Vālmīki Rāmāyaṇa — star passages [RamS] 2.11

अतदर्हं महाराजं शयानम् अतथोचितम् । ययातिम् इव पुण्यान्ते देवलोकात् परिच्युतम्

atadarhaṃ mahārājaṃ śayānam atathocitam / yayātim iva puṇyānte devalokāt paricyutam

Sanskrit only: no published translation is held for this verse.

अनर्थरूपा सिद्धार्था अभीता भयदर्शिनी । पुनर् आकारयामास तम् एव वरम् अङ्गना

anartharūpā siddhārthā abhītā bhayadarśinī / punar ākārayāmāsa tam eva varam aṅganā

Sanskrit only: no published translation is held for this verse.

त्वं कत्थसे महाराज सत्यवादी दृढव्रतः । मम चेमं वरं कस्माद् विधारयितुम् इच्छसि

tvaṃ katthase mahārāja satyavādī dṛḍhavrataḥ / mama cemaṃ varaṃ kasmād vidhārayitum icchasi

Sanskrit only: no published translation is held for this verse.

एवम् उक्तस् तु कैकेय्या राजा दशरथस् तदा । प्रत्युवाच ततः क्रुद्धो मुहूर्तं विह्वलन्न् इव

evam uktas tu kaikeyyā rājā daśarathas tadā / pratyuvāca tataḥ kruddho muhūrtaṃ vihvalann iva

Sanskrit only: no published translation is held for this verse.

मृते मयि गते रामे वनं मनुजपुंगवे । हन्तानार्ये ममामित्रे रामः प्रव्राजितो वनम्

mṛte mayi gate rāme vanaṃ manujapuṃgave / hantānārye mamāmitre rāmaḥ pravrājito vanam

Sanskrit only: no published translation is held for this verse.

यदि सत्यं ब्रवीम्य् एतत् तद् असत्यं भविष्यति । अकीर्तिर् अतुला लोके ध्रुवं परिभवश् च मे

yadi satyaṃ bravīmy etat tad asatyaṃ bhaviṣyati / akīrtir atulā loke dhruvaṃ paribhavaś ca me

Sanskrit only: no published translation is held for this verse.

तथा विलपतस् तस्य परिभ्रमितचेतसः । अस्तम् अभ्यगमत् सूर्यो रजनी चाभ्यवर्तत

tathā vilapatas tasya paribhramitacetasaḥ / astam abhyagamat sūryo rajanī cābhyavartata

Sanskrit only: no published translation is held for this verse.

स त्रियामा तथार्तस्य चन्द्रमण्डलमण्डिता । राज्ञो विलपमानस्य न व्यभासत शर्वरी

sa triyāmā tathārtasya candramaṇḍalamaṇḍitā / rājño vilapamānasya na vyabhāsata śarvarī

Sanskrit only: no published translation is held for this verse.

तथैवोष्णं विनिःश्वस्य वृद्धो दशरथो नृपः । विललापार्तवद् दुःखं गगनासक्तलोचनः

tathaivoṣṇaṃ viniḥśvasya vṛddho daśaratho nṛpaḥ / vilalāpārtavad duḥkhaṃ gaganāsaktalocanaḥ

Sanskrit only: no published translation is held for this verse.

न प्रभातं त्वयेच्छामि मयायं रचितो ऽञ्जलिः । अथ वा गम्यतां शीघ्रं नाहम् इच्छामि निर्घृणाम् । नृशंसां कैकेयीं द्रष्टुं यत्कृते व्यसनं महत् ॥ रम्स् २,११।१० ॥* एवम् उक्त्वा ततो राजा कैकेयीं संयताञ्जलिः । प्रसादयामास पुनः कैकेयीं चेदम् अब्रवीत्

na prabhātaṃ tvayecchāmi mayāyaṃ racito 'ñjaliḥ / atha vā gamyatāṃ śīghraṃ nāham icchāmi nirghṛṇām / nṛśaṃsāṃ kaikeyīṃ draṣṭuṃ yatkṛte vyasanaṃ mahat // RamS 2,11.10 //* evam uktvā tato rājā kaikeyīṃ saṃyatāñjaliḥ / prasādayāmāsa punaḥ kaikeyīṃ cedam abravīt

Sanskrit only: no published translation is held for this verse.

साधुवृत्तस्य दीनस्य त्वद्गतस्य गतायुषः । प्रसादः क्रियतां देवि भद्रे राज्ञो विशेषतः

sādhuvṛttasya dīnasya tvadgatasya gatāyuṣaḥ / prasādaḥ kriyatāṃ devi bhadre rājño viśeṣataḥ

Sanskrit only: no published translation is held for this verse.

शून्येन खलु सुश्रोणि मयेदं समुदाहृतम् । कुरु साधु प्रसादं मे बाले सहृदया ह्य् असि

śūnyena khalu suśroṇi mayedaṃ samudāhṛtam / kuru sādhu prasādaṃ me bāle sahṛdayā hy asi

Sanskrit only: no published translation is held for this verse.

विशुद्धभावस्य हि दुष्टभावा ताम्रेक्षणस्याश्रुकलस्य राज्ञः । श्रुत्वा विचित्रं करुणं विलापं भर्तुर् नृशंसा न चकार वाक्यम्

viśuddhabhāvasya hi duṣṭabhāvā tāmrekṣaṇasyāśrukalasya rājñaḥ / śrutvā vicitraṃ karuṇaṃ vilāpaṃ bhartur nṛśaṃsā na cakāra vākyam

Sanskrit only: no published translation is held for this verse.

ततः स राजा पुनर् एव मूर्छितः प्रियाम् अतुष्टां प्रतिकूलभाषिणीम् । समीक्ष्य पुत्रस्य विवासनं प्रति क्षितौ विसंज्ञो निपपात दुःखितः

tataḥ sa rājā punar eva mūrchitaḥ priyām atuṣṭāṃ pratikūlabhāṣiṇīm / samīkṣya putrasya vivāsanaṃ prati kṣitau visaṃjño nipapāta duḥkhitaḥ

Sanskrit only: no published translation is held for this verse.