Vālmīki Rāmāyaṇa (critical edition) 7.62

हते तु लवणे देवाः सेन्द्राः साग्निपुरोगमाः ऊचुः सुमधुरां वाणीं शत्रुघ्नां शत्रुतापनम्

hate tu lavaṇe devāḥ sendrāḥ sāgnipurogamāḥ ūcuḥ sumadhurāṃ vāṇīṃ śatrughnāṃ śatrutāpanam

Sanskrit only: no published translation is held for this verse.

दिष्ट्या ते विजयो वत्स दिष्ट्य लवणराक्षसः हतः पुरुषशार्दूलवरं वरय राघव

diṣṭyā te vijayo vatsa diṣṭya lavaṇarākṣasaḥ hataḥ puruṣaśārdūlavaraṃ varaya rāghava

Sanskrit only: no published translation is held for this verse.

वरदाः स्म महाबाहो सर्व एव समागताः विजयाकाङ्क्षिणस् तुभ्यम् अमोघं दर्शनं हि नः

varadāḥ sma mahābāho sarva eva samāgatāḥ vijayākāṅkṣiṇas tubhyam amoghaṃ darśanaṃ hi naḥ

Sanskrit only: no published translation is held for this verse.

देवानां भाषितं श्रुत्वा शूरो मूर्ध्नि कृताञ्जलिः प्रत्युवाच महाबाहुः शत्रुघ्नः प्रयतात्मवान्

devānāṃ bhāṣitaṃ śrutvā śūro mūrdhni kṛtāñjaliḥ pratyuvāca mahābāhuḥ śatrughnaḥ prayatātmavān

Sanskrit only: no published translation is held for this verse.

इमां मधुपुरीं रम्यां मधुरां देव निर्मिताम् निवेशं प्रप्नुयां शीघ्रम् एष मे ऽस्तु वरो मतः

imāṃ madhupurīṃ ramyāṃ madhurāṃ deva nirmitām niveśaṃ prapnuyāṃ śīghram eṣa me 'stu varo mataḥ

Sanskrit only: no published translation is held for this verse.

तं देवाः प्रीतमनसो बाढम् इत्य् एव राघवम् भविष्यति पुरी रम्या शूरसेना न संशयः

taṃ devāḥ prītamanaso bāḍham ity eva rāghavam bhaviṣyati purī ramyā śūrasenā na saṃśayaḥ

Sanskrit only: no published translation is held for this verse.

ते तथोक्त्वा महात्मानो दिवम् आरुरुहुस् तदा शत्रुघ्नो ऽपि महातेजास् तां सेनां समुपानयत्

te tathoktvā mahātmāno divam āruruhus tadā śatrughno 'pi mahātejās tāṃ senāṃ samupānayat

Sanskrit only: no published translation is held for this verse.

सा सेन शीघ्रम् आगच्छच् छ्रुत्वा शत्रुघ्नशासनम् निवेशनं च शत्रुघ्नः शासनेन समारभत्

sā sena śīghram āgacchac chrutvā śatrughnaśāsanam niveśanaṃ ca śatrughnaḥ śāsanena samārabhat

Sanskrit only: no published translation is held for this verse.

सा पुरी दिव्यसंकाशा वर्षे द्वादशमे शुभा निविष्टा शूरसेनानां विषयश् चाकुतोभयः

sā purī divyasaṃkāśā varṣe dvādaśame śubhā niviṣṭā śūrasenānāṃ viṣayaś cākutobhayaḥ

Sanskrit only: no published translation is held for this verse.

क्षेत्राणि सस्य युक्तानि काले वर्षति वासवः अरोगा वीरपुरुषा शत्रुघ्नभुजपालिता

kṣetrāṇi sasya yuktāni kāle varṣati vāsavaḥ arogā vīrapuruṣā śatrughnabhujapālitā

Sanskrit only: no published translation is held for this verse.

अर्धचन्द्रप्रतीकाशा यमुनातीरशोभिता शोभिता गृहमुख्यैश् च शोभिता चत्वरापणैः

ardhacandrapratīkāśā yamunātīraśobhitā śobhitā gṛhamukhyaiś ca śobhitā catvarāpaṇaiḥ

Sanskrit only: no published translation is held for this verse.

यच् च तेन महच् छून्यं लवणेन कृतं पुरा शोभयाम् आस तद् वीरो नानापण्यसमृद्धिभिः

yac ca tena mahac chūnyaṃ lavaṇena kṛtaṃ purā śobhayām āsa tad vīro nānāpaṇyasamṛddhibhiḥ

Sanskrit only: no published translation is held for this verse.

तां समृद्धां समृद्धार्थः शत्रुघ्नो भरतानुजः निरीक्ष्य परमप्रीतः परं हर्षम् उपागमत्

tāṃ samṛddhāṃ samṛddhārthaḥ śatrughno bharatānujaḥ nirīkṣya paramaprītaḥ paraṃ harṣam upāgamat

Sanskrit only: no published translation is held for this verse.

तस्य बुद्धिः समुत्पन्ना निवेश्य मधुरां पुरीम् रामपादौ निरीक्षेयं वर्षे द्वादशमे शुभे

tasya buddhiḥ samutpannā niveśya madhurāṃ purīm rāmapādau nirīkṣeyaṃ varṣe dvādaśame śubhe

Sanskrit only: no published translation is held for this verse.