क्रुद्धम् आज्ञाय रामं तु वसिष्ठः प्रत्युवाच ह । जाबालिर् अपि जानीते लोकस्यास्य गतागतिम् । निवर्तयितुकामस् तु त्वाम् एतद् वाक्यम् अब्रवीत् ॥ रम्स् २,१०२।१ ॥* इमां लोकसमुत्पत्तिं लोकनाथ निबोध मे । सर्वं सलिलम् एवासीत् पृथिवी यत्र निर्मिता । ततः समभवद् ब्रह्मा स्वयम्भूर् दैवतैः सह ॥ रम्स् २,१०२।२ ॥* स वराहस् ततो भूत्वा प्रोज्जहार वसुंधराम् । असृजच् च जगत् सर्वं सह पुत्रैः कृतात्मभिः
kruddham ājñāya rāmaṃ tu vasiṣṭhaḥ pratyuvāca ha / jābālir api jānīte lokasyāsya gatāgatim / nivartayitukāmas tu tvām etad vākyam abravīt // RamS 2,102.1 //* imāṃ lokasamutpattiṃ lokanātha nibodha me / sarvaṃ salilam evāsīt pṛthivī yatra nirmitā / tataḥ samabhavad brahmā svayambhūr daivataiḥ saha // RamS 2,102.2 //* sa varāhas tato bhūtvā projjahāra vasuṃdharām / asṛjac ca jagat sarvaṃ saha putraiḥ kṛtātmabhiḥ
Sanskrit only: no published translation is held for this verse.
आकाशप्रभवो ब्रह्मा शाश्वतो नित्य अव्ययः । तस्मान् मरीचिः संजज्ञे मरीचेः कश्यपः सुतः
ākāśaprabhavo brahmā śāśvato nitya avyayaḥ / tasmān marīciḥ saṃjajñe marīceḥ kaśyapaḥ sutaḥ
Sanskrit only: no published translation is held for this verse.
विवस्वान् कश्यपाज् जज्ञे मनुर् वैवस्वतः स्मृतः । स तु प्रजापतिः पूर्वम् इक्ष्वाकुस् तु मनोः सुतः
vivasvān kaśyapāj jajñe manur vaivasvataḥ smṛtaḥ / sa tu prajāpatiḥ pūrvam ikṣvākus tu manoḥ sutaḥ
Sanskrit only: no published translation is held for this verse.
यस्येयं प्रथमं दत्ता समृद्धा मनुना मही । तम् इक्ष्वाकुम् अयोध्यायां राजानं विद्धि पूर्वकम्
yasyeyaṃ prathamaṃ dattā samṛddhā manunā mahī / tam ikṣvākum ayodhyāyāṃ rājānaṃ viddhi pūrvakam
Sanskrit only: no published translation is held for this verse.
इक्ष्वाकोस् तु सुतः श्रीमान् कुक्षिर् एवेति विश्रुतः । कुक्षेर् अथात्मजो वीरो विकुक्षिर् उदपद्यत
ikṣvākos tu sutaḥ śrīmān kukṣir eveti viśrutaḥ / kukṣer athātmajo vīro vikukṣir udapadyata
Sanskrit only: no published translation is held for this verse.
विकुक्षेस् तु महातेजा बाणः पुत्रः प्रतापवान् । बाणस्य तु महाबाहुर् अनरण्यो महायशाः
vikukṣes tu mahātejā bāṇaḥ putraḥ pratāpavān / bāṇasya tu mahābāhur anaraṇyo mahāyaśāḥ
Sanskrit only: no published translation is held for this verse.
नानावृष्टिर् बभूवास्मिन् न दुर्भिक्षं सतां वरे । अनरण्ये महाराजे तस्करो वापि कश्चन
nānāvṛṣṭir babhūvāsmin na durbhikṣaṃ satāṃ vare / anaraṇye mahārāje taskaro vāpi kaścana
Sanskrit only: no published translation is held for this verse.
अनरण्यान् महाबाहुः पृथू राजा बभूव ह । तस्मात् पृथोर् महाराजस् त्रिशङ्कुर् उदपद्यत । स सत्यवचनाद् वीरः सशरीरो दिवं गतः ॥ रम्स् २,१०२।१० ॥* त्रिशङ्कोर् अभवत् सूनुर् धुन्धुमारो महायशाः । धुन्धुमारान् महातेजा युवनाश्वो व्यजायत
anaraṇyān mahābāhuḥ pṛthū rājā babhūva ha / tasmāt pṛthor mahārājas triśaṅkur udapadyata / sa satyavacanād vīraḥ saśarīro divaṃ gataḥ // RamS 2,102.10 //* triśaṅkor abhavat sūnur dhundhumāro mahāyaśāḥ / dhundhumārān mahātejā yuvanāśvo vyajāyata
Sanskrit only: no published translation is held for this verse.
