Vālmīki Rāmāyaṇa (critical edition) 7.63

ततो द्वादशमे वर्षे शत्रुघ्नो रामपालिताम् अयोध्यां चकमे गन्तुम् अल्पभृत्यबलानुगः

tato dvādaśame varṣe śatrughno rāmapālitām ayodhyāṃ cakame gantum alpabhṛtyabalānugaḥ

Sanskrit only: no published translation is held for this verse.

मन्त्रिणो बलमुख्यांश् च निवर्त्य च पुरोधसं जगाम रथमुख्येन हययुक्तेन भास्वता

mantriṇo balamukhyāṃś ca nivartya ca purodhasaṃ jagāma rathamukhyena hayayuktena bhāsvatā

Sanskrit only: no published translation is held for this verse.

स गत्वा गणितान् वासान् सप्ताष्टौ रघुनन्दनः अयोध्याम् अगमत् तूर्णं राघवोत्सुकदर्शनः

sa gatvā gaṇitān vāsān saptāṣṭau raghunandanaḥ ayodhyām agamat tūrṇaṃ rāghavotsukadarśanaḥ

Sanskrit only: no published translation is held for this verse.

स प्रविश्य पुरीं रम्यां श्रीमान् इक्ष्वाकुनन्दनः प्रविवेश महाबाहुर् यत्र रामो महाद्युतिः

sa praviśya purīṃ ramyāṃ śrīmān ikṣvākunandanaḥ praviveśa mahābāhur yatra rāmo mahādyutiḥ

Sanskrit only: no published translation is held for this verse.

सो ऽभिवाद्य महात्मानं ज्वलन्तम् इव तेजसा उवाच प्राञ्जलिर् भूत्वा रामं सत्यपराक्रमम्

so 'bhivādya mahātmānaṃ jvalantam iva tejasā uvāca prāñjalir bhūtvā rāmaṃ satyaparākramam

Sanskrit only: no published translation is held for this verse.

यद् आज्ञप्तं महाराज सर्वं तत् कृतवान् अहम् हतः स लवणः पापः पुरी सा च निवेशिता

yad ājñaptaṃ mahārāja sarvaṃ tat kṛtavān aham hataḥ sa lavaṇaḥ pāpaḥ purī sā ca niveśitā

Sanskrit only: no published translation is held for this verse.

द्वादशं च गतं वर्षं त्वां विना रघुनन्दन नोत्सहेयम् अहं वस्तुं त्वया विरहितो नृप

dvādaśaṃ ca gataṃ varṣaṃ tvāṃ vinā raghunandana notsaheyam ahaṃ vastuṃ tvayā virahito nṛpa

Sanskrit only: no published translation is held for this verse.

स मे प्रसादं काकुत्स्थ कुरुष्वामितविक्रम मातृहीनो यथा वत्सस् त्वां विना प्रवसाम्य् अहम्

sa me prasādaṃ kākutstha kuruṣvāmitavikrama mātṛhīno yathā vatsas tvāṃ vinā pravasāmy aham

Sanskrit only: no published translation is held for this verse.

एवं ब्रुवाणं शत्रुघ्नं परिष्वज्येदम् अब्रवीत् मा विषादं कृथा वीर नैतत् क्षत्रिय चेष्टितम्

evaṃ bruvāṇaṃ śatrughnaṃ pariṣvajyedam abravīt mā viṣādaṃ kṛthā vīra naitat kṣatriya ceṣṭitam

Sanskrit only: no published translation is held for this verse.

नावसीदन्ति राजानो विप्रवासेषु राघव प्रजाश् च परिपाल्या हि क्षत्रधर्मेण राघव

nāvasīdanti rājāno vipravāseṣu rāghava prajāś ca paripālyā hi kṣatradharmeṇa rāghava

Sanskrit only: no published translation is held for this verse.

काले काले च मां वीर अयोध्याम् अवलोकितुम् आगच्छ त्वं नरश्रेष्ठ गन्तासि च पुरं तव

kāle kāle ca māṃ vīra ayodhyām avalokitum āgaccha tvaṃ naraśreṣṭha gantāsi ca puraṃ tava

Sanskrit only: no published translation is held for this verse.

ममापि त्वं सुदयितः प्राणैर् अपि न संशयः अवश्यं करणीयं च राज्यस्य परिपालनम्

mamāpi tvaṃ sudayitaḥ prāṇair api na saṃśayaḥ avaśyaṃ karaṇīyaṃ ca rājyasya paripālanam

Sanskrit only: no published translation is held for this verse.

तस्मात् त्वं वस काकुत्स्थ पञ्चरात्रं मया सह ऊर्ध्वं गन्तासि मधुरां सभृत्यबलवाहनः

tasmāt tvaṃ vasa kākutstha pañcarātraṃ mayā saha ūrdhvaṃ gantāsi madhurāṃ sabhṛtyabalavāhanaḥ

Sanskrit only: no published translation is held for this verse.

रामस्यैतद् वचः श्रुत्वा धर्मयुक्तं मनोऽनुगम् शत्रुघ्नो दीनया वाचा बाढम् इत्य् एव चाब्रवीत्

rāmasyaitad vacaḥ śrutvā dharmayuktaṃ mano'nugam śatrughno dīnayā vācā bāḍham ity eva cābravīt

Sanskrit only: no published translation is held for this verse.

स पञ्चरात्रं काकुत्स्थो राघवस्य यथाज्ञया उष्य तत्र महेष्वासो गमनायोपचक्रमे

sa pañcarātraṃ kākutstho rāghavasya yathājñayā uṣya tatra maheṣvāso gamanāyopacakrame

Sanskrit only: no published translation is held for this verse.

आमन्त्र्य तु महात्मानं रामं सत्यपराक्रमम् भरतं लक्ष्मणं चैव महारथम् उपारुहत्

āmantrya tu mahātmānaṃ rāmaṃ satyaparākramam bharataṃ lakṣmaṇaṃ caiva mahāratham upāruhat

Sanskrit only: no published translation is held for this verse.

दूरं ताभ्याम् अनुगतो लक्ष्मणेन महात्मना भरतेन च शत्रुघ्नो जगामाशु पुरीं तदा

dūraṃ tābhyām anugato lakṣmaṇena mahātmanā bharatena ca śatrughno jagāmāśu purīṃ tadā

Sanskrit only: no published translation is held for this verse.