Vālmīki Rāmāyaṇa (critical edition) 7.75

तथोक्तवति रामे तु भरते च महात्मनि लक्ष्मणो ऽपि शुभं वाक्यम् उवाच रघुनन्दनम्

tathoktavati rāme tu bharate ca mahātmani lakṣmaṇo 'pi śubhaṃ vākyam uvāca raghunandanam

Sanskrit only: no published translation is held for this verse.

अश्वमेधो महायज्ञः पावनः सर्वपाप्मनाम् पावनस् तव दुर्धर्षो रोचतां क्रतुपुंगवः

aśvamedho mahāyajñaḥ pāvanaḥ sarvapāpmanām pāvanas tava durdharṣo rocatāṃ kratupuṃgavaḥ

Sanskrit only: no published translation is held for this verse.

श्रूयते हि पुरावृत्तं वासवे सुमहात्मनि ब्रह्महत्यावृतः शक्रो हयमेधेन पावितः

śrūyate hi purāvṛttaṃ vāsave sumahātmani brahmahatyāvṛtaḥ śakro hayamedhena pāvitaḥ

Sanskrit only: no published translation is held for this verse.

पुरा किल महाबाहो देवासुरसमागमे वृत्रो नाम महान् आसीद् दैतेयो लोकसंमतः

purā kila mahābāho devāsurasamāgame vṛtro nāma mahān āsīd daiteyo lokasaṃmataḥ

Sanskrit only: no published translation is held for this verse.

विस्तीर्णा योजनशतम् उच्छ्रितस् त्रिगुणं ततः अनुरागेण लोकांस् त्रीन् स्नेहात् पश्यति सर्वतः

vistīrṇā yojanaśatam ucchritas triguṇaṃ tataḥ anurāgeṇa lokāṃs trīn snehāt paśyati sarvataḥ

Sanskrit only: no published translation is held for this verse.

धर्मज्ञश् च कृतज्ञश् च बुद्ध्या च परिनिष्ठितः शशास पृथिवीं सर्वां धर्मेण सुसमाहितः

dharmajñaś ca kṛtajñaś ca buddhyā ca pariniṣṭhitaḥ śaśāsa pṛthivīṃ sarvāṃ dharmeṇa susamāhitaḥ

Sanskrit only: no published translation is held for this verse.

तस्मिन् प्रशासति तदा सर्वकामदुघा मही रसवन्ति प्रसूतानि मूलानि च फलानि च

tasmin praśāsati tadā sarvakāmadughā mahī rasavanti prasūtāni mūlāni ca phalāni ca

Sanskrit only: no published translation is held for this verse.

अकृष्टपच्या पृथिवी सुसंपन्ना महात्मनः स राज्यं तादृशं भुङ्क्ते स्फीतम् अद्भुतदर्शनम्

akṛṣṭapacyā pṛthivī susaṃpannā mahātmanaḥ sa rājyaṃ tādṛśaṃ bhuṅkte sphītam adbhutadarśanam

Sanskrit only: no published translation is held for this verse.

तस्य बुद्धिः समुत्पन्ना तपः कुर्याम् अनुत्तमम् तपो हि परमं श्रेयस् तपो हि परमं सुखम्

tasya buddhiḥ samutpannā tapaḥ kuryām anuttamam tapo hi paramaṃ śreyas tapo hi paramaṃ sukham

Sanskrit only: no published translation is held for this verse.

स निक्षिप्य सुतं ज्येष्ठं पौरेषु परमेश्वरम् तप उग्रम् उपातिष्ठत् तापयन् सर्वदेवताः

sa nikṣipya sutaṃ jyeṣṭhaṃ paureṣu parameśvaram tapa ugram upātiṣṭhat tāpayan sarvadevatāḥ

Sanskrit only: no published translation is held for this verse.

तपस् तप्यति वृत्रे तु वासवः परमार्तवत् विष्णुं समुपसंक्रम्य वाक्यम् एतद् उवाच ह

tapas tapyati vṛtre tu vāsavaḥ paramārtavat viṣṇuṃ samupasaṃkramya vākyam etad uvāca ha

Sanskrit only: no published translation is held for this verse.

तपस्यता महाबाहो लोका वृत्रेण निर्जिताः बलवान् स हि धर्मात्मा नैनं शक्ष्यामि बाधितुम्

tapasyatā mahābāho lokā vṛtreṇa nirjitāḥ balavān sa hi dharmātmā nainaṃ śakṣyāmi bādhitum

Sanskrit only: no published translation is held for this verse.

यद्य् असौ तप आतिष्ठेद् भूय एव सुरेश्वर यावल् लोका धरिष्यन्ति तावद् अस्य वशानुगाः

yady asau tapa ātiṣṭhed bhūya eva sureśvara yāval lokā dhariṣyanti tāvad asya vaśānugāḥ

Sanskrit only: no published translation is held for this verse.

त्वं चैनं परमोदारम् उपेक्षसि महाबल क्षणं हि न भवेद् वृत्रः क्रुद्धे त्वयि सुरेश्वर

tvaṃ cainaṃ paramodāram upekṣasi mahābala kṣaṇaṃ hi na bhaved vṛtraḥ kruddhe tvayi sureśvara

Sanskrit only: no published translation is held for this verse.

यदा हि प्रीतिसंयोगं त्वया विष्णो समागतः तदा प्रभृति लोकानां नाथत्वम् उपलब्धवान्

yadā hi prītisaṃyogaṃ tvayā viṣṇo samāgataḥ tadā prabhṛti lokānāṃ nāthatvam upalabdhavān

Sanskrit only: no published translation is held for this verse.

स त्वं प्रसादं लोकानां कुरुष्व सुमहायशः त्वत्कृतेन हि सर्वं स्यात् प्रशान्तम् अजरं जगत्

sa tvaṃ prasādaṃ lokānāṃ kuruṣva sumahāyaśaḥ tvatkṛtena hi sarvaṃ syāt praśāntam ajaraṃ jagat

Sanskrit only: no published translation is held for this verse.

इमे हि सर्वे विष्णो त्वां निरीक्षन्ते दिवौकसः वृत्रघतेन महता एषां साह्यं कुरुष्व ह

ime hi sarve viṣṇo tvāṃ nirīkṣante divaukasaḥ vṛtraghatena mahatā eṣāṃ sāhyaṃ kuruṣva ha

Sanskrit only: no published translation is held for this verse.

त्वया हि नित्यशः साह्यं कृतम् एषां महात्मनाम् असह्यम् इदम् अन्येषाम् अगतीनां गतिर् भवान्

tvayā hi nityaśaḥ sāhyaṃ kṛtam eṣāṃ mahātmanām asahyam idam anyeṣām agatīnāṃ gatir bhavān

Sanskrit only: no published translation is held for this verse.