युवनाश्वसुतः श्रीमान् मान्धाता समपद्यत । मान्धातुस् तु महातेजाः सुसंधिर् उदपद्यत
yuvanāśvasutaḥ śrīmān māndhātā samapadyata / māndhātus tu mahātejāḥ susaṃdhir udapadyata
Sanskrit only: no published translation is held for this verse.
सुसंधेर् अपि पुत्रौ द्वौ ध्रुवसंधिः प्रसेनजित् । यशस्वी ध्रुवसंधेस् तु भरतो रिपुसूदनः
susaṃdher api putrau dvau dhruvasaṃdhiḥ prasenajit / yaśasvī dhruvasaṃdhes tu bharato ripusūdanaḥ
Sanskrit only: no published translation is held for this verse.
भरतात् तु महाबाहोर् असितो नाम जायत । यस्यैते प्रतिराजान उदपद्यन्त शत्रवः । हैहयास् तालजङ्घाश् च शूराश् च शशबिन्दवः ॥ रम्स् २,१०२।१४ ॥* तांस् तु सर्वान् प्रतिव्यूह्य युद्धे राजा प्रवासितः । स च शैलवरे रम्ये बभूवाभिरतो मुनिः । द्वे चास्य भार्ये गर्भिण्यौ बभूवतुर् इति श्रुतिः ॥ रम्स् २,१०२।१५ ॥* भार्गवश् च्यवनो नाम हिमवन्तम् उपाश्रितः । तम् ऋषिं समुपागम्य कालिन्दी त्व् अभ्यवादयत्
bharatāt tu mahābāhor asito nāma jāyata / yasyaite pratirājāna udapadyanta śatravaḥ / haihayās tālajaṅghāś ca śūrāś ca śaśabindavaḥ // RamS 2,102.14 //* tāṃs tu sarvān prativyūhya yuddhe rājā pravāsitaḥ / sa ca śailavare ramye babhūvābhirato muniḥ / dve cāsya bhārye garbhiṇyau babhūvatur iti śrutiḥ // RamS 2,102.15 //* bhārgavaś cyavano nāma himavantam upāśritaḥ / tam ṛṣiṃ samupāgamya kālindī tv abhyavādayat
Sanskrit only: no published translation is held for this verse.
स ताम् अभ्यवदद् विप्रो वरेप्सुं पुत्रजन्मनि । ततः सा गृहम् आगम्य देवी पुत्रं व्यजायत
sa tām abhyavadad vipro varepsuṃ putrajanmani / tataḥ sā gṛham āgamya devī putraṃ vyajāyata
Sanskrit only: no published translation is held for this verse.
सपत्न्या तु गरस् तस्यै दत्तो गर्भजिघांसया । गरेण सह तेनैव जातः स सगरो ऽभवत्
sapatnyā tu garas tasyai datto garbhajighāṃsayā / gareṇa saha tenaiva jātaḥ sa sagaro 'bhavat
Sanskrit only: no published translation is held for this verse.
स राजा सगरो नाम यः समुद्रम् अखानयत् । इष्ट्वा पर्वणि वेगेन त्रासयन्तम् इमाः प्रजाः
sa rājā sagaro nāma yaḥ samudram akhānayat / iṣṭvā parvaṇi vegena trāsayantam imāḥ prajāḥ
Sanskrit only: no published translation is held for this verse.
असमञ्जस् तु पुत्रो ऽभूत् सगरस्येति नः श्रुतम् । जीवन्न् एव स पित्रा तु निरस्तः पापकर्मकृत्
asamañjas tu putro 'bhūt sagarasyeti naḥ śrutam / jīvann eva sa pitrā tu nirastaḥ pāpakarmakṛt
Sanskrit only: no published translation is held for this verse.
अंशुमान् इति पुत्रो ऽभूद् असमञ्जस्य वीर्यवान् । दिलीपो ऽंशुमतः पुत्रो दिलीपस्य भगीरथः
aṃśumān iti putro 'bhūd asamañjasya vīryavān / dilīpo 'ṃśumataḥ putro dilīpasya bhagīrathaḥ
Sanskrit only: no published translation is held for this verse.
