Vālmīki Rāmāyaṇa (critical edition) 7.58

याम् एव रात्रिं शत्रुघ्न पर्णशालां समाविशत् ताम् एव रात्रिं सीतापि प्रसूता दारकद्वयम्

yām eva rātriṃ śatrughna parṇaśālāṃ samāviśat tām eva rātriṃ sītāpi prasūtā dārakadvayam

Sanskrit only: no published translation is held for this verse.

ततो ऽर्धरात्रसमये बालका मुनिदारकाः वाल्मीकेः प्रियम् आचख्युः सीतायाः प्रसवं शुभम् तस्य रक्षां महातेजः कुरु भूतविनाशिनीम्

tato 'rdharātrasamaye bālakā munidārakāḥ vālmīkeḥ priyam ācakhyuḥ sītāyāḥ prasavaṃ śubham tasya rakṣāṃ mahātejaḥ kuru bhūtavināśinīm

Sanskrit only: no published translation is held for this verse.

तेषां तद् वचनं श्रुत्वा मुनिर् हर्षम् उपागमत् भूतघ्नीं चाकरोत् ताभ्या रक्षां रक्षोविनाशिनीम्

teṣāṃ tad vacanaṃ śrutvā munir harṣam upāgamat bhūtaghnīṃ cākarot tābhyā rakṣāṃ rakṣovināśinīm

Sanskrit only: no published translation is held for this verse.

कुशमुष्टिम् उपादाय लवं चैव तु स द्विजः वाल्मीकिः प्रददौ ताभ्यां रक्षां भूतविनाशिनीम्

kuśamuṣṭim upādāya lavaṃ caiva tu sa dvijaḥ vālmīkiḥ pradadau tābhyāṃ rakṣāṃ bhūtavināśinīm

Sanskrit only: no published translation is held for this verse.

यस् तयोः पूर्वजो जातः स कुशैर् मन्त्रसंस्कृतैः निर्मार्जनीयस् तु भवेत् कुश इत्य् अस्य नामतः

yas tayoḥ pūrvajo jātaḥ sa kuśair mantrasaṃskṛtaiḥ nirmārjanīyas tu bhavet kuśa ity asya nāmataḥ

Sanskrit only: no published translation is held for this verse.

यश् चापरो भवेत् ताभ्यां लवेन सुसमाहितः निर्मार्जनीयो वृद्धाभिर् लवश् चेति स नामतः

yaś cāparo bhavet tābhyāṃ lavena susamāhitaḥ nirmārjanīyo vṛddhābhir lavaś ceti sa nāmataḥ

Sanskrit only: no published translation is held for this verse.

एवं कुशलवौ नाम्ना ताव् उभौ यमजातकौ मत्कृतभ्यां च नमाभ्यां ख्यातियुक्तौ भविष्यतः

evaṃ kuśalavau nāmnā tāv ubhau yamajātakau matkṛtabhyāṃ ca namābhyāṃ khyātiyuktau bhaviṣyataḥ

Sanskrit only: no published translation is held for this verse.

ते रक्षां जगृहुस् तां च मुनिहस्तात् समाहिताः अकुर्वंश् च ततो रक्षां तयोर् विगतकल्मषाः

te rakṣāṃ jagṛhus tāṃ ca munihastāt samāhitāḥ akurvaṃś ca tato rakṣāṃ tayor vigatakalmaṣāḥ

Sanskrit only: no published translation is held for this verse.

तथा तां क्रियमाणां तु रक्षां गोत्रं च नाम च संकीर्तनं च रामस्य सीतायाः प्रसवौ शुभौ

tathā tāṃ kriyamāṇāṃ tu rakṣāṃ gotraṃ ca nāma ca saṃkīrtanaṃ ca rāmasya sītāyāḥ prasavau śubhau

Sanskrit only: no published translation is held for this verse.

अर्धरात्रे तु शत्रुघ्नः शुश्राव सुमहत् प्रियम् पर्णशालां गतो रात्रौ दिष्ट्या दिष्ट्येति चाब्रवीत्

ardharātre tu śatrughnaḥ śuśrāva sumahat priyam parṇaśālāṃ gato rātrau diṣṭyā diṣṭyeti cābravīt

Sanskrit only: no published translation is held for this verse.

तथ तस्य प्रहृष्टस्य शत्रुघ्नस्य महात्मनः व्यतीता वार्षिकी रात्रिः श्रावणी लघुविक्रमा

tatha tasya prahṛṣṭasya śatrughnasya mahātmanaḥ vyatītā vārṣikī rātriḥ śrāvaṇī laghuvikramā

Sanskrit only: no published translation is held for this verse.

प्रभाते तु महावीर्यः कृत्वा पौर्वाह्णिकं क्रमम् मुनिं प्राञ्जलिर् आमन्त्र्य प्रायात् पश्चान्मुखः पुनः

prabhāte tu mahāvīryaḥ kṛtvā paurvāhṇikaṃ kramam muniṃ prāñjalir āmantrya prāyāt paścānmukhaḥ punaḥ

Sanskrit only: no published translation is held for this verse.

स गत्वा यमुनातीरं सप्तरात्रोषितः पथि ऋषीणां पुण्यकीर्तीनाम् आश्रमे वासम् अभ्ययात्

sa gatvā yamunātīraṃ saptarātroṣitaḥ pathi ṛṣīṇāṃ puṇyakīrtīnām āśrame vāsam abhyayāt

Sanskrit only: no published translation is held for this verse.

स तत्र मुनिभिः सार्धं भार्गवप्रमुखैर् नृपः कथाभिर् बहुरूपाभिर् वासं चक्रे महायशाः

sa tatra munibhiḥ sārdhaṃ bhārgavapramukhair nṛpaḥ kathābhir bahurūpābhir vāsaṃ cakre mahāyaśāḥ

Sanskrit only: no published translation is held for this verse.