Vālmīki Rāmāyaṇa (critical edition) 7.50

तथा संचोदितः सूतो लक्ष्मणेन महात्मना तद् वाक्यम् ऋषिणा प्रोक्तं व्याहर्तुम् उपचक्रमे

tathā saṃcoditaḥ sūto lakṣmaṇena mahātmanā tad vākyam ṛṣiṇā proktaṃ vyāhartum upacakrame

Sanskrit only: no published translation is held for this verse.

पुरा नाम्ना हि दुर्वासा अत्रेः पुत्रो महामुनिः वसिष्ठस्याश्रमे पुण्ये स वार्षिक्यम् उवास ह

purā nāmnā hi durvāsā atreḥ putro mahāmuniḥ vasiṣṭhasyāśrame puṇye sa vārṣikyam uvāsa ha

Sanskrit only: no published translation is held for this verse.

तम् आश्रमं महातेजाः पिता ते सुमहायशाः पुरोधसं महात्मानं दिदृक्षुर् अगमत् स्वयम्

tam āśramaṃ mahātejāḥ pitā te sumahāyaśāḥ purodhasaṃ mahātmānaṃ didṛkṣur agamat svayam

Sanskrit only: no published translation is held for this verse.

स दृष्ट्वा सूर्यसंकाशं ज्वलन्तम् इव तेजसा उपविष्टं वसिष्ठस्य सव्ये पार्श्वे महामुनिम् तौ मुनी तापस श्रेष्ठौ विनीतस् त्व् अभ्यवादयत्

sa dṛṣṭvā sūryasaṃkāśaṃ jvalantam iva tejasā upaviṣṭaṃ vasiṣṭhasya savye pārśve mahāmunim tau munī tāpasa śreṣṭhau vinītas tv abhyavādayat

Sanskrit only: no published translation is held for this verse.

स ताभ्यां पूजितो राजा स्वागतेनासनेन च पाद्येन फलमूलैश् च सो ऽप्य् आस्ते मुनिभिः सह

sa tābhyāṃ pūjito rājā svāgatenāsanena ca pādyena phalamūlaiś ca so 'py āste munibhiḥ saha

Sanskrit only: no published translation is held for this verse.

तेषां तत्रोपविष्टानां तास् ताः सुमधुराः कथाः बभूवुः परमर्षीणां मध्यादित्यगते ऽहनि

teṣāṃ tatropaviṣṭānāṃ tās tāḥ sumadhurāḥ kathāḥ babhūvuḥ paramarṣīṇāṃ madhyādityagate 'hani

Sanskrit only: no published translation is held for this verse.

ततः कथायां कस्यां चित् प्राञ्जलिः प्रग्रहो नृपः उवाच तं महात्मानम् अत्रेः पुत्रं तपोधनम्

tataḥ kathāyāṃ kasyāṃ cit prāñjaliḥ pragraho nṛpaḥ uvāca taṃ mahātmānam atreḥ putraṃ tapodhanam

Sanskrit only: no published translation is held for this verse.

भगवन् किं प्रमाणेन मम वंशो भविष्यति किमायुश् च हि मे रामः पुत्राश् चान्ये किमायुषः

bhagavan kiṃ pramāṇena mama vaṃśo bhaviṣyati kimāyuś ca hi me rāmaḥ putrāś cānye kimāyuṣaḥ

Sanskrit only: no published translation is held for this verse.

रामस्य च सुता ये स्युस् तेषाम् आयुः कियद् भवेत् काम्यया भगवन् ब्रूहि वंशस्यास्य गतिं मम

rāmasya ca sutā ye syus teṣām āyuḥ kiyad bhavet kāmyayā bhagavan brūhi vaṃśasyāsya gatiṃ mama

Sanskrit only: no published translation is held for this verse.

तच् छ्रुत्वा व्याहृतं वाक्यं राज्ञो दशरथस्य तु दुर्वासाः सुमहातेजा व्याहर्तुम् उपचक्रमे

tac chrutvā vyāhṛtaṃ vākyaṃ rājño daśarathasya tu durvāsāḥ sumahātejā vyāhartum upacakrame

Sanskrit only: no published translation is held for this verse.

