Vālmīki Rāmāyaṇa — star passages [RamS] 2.5

संदिश्य रामं नृपतिः श्वोभाविन्य् अभिषेचने । पुरोहितं समाहूय वसिष्ठम् इदम् अब्रवीत्

saṃdiśya rāmaṃ nṛpatiḥ śvobhāviny abhiṣecane / purohitaṃ samāhūya vasiṣṭham idam abravīt

Sanskrit only: no published translation is held for this verse.

गच्छोपवासं काकुत्स्थं कारयाद्य तपोधन । श्रीयशोराज्यलाभाय वध्वा सह यतव्रतम्

gacchopavāsaṃ kākutsthaṃ kārayādya tapodhana / śrīyaśorājyalābhāya vadhvā saha yatavratam

Sanskrit only: no published translation is held for this verse.

तथेति च स राजानम् उक्त्वा वेदविदां वरः । स्वयं वसिष्ठो भगवान् ययौ रामनिवेशनम्

tatheti ca sa rājānam uktvā vedavidāṃ varaḥ / svayaṃ vasiṣṭho bhagavān yayau rāmaniveśanam

Sanskrit only: no published translation is held for this verse.

स रामभवनं प्राप्य पाण्डुराभ्रघनप्रभम् । तिस्रः कक्ष्या रथेनैव विवेश मुनिसत्तमः

sa rāmabhavanaṃ prāpya pāṇḍurābhraghanaprabham / tisraḥ kakṣyā rathenaiva viveśa munisattamaḥ

Sanskrit only: no published translation is held for this verse.

तम् आगतम् ऋषिं रामस् त्वरन्न् इव ससंभ्रमः । मानयिष्यन् स मानार्हं निश्चक्राम निवेशनात्

tam āgatam ṛṣiṃ rāmas tvarann iva sasaṃbhramaḥ / mānayiṣyan sa mānārhaṃ niścakrāma niveśanāt

Sanskrit only: no published translation is held for this verse.

अभ्येत्य त्वरमाणश् च रथाभ्याशं मनीषिणः । ततो ऽवतारयामास परिगृह्य रथात् स्वयम्

abhyetya tvaramāṇaś ca rathābhyāśaṃ manīṣiṇaḥ / tato 'vatārayāmāsa parigṛhya rathāt svayam

Sanskrit only: no published translation is held for this verse.

स चैनं प्रश्रितं दृष्ट्वा सम्भाष्याभिप्रसाद्य च । प्रियार्हं हर्षयन् रामम् इत्य् उवाच पुरोहितः

sa cainaṃ praśritaṃ dṛṣṭvā sambhāṣyābhiprasādya ca / priyārhaṃ harṣayan rāmam ity uvāca purohitaḥ

Sanskrit only: no published translation is held for this verse.

प्रसन्नस् ते पिता राम यौवराज्यम् अवाप्स्यसि । उपवासं भवान् अद्य करोतु सह सीतया

prasannas te pitā rāma yauvarājyam avāpsyasi / upavāsaṃ bhavān adya karotu saha sītayā

Sanskrit only: no published translation is held for this verse.

प्रातस् त्वाम् अभिषेक्ता हि यौवराज्ये नराधिपः । पिता दशरथः प्रीत्या ययातिं नहुषो यथा

prātas tvām abhiṣektā hi yauvarājye narādhipaḥ / pitā daśarathaḥ prītyā yayātiṃ nahuṣo yathā

Sanskrit only: no published translation is held for this verse.

इत्य् उक्त्वा स तदा रामम् उपवासं यतव्रतम् । मन्त्रवत् कारयामास वैदेह्या सहितं मुनिः

ity uktvā sa tadā rāmam upavāsaṃ yatavratam / mantravat kārayāmāsa vaidehyā sahitaṃ muniḥ

Sanskrit only: no published translation is held for this verse.

ततो यथावद् रामेण स राज्ञो गुरुर् अर्चितः । अभ्यनुज्ञाप्य काकुत्स्थं ययौ रामनिवेशनात्

tato yathāvad rāmeṇa sa rājño gurur arcitaḥ / abhyanujñāpya kākutsthaṃ yayau rāmaniveśanāt

Sanskrit only: no published translation is held for this verse.

सुहृद्भिस् तत्र रामो ऽपि तान् अनुज्ञाप्य सर्वशः । सभाजितो विवेशाथ तान् अनुज्ञाप्य सर्वशः

suhṛdbhis tatra rāmo 'pi tān anujñāpya sarvaśaḥ / sabhājito viveśātha tān anujñāpya sarvaśaḥ

Sanskrit only: no published translation is held for this verse.

