāya mahātmane

Sanskrit only: no published translation is held for this verse.

विभीषणाय च ददौ ये चान्ये ऋक्षवानराः हनूमत्प्रमुखा वीरा राक्षसाश् च महाबलाः

vibhīṣaṇāya ca dadau ye cānye ṛkṣavānarāḥ hanūmatpramukhā vīrā rākṣasāś ca mahābalāḥ

Sanskrit only: no published translation is held for this verse.

ते सर्वे हृष्टमनसो रामदत्तानि तान्य् अथ शिरोभिर् धारयाम् आसुर् बाहुभिश् च महाबलाः

te sarve hṛṣṭamanaso rāmadattāni tāny atha śirobhir dhārayām āsur bāhubhiś ca mahābalāḥ

Sanskrit only: no published translation is held for this verse.

पपुश् चैव सुगन्धीनि मधूनि विविधानि च मांसानि च सुमृष्टानि फलान्य् आस्वादयन्ति च

papuś caiva sugandhīni madhūni vividhāni ca māṃsāni ca sumṛṣṭāni phalāny āsvādayanti ca

Sanskrit only: no published translation is held for this verse.

एवं तेषां निवसतां मासः साग्रो गतस् तदा मुहूर्तम् इव तत् सर्वं रामभक्त्या समर्थयन्

evaṃ teṣāṃ nivasatāṃ māsaḥ sāgro gatas tadā muhūrtam iva tat sarvaṃ rāmabhaktyā samarthayan

Sanskrit only: no published translation is held for this verse.

रेमे रामः स तैः सार्धं वानरैः कामरूपिभिः राजभिश् च महावीर्यै राक्षसैश् च महाबलैः

reme rāmaḥ sa taiḥ sārdhaṃ vānaraiḥ kāmarūpibhiḥ rājabhiś ca mahāvīryai rākṣasaiś ca mahābalaiḥ

Sanskrit only: no published translation is held for this verse.

एवं तेषां ययौ मासो द्वितीयः शैशिरः सुखम् वानराणां प्रहृष्टानां राक्षसानां च सर्वशः

evaṃ teṣāṃ yayau māso dvitīyaḥ śaiśiraḥ sukham vānarāṇāṃ prahṛṣṭānāṃ rākṣasānāṃ ca sarvaśaḥ

Sanskrit only: no published translation is held for this verse.