अयोध्यायाः पती रामो दीर्घकालं भविष्यति सुखिनश् च समृद्धाश् च भविष्यन्त्य् अस्य चानुजाः

ayodhyāyāḥ patī rāmo dīrghakālaṃ bhaviṣyati sukhinaś ca samṛddhāś ca bhaviṣyanty asya cānujāḥ

Sanskrit only: no published translation is held for this verse.

कस्मिंश् चित् करणे त्वां च मैथिलीं च यशस्विनीम् संत्यजिष्यति धर्मात्मा कालेन महता किल

kasmiṃś cit karaṇe tvāṃ ca maithilīṃ ca yaśasvinīm saṃtyajiṣyati dharmātmā kālena mahatā kila

Sanskrit only: no published translation is held for this verse.

दशवर्षसहस्रणि दशवर्षशतानि च रामो राज्यम् उपासित्वा ब्रह्मलोकं गमिष्यति

daśavarṣasahasraṇi daśavarṣaśatāni ca rāmo rājyam upāsitvā brahmalokaṃ gamiṣyati

Sanskrit only: no published translation is held for this verse.

समृद्धैर् हयमेधैश् च इष्ट्वा परपुरंजयः राजवंशांश् च काकुत्स्थो बहून् संस्थापयिष्यति

samṛddhair hayamedhaiś ca iṣṭvā parapuraṃjayaḥ rājavaṃśāṃś ca kākutstho bahūn saṃsthāpayiṣyati

Sanskrit only: no published translation is held for this verse.

स सर्वम् अखिलं राज्ञो वंशस्यास्य गतागतम् आख्याय सुमहातेजास् तूष्णीम् आसीन् महाद्युतिः

sa sarvam akhilaṃ rājño vaṃśasyāsya gatāgatam ākhyāya sumahātejās tūṣṇīm āsīn mahādyutiḥ

Sanskrit only: no published translation is held for this verse.

तूष्णींभूते मुनौ तस्मिन् राजा दशरथस् तदा अभिवाद्य महात्मानौ पुनर् आयात् पुरोत्तमम्

tūṣṇīṃbhūte munau tasmin rājā daśarathas tadā abhivādya mahātmānau punar āyāt purottamam

Sanskrit only: no published translation is held for this verse.

एतद् वचो मया तत्र मुनिना व्याहृतं पुरा श्रुतं हृदि च निक्षिप्तं नान्यथा तद् भविष्यति

etad vaco mayā tatra muninā vyāhṛtaṃ purā śrutaṃ hṛdi ca nikṣiptaṃ nānyathā tad bhaviṣyati

Sanskrit only: no published translation is held for this verse.

एवंगते न संतापं गन्तुम् अर्हसि राघव सीतार्थे राघवार्थे वा दृढो भव नरोत्तम

evaṃgate na saṃtāpaṃ gantum arhasi rāghava sītārthe rāghavārthe vā dṛḍho bhava narottama

Sanskrit only: no published translation is held for this verse.

तच् छ्रुत्वा व्याहृतं वाक्यं सूतस्य परमाद्भुतम् प्रहर्षम् अतुलं लेभे साधु साध्व् इति चाब्रवीत्

tac chrutvā vyāhṛtaṃ vākyaṃ sūtasya paramādbhutam praharṣam atulaṃ lebhe sādhu sādhv iti cābravīt

Sanskrit only: no published translation is held for this verse.

तयोः संवदतोर् एवं सूतलक्ष्मणयोः पथि अस्तम् अर्को गतो वासं गोमत्यां ताव् अथोषतुः

tayoḥ saṃvadator evaṃ sūtalakṣmaṇayoḥ pathi astam arko gato vāsaṃ gomatyāṃ tāv athoṣatuḥ

Sanskrit only: no published translation is held for this verse.