हृष्टनारीनरयुतं रामवेश्म तदा बभौ । यथा मत्तद्विजगणं प्रफुल्लनलिनं सरः

hṛṣṭanārīnarayutaṃ rāmaveśma tadā babhau / yathā mattadvijagaṇaṃ praphullanalinaṃ saraḥ

Sanskrit only: no published translation is held for this verse.

स राजभवनप्रख्यात् तस्माद् रामनिवेशनात् । निर्गत्य ददृशे मार्गं वसिष्ठो जनसंवृतम्

sa rājabhavanaprakhyāt tasmād rāmaniveśanāt / nirgatya dadṛśe mārgaṃ vasiṣṭho janasaṃvṛtam

Sanskrit only: no published translation is held for this verse.

वृन्दवृन्दैर् अयोध्यायां राजमार्गाः समन्ततः । बभूवुर् अभिसंबाधाः कुतूहलजनैर् वृताः

vṛndavṛndair ayodhyāyāṃ rājamārgāḥ samantataḥ / babhūvur abhisaṃbādhāḥ kutūhalajanair vṛtāḥ

Sanskrit only: no published translation is held for this verse.

जनवृन्दोर्मिसंघर्षहर्षस्वनवतस् तदा । बभूव राजमार्गस्य सागरस्येव निस्वनः

janavṛndormisaṃgharṣaharṣasvanavatas tadā / babhūva rājamārgasya sāgarasyeva nisvanaḥ

Sanskrit only: no published translation is held for this verse.

सिक्तसंमृष्टरथ्या हि तद् अहर् वनमालिनी । आसीद् अयोध्या नगरी समुच्छ्रितगृहध्वजा

siktasaṃmṛṣṭarathyā hi tad ahar vanamālinī / āsīd ayodhyā nagarī samucchritagṛhadhvajā

Sanskrit only: no published translation is held for this verse.

तदा ह्य् अयोध्यानिलयः सस्त्रीबालाबलो जनः । रामाभिषेकम् आकाङ्क्षन्न् आकाङ्क्षन्न् उदयं रवेः

tadā hy ayodhyānilayaḥ sastrībālābalo janaḥ / rāmābhiṣekam ākāṅkṣann ākāṅkṣann udayaṃ raveḥ

Sanskrit only: no published translation is held for this verse.

प्रजालंकारभूतं च जनस्यानन्दवर्धनम् । उत्सुको ऽभूज् जनो द्रष्टुं तम् अयोध्यामहोत्सवम्

prajālaṃkārabhūtaṃ ca janasyānandavardhanam / utsuko 'bhūj jano draṣṭuṃ tam ayodhyāmahotsavam

Sanskrit only: no published translation is held for this verse.

एवं तं जनसम्बाधं राजमार्गं पुरोहितः । व्यूहन्न् इव जनौघं तं शनै राजकुलं ययौ

evaṃ taṃ janasambādhaṃ rājamārgaṃ purohitaḥ / vyūhann iva janaughaṃ taṃ śanai rājakulaṃ yayau

Sanskrit only: no published translation is held for this verse.

सिताभ्रशिखरप्रख्यं प्रासादम् अधिरुह्य सः । समियाय नरेन्द्रेण शक्रेणेव बृहस्पतिः

sitābhraśikharaprakhyaṃ prāsādam adhiruhya saḥ / samiyāya narendreṇa śakreṇeva bṛhaspatiḥ

Sanskrit only: no published translation is held for this verse.

तम् आगतम् अभिप्रेक्ष्य हित्वा राजासनं नृपः । पप्रच्छ स च तस्मै तत् कृतम् इत्य् अभ्यवेदयत्

tam āgatam abhiprekṣya hitvā rājāsanaṃ nṛpaḥ / papraccha sa ca tasmai tat kṛtam ity abhyavedayat

Sanskrit only: no published translation is held for this verse.

गुरुणा त्व् अभ्यनुज्ञातो मनुजौघं विसृज्य तम् । विवेशान्तःपुरं राजा सिंहो गिरिगुहाम् इव

guruṇā tv abhyanujñāto manujaughaṃ visṛjya tam / viveśāntaḥpuraṃ rājā siṃho giriguhām iva

Sanskrit only: no published translation is held for this verse.

तद् अग्र्यवेषप्रमदाजनाकुलं महेन्द्रवेश्मप्रतिमं निवेशनम् । विदीपयंश् चारु विवेश पार्थिवः शशीव तारागणसंकुलं नभः

tad agryaveṣapramadājanākulaṃ mahendraveśmapratimaṃ niveśanam / vidīpayaṃś cāru viveśa pārthivaḥ śaśīva tārāgaṇasaṃkulaṃ nabhaḥ

Sanskrit only: no published translation is held for this verse.