Vālmīki Rāmāyaṇa — star passages [RamS] 2.15

स रामो रथम् आस्थाय सम्प्रहृष्टसुहृज्जनः । अपश्यन् नगरं श्रीमान् नानाजनसमाकुलम्

sa rāmo ratham āsthāya samprahṛṣṭasuhṛjjanaḥ / apaśyan nagaraṃ śrīmān nānājanasamākulam

Sanskrit only: no published translation is held for this verse.

स गृहैर् अभ्रसंकाशैः पाण्डुरैर् उपशोभितम् । राजमार्गं ययौ रामो मध्येनागरुधूपितम्

sa gṛhair abhrasaṃkāśaiḥ pāṇḍurair upaśobhitam / rājamārgaṃ yayau rāmo madhyenāgarudhūpitam

Sanskrit only: no published translation is held for this verse.

शोभमानम् असंबाधं तं राजपथम् उत्तमम् । संवृतं विविधैः पण्यैर् भक्ष्यैर् उच्चावचैर् अपि

śobhamānam asaṃbādhaṃ taṃ rājapatham uttamam / saṃvṛtaṃ vividhaiḥ paṇyair bhakṣyair uccāvacair api

Sanskrit only: no published translation is held for this verse.

आशीर्वादान् बहूञ् शृण्वन् सुहृद्भिः समुदीरितान् । यथार्हं चापि सम्पूज्य सर्वान् एव नरान् ययौ

āśīrvādān bahūñ śṛṇvan suhṛdbhiḥ samudīritān / yathārhaṃ cāpi sampūjya sarvān eva narān yayau

Sanskrit only: no published translation is held for this verse.

पितामहैर् आचरितं तथैव प्रपितामहैः । अद्योपादाय तं मार्गम् अभिषिक्तो ऽनुपालय

pitāmahair ācaritaṃ tathaiva prapitāmahaiḥ / adyopādāya taṃ mārgam abhiṣikto 'nupālaya

Sanskrit only: no published translation is held for this verse.

यथा स्म लालिताः पित्रा यथा पूर्वैः पितामहैः । ततः सुखतरं सर्वे रामे वत्स्याम राजनि

yathā sma lālitāḥ pitrā yathā pūrvaiḥ pitāmahaiḥ / tataḥ sukhataraṃ sarve rāme vatsyāma rājani

Sanskrit only: no published translation is held for this verse.

अलम् अद्य हि भुक्तेन परमार्थैर् अलं च नः । यथा पश्याम निर्यान्तं रामं राज्ये प्रतिष्ठितम्

alam adya hi bhuktena paramārthair alaṃ ca naḥ / yathā paśyāma niryāntaṃ rāmaṃ rājye pratiṣṭhitam

Sanskrit only: no published translation is held for this verse.

अतो हि न प्रियतरं नान्यत् किंचिद् भविष्यति । यथाभिषेको रामस्य राज्येनामिततेजसः

ato hi na priyataraṃ nānyat kiṃcid bhaviṣyati / yathābhiṣeko rāmasya rājyenāmitatejasaḥ

Sanskrit only: no published translation is held for this verse.

एताश् चान्याश् च सुहृदाम् उदासीनः कथाः शुभाः । आत्मसंपूजनीः शृण्वन् ययौ रामो महापथम्

etāś cānyāś ca suhṛdām udāsīnaḥ kathāḥ śubhāḥ / ātmasaṃpūjanīḥ śṛṇvan yayau rāmo mahāpatham

Sanskrit only: no published translation is held for this verse.

न हि तस्मान् मनः कश्चिच् चक्षुषी वा नरोत्तमात् । नरः शक्नोत्य् अपाक्रष्टुम् अतिक्रान्ते ऽपि राघवे

na hi tasmān manaḥ kaścic cakṣuṣī vā narottamāt / naraḥ śaknoty apākraṣṭum atikrānte 'pi rāghave

Sanskrit only: no published translation is held for this verse.

सर्वेषां स हि धर्मात्मा वर्णानां कुरुते दयाम् । चतुर्णां हि वयःस्थानां तेन ते तम् अनुव्रताः

sarveṣāṃ sa hi dharmātmā varṇānāṃ kurute dayām / caturṇāṃ hi vayaḥsthānāṃ tena te tam anuvratāḥ

Sanskrit only: no published translation is held for this verse.

स राजकुलम् आसाद्य महेन्द्रभवनोपमम् । राजपुत्रः पितुर् वेश्म प्रविवेश श्रिया ज्वलन्

sa rājakulam āsādya mahendrabhavanopamam / rājaputraḥ pitur veśma praviveśa śriyā jvalan

Sanskrit only: no published translation is held for this verse.

स सर्वाः समतिक्रम्य कक्ष्या दशरथात्मजः । संनिवर्त्य जनं सर्वं शुद्धान्तःपुरम् अभ्यगात्

sa sarvāḥ samatikramya kakṣyā daśarathātmajaḥ / saṃnivartya janaṃ sarvaṃ śuddhāntaḥpuram abhyagāt

Sanskrit only: no published translation is held for this verse.

ततः प्रविष्टे पितुर् अन्तिकं तदा जनः स सर्वो मुदितो नृपात्मजे । प्रतीक्षते तस्य पुनः स्म निर्गमं यथोदयं चन्द्रमसः सरित्पतिः

tataḥ praviṣṭe pitur antikaṃ tadā janaḥ sa sarvo mudito nṛpātmaje / pratīkṣate tasya punaḥ sma nirgamaṃ yathodayaṃ candramasaḥ saritpatiḥ

Sanskrit only: no published translation is held for this verse.