भगीरथात् ककुत्स्थस् तु काकुत्स्था येन तु स्मृताः । ककुत्स्थस्य तु पुत्रो ऽभूद् रघुर् येन तु राघवः
bhagīrathāt kakutsthas tu kākutsthā yena tu smṛtāḥ / kakutsthasya tu putro 'bhūd raghur yena tu rāghavaḥ
Sanskrit only: no published translation is held for this verse.
रघोस् तु पुत्रस् तेजस्वी प्रवृद्धः पुरुषादकः । कल्माषपादः सौदास इत्य् एवं प्रथितो भुवि
raghos tu putras tejasvī pravṛddhaḥ puruṣādakaḥ / kalmāṣapādaḥ saudāsa ity evaṃ prathito bhuvi
Sanskrit only: no published translation is held for this verse.
कल्माषपादपुत्रो ऽभूच् छङ्खणस् त्व् इति विश्रुतः । यस् तु तद् वीर्यम् आसाद्य सहसेनो व्यनीनशत्
kalmāṣapādaputro 'bhūc chaṅkhaṇas tv iti viśrutaḥ / yas tu tad vīryam āsādya sahaseno vyanīnaśat
Sanskrit only: no published translation is held for this verse.
शङ्खणस्य तु पुत्रो ऽभूच् छूरः श्रीमान् सुदर्शनः । सुदर्शनस्याग्निवर्ण अग्निवर्णस्य शीघ्रगः
śaṅkhaṇasya tu putro 'bhūc chūraḥ śrīmān sudarśanaḥ / sudarśanasyāgnivarṇa agnivarṇasya śīghragaḥ
Sanskrit only: no published translation is held for this verse.
शीघ्रगस्य मरुः पुत्रो मरोः पुत्रः प्रशुश्रुकः । प्रशुश्रुकस्य पुत्रो ऽभूद् अम्बरीषो महाद्युतिः
śīghragasya maruḥ putro maroḥ putraḥ praśuśrukaḥ / praśuśrukasya putro 'bhūd ambarīṣo mahādyutiḥ
Sanskrit only: no published translation is held for this verse.
अम्बरीषस्य पुत्रो ऽभून् नहुषः सत्यविक्रमः । नहुषस्य च नाभागः पुत्रः परमधार्मिकः
ambarīṣasya putro 'bhūn nahuṣaḥ satyavikramaḥ / nahuṣasya ca nābhāgaḥ putraḥ paramadhārmikaḥ
Sanskrit only: no published translation is held for this verse.
अजश् च सुव्रतश् चैव नाभागस्य सुताव् उभौ । अजस्य चैव धर्मात्मा राजा दशरथः सुतः
ajaś ca suvrataś caiva nābhāgasya sutāv ubhau / ajasya caiva dharmātmā rājā daśarathaḥ sutaḥ
Sanskrit only: no published translation is held for this verse.
तस्य ज्येष्ठो ऽसि दायादो राम इत्य् अभिविश्रुतः । तद् गृहाण स्वकं राज्यम् अवेक्षस्व जगन् नृप
tasya jyeṣṭho 'si dāyādo rāma ity abhiviśrutaḥ / tad gṛhāṇa svakaṃ rājyam avekṣasva jagan nṛpa
Sanskrit only: no published translation is held for this verse.
इक्ष्वाकूणां हि सर्वेषां राजा भवति पूर्वजः । पूर्वजेनावरः पुत्रो ज्येष्ठो राज्ये ऽभिषिच्यते
ikṣvākūṇāṃ hi sarveṣāṃ rājā bhavati pūrvajaḥ / pūrvajenāvaraḥ putro jyeṣṭho rājye 'bhiṣicyate
Sanskrit only: no published translation is held for this verse.
स राघवाणां कुलधर्मम् आत्मनः सनातनं नाद्य विहातुम् अर्हसि । प्रभूतरत्नाम् अनुशाधि मेदिनीं प्रभूतराष्ट्रां पितृवन् महायशाः
sa rāghavāṇāṃ kuladharmam ātmanaḥ sanātanaṃ nādya vihātum arhasi / prabhūtaratnām anuśādhi medinīṃ prabhūtarāṣṭrāṃ pitṛvan mahāyaśāḥ
Sanskrit only: no published translation is held for this verse.